أخبار نادي الزمالك

[أبو محمد]

اللقطة دى من فيلم رشدى أباظة وسميرة احمد

تعبير "عميق" عن "خلفيات" مباراة نهائى الكاس

:)

[أبو محمد]

وصل مرتضى منصور إلى قمة إحدى قلاع الرياضة فى مصر

فسقطت قمة الرياضة المصرية إلى ما دون مستوى الحضيض

تجاهل علاء عبد الصادق مصافحة مرتضى أثناء تسلم ميداليته

فألقى مرتضى بميداليات لاعبى الأهلى إلى الأرض

إنتظروا المزيد من التدنى

 

[Scorpion]

 

حقارة و سفالة و قلة أدب .. في تلك اللحظة ضاعت تمامآ ابتسامة الفوز و تمنيت ان يكون من خسر هو الزمالك و بسداسية أخري ..  إخص 

[tarek hassan]

أنا لا ألوم مرتضى وإنما ألوم علاء عبد الصادق 

والنفخة الكذابة والعنصرية الكريهة للنادي الأهلي 

الدنيا بتتغير والناس دي لسه عايشة في عصر البهوات والباشوات والفشخرة 

ومش حاسين إن الدنيا كلها كرهتهم ماعدا مشجعينهم 

مرة الزمالك ومرة المصري ومرة الاسماعيلي 

يستاهلوا ضياع الكأس والدروي لأن الرياضة أخلاق  

فيها إيه لو دخلت خدت ميدلياتك ومشيت 

وفيها إيه لما تسلم على راجل رئيس نادي راغب إنه يسلم عليك 

وبادر بمنع اللاعبين من الاحتفال حفاظا على شعورك 

أهو رد على تصرفك  الأحمق وجهل بجهل 

[egyptawy]

 

أنا لا ألوم مرتضى وإنما ألوم علاء عبد الصادق 

والنفخة الكذابة والعنصرية الكريهة للنادي الأهلي 

الدنيا بتتغير والناس دي لسه عايشة في عصر البهوات والباشوات والفشخرة 

ومش حاسين إن الدنيا كلها كرهتهم ماعدا مشجعينهم 

مرة الزمالك ومرة المصري ومرة الاسماعيلي 

يستاهلوا ضياع الكأس والدروي لأن الرياضة أخلاق  

فيها إيه لو دخلت خدت ميدلياتك ومشيت 

وفيها إيه لما تسلم على راجل رئيس نادي راغب إنه يسلم عليك 

وبادر بمنع اللاعبين من الاحتفال حفاظا على شعورك 

أهو رد على تصرفك  الأحمق وجهل بجهل 

 

كان ممكن الوم علاء عبد الصادق لو كان عمل كده مع اى حد تانى

 

لكن لم يعمل كده مع رئيس نادى بدرجة بلطجى يبقى عنده حق 

عار عليكم جميعا ان سكون هذا رئيس تانى اكبر نادى شعبية فى مصر

تم تعديل 22 سبتمبر 2015 بواسطة egyptawy

[Grandma]

ايه يا أهلاوية لي الحقائق دا ؟

مرتضى لم يلقي بالميداليات على الأرض.. فريق الأهلي رفض يطلع يستلم الميداليات بعد مع علاء عبد الصادق رفض يسلم عليه .. فمرتضى القى بالميداليات لحد كان واقف تحت لقفهم منه ولم يلقها على الارض ابداا .

يعني الاهلي هو اللي مافيش عنده اخلاق رياضية مش الزمالك .

[أبو محمد]

لأ .. حضرتك مش واخدة بالك

علاء لم يصافح مرتضى

والخلفيات معروفة واضعف الإيمان عدم مصافحة هذا البذئ

فألقى مرتضى بالميداليات فى ظهر علاء

وأشار بيده إلى لاعبى الأهلى بما معناه (إمشى ياد انت وهو .. ومش بعيد مع كام ديك ويمكن عشة فراخ)

 

شاهدى الحقيقة يا فندم بدون "لى" أو "فرد" أو غسيل ومكوة

 

آدى فيديو

 

https://www.youtube.com/watch?v=AJEGc_0pCsk

 

وآدى التانى

 

https://www.youtube.com/watch?v=sSrQBnnrCfk

[أبو محمد]

على العموم نسيبنا من هذا البذئ الذى أفسد يوما من أيام الرياضة المصرية

ونرجع لجدول الأعمال

:)

أنا أرى أن النادى الأهلى غلطان من ساسه لراسه

لأنه عوِّد جمهورة على إن الرياضة مكسب على طول .. مش مكسب وخسارة

[Scorpion]

الموضوع اتفهم خلاص يا ابو محمد .. العملية كانت ديتها يغيروا الفانلة البيضا ام خطين حمر و يلبسوا تيشيرت ازرق ..

 

آآآآه لو كنا  غيرناها من زماااان .. 

 

عالعموم ..  بالنسبة ليا الزمالك من غير الفانلة البيضا و طول ما مرتضي منصور هو رئيسه  بقيعامل زي الطبيخ الدلع مالهوش طعم

[Scorpion]

بس مش واخدين بالكم .. رجعنا نتكلم عن الأهلي و الزمالك تاني .. الواحد ما كان صدق انه بطلهم و ربنا تاب عليه ..

[أبو محمد]

ده معناه إيه يا سكوب .. حلو ولا وحِش ؟

يعنى مثلا الجملة الاعتراضية اللى طولها 5 سنين خلصت خلاص ؟

[أبو محمد]

الموضوع اتفهم خلاص يا ابو محمد .. العملية كانت ديتها يغيروا الفانلة البيضا ام خطين حمر و يلبسوا تيشيرت ازرق ..

 

آآآآه لو كنا  غيرناها من زماااان .. 

 

عالعموم ..  بالنسبة ليا الزمالك من غير الفانلة البيضا و طول ما مرتضي منصور هو رئيسه  بقيعامل زي الطبيخ الدلع مالهوش طعم

 

ولا يهمك يا سكوب .. الست سعاد الله يرحمها كان قلبها حاسس

وغيرت الخطين الحمر من زمااااااااان

بس الزمالكاوية ما كانوش واخدين بالهم

:)

[tarek hassan]

هو من الأخلاق إن مفيش حد من مجلبس إدارة الأهلي كان موجود على المنصة 

ليه الكبر والعنجهية 

هو إيه المطلوب للأهلي 

هل يحتقر كل ناد يهزمه وكل بطولة يخسرها 

[Scorpion]

 

ده معناه إيه يا سكوب .. حلو ولا وحِش ؟

يعنى مثلا الجملة الاعتراضية اللى طولها 5 سنين خلصت خلاص ؟

 

 

هو حلو علشان معناه ان الحياة ابتدت ترجع شوية شوية لطبيعتها ..

وحش علشان حنبتدي نرجع شوية شوية لموال الأهلي و الزمالك اللي كانت الناس ملهية فيه ..

 

بالنسبة ليا انا خلاص .. زي ما بطلت السجاير .. بطلت اتنرفز او افرح علشان ماتش كورة .. الواحد بقي بيتفرج علشان يتسلي و بس ...

خسر .. كسب .. ما بقتش فعلا تفرق ...

الفريق القومي هو اللي يستاهل و بس ...

[Grandma]

 

لأ .. حضرتك مش واخدة بالك

علاء لم يصافح مرتضى

والخلفيات معروفة واضعف الإيمان عدم مصافحة هذا البذئ

فألقى مرتضى بالميداليات فى ظهر علاء

وأشار بيده إلى لاعبى الأهلى بما معناه (إمشى ياد انت وهو .. ومش بعيد مع كام ديك ويمكن عشة فراخ)

 

شاهدى الحقيقة يا فندم بدون "لى" أو "فرد" أو غسيل ومكوة

 

آدى فيديو

 

https://www.youtube.com/watch?v=AJEGc_0pCsk

 

وآدى التانى

 

https://www.youtube.com/watch?v=sSrQBnnrCfk

 

 

هو مش واضح لعيبة الأهلي رفضوا يطلعوا يستلموا الميداليات الأول و إشارة مرتضى كانت بسبب غضبه منهم ولا العكس

لكن المذيع تعليقة واضح و ضد اللي حصل من علاء عبد الصادق 

على كل الاحوال الاخلاقيات منهارة جدااا .

و الاهلي برضو عنده تعالي واضح رغم ان الزمالك أخد كاس مصر للسنة الثالثة على التوالي ... الاهلي بيتعالى على ايه مش عارفة !!

[أبو محمد]

هو مش واضح لعيبة الأهلي رفضوا يطلعوا يستلموا الميداليات الأول و إشارة مرتضى كانت بسبب غضبه منهم ولا العكس

لكن المذيع تعليقة واضح و ضد اللي حصل من علاء عبد الصادق 

على كل الاحوال الاخلاقيات منهارة جدااا .

و الاهلي برضو عنده تعالي واضح رغم ان الزمالك أخد كاس مصر للسنة الثالثة على التوالي ... الاهلي بيتعالى على ايه مش عارفة !!

 

بالنسبة لأى حد مش متعصب .. السبب واضح جدا فى هذا السلوك من رئيس أحد أكبر ناديين

(بالمناسبة منتخب ديموقراطيا من جمعية عمومية المفروض مسؤولة عن اختيارها)

 

أما بالنسبة لسؤال حضرتك وسؤال الأستاذ طارق بخصوص "التعالى"

فأعتقد أن أى مصرى محترم (بما فيهم الزمالكاوية المحترمين)

لازم ولابد وحتما يتعالوا على هذا التدنى الأخلاقى وهذه البذاءة والبلطجة

ولازم ولابد وحتما يتعالوا على اللى حتى هذه اللحظة

بيعتقد ووراه - للأسف - بعض الزمالكاوية

إن الفوز والخسارة يأتيان لأسباب أخرى غيرالجهد والإخلاص والإجادة فى الأداء

كل هذا يجب ولازم ولابد وحتما أننا - جميعا - نتسامى ونتعالى عليه

وننزله إلى منزلته الحقيقية وألا نتدنى إلى مستواه ولو بالموافقة أو محاولات التبرير

أو حتى بالسكوت عليه

 

[أبو محمد]

تاريخ وسوابق

حدث فى 2011 .. بدون تعليق

 

   

[tarek hassan]

 

بالنسبة لأى حد مش متعصب .. السبب واضح جدا فى هذا السلوك من رئيس أحد أكبر ناديين

(بالمناسبة منتخب ديموقراطيا من جمعية عمومية المفروض مسؤولة عن اختيارها)

 

أما بالنسبة لسؤال حضرتك وسؤال الأستاذ طارق بخصوص "التعالى"

فأعتقد أن أى مصرى محترم (بما فيهم الزمالكاوية المحترمين)

لازم ولابد وحتما يتعالوا على هذا التدنى الأخلاقى وهذه البذاءة والبلطجة

ولازم ولابد وحتما يتعالوا على اللى حتى هذه اللحظة

بيعتقد ووراه - للأسف - بعض الزمالكاوية

إن الفوز والخسارة يأتيان لأسباب أخرى غيرالجهد والإخلاص والإجادة فى الأداء

كل هذا يجب ولازم ولابد وحتما أننا - جميعا - نتسامى ونتعالى عليه

وننزله إلى منزلته الحقيقية وألا نتدنى إلى مستواه ولو بالموافقة أو محاولات التبرير

أو حتى بالسكوت عليه

كل عام وأنت بخير يا ابو مجمد 

من البداية رفضت اركب موجة الرفض لمرتضى منصور في مواقفه السياسية أو الرياضية 

وساعات أرى إن اسلوبه مناسب مع ناس معينة 

كمان كنت أجد في كثير من الأحيان إنه رد فعل وليس فعل 

وإن إغلبية من ينتقدهم يستأهلوا بسبب أفعالهم 

وفي الموقف الأخير كان علاء عبد الصادق الخنيق الكريه بالنسبة لي يمثل لي قمة العنصرية والتعصب 

وهذه العنصرية سمعته يجاهر بها في حديف تليفزيوني أيام كان يعمل في إنبي حيث قال أنه مجرد مشاهدة مباريات الزمالك لا أفعلها لأن أنا عنصري في هذه الناحية 

عبد الصادق أراد شو إعلامي على المنصة 

مش هو دا شكل الأهلي اللي اللعيبة واقفة في شكل مهين 

أليسوا أبطالا يستحقون أن يصافحوا مندوب الرئيس ووزير الشباب

الله يرحم أيام سيد عبد الحفيظ 

بدلا من هذا الفاضي اللي جاي يعمل قاضي 

معذرة يا أبو محمد 

مرتضى الدنيا كلها بتحتفل بيه الوقتي في حين إن علاء عبد الصادق لم يكسب شيئا 

[الدكتور ياسر]

اول مرة اعرف عن مشكلة مرتضى منصور مع عﻻء عبد الصادق دلوقتى ﻻنى لم اشاهد مراسم تسليم الكاس و الميداليات.

المباراة كانت حلوة من الفريقين والزمالك عرف يستغل اخطاء دفاع اﻻهلى واستفاد منها وفاز.

انا مش عارف اذا كان من الصح ان رئيس نادى الزمالك يقف على المنصة وهو اللي يسلم الميداليات لﻻهلى (المهزوم ) خاصة ان الفترة اللى

فاتت كانت مليئة بالمشاكل بين رئيس نادي الزمالك وبين اﻻهلى..

انا بالطبع غير موافق على تجاهل عﻻء عبد الصادق لمرتضى منصور وعدم مصافحته ، مش ظريفة ومش من الذوق .

انا كمشجع لﻻهلي بهني فريق الزمالك على فوزه المستحق على اﻻهلى ( اﻻفضل) وارجو ان ارى رجﻻ اخر غير هذا الرجل ( مرتضى)

كرئيس للزمالك ، ﻻنه ( مرتضى ) هو السبب الرئيسي في هذا اﻻحتقان بين الناديين.

[Scorpion]

انا مش عارف اذا كان من الصح ان رئيس نادى الزمالك يقف على المنصة وهو اللي يسلم الميداليات لﻻهلى (المهزوم ) 

 

اهي دي الحاجة اللي مش فاهمها ..

ايه علاقته هو بتسليم الجوايز ؟؟ و مين اللي سمحله اصلآ بانه يطلع عالمنصة ؟؟

 

هو مرتضي منصور ده ماسك عالبلد زلة و الا ايه ؟؟