شوف جماهير نادي القرن بتحب مين أكتر : الأهلي واللا المنتخب

[kokowawa1979]

نظرا لأن بعض حبايبنا الأهلوية أمثال أخونا النسر الطائر - والزعيم سي السيد - والأستاذ داروين من هواة العسعسة في موقع الزمالك تي في ( على الرغم مش إنه الموقع الرسمي للزمالك ) واتحافنا كل فترة بموضوع لزوم الفرقعة الإعلامية :lol:

فقد اضطر كوكو واوا باعتباره ضابط احتياط استطلاع سابق ( حلوة دي) من اختراق الموقع الرسمي لنادي القرن - وبعد البحث والتحري فوجئ كوكو واوا بأن الشعارات الرنانة التي صدعتنا بأن النادي الأهلي وجماهيره تمثل قمة الوطنية :blink: وأن غيرهم من الجماهير هي عمالة للإستعمار :lol: - لهذا نبشر الجماهير العمالة بما وجدناه في موقع الأهلي الرسمي وياليتني ماشفته لإن أنا كان خلاص إتزرع في نفوخي إن النادي الأهلي هو الوطنية بعينها وأول من أدخل كلمة الوطنيه هو وجماهيره إلى قاموس مختار الصحاح - والمصباح المنير وحتى قاموس إلياس :lol:

خدوا الرابط واتوكلوا على الله وقولوا فالتحيا الوطنية يا .......................................... أهلوية :lol:

http://el-ahly.net/ahlyegypt2/viewtopic.ph...133&start=0

[se_ Elsyed]

ما تقول من غير لف ولا دوران إنت عايز إيه ؟

الموقع لازم تكون مشترك فيه

وأنا شخصياً لا أدخل على موقع النادي الاهلي لإنه كله حقائق وإنتصارات وأشياء معروفة

لكن باحب أدخل المواقع الزملكاوية عشان أفك عن نفسي لما أبقى متضايق .. دي حقيقة والله .. أصل باحس إنهم قاعدين في ميتم وعمالين يعيطوا ويبكوا على الأطلال وعلى ميت ما يستاهلش وبيحاربوا طواحين الهوا

[kokowawa1979]

الزعيم كتب :

ما تقول من غير لف ولا دوران إنت عايز إيه ؟

الموقع لازم تكون مشترك فيه

عايز أقول إن هو ده جمهور الأهلي الحقيقى المغيب عن الوعي بفعل فاعل كما قال الزمخشري ! :friends:

فينك يا دكتور هوبا تشوف الفضايح :blink:

عارفين الريس لو بيفهم كان استقبل فريق الأهلي وإدارته النهاردة - كان ضمن إن البصمة الفوسفورية جابت نتيجة وإن ال30 مليون اللي عايزهم كانوا حضروا وقالوا نعم بالثلث للذل والقهر - بس ياخسارة ماعرفش يلعبها صح - معلهش أصله ....

هو صحيح الريس أهلاوي واللا أهلاوي ...... :lol:

تم تعديل 26 مارس 2007 بواسطة kokowawa1979

[kokowawa1979]

شفت يادكتور هوبا سمع هسسسسسسسسسسسس إزاي !!!!

[se_ Elsyed]

لا إله إلا الله

ده مين اللي بيغني ويرد على نفسه ده ؟

يابا الحج كوكو هاندخل نشوف الموضوع بتاعك إزاي إذا كان الموضع بيطلب مننا التسجيل والواحد مش فاضي يهرش

يا مثبت العقل والدين يارب

[drhouba]

فخامة وزير الدفاع الزملكاوى الرابط اللى إنت حاطه فى موضوعك عباره عن صفحة الدخول ... يعنى لازم أكتب باسورد و يوزر نييم لا مؤاخذه .

إنت ترضهالى إنى أشترك على موقع للأهلى بعد العمر ده ضميرى مش مطاوعنى و لو ضميرى طاوعنى إيدى مش حتسامحنى فلو تكرمت يا سيادة المشير تحط الوصله تانى مفتوحه أو تنقل لنا المصيبه اللى مكتوبه جوه و العياذ بالله :blink:

[النسر المصري]

يعني يا كوكو ياحبيي الناس بمن فيهم الاخوه الزمالكويه بيبوسوا ايدك انك تنقل الموضوع وتريحنا وتقول فيه ايه (ولو اني انا متأكد انه موضوع مايستاهلش وانه لزوم الفرقعه الاعلاميه مش اكتر او للتغطيه على فديحة بتل الكرن الافريكي المخادع)

عموما احنا منتظرين موضوعك ياسعاده الباشا الوزير

[أبو محمد]

عزيزى كوكو واوا

إيه شغل السسبنس بتاعك ده .. :friends:

إلا بقى إذا كنت عاوزنا نشترك اضطراريا فى موقع الأهلى ..

ياعم قول بقى .. قول .. عشان أرد على سؤالك بخصوص إذا كان الريس أهلاوى ولا أهلاوى .. أنا عندى الخبر اليقين .. وكله بالمستندات .. قول وانا اقول :blink:

[kokowawa1979]

شفت يادكتور هوبا يا حبيبنا ظلمنا أحبائنا الأهلوية إزاي ومفيش ولا واحد منهم مشترك في الموقع الرسمي لنادي القرن bnd5::

ده يدل على إنهم زملكاوية من جوة بس بيداروا - علشان كدة اشتركوا في الزمالك تي في وسابوا ناديهم اللي بيشجعوه كدة وكدة . :lol:

وسامحني يادكتور هوبا على الغلطة دي لكن كان لابد منها لوضع حد لعسعسة حبايبنا الحلوين في مواقع الزمالك :lol:

عموما هو ده المكتوب ياشباب بالنص عن وطنية جماهير الأهلي :

تسجيل الخروج

الملف الشخصى

ابحــث

ahlyegypt.com

المجموعات

أعضاء المنتــدى

الصفحة الرئيسية

آخر المواضيع بالمنتدى

» الفهد المصاب جلبرتو : اخبار جديده مبشره عن جيلبرتو ص176 || مؤلف: kimowahba || عدد الردود [ 1917 ] .::. » AE TEAM 2007 - Operations || مؤلف: alolw || عدد الردود [ 1718 ] .::. » EA_STAFF || مؤلف: alolw || عدد الردود [ 7331 ] .::. » إبراهيم سعيد يطلب اللعب للأهلي! || مؤلف: shareef757 || عدد الردود [ 147 ] .::. » وائل رياض .. جراتس النمساوي || مؤلف: m.emad || عدد الردود [ 783 ] .::. » Emad Met3eb....عماد متعب || مؤلف: m.emad || عدد الردود [ 4145 ] .::. » ارجو المساعده ضروووووووري من متخصصي الكمبيوتر || مؤلف: Lord Of The Clips || عدد الردود [ 14 ] .::. » متابعة الإستفتاء على التعديلات الدستورية ابتداءا من ص 17 || مؤلف: lion_king866 || عدد الردود [ 226 ] .::. » كتكوت باربع رجول || مؤلف: kojo__1 || عدد الردود [ 7 ] .::. » فريق السله : الأهلي يفوز بكأس الدور التمهيدي للكبار والمرتبط || مؤلف: basbosa || عدد الردود [ 653 ] .::.

هل تشجع الاهلى اكثر ام منتخب مصر ؟؟؟؟؟؟

انتقل الى صفحة 1, 2, 3, 4, 5, 6, 7, 8, 9 التالي

استعرض الموضوع السابق

تابع ردود على هذا الموضوع

:: Al Ahly :: منـتــدى -> ركن الاهلـى

مؤلف رسالة

ahlawe3alatol

----------

اشترك في: 24 نوفمبر 2005

رقم العضويـة: 23,451

مشاركات: 476

المكان: cairo

ارسل: الاثنين مارس 26, 2007 1:05 am موضوع الرسالة: هل تشجع الاهلى اكثر ام منتخب مصر ؟؟؟؟؟؟

--------------------------------------------------------------------------------

بصراحة ومن اول ما بدات اشجع واتفرج على كورة وبدات احب الاهلى واشجعة وانا بكون فى غاية الحماس والعصبية فى ماتشات الاهلى

لكن فى ماتشات المنتخب وبصراحة الحماس بيقل جداااااااا وبيكون الاهم بالنسبة لى الاطمنان على لاعبى الاهلى وان لاعبى الاهلى يحرزوا الاهداف ويكونوا السبب الرئيسى فى الفوز بالماتش

عايز رايكم وهل اللى انا بعملة دة صح ولا غلط بس برضو انا طبعا بحب مصر جدااااااااااااااااااااااااااااااااااااا وبتمنى طبعا الخير والنصر لمصر فى اى مكان وزمان لانى مصرى اولا واخيرا بس فى الكورة مش عارف لية الفرحة بتكون كبيرة اوى مع الاهلى والحماس بيكون اكبر بكتير

فما هو راى حضراتكم؟؟؟؟؟؟

_________________

الاهـــــــلى وبس .............والباقى كومبارس

Viva Ahly .. African Team of the century

Barcelona

----------

اشترك في: 01 مايو 2004

رقم العضويـة: 5,174

مشاركات: 17009

المكان: Heliopolis Is My Lady

ارسل: الاثنين مارس 26, 2007 1:08 am موضوع الرسالة:

--------------------------------------------------------------------------------

انا باشجع الاهلى اكتر بالطبع

_________________

Valdez : Take Care Of The Hand Flares

Viva Ahly .. African Team of the century

Chatsana

----------

اشترك في: 02 اغسطس 2003

رقم العضويـة: 1,870

مشاركات: 677

ارسل: الاثنين مارس 26, 2007 1:09 am موضوع الرسالة:

--------------------------------------------------------------------------------

asasy el ahly aktar

_________________

2005,2006,2007

Tunis mesh bet7ebak ya ahly

Viva Ahly .. African Team of the century

digitalmody

----------

اشترك في: 26 مايو 2003

رقم العضويـة: 859

مشاركات: 871

المكان: around u

ارسل: الاثنين مارس 26, 2007 1:12 am موضوع الرسالة:

--------------------------------------------------------------------------------

الأهلى الأهلى الأهلى

_________________

Viva Ahly .. African Team of the century

emad_almasre

----------

اشترك في: 19 فبراير 2005

رقم العضويـة: 15,412

مشاركات: 6290

المكان: palestine

ارسل: الاثنين مارس 26, 2007 1:15 am موضوع الرسالة:

--------------------------------------------------------------------------------

لو عايز كلام للاعلام وكلام للتظاهر

طبعا للمنتخب ...

لكن في الحقيقه ..

الانتماء الاول والاخير للاهلي

_________________

لماذا ترك اسامه الفورم ؟!!!

Viva Ahly .. African Team of the century

Nesta_afc

----------

اشترك في: 07 نوفمبر 2005

رقم العضويـة: 22,891

مشاركات: 4951

المكان: اى حته تحت السماء

ارسل: الاثنين مارس 26, 2007 1:16 am موضوع الرسالة:

--------------------------------------------------------------------------------

طبعا الاهلى انا لو المنتخب خسر ولا هاحط فى بالى خالص

امل الاهلى لو اتعادل طول اليوم بيبقى نكد

_________________

غايبك صعب علينا

Viva Ahly .. African Team of the century

m.emad

----------

اشترك في: 10 يوليو 2004

رقم العضويـة: 6,592

مشاركات: 4493

المكان: In Maadi

ارسل: الاثنين مارس 26, 2007 1:17 am موضوع الرسالة:

--------------------------------------------------------------------------------

,.. أنا مابشجعش أصلا غير الاهلى .., و غير منتمى للمنتخب و لا بشجعه

,. بس يهمنى لعيبتى اللى موجودة ف المنتخب فقط لا غير

ahlawe3alatol,

,.. أزيك يا عدول أخبارك أيه ., أيوة شارك معانا كدة

_________________

اه ... اهلاوى

Viva Ahly .. African Team of the century

ahlawe3alatol

----------

اشترك في: 24 نوفمبر 2005

رقم العضويـة: 23,451

مشاركات: 476

المكان: cairo

ارسل: الاثنين مارس 26, 2007 1:23 am موضوع الرسالة:

--------------------------------------------------------------------------------

Barcelona/Chatsana/digitalmody/emad_almasre/Nesta_afc/m.emad

شكرا ياشباب على الرد والحمد لله اننا متفقين ان تشجيع الاهلى ياتى فى المرتبة الاولى

لانى فعلا بحس جدا بكدة

m.emad

ازيك يا ابو حميد وانا معاكم ياباشا على طول وشكرا على اهتمامك

_________________

الاهـــــــلى وبس .............والباقى كومبارس

Viva Ahly .. African Team of the century

hisho1979

----------

اشترك في: 03 فبراير 2005

رقم العضويـة: 13,723

مشاركات: 1068

المكان: Alexandria

ارسل: الاثنين مارس 26, 2007 1:23 am موضوع الرسالة:

--------------------------------------------------------------------------------

ahlyyyyy

_________________

ويمضي العام بعد العام بعد العام..وتتساقط بيننا الأيام

رماد أنتي في عيني...

بقايا من حريق ثار في دمنا ونام

ويمضي العام بعد العام بعد العام...

فلا أنت التي كنت ولا أنا فارس الأحلام

Viva Ahly .. African Team of the century

samehelahlawy

----------

اشترك في: 03 ديسمبر 2004

رقم العضويـة: 11,687

مشاركات: 1102

المكان: وحده الاطفال حديثى الولاده

ارسل: الاثنين مارس 26, 2007 1:29 am موضوع الرسالة:

--------------------------------------------------------------------------------

الاهلى طبعا ولا شئ قبل الاهلى ولا بعد الاهلى

هو ده سؤال برده يا راجل

دي صفحة واحدة بس وبقية الصفحات زيها بالضبط !!!

إيه رأيكم في الوطنية دي :lol: يانادي سعد زغلول :lol:

[أبو محمد]

يعنى عاوز تفهمنا يا كوكو إن ال 100 ألف إللى كانوا بيشجعوا المنتخب فى بطولة أفريقيا كانوا كلهم زمالكاوية ؟؟

فى الحقيقة ردود الشباب دول (أكيد دول من الجيل الصاعد) بتنبئ عن كارثة .. عيال مش عارفين يعنى إيه انتماء لوطنهم حتى فى الكورة اللى ما يعرفوش غيرها ..

العيال دى أهاليهم نسيوا يربوهم bnd5::

[kokowawa1979]

أستاذنا الفاضل أبو محمد كتب :

فى الحقيقة ردود الشباب دول (أكيد دول من الجيل الصاعد) بتنبئ عن كارثة .. عيال مش عارفين يعنى إيه انتماء لوطنهم حتى فى الكورة اللى ما يعرفوش غيرها

بصرف النظر عن موضوع الأهلي والزمالك لكن والله ياأبو محمد شعوري هو شعورك بالضبط - لكن الحمد لله أخونا أرسين منه كتير قوي يخللونا متفائلين بالمستقبل إن شاء الله .

لو عاوزين اليوزر نيم والباسوورد ممكن أكتبهم بس بصراحة مانصحكمش لاحسن نفسكم تنسد من الجيل الجديد !!!!

يعنى عاوز تفهمنا يا كوكو إن ال 100 ألف إللى كانوا بيشجعوا المنتخب فى بطولة أفريقيا كانوا كلهم زمالكاوية ؟؟

لأ طبعا يا ابو محمد ياحبيبنا : مش كلهم زملكاوية لكن فيه نسبة كبيرة اسماعلاوية - واتحاداوية علشان خاطر عيونك ياأبو محمد bnd5::

جمهور الأهلي حضر أيام المباريات التجريبية بس علشان يلعن سلسفيل حسن شحاتة واللي حطه مدير فني للمنتخب علشان مانطلمش جمهور الأهلي الوطني ونقول إنه ماحضرش :lol:

[drhouba]

دى مشكلة جيل صاعد بالكامل يا مارشال ...

جيل فاقد القدوه ... فاقد الإنتماء ... تفكيره مشوش

ربنا يستر علينا و على البلد منهم فى السنين اللى جايه

[أبو محمد]

كوكو واوا كتب :

لأ طبعا يا ابو محمد ياحبيبنا : مش كلهم زملكاوية لكن فيه نسبة كبيرة اسماعلاوية - واتحاداوية علشان خاطر عيونك ياأبو محمد

أهو كده الكلام .. حد يجبر بخاطرنا ياجدعان bnd5::

وعشان الكلمتين الحلوين دول يا كوكو .. أنا لازم أرد على سؤالك بخصوص انتماء الريس .. عشان تطمن خاااااااالص إن الزمالك راجع راجع لا محالة .. :lol:

شُفت بقى ياسيدى .. أهو انتم بقى اللى نادى الحكومة .. أما احنا بقى .. الظاهر عادل لبيب بيشجع المقاولون العرب .. عمال يشيل بلاط أرصفة اسكندرية اللى زى الفل ويركب غيره .. جتنا نيلة فى حظنا الهباب .. :lol:

[ابو محمود]

جيل يفتقر الى العلم انتى يأستاذ ممكن تعرف انهم جهلاء كباقى جيل مصر من طريقة كتابتهم كلها اخطاء املائية ياكابتن انتا ذملكاوى واحنا أهلوية بس العبرة مش بان نحب مصر ولاكن هل هذا الجيل مستعد ان يدافع عن مصر ولا الاهلى ولا الذمالك يأخى انت فاكر اننا عندنا جيل رجالة ازاى وكل واحد منهم بايع القضية امشى فى الشوارع واتفرج على الشباب ازى بيتسكع مع البنات وبيشربو مخدرات حتى داخل الاندية التعصب ليس للون ولاكن لوطن غاب وجفت شرا يينة ومحتاج الى جراحة عاجلة وهى بتر واستأصال من يسمم افكار ابناءة ويهدم اجيالة بدس السرطان والمخدرات والفيروسات داخل اجسادهم هذ هو السبيل لكى يكون عندنا انتماء وخلص الكلام عايز تانى كلمنى ياذملكاوى ياخويا سلام

[kokowawa1979]

لأ تاني مين ياأستاذ محمود - ده كدة رضا قوي . bnd5::

[النسر المصري]

دى مشكلة جيل صاعد بالكامل يا مارشال ...

جيل فاقد القدوه ... فاقد الإنتماء ... تفكيره مشوش

ربنا يستر علينا و على البلد منهم فى السنين اللى جايه

وشهد شاهد من أهلها

:wub:

[kokowawa1979]

النسر المصري كتب :

وشهد شاهد من أهلها

إيه ياعم النسر !!! إنت بتتلكك واللا إيه ؟

مين قال إن الدكتور هوبا زعيم الزملكاوية من أهلها ؟؟؟؟

الموضوع كله خاص بالجيل الجديد لمشجعى الأهلي !!!

مالنا احنا ومالكم ؟؟؟؟

يا عمي لموا بقى تعابينكم :wub:

[se_ Elsyed]

طب يا كابتن كوكو يا حقاني

ما تيجي نعمل نفس الإستفتاء في أي موقع زملكاوي إن شالله ... سامحني يارب

زمالك تي في لا أخفيه

وقولهم كده بتشجع الزمالك ولا المنتخب

طبعاً هاتلاقي الإجابة

( لا ده ولا ديكهوا .. جاتكوا القرف ... ده احنا قطعنا الخلف من الكورة وسنينها ) :wub: :unsure:

[kokowawa1979]

سي السيد كتب :

طب يا كابتن كوكو يا حقاني

ما تيجي نعمل نفس الإستفتاء في أي موقع زملكاوي إن شالله ... سامحني يارب

زمالك تي في لا أخفيه

وقولهم كده بتشجع الزمالك ولا المنتخب

طبعاً هاتلاقي الإجابة

لالالالالالا ياعم سي السيد جمهور الزمالك جمهور واعي حتى إنه ماشاركش في مهزلة استفتاء امبارح وساب المهمة دي لجمهور الأهلي :wub:

وجمهور الزمالك هو اللي كان بيشجع أول امبارح بدليل إن عماد متعب اتعاقب بسبب اللي عمله مع الجمهور بعد طرده - وطبعا مش هايعمل كدة مع جمهور الأهلي اللي ماحضرش !!!

[ابو محمود]

كوكو انت ما بتتعبش كفايةنقد غير بناء ياراجل الاهلى دة فريق عالمى هههههههههههه احنا وصلنا لكل اهدافنا فى مصر وناقص ان يكون عندنا فرق عالمية والاهلى اهوة بدأ والحمد للة عقبال الباقى المهم ان احنا هنعمل تجربةنوويةقريب اصل احنا من الدول النووية وعندنا ذرات كتير مش عارفين نواديها فين هنفرق على باقى الفرق علشان يبقو فرق ذرات اقصد نووية ويجيبو لنا كاس الذرات اقصد القارات يأخى انا مش عارف لية الكيبورد مش بيسمع كلام صوابعى اصلة لونة ابيض وانا أهلاوى بصراحة انا تعبت من الجرى وراك النعامة سبقتنى وقربت تجيبك وتحصلك ادخل النادى اللى جاى بسرعة حتى لو الاهلى اللى جاى متخفش قول يارب مصر تكسب فى لعب البلياردو بلا كورة بلا ذفت احنا عندنا كورة علشان نتشاكل عليها كلهم= صفر +صفر =اصفار حمرا وبيضاء