صور مطابخ روعة

[Folana]

ازيك يا لبنى صور جميله ومطابخ حلوة بصي عامة انا مش هقدر اقولك على مطبخ احسن ولا حاجه لاني اخاف تعمليه تعدي طول العمر تدعي عليا clwn:

بس ممكن انصحك بحجات مهمه في المطبخ انا حاولت اوفرها عندي

1- خلي في فيش كهربه على اد متقدري وخاصة في الحته الي فيها الرخام علشان الاجهزة الكهربائيه

2- حولي تخلي كل الاسطح في المطبخ رخام وابعدي عن الاسطح الخشبيه لان المطبخ بيحتاج تنظيف كتير فالخشب في الحاله دي مش هيعمر معاكي

3- حاولي في اختيارك للادراج تكون واسعه ومفيهاش زوايه ضيقه وانا بعاني مشكله ان الدرج كبير جدا والباب صغير فسعات انا نصي تقريبا بيدخل الدرج علشان اشيل الحاجه جواه والبتالي خليتو مخزن فقط

4- تاكدي من التهويه كويس جدا في المطبخ

5- السقف لازم يكون دهاناتو زيت مش الجير لان الجير مع دخان المطبخ والزيوت بيقشر ويعمل بقع

6- الارفف بتاعت الزجاجات حلوة ومفيده عندي دي

السلام عليكم ورحمة الله ....

بأشكرك يانورا على اضافتك اللى أثرت الموضوع فعلا....واجمل مافيها ان الصور ظاهرة امامنا على طول....والله انا مكسوفة منك بس لو ممكن تتبرعى وتظهرى لنا باقى الصور..جأدعى لك..وكلنا حندعى لك علشان حتوفرى لنا الوقت والمجهود.....

عايزة اضيف حاجة صغيرة بس...كل موديلات المطابخ دى بتتصنع هنا فى مصر دلوقت....وفيه اسماء معينة بتقدم كل ما هو جديد ....

اهم حاجة اننا نستغل المساحة كويس جدا...ومش لازم ناخد موديل زى ماهو كده...يعنى ممكن ناخد افكار من هنا ومن هنا ونصمم المطبخ تبعا للمساحة والاحتياج...

الحوض اللى فى المنتصف ..لو تلاحظى حضرتك..انه عبارة عن وحدة واحدة بتضم البوتاجاز معاها ...يبقى الحوض ده لغسيل الخضار وادوات الطبخ مثلا...علشان العدة تبقى نظيفة

وضعه فى المنتصف ده ..مش حلو او وحش..الفكرة فى المساحة....يعنى لو المطبخ واسع ممكن تعملى كده....

اهم حاجة فى التصميم انك تخلى بالك من ترتيب البوتاجاز - الحوض - الثلاجة على شكل مثلث ...علشان تسهل لك الحركة....يعنى مش مثلث بالظبط لكن اقصد فى ترتيب الاضلاع بتاعته...

المطبخ المفتوح فكرته جميلة..لكن انا مش بافضلها ..خصوصا فى اسلوب حياتنا ...والعزومات وكده يعنى...ممكن يتعمل فى الاوفيس ..ده لو فيه اوفيس يعنى...

او لو فى سكن المصيف ممكن يبقى جميل جدا لو كان مطبخ مفتوح...

البوتاجاز برضه مش فكرة مين احسن...لان فيه بوتجازات دلوقت حاجة تانية خالص غير المعروض فى الصورة...يعنى عبارة عن لوح زجاجى فقط بتطبخى عليه :ninja:

طبعا اهم حاجة استخدامك ايه ...وتختارى على اساسها...

وفى النهاية برضه...اذا كان التصميم لا يناسب مساحة المطبخ يبقى حيضيع جماله....وحاجة كمان ..دلوقت فيه وحدات ميكانيزم بتتركب داخل الادراج والدولايب خلى بالك انها بتكون ضرورية جدا وبتسهل عليك كتير وبتستغل الاماكن الضيقة

وشكرا لك مرة اخرى

[nora]

يا سلام عيوني ليكم كلكم والمنتدى كله وادي الصور اهي وتعليقي كمان معاها

انا عجبني المطبخ ده على الرغم من اعتراضي على اللون الفاتح بس لزيز

وده حلو للاماكن الضيقه

دي الطربيزه الي في النص عجبتني لان منها بتستغليها في التخزين والعرض والاكل والطبخ وكمان مطبقيه بس شرط ميكنش عندك اطفال

المطبخ ده حسيتو انو فخم جدا وخاصة حتت الشفاط

المطبخ ده عصري جدا وتحفه بجد عجبني اوي وخاصة ان في كل حته ادراج رغم صغر المساحه والمطبقيه تحفه الي فوق الحوض فعلا عمليه جدا جدا انا مقدرتش اطبقها لان الحوض عندي جه تحت الشباك clwn:

يتبع

[Folana]

السلام عليكم ورحمة الله....

تسلم لنا عيونك يا نوّارتنا....أهو كده...الواحد يتفرج ويقارن ويختار...تسلم ايديك وفى انتظار باقى الصور.....ولو فيه صور اكتر ياريت الاخوات يعرضوها ويبقى ده ركن المطبخ...واللى عندها برضه نصيحة نكون سعداء جدا لو تفضلت واضفتها...

وبنشكر الاخت لبنى صاحبة الموضوع على اضافتها...

[nora]

اه في صور كتير جدا

خدو ده مطبخ بس عايش شقه بحالها

ده عجبني اوي مدخلو دي فكرة حلوة للمطابخ المفتوحه على الرسبشن

[nora]

ده عجبني اوي الاكل

ده باه فكرة ان البوتجاز في النص

ده حلو بس لو الخشب يغمق والرخام لونو حلو نفس النوع الي عندي ممتاز جدا

الديزين ده عجبني جدا بس مع تحفظي على الالوان

يتبع

[بنت الشاطئ1]

عزيزتى فولانه

قلتى فى مداخله سابقة

اهم حاجة فى التصميم انك تخلى بالك من ترتيب البوتاجاز - الحوض - الثلاجة على شكل مثلث ...علشان تسهل لك الحركة....يعنى مش مثلث بالظبط لكن اقصد فى ترتيب الاضلاع بتاعته...

ممكن يا ريت مثال للتوضيح اقصد صورة

[Folana]

السلام عليكم ورحمة الله .....

ربنا يكرمك يانورا يارب....حاجة هايلة بصراحة..تسلم ايديك..وفى انتظار " يتبع"......:sad:

الاخت الفاضلة بنت الشاطىء.....بصى يا جميلة انا ماليش فى اضافة صور الحقيقة ...لكن ممكن اشرح قصدى شفوى كده...

انت فى المطبخ بيكون لك حيز بتتحركى فيه....الحوض...الثلاجة..البوتاجاز...دول اللى بتستخدميهم اثناء الطهى

يبقى ترتبى الثلاث حاجات دول كانهم رؤوس المثلث....انت واقفة عند الثلاجة وكأنها راس المثلث يبقى الحوض والبوتاجاز عند طرفى المثلث التخيلى ....بيسموه مثلث الحركة...

اى حد حيصمم لك المطبخ حيبقى عارف كده لانه من اساسيات التصميم..

وحاحاول اشوف حاجة توضح..

نوراااااااااا.... الغوث..... :sad:

[nora]

انا سمعت اغاثه

بصي اهو مثال هنا واضح البتجاز والحوض فلازم يكون التلاجه يا مقابل البتجاز او مقابل التلجه وكده التلاته هيعملو رسمت مثلث

وده اوضح لان التلاجه هنا اصلا بينه الي هيا بابها المونيوم او حديد الي مقابل الحوض

المطبخ ده تحفه بكل المقايس

المطبخ ده حسيت انو مطبخ دكتورة سنان :sad:

[Modest]

.

تعليقاتك رهيبة يا نورا خصوصاً مطبخ دكتور السنان :D .. بس احنا مش جايين نهزر هنا :sad:

مع إن كل علاقتي بالمطبخ عبارة عن إني أدخل أشرب ميه من التلاجة و اخرج بسرعة .. لكن جايب لكم شوية مطابخ أتمنى تعجبكم و بعد الصور عندي سؤال للباشمهندسة نينة الحاجة فُلّة :D

و بعد الصور ليه.. هاسأل دلوقتي

هل من اللائق أو المُستساغ وضع أجهزة من لونين مختلفين في نفس المطبخ؟

بمعنى أن يكون هناك ثلاجة و ديب فريزر و غسالة اطباق لونهم أبيض و معاهم في نفس المطبخ بوتاجاز و فرن built in و أجهزة أخرى ستينلس ستيل؟

نونكن يعني و لا يبقى عك؟ :sad:

و الآن مع الدفعة الأولى من المطابخ

سيدتي: لو عايزة مطبخ عاتفي عليكي و على المطبخ التالي

مطبخ ستاير النسيان

و ده مطبخ شامل المشروبات الغير بريئة

أما لو عايزة تشتغلي في الازرق، عليكي و على المطبخ التالي

و إذا كنتي محبي الغموض فهذا المطبخ يناسبك تماماً

المطبخ التالي مصَوَّرُه بنفسي على الحقيقة

صور مطابخ أخرى تجدونها في المداخلة التالية.. ابقوا معنا :D

.

[Modest]

.

كما وعدناكم في المداخلة السابقة .. أترككم مع صور بعض المطابخ

و لي عودة مع مطابخ أخرى إن شاء الله

:sad: :sad: :D

.

[Folana]

::

.

تعليقاتك رهيبة يا نورا خصوصاً مطبخ دكتور السنان :D .. بس احنا مش جايين نهزر هنا :sad:

مع إن كل علاقتي بالمطبخ عبارة عن إني أدخل أشرب ميه من التلاجة و اخرج بسرعة .. لكن جايب لكم شوية مطابخ أتمنى تعجبكم و بعد الصور عندي سؤال للباشمهندسة نينة الحاجة فُلّة :D

و بعد الصور ليه.. هاسأل دلوقتي

هل من اللائق أو المُستساغ وضع أجهزة من لونين مختلفين في نفس المطبخ؟

بمعنى أن يكون هناك ثلاجة و ديب فريزر و غسالة اطباق لونهم أبيض و معاهم في نفس المطبخ بوتاجاز و فرن built in و أجهزة أخرى ستينلس ستيل؟

نونكن يعني و لا يبقى عك؟ :sad:

السلام عليكم ورحمة الله.........

يافتاح ياعليم يارزاق يا كريم....حنسيب الكنافاه ونرد على الاسئلة ولا ايه ؟؟؟

شوف يا مولانا...طبعا يفضل ان الاجهزة كلها تكون لون واحد ومتوافقة مع لون الخشب والسيراميك..حتى فيها راحة للعين...

يعن يفضل مادام البيلت ان ستانلس وغالبا بيكون كده تبقى باقى الاجهزة ستانلس برضه...لكن علشان ظروفك المادية اللى احنا عارفينها..والاى طاخ جى طيخ ابوسترف اس..يبقى ماشى الحال ..

ابيض على استانلس مايضرش..على فكرة ستاير النيسان دى انا عملاها فى مطبخى..بتدى شياكة عالية جدا وسهلة الاستخدام..

ايتوها خدمة..

فولانة

دكتوراة فى فن المطابخ المعاصرة

[nash]

صباح الورد والياسمين علي عيون الحلوين :sad:

خير يا جماعه...أنا داخله أشرب قهوة وأشوف الصور....أنذهلت (حته نورا ) روعه الصور

يعطيكوا العافيه

طيب عندكم في مصر مين أشهر واحد في تصميم المطابخ؟؟انا ملاحظه أن تصميم المطابخ أتطور جدا في مصر...وخصوصا للي متابع قناه أصول زيي لاحظت حتي الألوان والتنسيق أصبح خيال....وبالنسبه لتوفر الفرن والبوتجاز البيلت إن...هل سهل تركيبه هنا؟؟؟

كمان بالنسبه للفلاتر الخاصه بالبوتجاز...ماهي أنواعها وأفضلها علي الأطلاق في مصر؟؟؟

حد يجاوبني يا هوانم يا شاطرات :sad:

[بنت الشاطئ1]

السلام عليكم

ستاير النسيان ديه ايه يا عزيزتى فولانة وهل لها اشكال كثيرة

ونصيحة يا جماعة ماحدش يجيب البوتاجاز اللى عبارة عن لوح زجاجى لانه عرضه للكسر بسهولة اذا وقع عليه اى شئ

[Folana]

السلام عليكم

ستاير النسيان ديه ايه يا عزيزتى فولانة وهل لها اشكال كثيرة

ونصيحة يا جماعة ماحدش يجيب البوتاجاز اللى عبارة عن لوح زجاجى لانه عرضه للكسر بسهولة اذا وقع عليه اى شئ

السلام عليكم ورحمة الله ...

اختى الكريمة بنت الشاطىء....تعرفى انا بطبعتى ما احبش اسأل اسئلة شخصية خالص...بس فيه سؤال بيلح على من فترة ..اسمحى لى اسأله ولو مش عايزة تجاوبى انا حاتفهم...

هو حضرتك عايشة فى مصر؟...مصرية يعنى؟...

نرجع لموضوعنا...

:sad:...مافيش حاجة اسمها ستاير النسيان ..ده اخونا الفاضل موديست كان بيلقى دعابة وانا اخدتها منه بس استكمالا للابتسامة يعنى انا اخدت الجملة وكملت عليها بس كده

الستائر دى اسمها "ملس"...او درابيه يعنى....هى فى الصورة دى مرفوعة لكن لما بتنزل بيبقى شكلها جميل فعلا ده بالاضافة الى انها مش بتاخد مساحة من الجانبين فبتكون عملية فى المطبخ...

معلش اسمحى لى اضيف حاجة كمان...البوتاجاز ده مش بيبقى زجادج قابل للكسر ....ده معالج علشان يتحمل الحرارة والخدوش..يعنى اطمئنى مش بيتكسر ولا حاجة...

اى سؤال انا تحت امرك...

[بنت الشاطئ1]

عزيزتى فولانه

انا فعلا صدقت انه فى ستاير اسمها النسيان انا افتكرت ان اسمها اجنبى ومتحرف عربى

بالنسبة للبوتاجاز اللى سطحه زجاج كان عندى والله ولم يعمر سوى اشهر انا مش فاكرة كيف اتكسر لكن تقريبا وقعت حاجة ثقيلة من الرف اللى فوق البوتاجاز وحصل شرخ ثم بعد ايام ظهر كسر واضح جدا والعين اللى كنت بطبخ عليها اتكسرت خالص وبعديها لما جددت المطبخ جبت بوتاجاز عادى

بس والله فيكى الخير انك لحقتينى وقلتى ان اسم الستارة ده مجرد دعابة ده انا كنت هروح اسأل فى المحلات عن ستائر النسيان

[inas]

بصراحه كلهم احلى من بعض

بس عايزين مساحه انا المطبخ عندي مساحته حلوه تنفع تتقلب للبوتجاز في النص وافتحه على الرسيشن

يااااااااااااه دي شغلانه

[بنت الشاطئ1]

تصميم المطبخ المفتوح

كل شئ يتجدد ويتطور بمرور الزمن و قد تطور مفهوم المطبخ و مظهره كذلك

فظهر ما يعرف بالمطبخ المفتوح و أصبح ضرورة لملائمته لمتطلبات العصر

فهو يخلق جو من التواصل بين الأم وأفراد أسرتها فكم هو رائع أن تعد الأم الطعام

وفي ذات الوقت تشرف على أطفالها وهم يدرسون أو يشاهدون التلفاز أو يلعبون أو حتى تتحدث معهم

و في جانب آخر يرى البعض أن المطبخ المفتوح غير عملي لأن رائحة الطبخ والقلي ستظل عالقة في البيت والأثاث

كما أنه يفقد كل من المطبخ و الصالة خصوصيته المطلوبة خصوصاً عند وجود ضيوف في الصالة أو خادمة في المطبخ

و يرى آخرين أن يختص هذا النوع من المطابخ بأمور البسيطة كتجهيز الشاي و القهوة فقط

مع وجود مطبخ آخر مغلق يختص بالطبخ يكون خارج المنزل أو يكون بين المطبخين باب

و بالرغم من أن ذلك يحتاج إلى مساحة إضافية إلا أن ذلك يتناسب مع مجتمعنا الشرقي اكثر

و ظهرت أفكار لهذا النوع من المطابخ تحاوزت إطلالته على الصالة العائلية

كأن يطل على المسبح والحديقة من خلال نافذة أو باب زجاجي

و بشكل عام العملية ليست مجرد إلغاء أحد جدران المطبخ

بل يجب أن نخطط لذلك جيداً قبل بناء المنزل و أثناء التخطيط الهندسي له و دراسة

ما سيطل عليه المطبخ ؟

و كيف سيكون مظهره ؟

و كيفية التهوية ؟

و الإضاءة ؟

و مساحته ؟

و هل سيكون هناك مطبخ مغلق متصل به أو منفصل ؟

....الخ

أي أن الموضوع يحتج لدراسة وافية من جميع الجوانب

فالناس تتعلم من أخطائها و النجاح لا يحدث إلا بالمحاولة و الخطأ

و قد يظهر في المستقبل العديد من المطابخ المفتوحة العملية و المناسبة لمختلف احتياجات الأسرة

وسيكون تقبل الناس له اكبر خصوصاً مع إمكانية تحويل المطبخ التقليدي المغلق إلى مطبخ مفتوح في حال توفر شروط نجاحه

و من خلال تجارب الآخرين يمكن تحديد متطلبات المطبخ المفتوح كما يلي :

1- أن يطل على الأماكن العائلية كالصالة و الحديقة و ليس أماكن استقبال الضيوف .

2- وجود طاولة كاونتر لتناول الطعام مزودة بمقاعد و الاهتمام بتصميمها بشكل جيد وفي هذه الحالة يمكن إلغاء غرفة الطعام العائلية

3- وجود مراوح شفط قوية تسحب الهواء و الروائح لخارج المنزل

4- مراعاة النظافة الشديدة في المطبخ باستمرار

5- اختيار ألوان المطبخ بشكل يتناسب مع الفراغ الذي يطل عليه

6- في الأسر الكبيرة يفضل وجود مطبخ أخر خارجي أو مغلق لاستخدامات القلي و الطبخ.

[بنت الشاطئ1]

فضلت ان اكتب هذا المقال مع الصور ليكون الموضوع متكاملا

[هدي درويش]

الاخت لبني00

انتي متاكده ان دي مطابخ؟ اصل انا اعشق المطبخ 00و لكن اؤكد لك

ان لو عندي مطبخ من دول انام فبه واعيش فيه00

ذوق هايل هايل00واكيد الاكل في المطابخ دي ما يتخنش مش كده؟

هدي درويش

[امانى]

الاخت لبنى والاخت نورا

بصراحة انا بضم صوتى لصوت الاخت هدى درويش فى روعة المطابخ وجمالها بس عجبنى تعليق الاخت فولانه

قوى لان المطابخ بالذات لازم تكون مناسبة للمساحة الموجوده وممكن استايل يعجبنا لكن منقدرش ننفذه فى

مساحة مطبخنا ومش شرط يكون التنفيذ بالظبط ممكن اضافة اشياء وحذف اشياء تساعد امكانية تنفيذ الا

الاستايل وبعدين انا بميل الى البساطة فى كل شئ ومحبش كتر الكركبة فى المطبخ ولازم يكون فيه مساحة

للحركة اما بخصوص البوتاجاز فانا بميل انه يكون على جنب وليست فى المنتصف وعلى فكرة مطبخى

مساحته الكليه سبعة متر بس مرتباه بطريقة بسيطة وعملية وفى نفس الوقت شيك