آه يا صحافة الحزب الوطني ياولاد الــــــــ

[se_ Elsyed]

يا جدعان إمبارح برنامج العاشرة مساءً و90 دقيقة اللي هو تبع الحكومة نزلوا بكاميراتهم على لجان الإستفتاء ومافيش صريخ أبن يومين راح هناك إلا وقال إنه هايرفض الإستفتاء ويقول لأ لمبارك .. ولمسوا بأنفسهم إن الإقبال ضعبف جداً والناس منفضه لمبارك أساساً

لكن لم يكن لدى اي مصري في الخارج او في الداخل أو في قاع المحيط أدني شك في إن عناوين الصحف الحزبية الواطية هاتقول ز ما قال الأهرام كده النهاردة

إقبال جماهيري فاق التوقعات في الاستفتاء علي التعديلات الدستورية

المواطنون يتجاهلون دعوات المعارضة بالمقاطعة

وأعضاء من الوفد يشاركون في التصويت

المؤشرات الأولية أعلي نسبة مشاركة

في شمال سيناء

طبعاً الجمهورية ما سكتتش وراحت رده عليهم بمنتهى القوة

الملايين شاركوا في الاستفتاء علي التعديلات الدستورية

مبارك أدلي بصوته والشعب قال كلمته

الناخبون تدفقوا علي 34 ألفاً و392 لجنة بكل المحافظات

صناديق شفافة وإشراف قضائي كامل وحياد أمني لحماية المواطنين

نظيف: المشاركة السياسية حق دستوري لا يجب التفريط فيه

أنس الفقي: التعديلات تضعنا علي طريق جديد للديمقراطية

عارفين الإقبال المننقطع الجماهير ده كان كام

ما بين 20 % إلى 29 على اقصى تقدير

تخيلوا ؟

يعني 80 % من الناس مآنتخه في بيوتها وولا لها دعوة إن شالله تولع .. ويقولك إقبال هائل !!!!!

طب تخيلوا إن شعب موريتانيا المحترم اللي بياكلوا أوراق الشجر الجاف م كتر الفقر كانت نسبة مشاركته في الإنتخابات فوق الـ 70 % في أول إنتخابات ديمقراطية واللي تصادف إعلان فوز الرئيس " ولد الشيخ " فيها بمنتهى الهدؤ وكان الناخبين هم من يحرسون صناديق الإنتخابات وولا شرطة ولا قضاة ولا بلطجية ؟

ولأن أخوكو سين سين واد إبن حظ وبيحب الفرفشة فلقد أستلقيت عى قفايا من الضحك لما جابوا تيته الحاجة أمال عثمان الوليه الكُمل اللي مكانها المناسب سجن القناطر لإنها أستولت على مقعد البرلمان بالسرقة والغش والتدليس فكافؤها ومسكوها رئاسة اللجنة التشريعية التي تسُن لنا القوانين . المهم تيته قالت : أنا النهاردة مريت على جميع اللجان بدائرة الدقي وشفت الإقبال الجماهيري وشفت إن الناس جايه تقول كلمتها وكلهم موافقين ومؤيدين للتعديلات الدستورية ... يادوب الوليه وربت شويه إلا والبرنامج إستضاف شباب جامعة صغير زي الفُل وبإذن الله فيهم الأمل وهما دول الي هايعبوا أمال عثمان في كيس زبالة ويرموها في أقرب خرابة تاريخ وكل الشباب دول والله يا جماعة بلا إستثناء قالوا : إحنا جايين نقول لأ لتلك التعديلات .

بالمناسبة أود أن أسجل كلمة شكر حارة للمستشار محمود الخُضيري رئيس نادي القضاة بالإسكندرية على هذا الموقف المُشرف من إنسان يتقلد منصباً مرموقاً في مصر على رفضه لتلك التعديلات الجرامية ليس في حقنا فقط الان ولكن في حق الأجيال القادمة ولقد قام بتوجيه كلمة لطلبة جامعتي الإسكندرية وطنطا يحثهم فيها على مقاطعة الإستفتاء لسبب بسيط جداً وهو ما رآه بام عينيه من تزوير في إنتخابات الرئاسة وإنتخابات مجلس الشعب الأخيرة

مره تانية

آه يا شوية زبالة منافقين مصريكم إلى جهنم وبئس المصير بإذن الله ....

جولوا آمين

[kokowawa1979]

جاء في جريدة الخليج الإماراتية أن نسبة الذين قاموا بالتصويت على الاستفتاء ضعيفة - وقد كان هناك تحرشات جنسية عديدة طال البعض منها صحفيات أجانب ( يعني فضيحتنا بقت بجلاجل ) - وبالطبع إن كان هذا صحيحا فسوف نراه على القنوات الأجنبية !!

وحتى لا أطيل عليكم إليكم الخبر كما نشر :

جمال مبارك يدافع عنها ومظاهرات جديدة ضدها

إقبال ضعيف في الاستفتاء المصري على "التعديلات" وحديث عن تجاوزات

القاهرة - “الخليج”:

أجمعت منظمات حقوقية وقوى سياسية مصرية معارضة وقضاة وفاعليات أخرى على أن ضعف الإقبال في عمليات التصويت في الاستفتاء على التعديلات التي اقترح الرئيس المصري حسني مبارك إجراءها على 34 مادة في الدستور المصري كان واضحا، وفيما دافع رئيس لجنة السياسات في الحزب الوطني الديمقراطي (الحاكم) جمال مبارك عن التعديلات، تظاهر ضدها العديد من الطلاب في عدد من الجامعات، وطوقت قوى الأمن المصرية وسط القاهرة، وأفيد بأن اعتقالات غير قليلة قد وقعت في صفوف ناشطين، وأعلنت مراكز ومنظمات وهيئات حقوقية، ومنها المجلس القومي لحقوق الإنسان، تجاوزات عديدة وتدخلات من نشطاء ونواب الحزب الوطني في مواجهة نشاط معارضي الاستفتاء، ولحث المصريين على المشاركة في التصويت الذي كان يتم من دون إشراف قضائي.

وتحولت شوارع القاهرة إلى ما يشبه ثكنة عسكرية انتشرت فيها قوات الشرطة التي ترتدي ملابس مدنية، وبعد حملة من التفتيش العشوائي للمارة في الشارع، بدأت قوات أمن الدولة في حملات اعتقال تركزت على نشطاء، عقب التعدي عليهم بالضرب ورشهم بغازات حارقة، وحالات تحرش جنسي عديدة لم تقتصر على النساء والفتيات، بل طالت أيضا صحافيات أجنبيات.

وحاصرت قوات الشرطة المصرية مقر نقابة الصحافيين في وسط القاهرة أمس، التي اعتصم في داخلها ناشطون للمطالبة بإطلاق أعضاء في الحركة المصرية من أجل التغيير “كفاية” أوقفتهم الشرطة عشية الاستفتاء في أثناء مشاركتهم في تظاهرة احتجاجية على التعديلات الدستورية، وأوقفت الشرطة أربعة من أعضاء حزب الغد المعارض وأعضاء في جماعة الإخوان المسلمين.

وقالت المؤسسات الحقوقية الموقعة على بيان في هذا الخصوص إن ما سمته “مسلسل الجرائم” التي ترتكبها الحكومة المصرية لن يمر من دون عقاب، مذكرة بما حدث في استفتاء مايو/أيار 2005 على تعديل المادة 76 الخاصة بالترشح لرئاسة الجمهورية، ومروره من دون عقاب شجع رجال الشرطة على استمرار النهج نفسه في استفتاء أمس.

وقال أمين لجنة السياسات في الحزب الوطني الديمقراطي (الحاكم) جمال مبارك عشية الاستفتاء إنه يدرك الانتقادات والآراء التي وجهتها المعارضة داخل مجلس الشعب (البرلمان) أو خارجه تجاه التعديلات الدستورية، وإن الحزب الوطني شارك بفاعلية في المناقشات التي دارت في الشهور القليلة الماضية، وعلى الرغم من دعوة قوى في المعارضة لمقاطعة الاستفتاء إلا أن قوى سياسية أخرى ومفكرين وكتابا على مستوى أوسع دعوا إلى أهمية المشاركة بإيجابية فيه.

وانطلقت مظاهرة في مجمع كليات جامعة طنطا والمنصورة أمس ندد فيها المتظاهرون بالاستفتاء، ووقعت مصادمات عنيفة بين عمال شركات الغزل والنسيج في المحلة الكبرى بعد رفض معظمهم الخروج من الشركات للتصويت ب”نعم” بعد أن أعدت الشركة سيارات لحشدهم إلى اللجان، ولوحظ حتى الواحدة ظهرا ضعف الإقبال الجماهيري على لجان المحلة الكبرى وسائر المدن، واتهمت قوى المعارضة أمناء وحدات ومراكز الحزب الوطني بتزوير إرادة المواطنين المصريين لتسريبهم أعدادا كبيرة من بطاقات إبداء الرأي في اللجان، وتسويدها خارج اللجان ووضعها داخل صناديق الاقتراع التي يشرف عليها موظفو الإدارة المحلية.

وكانت أجهزة الأمن في محافظة البحيرة قد جمعت أعدادا كبيرة من المسجلين والمحبوسين على ذمة قضايا داخل سيارات إلى لجان الاقتراع لتسويد البطاقات والإدلاء بأصوات الذين أحجموا عن الذهاب إلى لجان التصويت. ونظمت الحركة المصرية للتغيير “كفاية” وأحزاب معارضة في المنصورة، كبرى المحافظات كثافة سكانية بعد القاهرة، مظاهرة داخل جامع النصر المقابل لمبنى ديوان عام محافظة الدقهلية. ووزعت قيادات المعارضة بيانا على الأهالي والمحال التجارية والأسواق حثت فيها على مقاطعة الاستفتاء، ما دفع قيادات الحزب الوطني بالسير بمكبرات الصوت في المدينة طالبوا الجماهير بالحضور. وعلقت جماعة الإخوان المسلمين لافتات سوداء تقول قاطعوا الاستفتاء.

ورصد المجلس القومي لحقوق الإنسان تجاوزات عديدة، منها التصويت الجماعي وغياب الإشراف القضائي واختفاء الحبر السري والوجود الأمني المكثف، ومنع مراقبين من دخول لجنة المدرسة المشتركة في كفر البطيخ في محافظة دمياط، وتصويت المشرفين نيابة عن الناخبين وتدخل الأجهزة المحلية والحضور الكثيف للسيارات التابعة للوزارات والإدارات الحكومية لنقل الموظفين إلى لجان الاستفتاء.

وأكدت منظمات حقوق الإنسان أنها رصدت تجاوزات وانتهاكات حكومية، إلى جانب تدخلات من أنصار الحزب الوطني (الحاكم) في عمليات الاستفتاء، وقالت المنظمات في تقارير منفصلة ومشتركة إن مراقبيها رصدوا انتهاكات وتجاوزات تمثل أبرزها في تسويد بطاقات انتخابية لمصلحة التعديلات ووجود لافتات مؤيدة للتعديلات داخل بعض اللجان الانتخابية.

وحينما وصل رئيس مجلس الشعب فتحي سرور للإدلاء بصوته، رفع أهالي السيدة زينب صوره، والتفوا حوله ودخل سرور المدرسة بصعوبة، وكان الإقبال ضعيفا في باقي اللجان . وقال سرور ل”الخليج” إن المشاركة في الاستفتاء حق دستوري للمواطنين المصريين، والاستفتاء يعد لحظة حاسمة تعيشها مصر، وأضاف أن التعديلات الدستورية جاءت من أجل مصر وليست من أجل فئة معينة، وتساهم في عملية الديمقراطية وتوسع من سلطة البرلمان وهي خطوة على الطريق الصحيح.

وذكرت المنظمة المصرية لحقوق الإنسان أن مراقبيها رصدوا ضعف نسبة الإقبال الجماهيري على صناديق الاقتراع في محافظات عديدة، ومنها الإسكندرية والجيزة وأسيوط، إلى جانب عمليات التصويت الجماعي، حيث نقلت حافلات تابعة للقطاع العام موظفين حكوميين يرفعون لافتات مؤيدة للتعديلات إلى لجان انتخابية. وقالت المنظمة إن سيارات حكومية كانت تجوب مناطق في محافظة أسيوط في جنوب مصر، وتهدد عبر ميكروفونات الناخبين الذين لا يذهبون للإدلاء بأصواتهم بالتعرض لغرامة مالية قدرها مائة جنيه، إلى جانب حث مندوبي الحزب الوطني الحاكم داخل المقار الانتخابية في المحافظة الناخبين على التصويت لمصلحة التعديلات.

وقالت المنظمة إن غياب الإشراف القضائي الكامل والمستقل على الانتخابات والاستفتاءات العامة يشكل مدخلا للتلاعب بإرادة المصريين، ويشكك في نزاهة العملية الانتخابية والاستفتاء الشعبي أيضا.

وقال المستشار محمود الخضيري رئيس نادي قضاة الإسكندرية ل “الخليج” إن قضاة يصل عددهم إلى عشرين قاضيا ترددوا من تلقاء أنفسهم على اللجان في معظم أحياء المدينة، فاكتشفوا أنها خاوية، على الرغم من محاولات الحزب الوطني الحاكم حض الجماهير على الذهاب للمقار للإدلاء بأصواتهم. وسجل أكثر من قاض عمليات تزوير شبه علنية وذلك من خلال تسويد البطاقات

[The Professor]

العاشرة مساء غطى الاستفتاء بمصداقية دي حاجة

اما الحاجة التانية ان جريدة الأخبار كان المانشيت الرئيسي فيها " الشعب قال كلمته " وهذا اضحكني كثيرا -

اما الوفد فرصدت نسبة المشاركة وقالت ما بين 2 إلى 3 % فقط .

المهم تبين ان معظم المشاركين سيقوا إلى المشاركة - قرأت مقالا عن تغطية الاستفتاء في الواشنطن بوست _ اللي فاهمة اللعبة كلها _ وقام المحرر بعمل لقاءات مع بعض العمال الذين سيقوا إلى لجان الاقتراع وكان رد احدهم ان المرة اللي فاتت عطونا وجبة ووصلونا بالباص لكن المرة دي بس هي التوصيلة - وآخر يقول وانا مالي انا راجل غلبان عندي خمس عيال هاوكلهم منين وثالث قام بتمزيق ورقة الانتخاب امام المحرر وقاله لو تشوف حشرونا في الباص ده إزاي ولا الحيوانات انا مش منتخب وأدي الورقة وطبعا قطعها امام المحرر -

ولن احكي لك عن المهازل التي عرضتها دريم لكن اعجبني واضحكني رد رجل مسن " انا يا عم ماعرفش حاجة - انا رجل بصمجي - ولا أعرف دستور ولا أم الخلول "

[se_ Elsyed]

المهم تبين ان معظم المشاركين سيقوا إلى المشاركة - قرأت مقالا عن تغطية الاستفتاء في الواشنطن بوست _ اللي فاهمة اللعبة كلها _ وقام المحرر بعمل لقاءات مع بعض العمال الذين سيقوا إلى لجان الاقتراع وكان رد احدهم ان المرة اللي فاتت عطونا وجبة ووصلونا بالباص لكن المرة دي بس هي التوصيلة - وآخر يقول وانا مالي انا راجل غلبان عندي خمس عيال هاوكلهم منين وثالث قام بتمزيق ورقة الانتخاب امام المحرر وقاله لو تشوف حشرونا في الباص ده إزاي ولا الحيوانات انا مش منتخب وأدي الورقة وطبعا قطعها امام المحرر -

ولن احكي لك عن المهازل التي عرضتها دريم لكن اعجبني واضحكني رد رجل مسن " انا يا عم ماعرفش حاجة - انا رجل بصمجي - ولا أعرف دستور ولا أم الخلول "

قرار إداري

تم توجيه إنذار بالفصل للاخ البروفيسور

وتجميد عضويته بحزب الفضيلة .. قصدي المحاورات لمدة 4 سنوات أو بالأدق لحد سنة 2011 حيث الإنتخابات الرئاسية القادمة لإدعاءه بالكذب إن الناس سيقوا غصبٍ عنهن عشان يقولوا كلمتهم

وكمان لنقله معلومات مغلوطة من جرائد صفراء زي الواشنطن بوست

دي كانت دُعابة سمجه من سين سين اللي عامل دماغ إنتخابات جامدة عالصبح

ولإن إبننا سين سين عودنا على كل ما هو جديد وفريد ووحيد وشديد - قناوي -

فإليكم المفاجاة التالية وكل واحد يمسك أعصابه او يمسك كتف اللي جنبه

البتاعه دي لسه وصلاني طازة من مصر - ده مش تهريج

إوععععععععععععععععى الجاز

وعاشت موريتانيا حلوه مستقرة

[se_ Elsyed]

ولإن الفضيحة ما تنفعش مصغرة

فإليكم الصورة مكبرة وبالحجم الطبيعي

أرجو من جميع شرفاء الوطن نشر هذه الفضيحة في جميع المواقع وعلى جدران الحوائط وعلى جدرت دورات المياة حتى لكي يعرف الجميع من هو مبارك ومدى سواد العصر الذي نعيش فيه تحت قيادته الحكيمة

بالمناسبة أول أمس وفي برنامج العائرة مساص تم عرض عشرات بل مئات وما خفي كان أعظم من بطاقات الإستفتاء البيضاء والتي عثر عليها بعض المواطنون ملقاه في الشارع وعملوا محاضر شرطة بذلك

ودي طبعاً كانت ضمن ملايين البطاقات سيقوم رجال الحكومة اللاشرفاء بتبييضها وتستيف الصناديق بها

ويقولك لا تقاطع وخليك إيجابي وفكرني بشبابي وروح صوت

أصوت على إيه ؟

يارب يصوتوا عليهم ساعة ويسكتوا

وبإذن الله جميعاً مدعوون للتصويت في جنازاتهم

[نانو]

ما بين 20 % إلى 29 على اقصى تقدير

تخيلوا ؟

يعني 80 % من الناس مآنتخه في بيوتها وولا لها دعوة إن شالله تولع .. ويقولك إقبال هائل !!!!!

انت زعلان علشان 20% بس هما اللي صوتوا ؟؟؟

طب تعالي نحسبها سوا كده

لما تكون نسبه الاميه في مصر 44% ... يعني 44% في التراوه ....يبقي فاضل 46% ممكن يشاركوا

تفتكر كام في % من 46 دول يعرفوا ايه هيا التعديلات الدستوريه؟؟

اعتقد لو قلن انصهم يبقوا كتير يعني 23 %

تفتكر كام من % من 23 دول اتعبوا في اوتوبيسات واتشحنوا الي اماكن التصويت علشان يصوتوا بنعم زي ما تفضلت ونشرت الورقه اللي معاك

قول نصهم يبقي فاضل 11% ممكن يكونوا راحوا وصوتوا

11 % هما اللي بيمثلوا الشعب كله ...تفتكر ممكن يحصل تغير ولو بعد مليون سنه ......

انسي ....انننننننننننسي

[Diab]

حافظ أبو سعدة قال إن نسبة المشاركةتقريبا 7% بس

[se_ Elsyed]

تفتكر كام في % من 46 دول يعرفوا ايه هيا التعديلات الدستوريه؟؟

حاسبي على كلامك يا دكتورة

إذا كان مولانا شيخ الأزهر عظم الله اجره وأنار قبره وبشبش الطوبة اللي تحت راسه قال إن اللي ما يروحش يستفتي يبقى أثمٌ قلبه وهايدخل النار ويتذعب لحد ما يبان له أصحاب

ولما منى الشاذلي سألته " هو فضيلتك قريت وعرفت إيه هي التعديلات : فقال بالفُم المليان وبلسان يملأه الإيمان وبقلب لا يهف عليه الدبان : لأ

بتعرفي تزغرطي ولا أزغرط انا ؟

[Eemaan]

أمــــــين

se_ Elsyed كتب:

عارفين الإقبال المننقطع الجماهير ده كان كام

ما بين 20 % إلى 29 على اقصى تقدير

كده و لا كده النسبه دى شكلها مزور ...و أكبر دليل الصنادق اللى كانت يادوبك فيها ورقتين ولا تلاته...

السؤال بأه طب ليه ما بحبحوهاش حبتين بناءا على تنبأ فلكي «الأخبار» أمس

برج سياده الريس و ابنه

---

مشاهدات من برنامج العاشره مساءا أمس:

"مراقب لجنه بيعلم بإيده على الدايره الخضرا لواحد واقف ادامه اللى راح مطبقها وحطها بنفسه فى الصندوق"

دا كان كليب جامد اوى...والله المفروض مايفوتش كده

The Professor كتب:

ولن احكي لك عن المهازل التي عرضتها دريم لكن اعجبني واضحكني رد رجل مسن " انا يا عم ماعرفش حاجة - انا رجل بصمجي - ولا أعرف دستور ولا أم الخلول "

الراجل ده حكايه لوحده ....

شكله طيب اوى--- شبه الصوره بتاعت سكوب كده--- قال تعليقه بمنتهى البساطه والعفويه وهو رايح يقول نعم فى الإستفتاء.

"أهو... ناخدلنا وجبه ولا حاجه ...."

ده بأه كان تعليق واحده ست ---بردك شكلها طيب اوى---كانت رايحه تعلم على الدايره الخضرا...وطبعا ماتهوبش ناحيه السودا...

"قلنا نعم...أما نشوف هيعملوا ايه..."

ده كان تعليق بنت ماشيه على مبدأ قدمنا السبت يمكن نلاقى الحد :unsure:

"-أنت موافق علي التعديل؟

-اه طبعا...

-طيب تعرف ايه اللى اتعدل؟

-والله معرفش... "

حوار عادى جدا تسمعه لواحد رايح يقول نعم بناءا على المنشور اللى لسه س س موزعه علينا

تقريبا سمعوا شيخ الأزهر لما قال انه مايعرفش حاجه عن التعديلات فقالوا دى بأه فتوه شغاله....

:wub:

[OneManShow]

مع احترامي للأخ سي السيد و موافقتي على كلامه لكني اعترض على تشبيهه للشعب الموريتاني بانه ( يأكل ورق الشجر الجاف من كتر الفقر ) و حتى لو هذا حقيقي ... فالفقر ليس عيب..... لأني أعتقد ان نسبة الفقر عندنا في مصر وصلت لمعدلات عالية ..... لذلك احنا وموريتانيا و افغانستان و بلاد الواق واق كمان من الدول الفقيرة اللي مش لاقية تاكل ... لذلك مفيش داعي نعاير الآخرين بالفقر .... هذا اولا .... اما ثانيا فالشعب الموريتاني اراه في هذه المرحلة التاريخية الهامة في حياته السياسية ... طلع أكثر تحضرا بمئات السنين من الشعب المصري .... ليه .... كما تفضلت وذكرت نسبة المشاركة العالية في الانتخابات ( طبعا هنا لا اقصد ان الشعب المصري كان لازم يشارك في الاستفتاء بالعكس انا من انصار المقاطعة ) علاوة على ادارة العملية الانتخابية نفسها بمنتهى التحضر ( يا اخونا موريتانيا عملت اول مناظرة بين اتنين مرشحين في تاريخ الشرق الوسط ) ....... طيب ...... تعالى بقى قارن مع اللي حصل في مصر امبارح ......... والله مهازل فعلا انا بقالي فترة مضحكتش زي ما ضحكت امبارح ( انا تابعت الاستفتاء على شاشات التلفزيون لأني عايش في السعودية ) الناس اللي بيلتقوا معاهم ورايحين يصوتوا مش فاهمين يعني ايه دستور اصلا !!! ...... وفيه ناس بتقولك احنا رايحين ننتخب الريس !!!!!! ......... وفيه ناس تقولك اصل الحكومة دي حلوة وعايزة لنا كل حاجة حلوة فاحنا هنقول نعم ( هذا بالنص ما قيل ) !!!! ....... واحد تاني يقول لك اصل الريس مش يرضى لنا حاجة وحشة واحنا معاه !! ........... واحدة ست قالت اصل الدستور ده كويس للناس الكبار وفي مصلحتهم فأكيد برضة هيكون في مصلحتنا احنا الناس الصغيرين ولا أيه هاه !!!!!!!!!! ... واحد قال اصلهم قالولي الدستور ده هيرخص الاسعار !!!!! ........... بيتهيألي كفاية كده علشان مرارتي اتفقعت ............ في الاسكندرية جابو ناس يصوتوا وصرفولهم وجبات من سان جيوفاني ...... و ناس تانية وعدوهم بوجبات من كنتاكي ........... و عمال في مصنع في المحلة صرفولهم 10 جنيه لكل واحد ........... موظفات في وزارة الزراعة انبسطوا قوي انهم حشروهم يروحوا يصوتوا علشان هيوحوا نصف يوم ( منهم واحدة قالت انها مبسوطة هتروح بدري علشان تعمل المحشي لجوزها ) ............ على فكرة كل هذا منقول من الصحافة المصرية ............ واخيرا ......... تعتقد مين متحضر ........... الشعب المصري ولا الشعب الموريتاني ؟؟؟؟؟؟؟؟؟؟؟ .......... ارجوا الا اكون اطلت مع احترامي لشخصك الكريم وهذا المنتدى المميز

[kokowawa1979]

برجاء ضم التوبيك الذي تم فتحه عن ضعف الإقبال على الاستفتاء إلى موضوع أخونا سي السيد كمداخلة .

نكمل : برنامج 90 دقيقة استضاف الاسطى مفيد شهاب ترزي القوانين الشهير - وأعلن إن نسبة افقبال الضعيف مش مشكلة المهم هو المحصلة بمعنى إنه لو كانت نسبة الحضور 5% فقط والغالبية من ال5% قالت نعم فستطبق التعديلات فورا بمجرد إعلان النتيجة !!

وإنه لاداعي لقلق الناس من المادة 179 - دي مادة دمها زي العسل وهتمنع استغلال ضباط الشرطة للإعتقالات العشوائية - لكن ماقلش إزاي !!

وبدأ يدينا دروس هو ورئيس قسم المقاس السيد صفوت الشريف اللي حسسيسني وهو بيتكلم إنه كان شارب فعلا بجد مش بهزار وهو بيقول : رئيس الجمهورية أما يشيل من اختصاصاته ويديها لمجلس الشعب ورئيس الوزرا دي مش ديموقراطية !!! لما نقول المواطنة حق لكل فرد في الشعب دي مش ديموقراطية -و.... و,,,,,, و....... لحد ماحسيت إني هايجيلي إسهال من كتر الديموقراطية - رحت قايم من قدام التليفزيون لحد الاسطى صفوت ماخلص !!

طبعا في التوبيك المفتوح عن ضعف الإقبال والذي أرجو دمجه مع موضوع أخونا سي السيد لأنه أعتقد يؤدي إلى نفس الغرض - به فضيحة تحرش جنسي بالصحفيات الأجانب - يعني سنتنا بيضا إن شاء الله !!!

[El-Masri]

أنا مش فاهم، حضراتكم كنتم متوقعين حاجة غير كده. دى عشرة 26 سنة.

[se_ Elsyed]

زميلنا الفاضل أبو ريحة حلوه One Man show والله زمان وفكرتني بأيام إعدادي وثانوي :wub:

يا عزيزي انا لم اتهكم على الشعب الموريتاني

بل بالعكس أنا مثعجب جداً جداً بتجريتهم واتمنى نكون نصفهم

بالمناسبة كنت اتحدث مع أحد الزماء بالأمس عن تجربتهم وقال لي : إن ما حدث هو بداية إنطلاقة لموريتانيا جديدة وسنرى دُبي أخري في غرب الوطن العربي

أتمنى ذلك وعاش شعب الـ 7000 سنة حضارة وعظيمة يا مصر

[Doofy]

==============================================================================

ياعني صحافة الحزب الواطي هتبقى اشرف من سيد بيه

الذي يرمي الناس بالإثم وهو آثم من اعلى عمته إلى كعب مركوبه...؟؟!!

بتفق مع الجميع انها واقعة عهر صحفي لكتاب زوروا إرادة الشعب الحقيقية

الشعب الذي وصفه البعض بأنه لا يفهم تلك التعديلات وبمعنى أصح وأدق لا يريد ان يفهم ,

لأنه لو فهم لن يستطيع ان يرجع ويري وجهه لأهل بيته قبل ان يحرق قصر الكرب بمن فيه...

نفسي اشوف اليوم اللي هيرجع فيها المصري يحسبها من تاني ويعرف ويتأكد ان بأيده ممكن يعيش ملك في بلده بس يلحق بهية قبل

ما ابن الواطي الإنجليزي يسمنا في بيوتنا ويبعها بالحته...

[se_ Elsyed]

مبروك علينا ياولاد

أعلنوا النتيجة

وجبنا 75 %

[kokowawa1979]

ولأول مرة أرى سحنة دراكولا مصاص الدماء على شاشة التليفزيون وهو مستر ممدوح مرعي -أقسم لكم أحسست أن الغباوة تجمعت في هذا الرجل - حينما شاهدته وفمه يتجه ناحية اليمين وهو يتلو بيان الاستفتاء - وعينه تمتلئ بالتشفي في الشعب الغلبان قلت اللهم كن في عون القضاة وليس في عوننا لأننا نحن عامة الشعب اتبهدلنا من زمان !!!

وكما قال مفيد افندي شهاب أمس أصبحت التعديلات سارية المفعول بعد أن أعلن دراكولا نتيجة الاستفتاء- وهو أن 27,5 % حضروا للتصويت ( على مصر) - و75,9 قالوا نرشح الرئيس مبارك لفترة رياسة جديدة :wub:

استلقوا وعدكم بقى بالمادة 179 لإني أعتقد أول ماده هايتم تطبيقها بصرف النظر عن إن الاسطى حنفي الترزي قال إنه مش هاتطبق إلا في أكتوبر - في بداية الدورة البرلمانية الجديدة !!!!

ياللا ياعم س.س جهز المخلة والجربنداية علشان انت اللي فتحت الموضوع :unsure:

[se_ Elsyed]

أخي الكريم

من أين أتيت بهذا الإستنتاج

قارن ذلك بمصر التي لا تسمح لأي شخص يرفع شعار الأسلام بالترشيح للرئاسة من أجل نسبة مسحيين لا تتعدي 10%.

أرجو عدم الزج بالمسيحين في هذا الموضوع .

ثانياً : ولإن حكومتنا فاسدة فهي تشعر بالرعب من مجرد ذكر كلمة إسلام او إخوان أو مقاومة أو جهاد وذلك كله يتجلى في كل أحاديث السيد القائد وأخرها عندما قال : المشكلة التي حدثت بين إسرائيل والبتاع ده .. وكان يقصد بالبتاع ده هو حزب الله .

ثالثاً : أنا لا أعتقد أبداً إن المسيحيين الذين يمثلون 10 % زادوا او قلوا عن هذه النسبة سيمانعوا من وجود شخص يعرف ربنا ويراعي حرمات الله ويحكم بضمير حتى لو كان إخوانجي ..

لإن إيه هو هدفنا في الأخر ؟

هل هي المسميات ؟

أم وجود آليه محترمة تحكم مصر ولا ترتبط باشخاص وتحافظ على جميع أبناء الوطن ؟

أتفق معك في الأنفعال .. لإن الموضوع لو هاييجي على مجلس شعب هايقعد 5 سنين أو حتى رئيسإن شالله لو معزة من غير وادن اهي هاتقعد 6 سنين وممكن تنكشح

إنما دستور ممكن يقعد لأجيال واجيال ونتعذب به ؟ .. فده كتير

لكن دعنا لا نلقي اللوم على الفاسدين طالما أرتضينا بالسكوت

يا أخي كان نفسي حتى كل مصري محترم يعلقرايه سودا في بلكونة بيته تعبيراً عن غضبه وسخطة

هاتقولي ماهو العلم بالشيء الفلاني وخليني أشتري بدل منه ساندوتشين

أقولك يا أخي إن شالله كل واح يعلق فردة بنلطون إسود

لا بجد نحن في امس الحاجة إلى وجود معارضة قوية غير حزبية تستطيع أن توجه الجماهير

وللعلم ... الأزمات الإقتصادية ليست مبرر .. وعندنا مثالين صارخين على هذا وهما :

1- بنجلاديش اللي كل يوم مظاهرات عندهم هناك والشعب بمظاهراته بيجيب حكومة ويسقط حكومة .. وأسف في اللفظ الشعب البنجلاديشي يعيش تحت خط الفقر بل هو الفقر نفسه اللي ماحدش تحته .

2- موريتانيا : اللي طلع منها راجل عسكري ازاح هذا الديكتاتور معاويه بن طايع ورماه في الزبالة وتنازل عن الحكم طواعية بعد حوالي عام ونصف لوم يحجز لنفسه اي منصب إلى الأن وتولى السلطة بالأمس شخص أجمع عليه الشعب بنسبة إقبال على الغنتخابات بلغت 70 % فأكثر بالرغم من مشاكلهم الإقتصادية الطاحنة .. وأخيراً نجح الرئيس الجديد بنسبة 52 %

ولكن للأسف ده موروث عندنا من أيام الزعيم الخالد أبو 99.9 % نجاح واللي خله حتى الاموات لهم صوت في معجزة من معجزات القرن .

احب أنصح نفسي أولاً وأنصح جميع الشرفاء بالأتي :

1- إوعى تخاف من قول كلمة الحق

2- تمسك بدينك وبمبادئك ولا تكن إمعه إذا أحسن الناس أحسنت وإذا أساءوا أسئت

3- إوعى تقول انا عايز أربي العيال ... هاتربيهم على إيه ؟ على الذل والخضوع والركوع والمشي جنب الحيط ؟

4- العمر واحد والرب واحد .. وحتى لو اعتقلونا وموتنا تفتكر الواحد ساعتها هايبقى مات ناقص عُمر ؟

5- إتكلم وعبر عن اللي جواك .. وإوعى تستهون وتقول : دول يابا شويه ناس فاضية قاعدين في المنتدى بيغنوا ويردوا على بعض ؟ أبداً مش صحيح لو الناس بتوع المنتديات دول بلغوا 10 مليون .. أقسم بالله مافي قوة في مصر تقدر تمنعنا من التغيير

وللحديث بقية

[DARWEEN]

أخي الفاضل ... KLMO

الموضوع هو محض سياسة قهر ولا دخل للديانة فيه

شيخ الأزهر أعلن أن حضور الإستفتاء واجب على كل مصري مسلم ... هل معنى ذلك أن المسلمين هم من إنقادوا للتعليمات ؟؟

رجاء الفصل في التوجهات بين الامور

[أسد]

يقيني بأن ما حدث هو أمر واقع مفروض مسبقاً جعلني لم أهتم مطلقاً بمتابعة هذا الحدث

أقصد التعديلات الدستورية والمناقشات حولها في مجلسي الشعب والشورة ..

أو حتى الإستفتاء ..

فالذي حدث هو الشئ الوحيد المتوقع أو المفترض ان يحدث في مصر ..

فقول أن ما حدث كارثة .. لا يعبر عن حقيقة الوضع ..

لأن الكارثة واثعة منذ زمن بعيد ...

الكارثة أن الناس لا تذهب للإقتراع . لأن ليس عندهم أمل بأن هناك جدوى من أصواتهم

ولهم الحق ..

فلا جدوى فعلاً ..

الأمر أكثر سوءاً مما نناقشه هنا .. وأكثر سوءاً مما يتداول في المجالس الخاصة ..

بل وحتى أكثر سوءاً مما يخطر على البال ..

الأمر أكثر سوءاً بسبب الحاكم ..

والمحكوم (للأسف)

أحياناً ينتابني شعور شديد الإحباط بأن لا أمل هناك .. ولا ضوء سيظهر في نهاية النفق .. وسنموت قبل أن يحل الصباح علينا ...

وأنا الآن في نفس تلك الحالة ...

[kokowawa1979]

جاء في شريط الأخبار الخاص بالجزيرة أن قضاة مصر أعلنوا براءتهم من نتيجة استفتاء أمس !!!!

خلص الكلام