bassem_2009 بتاريخ: 19 مارس 2007 تقديم بلاغ مشاركة بتاريخ: 19 مارس 2007 دورت وسط الورود على وردة تشبهك ما لقيت ورجعت والقلب ناوي يعشقك لكن لما دققت فيكي النظر لقيت إنك مش وردة بس الزينة كانت غطتك *************** ماشي في وسط الطريق بدور على ابتسامة أمل أو فجر طالع ينور لكن بعد طول اللف لقيت من ظلام الدنيا اللي ما كنتش اتصور *************** يا طير ياللي ف السما طاير وديني على بلاد الحبايب هناك و ارميني حبايبي اللي شاددني ليهم كتر شوق نظرة واحدة من عيونهم بس ترويني *************** يا اللي تضيع صلاة الفجر وتنام بقى تغضب بكتر النوم رضا رب الأنام؟ طب بس انزل صلي وانت تشوف حلاوة السما وتسمع أحلى الكلام *************** حديدة مربوطة بحديد طالع لها حديدة بضغطة زر بس بتكلم الناس البعيدة عجبي على دي الدماغ سبحانه صورها لاجل تعمل لنا كل يوم حاجة جديدة *************** الحزن ساكن في القلب مرتاح ولا يخْرجه حتى طول الصياح لكن ع البعد لقيت باب الفرح جيت افتحه بس تاه مني المفتاح *************** مليانة الدنيا علامات استفهام مين وليه عشانيه وكام لكن بعد طول الحيرة لقيت إن الجواب في كتاب رب الأنام *************** حاطط إيدي على خدي بفكر ليه الدنيا فيها المر والسكر؟ رجعت بعد طول الضنا قلت ياخي سيب الخلق للي خلق ودبّر *************** خايف إن القلم يشوف الدنيا سودة وان كل الحاجات الحلوة ما عادتش موجودة وبعدك روحت ادور على أحزاني لقيت مدينة احزاني حجارة مهدودة *************** يا مصري الهم عليك اتسلّى قطّع فيك هو وما خلّى حاولت تغلبه بس ما قدرتش اتتريقت عليه قام ولّى *************** باسم زكريا وكل يوم ف حبك تزيد الممنوعات وكل يوم باحبك أكتر م اللي فات ----------(الباشا الفاجومي) ف كل كلمة أقولها أو حتى ف السكات نفسي ف العالي اشوفك ودي أغلى الأمنيات ----------(العبد لله) رابط هذا التعليق شارك المزيد من خيارات المشاركة
shahd بتاريخ: 19 مارس 2007 تقديم بلاغ مشاركة بتاريخ: 19 مارس 2007 الله الله الله يا باسم بجد رااااااائع سلمت اناملك طـــــــفولــــة شــــــهـــد رابط هذا التعليق شارك المزيد من خيارات المشاركة
inas بتاريخ: 19 مارس 2007 تقديم بلاغ مشاركة بتاريخ: 19 مارس 2007 جميله جدا جدا والله تسلم ايدك ماشاء الله عليك * لسانك لا تذكر به عورة امرىء فكلك عورات وللناس أعين * إذا الشعب يوما أراد الحياة فلا بد أن يستجيب القدر رابط هذا التعليق شارك المزيد من خيارات المشاركة
التونسى بتاريخ: 20 مارس 2007 تقديم بلاغ مشاركة بتاريخ: 20 مارس 2007 محاولاتك فى كتابة الرباعيات جيده .. وقد ظهر بين سطورك .. فلسفتك وتوصيفاتك للأشياء من خلال منظورك الخاص عليك بالمزيد والمزيد من التجارب .. مع توخى التكثيف على قدر المستطاع .. فالبلاغه فى الرباعيه ((اى ما قل ودل... وابلغ من أقصر الطرق)) هى المهمه الصعبه مع تحياتى لقلمك المتميز وفكرك الراقى الذى يطل من بين كتاباتك :ninja: اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
bentmasria بتاريخ: 20 مارس 2007 تقديم بلاغ مشاركة بتاريخ: 20 مارس 2007 جميل ياباسم ومتميز دائما خايف إن القلم يشوف الدنيا سودة وان كل الحاجات الحلوة ما عادتش موجودة وبعدك روحت ادور على أحزاني لقيت مدينة احزاني حجارة مهدودة ما اقسى ان تتحول مدينة الحزن لحجارة مهدودة الا يكفى احزانها شكرا لك على صدق حرفك البنت المصرية عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
bassem_2009 بتاريخ: 20 مارس 2007 كاتب الموضوع تقديم بلاغ مشاركة بتاريخ: 20 مارس 2007 أشكركم تباعا شهد : أول رد على هذه الصفحة وأول تشجيع أشكرك إيناس : انتِ دوما هنا أراك فأعلم أني أسير على الطريق السليم التونسي : أول مرة في صفحاتي ....... إذن أظن أنني بدأت البنت المصرية : دائما ما أبحث عنها وعن رأيها في كل ما أكتبه دمتم جميعا باسم زكريا وكل يوم ف حبك تزيد الممنوعات وكل يوم باحبك أكتر م اللي فات ----------(الباشا الفاجومي) ف كل كلمة أقولها أو حتى ف السكات نفسي ف العالي اشوفك ودي أغلى الأمنيات ----------(العبد لله) رابط هذا التعليق شارك المزيد من خيارات المشاركة
bassem_2009 بتاريخ: 20 مارس 2007 كاتب الموضوع تقديم بلاغ مشاركة بتاريخ: 20 مارس 2007 قاعد ماسك ربابتي ومزاميري أقول اي كلام يطرا على تفكيري عدت عليا بنت حلوة قلت اغازلها لقيتني بحن للشارع اللي شاف مشاويري *************** تتوه عيوني في جمال العيون زرقا وخضرا ومليانة شجون ألوان كتير وأشكال أشوفها لكن أحب عيونك يا مصر كيف ما تكون *************** وكل يوم ف حبك تزيد الممنوعات وكل يوم باحبك أكتر م اللي فات ----------(الباشا الفاجومي) ف كل كلمة أقولها أو حتى ف السكات نفسي ف العالي اشوفك ودي أغلى الأمنيات ----------(العبد لله) رابط هذا التعليق شارك المزيد من خيارات المشاركة
Tafshan بتاريخ: 20 مارس 2007 تقديم بلاغ مشاركة بتاريخ: 20 مارس 2007 تمام التمام يا باسم :ninja: الرباعيات ممتازه و الصياغه عال العال .. لكن مش انت ! حاول تكون " انت " هو ده طرف الخيط اللى لازم تبدأ منه.. انت عندك موهبه و بتعرف تكتب .. يبقى اللى فاضل انك تكتب حاجه جديده تماماً عن كل ما قرأت و تكون فيها ريحة باسم .. ده مش معناه انك كاتب رباعيات وحشه بالعكس .. انا عايزك تكتب احسن و احسن .. مش عايزك تفهم كلامى غلط .. تحياتى :amb: الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
هشام الجنيدى بتاريخ: 20 مارس 2007 تقديم بلاغ مشاركة بتاريخ: 20 مارس 2007 باسم ....... دائما تتقدم للامام ..... اعجبتنى رباعياتك جدا وافكارك الرائعة استمر وفققك الله لما تحب ويرضى انما الامم الاخلاق ما بقيت .............. فان همو ذهبت اخلاقهم ذهبوا ...................................................................! وعلمتنى الحياه اضحك لأحبابى واضحك كمان للعدو علشان يشوف نابى واخده كمان بالحضن لو خبط على بابى فيحس انى قوى وميشفش يوم ضعفى....... قناتى ع اليوتيوب .... صفحتى ع الفيس بوك ..... رابط هذا التعليق شارك المزيد من خيارات المشاركة
bassem_2009 بتاريخ: 20 مارس 2007 كاتب الموضوع تقديم بلاغ مشاركة بتاريخ: 20 مارس 2007 أستاذي الطفشان دوما أتابع أعمالك وأنبهر بها ولكني أحب أن أقول لحضرتك أني أكتب منذ 3 أشهر فقط وأحاول أن أبدأ من حيث انتهى الكبار أو أعبر عن نفسي كما عبروا هم عن أنفسهم ولكن بطريقتي الأستاذ هشام أشكر لك تشجيعك لي الدائم باسم زكريا وكل يوم ف حبك تزيد الممنوعات وكل يوم باحبك أكتر م اللي فات ----------(الباشا الفاجومي) ف كل كلمة أقولها أو حتى ف السكات نفسي ف العالي اشوفك ودي أغلى الأمنيات ----------(العبد لله) رابط هذا التعليق شارك المزيد من خيارات المشاركة
Tafshan بتاريخ: 21 مارس 2007 تقديم بلاغ مشاركة بتاريخ: 21 مارس 2007 أستاذي الطفشاندوما أتابع أعمالك وأنبهر بها ولكني أحب أن أقول لحضرتك أني أكتب منذ 3 أشهر فقط وأحاول أن أبدأ من حيث انتهى الكبار أو أعبر عن نفسي كما عبروا هم عن أنفسهم ولكن بطريقتي ما شاء الله .. اتمنى لك كل توفيق .. الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
bassem_2009 بتاريخ: 21 مارس 2007 كاتب الموضوع تقديم بلاغ مشاركة بتاريخ: 21 مارس 2007 بين البنادق وتحت النار فوقي دبابة والشهدا كتار بسأل نفسي فين انا فجأة لقيت إني بجري م السرير للفطار *************** يا بو الفوارس ترهب الجدعان مذكور بالقوة في جميع الأزمان لكن لوحد شاف قلبك هيلاقي فيه رقة ودموع وشجون من الأحزان باسم زكريا وكل يوم ف حبك تزيد الممنوعات وكل يوم باحبك أكتر م اللي فات ----------(الباشا الفاجومي) ف كل كلمة أقولها أو حتى ف السكات نفسي ف العالي اشوفك ودي أغلى الأمنيات ----------(العبد لله) رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان