عملتوا إيه في الاستفتاء؟

[Sherief AbdelWahab]

للي راحوا ، أو للي يعرفوا ناس راحوا ، أو اللي جنب لجنة .. كيف كانت الأجواء وكيف كانت المشاركة؟

خلص الكلام

[سهيلة]

واللة يا استاذ شريف الدنيا هادية جدا على عكس المتوقع

انا ملاحظة الناس عندها لامبالاة شديدة ودى الطبقة الكادحة

لانهم مشغولين بالحصول على لقمة العيش

اما الطبقة المثقفة

عندى مثلا ف المستشفى

لاقيت النهاردة اغلب الاطباء يحملوا منشورات الاخوان المسلمين المملوءة بالحث على المقاطعة

ورغم وجود سيارات للحزب الوطنى امام لمستشفى طول اليوم ولكن لم يذهب معهم الا القلة لوجود طبيب عندنا بالمستشفى مرشح بجلس الشورى فذهب هوة ومن حولة فقط

وعند ذهابى للجنة الاستفتائ كنت اتوقع وجود طوابير او ما شابة

لكنى لم اجد الا قلة حوالى 2 او 3 فقط

وانا اتوقع النتيجة مسبقا

فسيسدل الستار اليوم عى المسرحية الهزلية اللتى حدثت

وستكتب الننهاية كما كتبها المؤلف

[Sherief AbdelWahab]

عن نفسي ذهبت ، وكانت لي الملاحظات التالية :

1-يضحك علينا البيروقراط بالقول بأن نسبة التصويت ستتضاعف بعد خروج الموظفين من أعمالهم ، دعكم من اللقطة التي التقطها برنامج القاهرة اليوم قبل ساعات لأتوبيس مكتوب عليه اللجنة النقابية للعاملين بمصنع كذا بشبرا الخيمة وعليها لافتة تأييد للتعديلات ، أو لهتاف "الصحافة فين الدستور أهه" من قبل بعض "الجماهير".. لكن اللجنتين اللتين ذهبت إليهما كانتا هادئتين بشكل مميت!

2-ليه لجنتين؟ الأولى المجاورة لمنزلي اتضح أنها لا تتضمن اسمي ، أما الثانية وكانت في مدرستي الإعدادية السابقة صوتت فيها كـ"وافدين"!

ما أعرفه أنه يمكن التصويت بالبطاقة ما دمت في لجنتك الانتخابية المباشرة في الاستفتاء ولا تلزم في هذه الحالة البطاقة الوردية.. ما علينا!

3-كان داخل الصندوق الشفاف عدد لابأس به إلى حد ما من أوراق التصويت..

4-قابل القائمون على اللجنة طلبي بالتصويت خلف البارافان القماش ببعض الاستغراب .. إلا أنهم تقبلوا ذلك في النهاية.. أشعر أنهم عرفوا الإجابة التي صوتت بها.. :lol:

مش انتي يا حكومة قلتيلنا نصوت بآه نصوت بلأ بس نصوت .. أديني سمعت الكلام أهه! bnd5::

5-لافتات الدعاية من قبل الحزب الوطني كانت موجودة داخل المدرسة وعلى مداخلها ، أما عن داخل الغرفة .. الكدب خيبة .. لا أتذكر!

6-لافتات أخرى تغزو شوارع المنصورة كلها لجمعيات أهلية مجهولة ..

خلص الكلام

[عمرو القاضى]

انا رحت

بس كان فى الاخر خالص لانى كان عندى امتحانات ممكن دا السبب ان مكنش فيه حد خالص

انا كنت رايح ومش متاكد انى هصوت لانى معرفش اسمى نزل فى الجداول الانتخابيه ولا لأ مع العلم انى عندى تقريبا 20 سنه

رحت لقيت اللجنة فاضية خاااااااااااااااااااااااااااااااااااااااااااالص والاساتذه اللى قاعدين كان قدامهم ورق من اللى بنعلم عليه ده ومتعلم عليه بس لسه ما اتحطش فى الصندوق المهم قلتله عاوز اشوف اسمى قالى اتفضل وادانى ورقه علشان اصوت فيها واحطها فى الصندوق شكله كان بيريحنى وبياخدنى على قد عقلى.

المهم صوت من غير حتى مايسئلنى على اسمى ولا طلب البطاقه ولا حتى عرفت اسمى نزل فى الجداول الانتخابيه ولا لأ وبعد ما روحت عرفت ان اسمى لسه منزلش يعنى صوت وانا مليش صوت. شكله قال كويس لقينا واحد مصلحه يساعدنا فى كتابة ورقه بدل ما احنا تعبانيين من الصبح فى التعليم.

[عمرو القاضى]

نسيت اقول انه لا كان فيه قضاة ولا لجنة مستقلة ولا حاجه خالص.

بس ناس محترمة بصراحه ادونى قلم اعلم بيه.