في ذكري مبدع الرباعيات صلاح جاهين من سمير عبد الباقى

[اشرف سمير عبد الباقى]

رباعيات وربع ...

( في ذكري مبدع الرباعيات )

كان نفسي أسمع منه غنوة برمهات

يجوز تحق الحق وتعيــــــد اللي فات

ومصر تطلع طاهرة م الماء المهيـــن

تزيح بفجر الفلاحيــــــــن ليل الموات

••

وبنبض سكان الصفيح تحي اللي مــات



غنيت قصاقيص الورق و جــَمعتــــها

عاتبتني علي أيام نسيــــت بـْعترتها

الطفل دا اللي بـَخـَلت الدنيــــا عليه

علي نور عينيه أنا كنت أعمي شفتــــها

••

وانت بدمِا القلب الحزين ـ فرّحتهــــــا



مين اللي قال ان الولد ده طـقّ مات

أمال ده مين اللي بزقـْزق أغنيـــــات

علي سطوح كل البيوت خمسيــن سنة

يشعل ف ليل الحزن شمس الخمسينـــــات

••

تخضر ّ صحْرا الهزيمة بزغاريد البنـات



عديت علي الناصرية ســــــاعة زمن

سمعت علي سهــوة نغم فيه شجن

بيقول لي صاحبك عدي بر الزمـــالك

شفت المهالك عافقة رقب الــــوطن

••

ولمحته طفل طليــق وقلبه انسجن



فين حضن أبوكي يا سعــاد من بعده

يا طير كساه ريشه في زهوة سعده

كبرتي في جنينته وكونتي تميـــمته

والا انتي كنتي قضاه ولعنة مجــــده

••

سوق اليتامي بيشغي لم يفســـــر رده



كم من عيـــــال خـّلفت ولا ربّيـــــــت

عاموا علي بحر شِعرك زي بقــــع الزيت

نهشوك في غيبتــــــك وكانوا ضل في نورك

ولولاه حضورك ما عرفوا سكة الحواديت

••

وكانوا راحوا كما لاحوا خيال مســــاخيط



نزل المطر علشان يودعها

الخيمة صــابها الزمن واتخلعت لاوْتاد

والموت رمح فينا يحصدنا بَنات وأولاد

نهرب لأحلامنــــا .. نخفي شَعرنا لابْيض

ونداري أحزانـا ّخوفـا ًيشمتــــوا الأوغاد!

••

الدنيا شتيت عـٍناد تبكينا ويــــــا (وداد) !

خرس الجرس

جرس الحصص مات رنيــــــنه علي(وداد)مجروح

هذا زمــان الحصـــاد شجرًة بيرمي جــــروح

كان لينا بستان زمــــان بيعطرّه الشهداء

وكان الغنــــــــاء في وداع الراحلين مسموح

••

كْفـّي الدموع يا ( شاهنده) دا الوطن مدبوح

كنـّا زمان فيه الصديـــــق عنده وقت

وقت يلاقيـــــك . وتروح له في أي وقت

جالنا زمـــــان صيرنا فيه قربة واحدة

عايشين منـــاهدة ما حد فيه عنده وقت

**

طارحة الحضــــارة المرارة حصادها في كل وقت

وريني حاجة صح أو فعـــــــــــل صح

و أنا كنت أشهد لك وازغــــــــرط فرح

أهلك كئيبة وماشية مقلــــوب كيانها

صابها زمانها يوماتي ويــــــــاك بجرح

**

إيه يذكروه في تاريخك لمـــا عمرك / بح

حبيبتي كانت فقيـــــره زي نور الشمس

واضحة وصريحة تحســــــها باللمس

حبيتها منذ قريت كتـــــــــاب النيل ..

ياليلي ليه اتشنقنا في حبال الأمس

**

وبنار بؤونة اتحرقنا بكدب قهر اليأس

أنا لما أجاملك بروحي ايديه شوق تتمد

وأفرد خيامي أو اطويها تليق ع القـد

لكن إذا ما نسيت نفسك و فرغوا عينيك

باغضب قوي مش عليك علي نفسي اقيم الحد

**

بعض النفوس تنسي روحها بيــن الهزَر والجـــــد

(هوْ هوْ) يا كلب العرب حلّق وبسْ عليه

قوم فِز وانهش جراح تاريخنا همّـك إيه

إعمل بأكلك أكم لحمي طبخهو لك..

رقصت ع الرّافدين يا ما وبست ايديه

**

واما اتغدر ناوي ليه ع الجثة تعمل بيه؟!

ساكن في حارة- مصاحب كل مَن فيها

من أول السـّيخ أبو زبيبة لحراميــــها

الكل فيها بيرطن (سيمْ) لسان واحد

وبقلب بــــــــــارد يحمّل غيره بلاويها

**

ولا ســـواه كان حداه بلسْم يداويها!!

سلامتــــــك يا مدحت وألفين سلامة

ما أتعسهــــــــا سهرة وسكرة ندامة

بلاش منهـــــــــا دُكتر وكون قد سنك

كانت غلطة منك بشــــــــارة وعلامة

**

ح نمشي ف جنازتك في يوم القيـــــامة

تم تعديل 17 مارس 2007 بواسطة اشرف سمير عبد الباقى

[bassem_2009]

صلاح جاهين حالة شعرية ونفسية وإنسانية ووطنية لن تتكرر

فهو ذلك الفيلسوف خفيف الظل الذي يحلل الحياة بمنتهى البراعة بكلمات بسيطة

ولقد كتبت رابعياتي متأثرا به لا أحاول تقليده ولكني وجدت في الرباعيات عمق عجييييييييب

هنا

http://www.egyptiantalks.org/invb/index.php?showtopic=27098

باسم زكريا