مشروع فى مصر ولا الرياض ؟؟؟؟؟

[aimen]

يمكن دى تانى مشاركة لى فى المنتدى ...بأتابع من بعيد لبعيد

الفكرة انى شغال فى الرياض ...وعاوز اعمل مشروع ...انا عازب ومافى نية للزواج اصلا ...بأفكر فى مشروع الأول ...امامى حاليا عدة مشاريع منها معهد حاسب آلى ( 80 ألف ريال ) وكمان مقهى انترنت (90 على الأقل ) المشكلة كل واحد لهم ميزات وعيوب ...انا مهندس وكفالتى على معهد حاسب ... بأفكر اشترى أو اشارك فى المعهد ده وأجى بتأشيرة عليه ...مش عارف دا تفكير سليم ولا لأ ؟ أو ارجع بأى تأشيرة تانية مهما كانت المهنة ....انا عازب وما عندى نية اصلا للزواج ...( اخوكم متعقد )..... بس طبعا عارفين لابد من كفيل سعودى ....طلبة كثير عندى بيعرضوا انهم يشاركونى بس انا خايف موضوع المعهد ما يمشى أو ما نقدر نطلع عليه تأشيرات ....تنصحونى بإيه ؟؟؟ بالمناسبة طبعا حتقولوا طيب وتسيب شغلك ليه ؟ لآنه مقرف وكمان الراتب محدود ولا مجال للزيادة ...او حتى اكتساب خبرة ....فكرت افتح مشروع فى مصر بس ايه ؟ وازاى ومين يشرف عليه ؟؟؟

فما رأيكم دام عزكم

[deemuck]

السلام عليكم ورحمة الله وبركاته،،،

معهد ب 80 ألف؟ ميزانية صعبة المبلغ دة ممكن يكون ثمن 2 معامل فقط + ملحقات المعهد الأخرى

المشكلة انك صعب تقول هبدأ بمعهد صغير وبعدين اكبره. المعهد هيعطي شهادات ايه؟ دبولمة 2 سنة ولا كورسات عادية؟

واحد زميلي (مصري ) فتح محل صيانة حاسب بعد ما اشتغل حقدوا عليه وبلغوا وزارة الاعلام وهيئة الامر كل شوية يجولوا لحد ما طفش وقفلوه

[aimen]

المكان عبارة عن شقتين وتقريبا كما ذكرت معملين .....انا فاهم السعر رخيص ...بس دا سعر الترخيص وشوية الأجهزة ...معظم الشغل حيكون دورات قصيرة وكمان دورات لطلبة الجامعات ودا اللى ناوى اركز عليه ....احسن حاجه الواحد ياخد شقة من بره بره ويفتحها مدرسة ....بينى وبينك كل المعاهد مضروبة بالنار قبل كده ...كلنا عارفين القصة دى بس نعمل ايه ؟؟؟

[قديم]

اهلا ايمن

الحقيقه حسب معرفتي بالمعاهد الاهليــه وخصوصا معاهد الكمبيوتر . وتبعيتها لموسسه التعليم الفني. والاجراءت المعقده من رأي

اولا . معاهد الكمبيوتر البدائيــه والتي كانت عباره عن شقه وكم جهاز كمبيوتر واله كاتبه . كانت موضه واعتقد الان المعاهد في سباق . وتطوير وتحديث . الان نشوف الدبلومات السنتين ودعاياتها القويه . صحيح قد يكون ما تقدمه تلك الدبلومات حسب مدرسيهم . وصحيح يمكنك تقديم دورات افضل منهم بحكم خبرتك . .لكن .... والناس تبحث عن الاقدر .والاقوي

ثانيا . الان فيه شح شديد في الاستقدام . . وامثال المعاهد البسيطه . لا اضن الاستقدام لها متاح بسهوله . ما لم يكن لديها ترخيص لاكثر من دوره ..وبرمجه وصيانه

ثالثا .مثل هذا المشروع يحتاج الي سنه او سنتين لاثبات قدرته .ووجوده ويحتاج من يصرف عليه على الاقل سنه دون تحقيق عائد والمبلغ اللي رصدته يا دوب يكفي تاسيس . نا هيك عن الضمان. وخلافــــــــه ..

المقهى نت ..بدأت شمسه بالافول مثل كباين الهاتف بعد ظهور الجوال ..

اذا كنت تحب المغامره .. وتعتقد ان المشروع ناجح . من الافضل يكون لك شريك اخر . يساندك ماديا .

وتمنياتي لك بالتوفيق واحجز لي كرسي بالفو تو شوب والصيانه

[aimen]

كله تبع إدارة المكان ...بإيدها تخليه مكسب لكافة الأطراف وفى ايديها تخليه خسارة ...انا شغال فى معهد وعارف قصص من هنا لبكرة عن التدريب وغيره ....طيب تصدق انا فى معهد يفترض انه موجود من 7 سنوات على الأقل ...والدورات التى يعرضها حاجه تكسف ...ولا واحد عندنا معتمد ICDL وبندى ICDL وكمان فرع انجليزى ولا يوجد مدرس انجليزى مضبوط ..... التفتيش بيجى من المؤسسة وبنكون عارفين ميعاده ...اجهزة قديمة وكمان تصدق ساكنين فى نفس المكان .........بالمناسبة دى عينة فقط من الموجود فى السوق ...كله من الإدارة وصاحب المكان ... عارف ليه ؟ بإيدينا نطور اى مكان لو حسسنا العامل فيه ان المكان دا ملكه وعلى قد التعب يلاقى .اما لو طالع نازل نسمم فى بدنه ونحسسه بأننا بنمن عليه واننا رحمناه وشغلناه .فتوقع فشل المكان ..اما موضوع المقهى فهو انترنت وكافيه ووايرلس ويعنى حاجات من دى ...

[أبو زياد]

...انا مهندس وكفالتى على معهد حاسب ... بأفكر اشترى أو اشارك فى المعهد ده وأجى بتأشيرة عليه ...مش عارف دا تفكير سليم ولا لأ ؟ أو ارجع بأى تأشيرة تانية مهما كانت المهنة بس طبعا عارفين لابد من كفيل سعودى ....

فما رأيكم دام عزكم

فى رأيى أن أحسن خطوة لك فى حياتك أن تتخلص من نظام الكفالة بضغوطه المختلفة و هذا يتم عن طريق أن تكون شريكا رسميا - سواء فى معهد أو أى مؤسسة - و أن يكون تواجدك بالمملكة على أساس انك شريك أو على كفالة الشركة أيا كانت المسميات ..

المهم أنك لا تتعرض لأى تحكمات أو ابتزاز من أى طرف و أن تكون صاحب القرار فى عملك و إقامتك وليس ذلك تحت رحمة شخص آخر ..

هل وضحت الصورة ؟

أخيرا أتمنى لك التوفيق ..

[ديكارت]

اتكل على الله واشتغل في الاسهم ... وسيبك من وجع الراس