انا اسمى المواطن

[هشام الجنيدى]

انا اسمى المواطن ..... ومصر الوطن....

انا اللى لراسه.... فى وحل اندفن

انا اللى من الظلم قلبى .....

انا اسمى المواطن ... ومصر الوطن....

دموعى دموعك على خدى سيل

ودمى ودمك منابعك يا نيل

ومهما نسافر ومهما نروح

ومهما تزيد فى الألآم الجروح

هنفضل على العهد طول الزمن

انا اسمى المواطن ..... وعهدى الوطن

زرعته فى قلبى نبات الامل

رويته حميته ولا عزمى ملّ

ولما لقيته بيطرح ورود

عرفت ان لازم ربيعك يعود

ينضف ربوعك ويمحى العفن

انا اسمى المواطن ..... ومصر الوطن

نويت انى ممنعش صوت كلمتى

اسكت عن الحق!؟ ..فوق جثتى

هقول الف لأ...لكل اللى باع

امل شعب طيب ملوش فى الخداع

وفوق رف ّعالى حلمه اتركن

انا اسمى المواطن ..... وحلمى الوطن

بلادى بلادى يا ضى الصباح

يا عمرى اللى آتى يا عمرى اللى راح

عشانك هقاطع جموع الفساد

وحتى لو الظلم برطع وساد

هنادى بحقى ليوم الكفن

انا اسمى المواطن ..... وحقى الوطن .....

25|3|2007

الاحد.

[bentmasria]

هشام الجنيدى

تغيب طويلا وتعود بشحنات دافقة من المشاعر تنطقها حروف القلب معك وتنبض بها

هذه القصيدة علامة فى تأريخ هذا الوقت

وحكمة لمن يع

اننا لن نفقد همتنا مهما حدث

امتعت القلوب بالشجن الممزوج بالالم

والصبر الجميل

دمت رائعا مميزا واديبا فوق العادة :lol: :lol: :blink:

[نانو]

الشاعر الرائع المتيمز دائما بحسه العالي وروحه الشفافه هشام الجنيدي

تنثر كل ما نشعر به من شوق و حنين وحب وحزن و حسره و الم .....لبلدنا الحبيبب

شكرا لك كلماتك التي اخرجت مكنونات القلوب ... ودام قلمك المتميز

[هشام الجنيدى]

الاخت العزيزة بنت مصرية اما بعد :............

انا كتبت القصيدة دى قبل ما انزلها فى المنتدى هنا ب3\4 ساعة ودة لانى مقدرتش اصبر لان بكرة يوم عظيم وحبيت اسجل موقفى من اللى بيحصل واللى هيحصل واتمنى ان تحبط كل المؤامرات على هذا الوطن الذى اعشق ترابه ودى بقت مسالة مبدا انا النهارده حسيت انى بتكلم بجد حسيت ان كلامى ممكن يكون مؤثر فعلا ومفيد مش مجرد كلام شعرا غاوين طق الحنك انا النهاردة حاسس انى فى قمة انفعالى وقمة احساسى بقضية هذا الوطن وقمة السلام مع نفسى ورضا الضمير تجاه اللى قلته ...........

شكرا على مرورك الكريم واستيعاب الحكمة التى اقصدها

العزيزة نانو .....

شكرا على مرورك الكريم ....... وانا سعيد حقا ان مشاعرى توافق مشاعر غيرى من ابناء مصر اللى ماتو فى الحرب من اجل الحرية مش اقل مننا فى شىء هما ماتو عشانا واحنا لازم نموت عشان اللى بعدنا وتستمر معركة الحرية قائمة الى ان يفصل الله فى امرنا

اما بخصوص الكلمة الناقصة اللى اشرت اليها فى الرسالة ... فانا هرد عليكى هنا عشان باقى الاعضاء يدركو الموقف صح .....

انا قصدت انى اسيب مكان الكلمة دى فاضى ..... وممكن تحطى الكلمة اللى تريحك وتعبر عنك فيها لان كل واحد قلبه ملكه هوة بس وهو ادرى باحساسه تجاه الظلم اما انا فأحتفظ بكلمتى لنفسى ....... وانا اعتبرت القصيدة دى (القصيدة الناقصة .....) لانها ناقصة كلمة زى ما اوضحتى وبشكرك على حسن انتباهك وعلى سؤالك الذى توقعت ان يثير الجدل من اكثر من عضو هنا ..........

شكرا على مرورك الكريم واتمنى لمصر كل الخير والسعادة والحرية

وربنا يستر :blink:

[Doofy]

=============================================================================

================================================================================

تعودنا ان نرى حروفك

تصالح احزان الوطن

تنادي بألف عشق لترابه

وترفع سيوف التحدي في وجه اشباح

سكنت قصور الظلمة والخوف والكآبة

الأخ العزيز هشام الجنيدي

كلمات بلون النـيل الخالد ...

محفورة على جدران الحرية....

تحياتي دائما

:

:

[إبن مصر]

اسمح لى احيك بشده يا هشام...

واسمح لى اتطفل عليك بدل ما اكتب فى موضوع جديد يبقى لى الشرف اخط الكلمتين دول عندك...

وليك السبق والرياده.. ويمكن كلامك الى حرك قلمى المتواضع...

قالولى تعالى وخط الكلام

واوعك تفكر ..دا كله تمام

يابنى الاماره

فى أصل العباره

انك توافق وترجع تنام

قالولى تعالى وخط الكلام

اوافق ماوافق طب وهى فارقه

من الجوع هاوافق مالسكينه سارقه

هاوافق لايه

والا على ايه

مالى جاى رايح ولا هى فارقه

قالولى تعالى وخط الكلام

خليك فى حالك واوعك تزمزأ

او يروح خيالك انك تحمرأ

او فى يوم تفكر

انك تبقى عنتر

مش هاتلاقى تاكل ولا حتى تنأنأ

قالولى تعالى وخط الكلام

طي يا ناس قولولى اكتب بأيه

او فهمونى الى اقوله ايه

ما هى تبقى نيله

وبلوه تقيله

لو كنتم انتم وافقتم عليه

قالولى تعالى وخط الكلام

طب حبه حبه بس وفهمونى

تلاتين ماده فى شهر يكفونى؟

طب ما كنت الاول

أعر ف الى اتعدل

علشان اجيلكم بالحته اللمونى

قالولى تعالى وخط الكلام

اه يا شعب غلبان مسلوب الاداره

حطو كل همك فى أكل وزواده

كتفوك بالدين

وخنقوك سنين

وفى اخر المتمه بصموك شهاده

قالولى تعالى وخط الكلام

طب أحلف عليكم ما اوافق فى يوم

ولو حتى كنت وحدى الملوم

بس اهو مره

ارداتى تبقى حره

واضرب بمزاجى واقوم من النوم

قالولى تعالى وخط الكلام

[bentmasria]

قالولى تعالى وخط الكلام

واوعك تفكر ..دا كله تمام

يابنى الاماره

فى أصل العباره

انك توافق وترجع تنام

قالولى تعالى وخط الكلام

برافو يا استاذ احمد

جميلة ومن القلب لقلوب الناس

احييك واحيى هشام الذى دفعك هو ووطنيتك لصياغة هذه الحروف

بجدددددددددد

روائع تسجل فترة هامة من احباطات مواطن مصرى

[عازفه على أوتار الذهب]

استاذ هشام.......

كل كلمه بتحكي معاناة شعب بأكمله.......

رائعه كلماتك استاذ هشام......

ياريت متغيبش عنا كتير......

نحتاج لقراءة قصائدك التي تعبر عما بداخلنا من الم........

تقبل تحياتي....... bnd5::

تم تعديل 27 مارس 2007 بواسطة عازفه على أوتار الذهب

[shahd]

هشااااااااااااااااام يا هشام.. دائما اقف امام نصوصك مذهولة

فكل الكلمات تتوراى خجلا اماما روعة ادائك .. وما يكمن بين طيات ابياتك من معان قوية تزلزل الكيان

رائع رائع وبكل لغات الدنيا رااااااااااااااااااااائع

سلمت اناملك ودمت نجما في سماء الأبداع

[Ahmad Farahat]

كلنا هذا الرجل يا صديقي.............

وكلنا نعرف الحقيقة.............

ولكن الشعر يظل تأريخا صادقا لما يحدث...........

ولن نجد شاعرية كشاعريتك تستطيع تسجيل هذه اللحظة البائسة في تاريخنا..............

أشكرك كمواطن عادي............

وكشاعر يعرف جيدا قيمة الشعراء..............

في رصدهم للأمور.............

دمت مبدعا

[محمود الشاعر]

هشام الجندي

دائما ما تدهشنى كل مرة

كلمات صيغت بعناية صائغ شكرا لك