محاورات المصريين (( بقطر))

[طبيب مسلم]

شكرا اخي الكريم virusعلى اهتمامك ولكن كنت سمعت من هنا جار لي بالمنصوره يعمل محاسب بقطر منذ سنوات عديده وهو الان صاحب شركة مقاولات هناك تقريبا قال لي ان فيه حاجه هناك اسمها qatar foundationممكن تكمل فيها دراساتك

الموضوع ده مهم لي جدا وهل لو قالو لي 8 أو سبعه ونصف الاف ريال والسكن بالمستشفى هل ده يكون عرض جيد بالنسبه لعرض اربعه ونصف سعودي +نسبه 5 بالمائه في مجموعة السعودي البريطاني بالسعوديه

[الباشمهندس ياسر]

السلام عليكم

يا جماعة انا عندى اقامة على سلطنة عمان

و بفكر اروح قطر مع نفسى كده

ينفع ولا لازم اعمل فيزا من السفارة القطرية

و شكرا

[egycitizen]

اخي العزيز بخصوص موضوع qatar foundation

هم لديهم فرع من كلية cornell

وقد افتتح حديثا ولا اظن ان به دراسات عليا حتى الأن لأنهم حتى الأن لديهم مشروع مستشفى تعليمي اعتقد انه لم يكتمل عموما تقدر تخش على موقع كورنيل الأصلي هتلاقي رابط لفرعهم في قطر

او موقع مؤسسة قطر www.qf.org.qa

ودي على فكرة من افضل المشاريع التعليمية اللي عدت عليا في قطر بس اتوقع انها هتكون غالية حبتين

عموما بالنسبة للمرتب 6 او ع الاف ريال مش وحش لو انت محتاج الفلوس اوي لكن انا مع الرأي بتاع اذا خلصت ماجستير على الأقل او عملت معادلة دي هتفرق معاك كتير اوي

وبالنمسبة للسكن هو سكن اعزب ولا متزوج

عموما بالتوفيق وانتظار استفساراتك

[طبيب مسلم]

أخي الكريم مواطن مصري أنا دخلت على الموقع وده غالبا كلية طب أمريكيه فقط ومفيش دراسات عليا

ودخلت على ده كمانhttp://www.qatar-med.cornell.edu

المهم هل الراتب 8 الاف ريال والسكن بالمستشفى (ده الكلام اللي قالوهولي في المكتب ولسه منتظر العقد)كويس ولا 4 الاف ونصف ريال سعودي في مجموعة السعودي البريطاني ونسبه 5بالمائه وكذلك مستشفى الجافل بالسعوديه ومستوصف بالرياض ومستوصف الطبي الكندي بالدمام كل هذه العروض امامي بنفس راتب السعودي البريطاني

وهل سيكون أمامي وقت للدراسه في قطر ولا هضيع

وفيه زيادات سنويه ولا لا

ارجو الرد لاني محتار وجزاكم الله خيرا

[samady]

أخي الكريم مواطن مصري أنا دخلت على الموقع وده غالبا كلية طب أمريكيه فقط ومفيش دراسات عليا

ودخلت على ده كمانhttp://www.qatar-med.cornell.edu

المهم هل الراتب 8 الاف ريال والسكن بالمستشفى (ده الكلام اللي قالوهولي في المكتب ولسه منتظر العقد)كويس ولا 4 الاف ونصف ريال سعودي في مجموعة السعودي البريطاني ونسبه 5بالمائه وكذلك مستشفى الجافل بالسعوديه ومستوصف بالرياض ومستوصف الطبي الكندي بالدمام كل هذه العروض امامي بنفس راتب السعودي البريطاني

وهل سيكون أمامي وقت للدراسه في قطر ولا هضيع

وفيه زيادات سنويه ولا لا

ارجو الرد لاني محتار وجزاكم الله خيرا

الدكتور طبيب مسلم أنا باعتباري صيدلي مقيم في قطر من 3 سنين منهم سنتين ميديكال ريب ممكن أساعدك باللي أقدر عليه

1) المستشفى العمادي من الأماكن الكويسة في قطر ومرتباتهم معقولة وبيكون كمان في نسبة من الدخل اللي هتعمله في عيادتك (أنا مسمعتكش بتتكلم عن موضوع النسبة ده ياترى المندب كلمك عليه؟ ) بس عندهم مشكلة زي معظم الأماكن هنا في قطر إنهم مبينقلوش كفالة لحد وهم بيقولوها صريحة إنت يامعانا ياترجع بلدك تاني!!!

2) راتب 8 الاف + السكن ممتاز جدا كبداية بس مهم جدا جدا جدا تعرف هيكون إيه الوضع في حالة زواجك هيدوك برضه سكن ولا بدل سكن وإيه نظام المواصلات على مين :lol:

3) بالنسبة ل qatar foundation زي مالأخ virus قالك بالظبط انسى مش لأن معندهومش دراست عليا لأ بس عشان الموضوع ممكن يكلفك في حدود 100،000 ريال قطري إن لم يكن أكتر :blink: اه الرقم صحيح لأنها جامعة أمريكية عىأرض قطرية يعنى الشهادة بتجيلك من أمريكا مش من قطر

4) لو عندك أي سؤال أنا تحت أمرك

وبالتوفيق ان شاء الله

[samady]

السلام عليكم

يا جماعة انا عندى اقامة على سلطنة عمان

و بفكر اروح قطر مع نفسى كده

ينفع ولا لازم اعمل فيزا من السفارة القطرية

و شكرا

لو المهنة الى مكتوبة فى الاقامة مهندس وعندك اقامة فى عمان سارية لمدة 6 شهور ممكن تيجى وتأخد فيزا مدتها 14 يوم فى المطار

بس انت حتيجى قطر تعمل ايه ؟؟؟!!!!!

[الباشمهندس ياسر]

لو المهنة الى مكتوبة فى الاقامة مهندس وعندك اقامة فى عمان سارية لمدة 6 شهور ممكن تيجى وتأخد فيزا مدتها 14 يوم فى المطار

بس انت حتيجى قطر تعمل ايه ؟؟؟!!!!!

متشكر على المعلومة يا نجم

و كنت عايز اجى قطر اشوف الدوحة و اقعد لى يومين كده ولا حاجة

انما مفيش هدف معين فى دماغى

[adrianocrespo]

السلام عليكم

في صيدلي معرفه جاتله فرصه انه يدخل امتحان مؤهل للعمل بمستشفي حمد التخصصي

يا تري في حد من حضراتكم يعرف معلومات عن هذه المستشفي ............... هل هي جيده ؟ المرتبات تقريبا و السكن

وما عيوبها ؟

و شكرا جزيلا

[adrianocrespo]

ارجو سرعه الرد

[Virus]

السلام عليكم

في صيدلي معرفه جاتله فرصه انه يدخل امتحان مؤهل للعمل بمستشفي حمد التخصصي

يا تري في حد من حضراتكم يعرف معلومات عن هذه المستشفي ............... هل هي جيده ؟ المرتبات تقريبا و السكن

وما عيوبها ؟

و شكرا جزيلا

مستشفى حمد مستشفى حكومي وأحسن و أكبر مستشفى في قطر

مش عارف المرتبات كام بالضبط ولكن أظن تتراوح حو ال7 آلاف ريال زائد السكن

أنا رأيي يتوكل على الله دي فرصة ناس كتير بتدور عليها

[محمد عيسى]

ليا صديق من أعز أصدقائي سافر قطر من حوالي اربعة سنوات و كنا على اتصال و بعدين انقطعت أخباره و موبايله اتلغى

لو ممكن اي حد يدلني عليه او يعرفه يبعتلي على الخاص

هو محاسب اسمه محمد حمدي ابراهيم و شهرته محمد الجبالي و عمره 33 سنة

و له اخ توأم مهندس مدني اسمه احمد في قطر برضه

[adrianocrespo]

شكرا للاستاذ virus

و هل حضرتك صيدلي .........يعني ممكن تعرف مدي صعوبه الامتحان و هل هو مشابه لامتحانات الامارات مثلا و هل هناك مصادر للمذاكرة او نماذج للامتحانات مثلا

الرجاء من كل من لديه الاجابات الرد

و شكرا

[Virus]

شكرا للاستاذ virus

و هل حضرتك صيدلي .........يعني ممكن تعرف مدي صعوبه الامتحان و هل هو مشابه لامتحانات الامارات مثلا و هل هناك مصادر للمذاكرة او نماذج للامتحانات مثلا

الرجاء من كل من لديه الاجابات الرد

و شكرا

لأ انا مش صيدلي أنا مهندس لكن اللي بقولهولك أكيد

مستشفى حمد بتعمل انترفيو زائد امتحان تحريري يقال عنه إنه صعب

وامتحانات الإمارات اللي قصدك عليها دي عشان الترخيص ودي كمان في زيها في قطر لكن في الدولتين امتحانات الترخيص مش مطلوبة للمستشفيات الحكومية..المطلوب خبرة في مستشفى حكومي زائد اجتياز الامتحان طبعا

عموماً (ودي معلومة مش أكيدة 100%) أظن إن مذاكرة كتاب ال BNF بيأهلك لاجتياز امتحانات الخليج..والله أعلم

تم تعديل 30 أغسطس 2008 بواسطة Virus

[adrianocrespo]

السلام عليكم

استاذ virus .......... انا شاكر جدا وممتن لحضرتك و يشرفني معرفتك

انا سألت فعلا وجدت مصادر المذاكرة هي bnf زي ما سيادتك قولت

[osmel33]

السلام عليكم يا أخوانا فى قطر أخوكم المهندس أسامه مقيم بالدوحة أنا عايز أتكلم عن مسألة فى غاية الأهمية وكلامى موجه بخاصة للى أولادهم فى المدرسة المصرية للغات أنا عانيت مع المدرسة الفاشلة دى لمدة سنتين مدرسة إدارة فاشلة سلوكيات منحطة وكمان مستوى علمى رديئ والمشكلة تكمن فى النقاط التاليه

1- المدرسين فى المدرسة مستواهم تعبان جداً وكنت اقترحت على المستشار العمالي هنا فى الدوحة أننا نزود المصاريف والزيادة دى تروح بالكامل للمدرسين ومجلس الأباء المتخصصين فى الأمور التعليمية والتربوية يضعوا معايير إختيار المدرسين ولكن المستشار الأخ الفاضل قاللى انه فى حالة اي زيادة أولياء الأمور بتثور وتروح تتخانق فى السفارة

2- مستوى الأطفال السلوكى متباين بشكل ملحوظ يعنى هناك ولاد ناس قوى وللأسف ولاد ناس تانيين قوي :sad: وده طبعاً بيأثر على ولادنا وبيعلمهم سلوكيات سيئة جداً وفى الآخر المدرسة والإدارة والمدرسين عارفين ولا حياة لمن تنادى

ملحوظة: السنة اللى فاتت حضرت حفلة فى المدرسة بمناسبة إنتهاء العام الدراسي ولقيت فى ملعب لوحده شلة بنات ثانوي مشغلين دى جي وهاتك يا رقص وسلملى على التربية والتعليم

3- فيه أهالي كتير بيروحوا يتخانقوا مع المدرسين لو مدرس عاقب تلميذ وده طبعا سبب مشكلة كبيرة أنه لما الولد يعمل الغلط

ويتعاقب عليه فى البيت ومايتعاقبش عليه فى المدرسة يبقى أكيد فيه حاجة غلط ده طبعأ من وجهة نظر الولد

ومن كام يوم رحت المكتب الثقافي فى السفارة المصرية والمفروض ان المدرسة المصرية تابعة ليه حكتلهم على البلاوى اللى أنا شوفتها مع ولادى واللى ولادى وصلوا له بسبب المدرسة التعبانة دى واحد هناك كتر خيره قاللى أكتب كل ده وكل واحد عنده مشكلة مع المدرسة يكتب الكلام ده وكل ده هيوصل لوزارة التربية والتعليم ومع كل الشكاوي ممكن الوزارة تتحرك

على فكرة أنا نزلت ولادى مصر السنة وده ان شاء الله لمدة سنة يصلحوا العك اللى خدوه لمدة سنتين وعلى فكرة ولادى فى مدرسة الفيوتشر فى مصر (طلائع المستقبل) وكان ابنى الكبير لما جه الدوحة كان جايب 98% فى الصف الثالث الإبتدائي وواخد شهادات تقدير من المدرسة لما جه المدرسة التعبانة جاب السنة اللى فاتت 86% واضح طبعاً التقدم وحسبي الله ونعم الوكيل

المهم أنا نزلتهم وهارجعهم ان شاء الله على أى مدرسة دولية أو غيرها بس مش المصرية المهم انا علشان مهتم بصالح أبناؤنا كلنا مش بس ولادى حابب أن أي واحد فى المنتدى بيواجه نفس المشكلة وعنده أى اقتراح للحل يقول عليه حتى يبقى ساعدنا ولادنا وكمان بقى شكلنا محترم بين مدارس الجاليات التانية والله المستعان

[motaz elsheshtawy]

انا صيدلي في السعودية وبذاكر دلواتي عشان امتحان مستشفي حمد بس مش عارف معاد الامتحان ولا الاوراق اللي محتاجنها للتقديم للامتحان واخر معاد للتقديم امتي وهل لازم اقدم بنفسي للامتحان ولا ممكن حد يقدمهولي؟ يا ريت لو اي زميل يعرف اي معلومة عن يبعتهالنا

thanks alot

[adrianocrespo]

الامتحان التاهيلي المقبل بتاريخ 8 -11 -2008

تعلن إدارة التراخيص الطبية بالهيئة الوطنية للصحة عن عزمها عقد الامتحان التأهيلي المقبل للطب البشري ، طب وجراحة الأسنان والصيدلة وذلك يوم السبت الموافق8/11/2008م .

وعلى الراغبين في التقدم للاختبار التأهيلي للحصول على ترخيص مزاولة المهنة للعمل بالقطاع الصحي الخاص بالدولة تعبئة النماذج الخاصة بذلك (( اضغط هنا لتعبئة النموذج ))

وإرفاق صورة شخصية مع نسخة من جواز السفر وتسليمها إلى إدارة التراخيص الطبية في الهيئة الوطنية للصحة ? الطابق الأول ? شقة رقم (11) اعتبارا من 15/8/2008م إلى 15/10/2008م من الساعة 9:00 _ 11:00 صباحاً فقط .

ويعقد الامتحان في مبنى الهيئة الوطنية للصحة الجديد

اضغط هنا لمشاهدة خريطة موقع الهيئة الجديد

اضغط هنا لمشاهدة موقع تقديم الامتحان داخل الهيئة

للاستفسار يرجى الاتصال على الأرقام التالية :

4473116-4473113

هذه المعلومات من موقع الهيئه الوطنيه للصحه القطريه

[adrianocrespo]

السلام عليكم

انا علي حد علمي الامتحان عبارة عن 100 سؤال اختيار من متعدد

و هو فارماكولوجي و مصدر المذاكرة البي ان اف

بس مغرفش مثلا في كالكيولاشن ولا لأ

و معرفش ايه مستوي الاسئله

و معرفش نماذج لامتحانات سابقه

و شكرا

[alaqrabalmasry]

السلام عليكم اخواني الاعزاء

انا طبيب مصري(اخصائي) ومعي خبرة 5 سنوات بعد الماجستير جالي عقد في مجمع عيادات خاصة في الدوحة بمرتب 9000 ريال قطري+سكن عائلي عند استقدام الزوجة

هل هذا الراتب مناسب؟مع العلم اني متزوج وعندي 3 اطفال في المرحة الابتدائية وهل يمكن ادخال الطفال مدارس حكومية؟ وتكلفة المعيشة بالنسبة للاسرة في حدود كام؟ وهل المتحان صعب؟

ارجو سرعة الرد ولكم جزيل الشكر

[osmel33]

السلام عليكم اخواني الاعزاء

انا طبيب مصري(اخصائي) ومعي خبرة 5 سنوات بعد الماجستير جالي عقد في مجمع عيادات خاصة في الدوحة بمرتب 9000 ريال قطري+سكن عائلي عند استقدام الزوجة

هل هذا الراتب مناسب؟مع العلم اني متزوج وعندي 3 اطفال في المرحة الابتدائية وهل يمكن ادخال الطفال مدارس حكومية؟ وتكلفة المعيشة بالنسبة للاسرة في حدود كام؟ وهل المتحان صعب؟

ارجو سرعة الرد ولكم جزيل الشكر

الدكتور المحترم والله الراتب ده معقول بس مش حلو برضه وفى حالة انك أب لثلاث أبناء (ذى حالاتى يعنى) فالمصاريف هاتكون مرتفعة وممكن نقول

1- الولاد فى المدارس طبعاً لا يمكن أن تدخلهم مدرسة حكومية إلا لو كنت بتشتغل فى حكومة وحالتك انك فى مجمع عيادات خاصة بالمناسبة مجمع العيادات ده أسمه أيه لأنى لى أصدقاء كتير صيادلة وأطباء فى أماكن كتير وممكن أسألهم عليه

2- حالة ولادك عايز تدخلهم مدرسة لغات وطبعاً دى المطب اللى كلنا وقعنا فيه أنك تسأل فيقولولك "المدرسة المصرية للغات" أياك ثم أياك ثم أياك المدرسة دى فاشلة بمعنى الكلمة مدير فاشل وإدارة وعلم كوليكشن من الفشل وكمان فيه شوية نصب ولى فى منتديات كتيير حكيت على البلاوى اللى أنا شوفتها منهم على العموم فيه بقى المدارس القطرية المستقلة ودى برضه مش قد كده ويأتى أخيرا المدارس الدولية ودى طبعاً مصاريفها حدث ولا حرج :lol:

3- مصاريفك المنزلية هاتكون ما بين 2500 و 3000 ريال شهرياً

4- مدرسة سواقة علشان تطلع الرخصة ما بين 1250ريال لو معاك رخصة مصرية أو 2300 ريال لو ما معاكش وهاتتعلم

5- قسط سيارة يبدأ من 1500 ريال وعلى فكرة لو ليك فى السيارات الغلبانة اللى تمشى الحال فيه سيارات فى حدود 10000 ريال بس طبعاً ها تتحمل نتيجة اختيارك

6- بخصوص الإمتحان حدد أيه نوعه علشان الأخوة الأفاضل يقدروا يساعدوك

7- بخصوص السكن وضح هل سيعطونك سكن جاهز ومؤثث ولا هايدولك بدل سكن وحدد البدل علشان نقدر نساعدك اذا كان مناس ولا لأ

أخيراً حاول على قد ما تقدر أنك ترفع الراتب مع تمنيات صادقة بالتوفيق :lol: