الحياة الاجتماعية بكندا

[ahmed_saleh]

الاخوة الاعضاء

السلام عليكم و رحمة الله

الحقيقة هذه اول مشاركة و آمل ان تكون خفيفة الظل :sad: ، المهم انا لاحظت وجود وجهود كبير جداً من الزملاء بخصوص موضوع الهجرة الى كندا و الوضع المالي المتوقع و السكن و الصحة و التعليم و غيره و لكن لم يتطرق احد الى نوعية الحياة الاجتماعية هناك و خاصة لاسرة مسلمة ملتزمة بتعاليم دينها الاسلامي دون تشدد و هل هناك منغصات او مضايقات او عنصرية او احقاد او وجود حوادث مقصودة ضد فئة معينة من الناس من قبل السكان الاصليين ؟؟؟؟؟؟؟

آمل ايجاد من يرد علي بهذا الخصوص حتى يكون هناك تصور لطبيعة الحياة المقدم عليها بمميزاتها و عيوبها

[ahmed_saleh]

ايه يا جماعة محدش عايز يرد علي ليه :blink: ده انا شايف حوالي 58 قراءة للموضوع و ما فيش واحد او واحدة من القراء قال حاجة ربنا يبعت لنا ابن الحلال عشان نستفتح و نرش مايه . :friends:

[Siwa]

شوف حضرتك.....أعتقد إن كل دول العالم بما فيهم مصر فيها نسبه بسيطة من العنصرية أو القبلية......بس ولله الحمد نسب محدودة للغاية....أكيد ممكن يكون في هنا في كندا حوادث فردية من النوع ده......لكن هنا في تلات حاجات مهمة جدا....إن في قوانين بتحميك.....إن في حد دايما هيسمعك.......إن دايما هتلاقي اللي بيدافع عن حقوقك.......بس قبل كل ده لازم تعرف حقوقك كويس......أنا مش عايشه في واحدة من المدن العملاقه..... اللي ممكن الظروف تكون مختلفه فيها......بس بصفه عامه الحمد لله ما واجهتش مضايقات زايده عن اللزوم......ونادر جدا جدا لما سمعت عن ممارسات ضد فئه معينه.......

أما بالنسبه للحياة الخاصة بالأسرة المسلمة......والله أنامش شايفه في إختلاف كبير عن مصر......اللي بيحافظ على هويته وإلتزاماته الدينيه في مصر.....عن إقتناع......هيحافظ عليها في أي مكان في الدنيا.....يمكن يتمسك بيها أكتر.........بس عشان أكون صادقة مع حضرتك......الوضع ممكن يكون مختلف للي عنده أطفال أو مراهقين.....و أنا بصراحه ماعنديش أي خبرة في الموضوع ده.....ممكن حد من الأعضاء الأفاضل.....اللي عندهم أسر وأطفال..... يفيدوا حضرتك أكتر إن شاء الله.....

أرجو إن كلامي يكون أفاد حضرتك

خالص تحياتي