أنا سعيدة قوى ... جداً ... خالص

[بنت من مصر]

السلام عليكم

الاخوة الاعزاء ... لا أستطيع ان اصف لكم سعادتى بعد أن حصلت أخيراً على مكان فى الانترنت فيه التجمع الرائع ده للمصريين بالكويت

لانى معروض عليا عمل فى الكويت ومش قادرة أخد قرار لانى محتاجة حد يكون عايش وبيشتغل فى الكويت ينصحنى .... بصراحة انا محتاجة لشوية معلومات علشان أقدر أخد قرار بقبول أو رفض الشغل ده ويا ريت تساعدونى

أولاً انا محتاجة أعرف شوية معلومات عن تكلفة السكن هناك بالنسبة لفرد واحد من غير عائلة يتكلف كام فى الشهر ... طيب لو انا سكنت مع حد لتخفيض تكلفة السكن زى ما بسمع من بعض المسافرين .... ده هيكون كويس ولا لاء؟ يعنى هيكون فيه راحة ولا لاء؟

و يا ترى تكلفة السكن من مكان لاخر فى الكويت بتفرق كتير ؟ ( على فكرة الشركة اللى هشتغل فيها فى منطقة جنب المطار أسمها دجيج قريبة من حتة أسمها الفروانية .... مش عارفة الاسماء كده صح ولا لاء؟؟ :sad: )

حاجة كمان عاوزة أعرفها .. هى الأسعار هناك أخبارها إيه ؟ وخصوصاً أسعار المواد الغذائية ؟

طيب بالنسبة للأمان ؟ إيه النظام ؟ يعنى ممكن انزل أقضى طلباتى لوحدى من غير قلق ولا إيه ؟

نيجى لأهم سؤال بقى ؟ دلوقتى التأشيرة بتاعتى هتكون تأشيرة زيارة لمدة 3 شهور ... لانهم فى الشركة قالولى انى هكون تحت الاختبار لمد 3 شهور وبعد كده يحولوا الاقامة لأقامة عمل .... ده فعلاً نظام معمول به فى الكويت ؟ ولا إيه؟

طيب لو أنا ما حبيتش الشغل فى الشركة دى و حبيت اغير الشغل اثناء الـ 3 شهور دول ممكن ولا صعب ؟ لان فيه بعض الشركات فى الكويت قالولى انى لو كنت موجودة فى الكويت بأى تأشيرة ممكن يحولوها وأشتغل معاهم لان هما مش بيوفروا تأشيرات .. الكلام ده صح؟

أنا اسفة انى طولت عليكم :sad: وخصوصاً ان دى اول مرة ادخل على المنتدى ده بس بصراحة انا ما صدقت لاقيت حد ممكن يساعدنى

فى انتظار ردكم وشكراً

[Folana]

السلام عليكم ورحمة الله ..........

بنرحب بك يابنت من مصر اخت عزيزة بينا..ونتمنى لك اقامة طيبة ..وان شاء الله تجدى غايتك واجابة تساؤلاتك من الاخوة الكرام المتواجدين فى الكويت

[أبو محمد]

أهلا وسهلا بك فى "محاورات المصريين" .. ونتمنى لك كل التوفيق والسعادة وأن يكون انضمامك إلينا فيه الفائدة لنا ولك ..

بالنسبة لتساؤلاتك .. أنا شخصيا تركت الكويت من حوالى سبع سنوات ومن الأفضل أن يتفضل أحد الإخوة المقيمين حاليا فى الكويت بالإجابة عليها وخاصة السؤال الآتى :

نيجى لأهم سؤال بقى ؟ دلوقتى التأشيرة بتاعتى هتكون تأشيرة زيارة لمدة 3 شهور ... لانهم فى الشركة قالولى انى هكون تحت الاختبار لمد 3 شهور وبعد كده يحولوا الاقامة لأقامة عمل .... ده فعلاً نظام معمول به فى الكويت ؟ ولا إيه؟

عندما كنت أعمل هناك كان ممنوع تحويل تأشيرة الزيارة إلى تأشيرة عمل .. كان لابد من مغادرة الكويت والعودة بتأشيرة (عدم ممانعة للعمل) بعد إجراء كشف طبى (مبدئيا) فى مصر ، ثم كشف طبى آخر فى الكويت عند الوصول بعد ذلك تحصلين على الإقامة .. وكانت تأشيرة الزيارة صالحة للاستعمال خلال 3 شهور ولكن البقاء فى الكويت لمدة شهر واحد ممكن أن تمتد بمعرفة الكفيل لمدة شهر آخر ثم شهر ثالث كحد أقصى .. وكان هناك نوع آخر من تأشيرات الزيارة يسمى تأشيرة زيارة تجارية وتمنح لمن يزورون الكويت لعمل مؤقت مثل من يذهبون للكويت للقيام بمهمة عمل محددة ...

قد يكون كل ذلك قد تغير .. ولكن عملتى طيب بتوجيه تلك الأسئلة حتى يكون سفرك على نور ، حتى لا تتعرضين لأى تجربة غير مستحبة .. فلا تتعجلى بالسفر قبل الحصول على إجابات لكل تساؤلاتك

ربنا يوفقك ويحفظك من كل سوء

[Alex Lover]

الاخت العزيزة ... اولا اهلا بيكي في المنتدي ثانيا اهم سؤال هو ... زي ما اشار الاخ الفاضل فانه فعلا تاشيرة الزيارة لا تتحول الى تاشيرة عمل ، ما عدا الزيارة التجارية هي التي تتحول الي تأشيرة عمل ولكن مدة الزيارة التجارية لا تزيد عن شهر ، وبالتالي انت هتيجي ثلاث شهور على اساس زيارة أيه؟؟ ( عائلية ولا سياحية ) في هذه الحالة وبعد 3 شهور لازم ترجعي مصر تاني و بمعنى اصح تغادري الكويت وترجعي بتأشيرة جديدة ، لازم تتأكدي من معلوماتك ولازم تبقى متأكده من المكان اللي هتشتغلى فيه وبعدين على فكرة موضوع ال3 شهور الاختبار دي عادي بيبعثولك اذن العمل وبعد 3 شهور من استلامك الشغل بيتم عمل اقامة لكي .. على فكرة انتي ممكن تكتبي كل التفاصيل ومعانا الاخ الفاضل وائل ممكن يفيدك اكتر مني وربنا معاكي

تم تعديل 19 مارس 2007 بواسطة Alex Lover

[واحد تاني]

اولا اهلا وسهلا بك في المحاورات ... :sad:

ثانيا برجاء الاطلاع على هذا الموضوع ... (عقد عمل بالكويت)

[رمضان]

الاخت الفاضلة بنت مصر اهلا بيكي بين اخوانك

على فكرة الاسماء صح بس اسمها الضجيج والفروانية صح

اولا بالنسبة لتساؤلاتك هخليني معاكي نقطة نقطة لان الموضوع فيه لبس شوية ونحاول نفسرها مع بعض .

1- بالنسبة للسكن والمواد الغذائية دي كلها اشياء مقدور عليها يعني حاجات بسيطة .

2- بالنسبة للأمان ما تخافيش نهائي الكل في الكويت عايش بأمان بغض النظر عن جنسيته وعلى فكرة الفروانية كلها مصريين .

3- بالنسبة للزيارة اكيد هتكون زيارة تجارية لانها على شركة وفي الحالة دي مش ممكن تغيري مكان الشغل الا لما تعملي اقامة عليهم في الاول وبعدين لو وافقوا تغيري تغيري لكن علشان هم اول كفيل مش ممكن تغيري الا بمزاجهم بس .

طبعا لو قلتي لنا اسم الشركة نقدر نسألك ونفيدك اكتر باذن الله

وربنا ييسر ليكي الخير

[وائل كيوان]

السلام عليكم

الاخوة الاعزاء ... لا أستطيع ان اصف لكم سعادتى بعد أن حصلت أخيراً على مكان فى الانترنت فيه التجمع الرائع ده للمصريين بالكويت

لانى معروض عليا عمل فى الكويت ومش قادرة أخد قرار لانى محتاجة حد يكون عايش وبيشتغل فى الكويت ينصحنى .... بصراحة انا محتاجة لشوية معلومات علشان أقدر أخد قرار بقبول أو رفض الشغل ده ويا ريت تساعدونى

أولاً انا محتاجة أعرف شوية معلومات عن تكلفة السكن هناك بالنسبة لفرد واحد من غير عائلة يتكلف كام فى الشهر ... طيب لو انا سكنت مع حد لتخفيض تكلفة السكن زى ما بسمع من بعض المسافرين .... ده هيكون كويس ولا لاء؟ يعنى هيكون فيه راحة ولا لاء؟

و يا ترى تكلفة السكن من مكان لاخر فى الكويت بتفرق كتير ؟ ( على فكرة الشركة اللى هشتغل فيها فى منطقة جنب المطار أسمها دجيج قريبة من حتة أسمها الفروانية .... مش عارفة الاسماء كده صح ولا لاء؟؟ )

حاجة كمان عاوزة أعرفها .. هى الأسعار هناك أخبارها إيه ؟ وخصوصاً أسعار المواد الغذائية ؟

طيب بالنسبة للأمان ؟ إيه النظام ؟ يعنى ممكن انزل أقضى طلباتى لوحدى من غير قلق ولا إيه ؟

نيجى لأهم سؤال بقى ؟ دلوقتى التأشيرة بتاعتى هتكون تأشيرة زيارة لمدة 3 شهور ... لانهم فى الشركة قالولى انى هكون تحت الاختبار لمد 3 شهور وبعد كده يحولوا الاقامة لأقامة عمل .... ده فعلاً نظام معمول به فى الكويت ؟ ولا إيه؟

طيب لو أنا ما حبيتش الشغل فى الشركة دى و حبيت اغير الشغل اثناء الـ 3 شهور دول ممكن ولا صعب ؟ لان فيه بعض الشركات فى الكويت قالولى انى لو كنت موجودة فى الكويت بأى تأشيرة ممكن يحولوها وأشتغل معاهم لان هما مش بيوفروا تأشيرات .. الكلام ده صح؟

أنا اسفة انى طولت عليكم :sad: وخصوصاً ان دى اول مرة ادخل على المنتدى ده بس بصراحة انا ما صدقت لاقيت حد ممكن يساعدنى

فى انتظار ردكم وشكراً

اولا احب ان ارحب بالاخت العزيزة بنت من مصر سواء فى مصر او ان شاء الله فى وسطنا هنا فى الكويت

وبشكر الاخت اليكس لوفر على الدعوة للرد على الموضوع اللى طرحتة الاخت بنت مصرية

اولا : تصيح بعض المعلومات اللى فهماها الاخت بنت مصرية

والرد على سؤالك اللى قولتى فية :

( نيجى لأهم سؤال بقى ؟ دلوقتى التأشيرة بتاعتى هتكون تأشيرة زيارة لمدة 3 شهور ... لانهم فى الشركة قالولى انى هكون تحت الاختبار لمد 3 شهور وبعد كده يحولوا الاقامة لأقامة عمل .... ده فعلاً نظام معمول به فى الكويت ؟ ولا إيه؟ )

الاجابة على سؤالك يا اختى العزيزة

احب اصحح المعلومة انه تم تغيير قانون الهجرة الكويتى واصبحت كل الزيارات لمدة شهر واحد فقط سواء بالنسبة للزيارة العائلية او الزيارة التجارية وتجديدها لمده اخرى اصبح شئ من الصعوبة فعلة الا بمعرفة قوية بالشئون والتجديد معتش بيبقى اكتر من شهر اخر ولو فية استثناء ثالث بمعرفة مدير ادارة الهجرة بيكون لمده اسبوع فقط ولا يجوز التجديد مرة اخرى

الاول كانت الحكاية سهلة وتقدرى تجددى الزيارة لمدة سنة كاملة يعنى كل ما يخلص شهر تجدد مكان شهر وهكذا وذلك انتهى الان .

وبخصوص الزيارة

ان كانت زيارة عائلية فلا تستطيعى تحولها الى اقامة نهائيا الا بالحصول على فيزا للعمل بالكويت ومبتطلعش الا لما بتكونى واخدة حاجه اسمها اشعار مغادرة للبلاد وبتكون عادة لمدة اسبوع لازم تسبى فيها الكويت وترجعى بالفيزا الى مصر وتخلصى اجراءاتك العادية وترجعى الكويت بعد كدا وتعملى الاقامة .

وبخصوص الزيارة التجارية ومدتها شهر طبعا فلك الحق ان يتم تحويل هذه الزيارة الى فيزة عمل واقامة داخل الكويت بدون مغادرة الكويت يعنى بتعملى حاجة اسمها تحويل داخلى ومفيش حاجه اسمها اختبار فى الزيارات نهائيا لان الشئون بتصدر للشركات التأشيرات التجارية بناء على كتاب صادر من الشركة بانها تحتاج من تطلب استخراج زيارة تجارية له على سبيل انه فنى وتحتاجة ضرورى فبيصدروها علشان سرع وصل من تطلب استدعائه من مصر وهى الان اقتصرت على المؤهلات العليا ومهن معينة يعنى معتدتش زى الاول ان اى حد يعوز يجيب حد زيارة تجارية يجيبة وذلك التغيير تم فى الشئون لكثرة استخراج هذا النوع من التاشيرات والحد منها وتقليل نسبة دخول الاجانب الى البلاد لدرجة انه اصبح فية بعض الجنسيات الاسيوية هنا لن يتم تجديد اقامات ليهم مرة اخرى بعد مرور خمس سنوات من دخولهم الكويت وترحلهم الى بلادهم بس دى بعيدة عن الجنسيات العربية

اما بخصوص فترة الاختبار فلا بد من ان يكون هناك عقد عمل بينك وبين الشركة ومحدد بالعقد هذه المدة يعنى بالعربى لازم يكون ليكى اقامة او قبل عمل الاقامة بس هى لا تتجاوز 3 شهور وبعدها يتم التعيين تلقائيا .

اما بخصوص سؤالك الاخر :

( طيب لو أنا ما حبيتش الشغل فى الشركة دى و حبيت اغير الشغل اثناء الـ 3 شهور دول ممكن ولا صعب ؟ لان فيه بعض الشركات فى الكويت قالولى انى لو كنت موجودة فى الكويت بأى تأشيرة ممكن يحولوها وأشتغل معاهم لان هما مش بيوفروا تأشيرات .. الكلام ده صح؟ )

اولا مسألة التحويل من شركة الى اخرى داخل الكويت بدون تاشيرة جديدة كلام صحيح بس بشروط معينة

1 - ان كنتى من اصحاب المؤهلات العليا فيجوز لكى طلب التحويل ان حصلتى على توقيع بالموافقة على تحويلك من الشركة الاخرى .

2 - ان يتم الموافقة من الشركة التى اقامتك عليها والتوقيع على نفس نموذح الموقع من الشركة الاخرى ويعطى هذا الكتاب للشئون وبذلك يتم التحويل

ان لم يوافق الكفيل الاول لكى على التحويل فلن تستطيعى ان تحولى الا بعد مرور فترة قانونية وهى مدة العقد بالنسبة للمؤهلات العليا يعنى يقدر يحول غصب عن الكفيل الاول بعد مرور سنتين عن طريق الشئون .

اما لو كنتى من اصحاب المؤهلات المتوسطة فمعاكى ربنا ممكن الكفيل يسيطر على الامر لمدة تتجاوز خمس سنوات

وتوضيحا للامر اكثر يعنى الكفيل الاول بالنسبة للمغترب بيكون العقبة الاولى له وهو الوحيد اللى يقدر يكنسل للاقامة للمغترب ويرحلة عن البلاد وله الحق فى ذلك فى بعض الامور .

اما بالنسبة للشخص الذى قام بتحويل اقامته من اول اقامة الى اقامة اخرى ؟( كفيل تانى ) فلا يستطيع اى كويتى ان يقوم بكنسلة هذه الاقامة لترحيلة فان قام المغترب بتدبير تحويل لا يستطيع الكفيل الاخر ا ان يمانع من التحويل والقرارات هنا صارمه جدا .

وكلامى ده اعتقد انك تكونى فهمتى بعض الامور بالنسبة للاقامات وخلافه ويارب اكون قدرت اوصلك المعلومة

وياريت توضيحا للامر اكثر ان ترسلى لى اسم الشركة ونوعية التاشيرة اللى هتطلع ليكى علشان اقدر اتاكد ليكى من صدق هذا الكلام من عدمه ولو فيه تاشيرة اصلا ارسلى لى رقمها وانا استعلم عنها هنا من الشئون واتاكد من كل المعلومات لان انا فهمت من كلامك ان حد هو اللى موصلك المعلومات ووصله بطريقة غير صحيحة

وان شاء الله اكون فى خدمتك انتى وكل اخواتنا المصريين .

اما بخصوص بقى الاسماء ايوا يا ستى هى صحيحه وعندنا هنا الضجيج اللى جنب المطار والفراوانية التى لاتبعد عنها الا دقائق بسيطة جدا وانا قاعدين اهو فى الفروانية لانها زى ما تقولى مقر للمصريين هنا فى الكويت .

بخصوص سؤالك عن السكن والتكلفة

( انا محتاجة أعرف شوية معلومات عن تكلفة السكن هناك بالنسبة لفرد واحد من غير عائلة يتكلف كام فى الشهر ... طيب لو انا سكنت مع حد لتخفيض تكلفة السكن زى ما بسمع من بعض المسافرين .... ده هيكون كويس ولا لاء؟ يعنى هيكون فيه راحة ولا لاء؟

و يا ترى تكلفة السكن من مكان لاخر فى الكويت بتفرق كتير ؟ ( على فكرة الشركة اللى هشتغل فيها فى منطقة جنب المطار أسمها دجيج قريبة من حتة أسمها الفروانية .... مش عارفة الاسماء كده صح ولا لاء؟؟ : )

فهى تتراوح من شخص الى اخر وكمان لازم تعرفى راتبك هيكون هنا كام بالظبط

السكن هنا اصبح غالى جدا يعنى بيبدأ من 180 دينار الى 220 دينار ودى الشقة اللى غرفتين بس وهنا شقق بتكون غرفة واحده وبيكون سعرها مش بعيد عن الاولى يعنى بتوصل لـ 150 دينار ودى بتكون تكلفتها صعبه على شخص بمفرده ومعدل دخول المغتربين هنا او المتوسط للفرد يتراوح ما بين 200 - 400 ودى لمهن معينة يعنى المسالة فى السكن لابد ان تشتركى مع احد من المصريين فى سكن مشترك بس عليكى اختيار الرفيق قبل الطريق وده انتى وحظك وهيكون التلفه عليكى هتوصل لـ 50 دينار لو انتى مع 3 بس ومينفعش اصلا تزيدوا عن كدا لا تبقى كارثة حقيقية وفيه ناس بتقدر تعيش مع عدد اكبر لتقليل تكلفة السكن .

وبخصوص المواصلات احسبيها ما بين 15 - 20 دينار شهريا لو الحكاية من الشغل للبيت ومن البيت للشغل اما لو الشركة هتقوم بتوصيلك واكيد هيكون ده الحاصل لان معظم الشركات بتوصل موظفيها بالباص هتوفرى هذا المبلغ بالتاكيد .

والاكل بقى حسب الظروف يعنى ممكن يوصل 50 وده للفرد الواحد اقل اكتر حسب ميزانية كل فرد لو بتاخدى 100 دينار هتكلى ولو بتاخدى 500 دينار برضه يهتكلى علشان مصعبش عليكى الامر وانتوا اصلا يا اختى معروف عنكم انكوا تقدروا تمشوا وزارة المالية على رجل يعنى تقدروا تعملوا ميزانية تمشوا عليها انما احنا مش بنعرف خالص يعنى مش بنمسك ايدينا واهى ماشية والحمد لله .

اما بخصوص السكن من مكان لمكان منصحكيش تفكرى فى الحكاية دى لان انتى بطبيعة الحال هتسكنى غصب عنك فى المكان اللى قريب من شغلك سواء بقى كان غالى او رخيص مش هتفرق ومن الاخر انا بكلمك فى اسعار الفروانية اللى قريبة من شغلك والاسعار معتش فيها تفوات فى السكن فى الكويت كله زى كلة دلوقتى .

و ربنا يوفقك يا رب لو ليكى رزق هنا معانا ويرزقك من حيث لا يحتسب ولما تيجى ان شاء الله هتكونى فى وسطنا وهتلاقى كل اخوانك المصريين اللى فى المحاورات هنا واقفين جنب منك ان شاء الكريم .

والله الموفق لنا ولكى يا اختى الكريمة

ويارب تكونى استفادتى من كل مداخلات اخواتى هنا اليكس وروميوا وابو حميد زكل المصريين اللى بالكويت

مع خالص تحياتى

[zedan]

الأخت الفاضلة بنت من مصر،،،

تحية،،

الاخوان تفضلوا مشكورين بسرد كل التفاصيل المتاحة داخل الكويت من حيث الإقامة ، وتكاليف السكن،...إلخ

ان استطعتي بذكر اسم الشركة يكون من الأفضل وذلك لمعرفتي بمعظم شركات منطقة الضجيج لعملي في هذه المنطقة لمدة سنة كاملة.

ربنا يوفقك،،،،

تحياتي،،

[البحري]

اختي اهلا وسهلا بيكي بيننا

ولكن كما قال الاخوة القانون الان يمنع وبشده تحويل الزيارة إلى اقامة عمل

[ابن الصعيد]

الاخت العزيزة اهلا بك في الكويت

تعالي شوفي الشغل علي الطبيعة وبعد شهر خدي العقد وانزلي مصر وفكري تاني في السلبيات والايجابيات

وخذي القرار

الحياة لفرد تكلفة من 100الى 150 دينار ولو فردين متزوجين من 350 الى 400 ولو اولاد ربنا يسترها يلاقوا حق تزكره الطيارة

الحياة امان بالمقارنة بالخليج ومصر

راي اخ اكبر ان لم تكوني متزوجة لا تاتي الكويت الا بعد الزواج فرصة الارتباط بالخليج ضعيفة

واهلا بك بين اخوانك بالكويت

[البحري]

الاخت العزيزة اهلا بك في الكويت

تعالي شوفي الشغل علي الطبيعة وبعد شهر خدي العقد وانزلي مصر وفكري تاني في السلبيات والايجابيات

وخذي القرار

اختي بنت مصريه الاخ التايه (واعتقد انه مش تايه ابدا لأنه جاب زبدة الموضوع)

هذه فكرة رائعه لان الحكم وانتي في مصر ومقارنة الدينار بالجنية لن تجدي معك شيئا اما المعيشة والتجربة الشخصية تفرق كثير جدا

[بنت من مصر]

السلام عليكم

أنا متشكرة جداً لكل الناس اللى ساعدونى بالمعلومات وأنا هكتب لكم كل المعلومات بالتفاصيل علشان تكون الاستفادة أكبر :-

1- أولا أنا عرفت الشكرة دى عن طريق موقع توظيف أسمه www.bayt.com

2- صاحب الشركة نزل مصر وعمل معاية مقابلة سريعة قالى فيها انها هتكون تأشيرة زيارة تجارية لمدة 3 شهور وبعد كده إذا أنا كنت شغالة كويس هتتحول الاقامة لعمل

3- أسم الشركة security zones من مجموعة شركات أسمها أحد ( عقارات و نظم معلومات وعلى ما أعتقد حديد أو حاجة زى كده )

4- المرتب حوالى 200 دينار زائد نسبة من المبيعات ( ده إذا كان فيه مبيعات أصلاً ) لانى هكون Sales Coordinator

5- موضوع نسبة من المبيعات ده صح ولا لاء ؟

6- الشركة سوف تققوم بأستضافتى لمدة 10 أيام لغاية ما ألاقى سكن مناسب ( السكن من الـ 200 دينار بتوع المرتب )

7- يا ريت حد يكون عنده معلومات عن الشركة دى يقولى إذا كانت ذات سمعة طيبة وفعلاً شغالة كويس ولا لاء

8- أنا لسة لغاية دلوقتى ما جاليش تأشيرة

9- ممكن ألاقى سكن يكون الشركاء فيه مصريات بسهولة خلال الـ 10 أيام استضافة بتاعة الشركة ولا إيه ؟

أنا فى أنتظار ردكم

فى رعاية الله

[أبو حميد]

المرتب نسبيا قليل خصوصا لفتاة رغم معرفتي بشباب يقبضون 150 دينار ومبسوطين وعايشيين. والقرار يتوقف على حاجتك للعمل لأنك بمثل هذا المبلغ ستضطري لضغط المصاريف وشد الحزام حتى تتمكني من توفير من 50 إلى 100 دينار (1000 إلى 2000 جنيه) شهريا فهل هذا المبلغ يستحق الغربة مع شد الحزام؟ وهل امامك بديل أخر في مصر أو أي مكان أخر؟ أنصحك بصلاة الإستخارة.

ولو أخترتي أن تحاولي فأنصحك بأن تشترطي أن توفر لكي الشركة تذكرة ذهاب وعودة مش مهم شهرية أو 3 شهور أو سنوية ولكنها تضمن سهولة عودتك عند وجود ما يريبك أو يضايقك.

ويجب السؤال عن توفير الموصلات من وإلى مكان العمل لأن بند المواصلات غالي وسيبدد الكثير من المرتب القليل.

بخصوص السكن فيتوقف على مكان العمل و توفير سكن لكي بمفردك هيكون صعب وليس مستحيل وحاولي تزودي العشر أيام لشهر ده هيديكي فرصة كويسة للبحث. ولكن أعتقد أنك لن تأتي بمفردك بل سيكون معك فتيات اخريات فيمكن ان نحصل لكم على شقة جماعية قريبة من مكان العمل.

أخيرا أطمئنك أنك لن تكوني بمفردك في الكويت وأعتبري زملائك بالمنتدى هم أخوة لكي بالكويت سيساعدوكي في حال حدوث أي مشكلة ويمكنك الإعتماد على ذلك.

تم تعديل 29 مارس 2007 بواسطة أبو حميد

[drhouba]

لازم يكون فيه تفاوض بينك و بينهم على زيادة المرتب قليلا لأن موضوع النسبه ده غير مضمون و حاولى تتكلمى زى ما قال لك أبو حميد فى زيادة مدة الإستضافه لإتاحة الفرصه لنفسك للبحث براحتك عن سكن و لم تذكرى شيئا عن تذكرة طيران سنويه أو وسيلة مواصلات .... زى ما قال لك أبو حميد الشغل بالشروط اللى قلتيها دى حيكون فيه شد حزام على الآخر .... و عموما ربنا يوفقك للى فيه الخير و طمنينا عليكى

[بنت من مصر]

السلام عليكم

شكرا د. هوبة والاستاذ أبو حميد

بس يار يت توضحوا لى شوية معلومات مثلاً هما قالوا لى ان التأشيرة هتكون جاهزة على يو م الاتنين الجاى طيب لو أنا تفاوضت معاهم على الحاجات اللى انتم قولتو لى عليها والتفاوض فشل وخصوصاً بعد حصولهم على التأشيرة ده يترتب عليه أى مسؤلية قانونية عليا أنا ؟

على فكرة أنا لم أوقع معاهم على أى عقود فى مصر كل اللى حصل مقابلة لم تتعدى الربع ساعة مع صاحب الشركة

طيب لو الموضوع ده فشل هل فيه شركات توظيف مضمونة فى الكويت أبعت لها . على فكرة انا عندى خبرة حوالى 10 سنين فى الـ Admin. Assistant & Office Manager فى شركات اجنبية وهيئات دولية وجهات حكومية

وشكراً للمساعدة

أه يا ريت حد يعرف الشركة دى يسألى عنها بليز

سلام عليكم

[بنت من مصر]

السلام عليكم

شكرا د. هوبة والاستاذ أبو حميد

بس يار يت توضحوا لى شوية معلومات مثلاً هما قالوا لى ان التأشيرة هتكون جاهزة على يو م الاتنين الجاى طيب لو أنا تفاوضت معاهم على الحاجات اللى انتم قولتو لى عليها والتفاوض فشل وخصوصاً بعد حصولهم على التأشيرة ده يترتب عليه أى مسؤلية قانونية عليا أنا ؟

على فكرة أنا لم أوقع معاهم على أى عقود فى مصر كل اللى حصل مقابلة لم تتعدى الربع ساعة مع صاحب الشركة

طيب لو الموضوع ده فشل هل فيه شركات توظيف مضمونة فى الكويت أبعت لها . على فكرة انا عندى خبرة حوالى 10 سنين فى الـ Admin. Assistant & Office Manager فى شركات اجنبية وهيئات دولية وجهات حكومية

وشكراً للمساعدة

أه يا ريت حد يعرف الشركة دى يسألى عنها بليز

سلام عليكم

[بنت من مصر]

السلام عليكم

شكرا د. هوبة والاستاذ أبو حميد

بس يار يت توضحوا لى شوية معلومات مثلاً هما قالوا لى ان التأشيرة هتكون جاهزة على يو م الاتنين الجاى طيب لو أنا تفاوضت معاهم على الحاجات اللى انتم قولتو لى عليها والتفاوض فشل وخصوصاً بعد حصولهم على التأشيرة ده يترتب عليه أى مسؤلية قانونية عليا أنا ؟

على فكرة أنا لم أوقع معاهم على أى عقود فى مصر كل اللى حصل مقابلة لم تتعدى الربع ساعة مع صاحب الشركة

طيب لو الموضوع ده فشل هل فيه شركات توظيف مضمونة فى الكويت أبعت لها . على فكرة انا عندى خبرة حوالى 10 سنين فى الـ Admin. Assistant & Office Manager فى شركات اجنبية وهيئات دولية وجهات حكومية

وشكراً للمساعدة

أه يا ريت حد يعرف الشركة دى يسألى عنها بليز

سلام عليكم

[أبو حميد]

السلام عليكم

شكرا د. هوبة والاستاذ أبو حميد

بس يار يت توضحوا لى شوية معلومات مثلاً هما قالوا لى ان التأشيرة هتكون جاهزة على يو م الاتنين الجاى طيب لو أنا تفاوضت معاهم على الحاجات اللى انتم قولتو لى عليها والتفاوض فشل وخصوصاً بعد حصولهم على التأشيرة ده يترتب عليه أى مسؤلية قانونية عليا أنا ؟

على فكرة أنا لم أوقع معاهم على أى عقود فى مصر كل اللى حصل مقابلة لم تتعدى الربع ساعة مع صاحب الشركة

طيب لو الموضوع ده فشل هل فيه شركات توظيف مضمونة فى الكويت أبعت لها . على فكرة انا عندى خبرة حوالى 10 سنين فى الـ Admin. Assistant & Office Manager فى شركات اجنبية وهيئات دولية وجهات حكومية

وشكراً للمساعدة

أولا مفيش مسئولية قانونية ولا حاجة لأنك لم توقعي شئ وبعدين فيزة الزيارة لا يدفع مقابلها سوى رسوم قليلة.

طالما عندك خبرة كويسة زي دي نصيحة ما تقبليش العرض وحاولي تاني وأنا هأبعتلك على الخاص مواقع شركات تساعدك تلاقي شغل أحسن.

[zedan]

مسألة التفاوض يا جماعة اذا كان الموضوع تخصص بحت في المجال الاداري، واللي حصل مع الأخت يختلف تماماً فاصاحب العمل حدد نوع العمل ( منسقة مبيعات) بالتحديد ، لذا فامسألة التفاوض ليس لها مجال ، لان يوجد داخل الكويت منسقات لمبيعات بكميات هائلة وأنتو علي عِلم بذلك....

أختي الفاضلة ، اري ان خبرتك في المجال الإداري واسعة النطاق فأنا أعمل في نفس الكارير أو بالتحديد AS a office manager وحتي تستطعي ان تحصلي علي وظيفة في نفس مجالك لازم تكوني موجودة داخل دولة الكويت ، لان الشركات الكبري لن تقوم بأي تضحيات بتكليف شخص من الخارج بالقيام بأعمال مدير مكتب مثلا لرئيس تنفيذي لشركة كبيرة أو رئيس مجلس ادارة إلا ان يكون لدية خبرة علي الاقل سنة في الكويت ، وانا أعمل في إحدي الشركات الكبري هنا وهذا ما تم معي عدة مقابلات ، ومن ثما فترة ثلاث شهور إختبار بوظيفة سكرتير تنفيذي لمجس إدارة الشركاء مش مدير بعينة وبعد التأكد من الخبرة الكافية يتم تحديد المسمي الوظيفي ، ولكي لا أطيل عليكي الحديث ، أمامك خيار من أثنين اما ان تقبلي بالوظيفة تخطيطاً لمستقبلك العملي ، أما أن تنتظري حتي يأتي العرض المناسب .

[ابن الصعيد]

ارفضي الموضوع

المبلغ لا يستاهل الغربة

صلي صلاة استخاره