مين فيهم الرئيس

[drhouba]

و مايزال العرض مستمرا بنجاح ساحق فى نادى الزمالك فبعد خروجه أمس من دورى أبطال أفريقيا مش كده و بس لأ و بعرض ما يعلم بيه إلا ربنا .....

منذ قليل أصدرت المحكمه الإداريه حكمها لصالح سيادة مرتضى منصور ببطلان قرار المجلس الأعلى للرياضه بحل مجلس إدارته الأخير و ببطلان شطب عضويته من نادى الزمالك و الأهلى ...

و بناءاً على ما تقدم و بكل فخر و إعتزاز و بصفتى زملكاوى قديم و بالنيابه عن الزملكاويه بشكل عام و عن كوكو واوا وزير الدفاع الزملكاوى أعلن :

ماده 1 : مرتضى منصور رئيسا لنادى الزمالك حسب حكم اليوم

ماده 2 :مرسى عطا الله رئيسا لنادى الزمالك حسب الحكم الصادر من المحكمه أمس ببطلان قرار بطلان حل مجلس مرتضى منصور الأول أيام البلتاجى

ماده 3 : ممدوح عباس رئيسا لنادى الزمالك لغاية ساعته و تاريخه حسب مزاج حسن صقر

حد فهم حاجه ؟

تماااااااااااااااااااااااااااام هو ده المطلوب

إبتسم أنت فى مصر اللى شعارها حاليا

محدش فاهم حاجه

تم تعديل 18 مارس 2007 بواسطة drhouba

[kokowawa1979]

الدكتور هوبا كتب :

حد فهم حاجه ؟

طبعا !!! إن مفيش قانون في البلد

[أبو محمد]

نقلا عن الأهرام اليوم الأحد 18 مارس 2007 ..

الصفحة الأولى

43931 ‏السنة 131-العدد 2007 مارس 18 ‏28 من صفر 1428 هـ الأحد

الزمالك يخذل جماهيره ويودع البطولة الإفريقية

تأييد قرار حل مجلس الإدارة السابق برئاسة مرتضي منصور

خذل الزمالك جماهيره أمس‏,‏ وخرج مبكرا من دوري أبطال إفريقيا‏,‏ بعد تعادله‏2/2‏ في لقاء العودة أمام الهلال السوداني علي أرض استاد القاهرة‏,‏ وكان قد خسر في لقاء الذهاب بالخرطوم صفر‏/2,‏ وفي إطار البطولة نفسها يلتقي الأهلي اليوم في القاهرة مع هايلاندرز بطل زيمبابوي‏,‏ وفي بطولة كأس الكونفيدرالية يلتقي الإسماعيلي مع أجاسيا بطل مدغشقر‏,‏ وإنبي مع أوليمبي الشلف الجزائري‏.‏

وفي تطور آخر أيدت المحكمة الإدارية العليا بمجلس الدولة أمس قرار الدكتور ممدوح البلتاجي وزير الشباب السابق بحل مجلس إدارة نادي الزمالك برئاسة مرتضي منصور‏,‏ وتعيين مجلس مؤقت لمدة عام برئاسة مرسي عطا الله‏.‏ كما قضت المحكمة بعدم قبول طلب رئيس المجلس القومي للرياضة ببطلان عضوية مرتضي منصور بعد حادث المقصورة خلال مباراة الزمالك والأهلي‏,‏ وذلك لزوال المصلحة‏.‏ صدر الحكم برئاسة المستشار سيد نوفل رئيس مجلس الدولة‏.‏

وصرح المهندس حسن صقر رئيس المجلس القومي للرياضة لمندوب الأهرام خالد فؤاد بأن قرارا سوف يصدر خلال ساعات لحسم الأمور بالنادي‏,‏ وكل الاحتمالات واردة‏,‏ في ضوء اجتماعه مع مستشاري الشئون القانونية بالمجلس‏,‏ بما فيها دعوة الجمعية العمومية إلي انتخاب مجلس جديد‏.‏ ومن جهة أخري‏,‏ طالب مرسي عطا الله رئيس تحرير الأهرام المسائي بعودة مجلسه مرة أخري‏,‏ بعد صدور حكم المحكمة الإدارية العليا‏.‏

يعنى مرسى عطا الله بيطالب بالرئاسة .. والمحكمة "الإدارية " اللى حكمت بصحة قرار حل مجلس مرتضى هى نفس المحكمة اللى حكمت ببطلان حل مجلس مرتضى ..

بس فيه نقطة لازم الدكتور هوبا "بشير الأنس" يوضحهالنا .. المحكمة اللى حكمت امبارح بصحة قرار حل مجلس مرتضى المنتخب (أيام البلتاجى) ، محكمة إدارية "عليا" .. إنت ما وضحتش المحكمة اللى حكمت النهارده ببطلان قرار حل المجلس (أيام حسن صقر) كانت "عليا" ولا مش "عليا" .. الموضع ده مهم جدا إنك توضحه لأنى سمعت إن ممدوح عباس امش عارف يعمل إيه دلوقت .. يفتح الشباك والا يقفله ؟ وماسك فى إيده وردة وعمال ينتف فى أوراقها ويقول "عليا" .. لأ .. " مش عليا " :sad:

ردا على سؤالك فىعنوان الموضوع : لا رئيس إلا الرئيس مادام فى الصدر قلب ينبض ونَفَسٌ يتردد

[drhouba]

يعنى مرسى عطا الله بيطالب بالرئاسة .. والمحكمة "الإدارية " اللى حكمت بصحة قرار حل مجلس مرتضى هى نفس المحكمة اللى حكمت ببطلان حل مجلس مرتضى ..

بس فيه نقطة لازم الدكتور هوبا "بشير الأنس" يوضحهالنا .. المحكمة اللى حكمت امبارح بصحة قرار حل مجلس مرتضى المنتخب (أيام البلتاجى) ، محكمة إدارية "عليا" .. إنت ما وضحتش المحكمة اللى حكمت النهارده ببطلان قرار حل المجلس (أيام حسن صقر) كانت "عليا" ولا مش "عليا" .. الموضع ده مهم جدا إنك توضحه لأنى سمعت إن ممدوح عباس امش عارف يعمل إيه دلوقت .. يفتح الشباك والا يقفله ؟ وماسك فى إيده وردة وعمال ينتف فى أوراقها ويقول "عليا" .. لأ .. " مش عليا " :sad:

و الله يا أبو محمد ما حتفرق عليا و اللا مش عليا لأن زى ما قلت قبل كده ما حدش فاهم حاجه و كده كده مفيش حاجه حتتنفذ :sad:

تم تعديل 18 مارس 2007 بواسطة drhouba

[drhouba]

بس يا شباب قبل ما أى حد سواء زملكاوى أو أهلاوى يقول رأيه لازم كلنا نشوف الكليب ده من القاهره اليوم

إضغط بشويش عشان مرتضى جوه

تم تعديل 19 مارس 2007 بواسطة drhouba

[أبو محمد]

يادكتور الكلام ده كان يوم صدور الحكم فى قرار البلتاجى .. تانى يوم صدر الحكم فى قرار حسن صقر بعودة مرتضى .. يعنى نقطة ومن أول السطر

أشهد على رءوس الأشهاد أن مرتضى منصور وزكريا عزمى ومرسى عطا الله وممدوح عباس وحسن صقر والبلتاجى ناس مبدعين .. يكفى أن المبدع مرتضى لخبط القضاء وكل عباد الله ...

مبدعين لا يقلون إبداعا عن مبدع تركيبة لبن السيراميك :sad:

وكما قال المبدع المؤمن الذى هداه الله منذ سنتين والذى سيستمر فى إبداعه طالما فى صدره نفس يتردد :

حسبنا الله ونعم الوكيل

نقولها دون إبداع

[Ahmad Farahat]

شوفوا يا اخوانا الغلطة بدأت من الأول...........

جمعية عمومية بتنتخب قائمة واحد وتسقطه..........

وتتنتخب واحد تاني وتسقط قائمته..........

الأساس من جماهير الزمالك جوه النادي وبره النادي..............

وربنا يرحم.........

[drhouba]

شوفوا يا اخوانا الغلطة بدأت من الأول...........

جمعية عمومية بتنتخب قائمة واحد وتسقطه..........

وتتنتخب واحد تاني وتسقط قائمته..........

الأساس من جماهير الزمالك جوه النادي وبره النادي..............

وربنا يرحم.........

الله يفتح عليك يا ريس إنت كده جبت من الآخر يبقى الحل إيه ؟

الحل إن الأخ الباشمهندس اللى سقط كنائب رئيس نادى يعنى الأعضاء لم يثقوا فيه كنائب رئيس نادى فأصبح فجأه و بدون سابق إنذار مسئول عن كل الرياضه فى مصر ( شفت الخيبه التقيله ) الحل إنه يرجع تانى للجمعيه العموميه و هى بعد كل التجربه اللطيفه دى تختار تانى مجلس متجانس لأنى لا أعتقد أنهم سيكرروا نفس التجربه تانى لأن ده لو حصل تبقى خيبه تقيله بتاعة 12 طن كده ويبقى أنا حأريح نفسى من الفرجه على ماتشات الزمالك المؤلمه دى و أتفرغ لتشجيع مالبة كفر الزيات أو مركز شباب أبو المطامير على الأقل بيكسبوا على طول فى دورى أبطال الغلابه اللى لو إستمر الحال بالزمالك كده مع وجود هذه العينه من اللعبين حازم و حليم و يوسف و غانم و أبو العلل و عبد الوهاب و القايمه الطويله دى أكيد أكيد ربنا حيوفقهم و يلعبوا معاهم بصراحه كمان دى لعيبه عاوزه