الفرق بين كمبيوتر البنات والولاد

[ahmed_tito91]

بسم الله الرحمن الرحيم

نبتدى بكمبيوتر البنات

تلاقى قاعدة الماوس على شكل دبدوب او قلب او الماوس ذات نفسه غريب

وعليه كريم دوف او فازلين عشان مايبوظش ايدهم

وعلى شاشة الكمبيوتر عرايس ودباديب وصور قلوب وقطط وعصافير ولون الشاشة اصفر او اخضر او احمر

وعليها مرايا وميشط

واول ماتشغل البنت الكمبيوتر بتاعهابيكون التشغيل صوت اغانى رومانسية

او صوت عصافير

نيجى بقى لخلفية سطح المكتب تلاقى عليها قلب احمر كبير او صور فنانيين زى اليسا وهيفا ونانسى كمان ومعاهم عم تامر او ممثليين

وياعينى على الملفات بتكون محفوظة باسامى اغانى او قصائد شعر

ولما تيجى البنت تحب تقفل الكمبيوتر تروح قافلة كل صحفة وكل ملف بشويش براحة وتتدوس برقة ونعومة على انهاء

التشغيل وتكون موسيقة قفل الجهاز (باى باى يا احلى بنات الكون)

وتستنى عليه لحد مايقفل وتقوم مغطية براحة وتحط عليه الدباديب

كل حاجة وتغطيهم وكانها بتقوله نام ياحبيبى نام

دى بقى بالنسبة لكمبيوتر البنات

--------------------------------------------------------------------------------------------

نيجى بقى لكمبيوتر الولاد

اولا الفارة مالهاش قاعدة وتلاقيها خربانة وبتقول ياما ارحمينى من كتر الهبد

وتلاقى الطرابيزة بتاعت الكمبيوتر كلها بقع وتراب مطرح الشاى والقهوة والاكل

بالنسبة للشاشة فتلاقيها متربة ومعفرة وكلها علامات صوابع او علامة دبانة او ناموسة مضروبة عليها clwn:

اما الكيس تلاقى مصارينه وقلبه طالعين بره ياحراام ومفتوح على اخره واول مايشغل الكمبيوتر تلاقى الصوت عند فتح

الجهاز فرملة عربية او كسر وخبط او اغانى اجنبى بتاعت 50سينت او ايمنيم باشا

اما الخلفية فتلاقيها كلها صور دبابات وعربيات مكسرة او مصارعين او لاعبين كرة :ninja:

اما الملفات تلاقيها باسامى غريبة زى الى بالى بالك وحنكوره واسامى غريبه مستفزه

واخيرا بقى ساعت مايجى يقفل الكمبيوتر يقوم خابط زرار البور او يشد الفيشه من الكهربا ومش بعيد يقوم قاطعها وتلاقى

موسيقى القفل بتاعت الجهاز اغنية بالسلامة لسميرة سعيد

شوفت الفرق بقى بين البنات والولاد :lol: :lol: :lol:

وياااا رب يعجبكم

منقــــــــــــــــول

تم تعديل 18 مارس 2007 بواسطة folana

[رمضان]

جميلة قوي يا احمد clwn: :ninja: :lol: :lol:

[nora]

غريبه امال انا الشاشه عندي ليه كلها علامات صوابع سيف clwn:

ومفيش عليها دباديب و سطح المكتب عليه صور الشياطين بتوعي :ninja:

حلوة يا احمد :lol:

[جميله العاصمى]

لذيذه والله جدا بس معقول الولاد للدرجه دى انا اخويا بيحافظ جدا على جهازه بس هى كمزحه ظريفه والله نمى موهبتك دى

[Eldisel]

الكلام دة مش عيب في الاولاد لاء ده عيب في الأجهزه الي عند الأولاد :wub: .... ايعني عندي مثلاً جهاذي ما يشاغلش الا لما يكون البور سبلاي برة الكيسه والهارد ديسك كذلك ولاذم اقوم مروحة البروسيسور بايدي وتكون شغاله قدام عيني

واهو شغال ومبيقولش لاء .. :D

بعد اذنكم عشان في دخان طالع من المخروب دة