عرض عمل في الكويت, برجاء النصيحة

[mo_gho]

السلام عليكم

الى كل الاخوة المقيمين في الكويت, انا عايز اعرض عليكم العرض اللي جايلي من شركة في الكويت تعمل في مجال الاستيراد والتصدير, و انا اعمل في مجال ال it و خصوصا في oracle.

العرض زي ما وصللي لحد دلوقتي هوة 750 دينار و 180 بدل سكن وانا ناوي ان شاء الله لو ربنا كرم اني اسافر مع مراتي؟

كنت عايز اعرف المرتب دة يعيشني كويس في الكويت و هاحوش منه كام تقريبا ؟

وتاشيرة الاقامة سهلة في الكويت لأن عندي خبرة سيئة في السعودية

وهل هلاقي سكن محترم بالمبلغ دة ولا هاضطر ازود من المرتب

و اخبار العربيات ايه في الكويت, سمعت ان رخصة السواقة في الكويت يعتبر من احلام اليقظة.

وللاخوة ابو زمل بتوع ال it هل المرتب دة كويس خصوصا اني خبرتي 6 سنين وشغال في شركة كبيرة هنا في مصر.

وشاكرين جدا لكل النصائح واهتمامكم بقراءة موضوعي

ويجعله عامر.

[الحازم حسن]

عرض عمل ولا عقد عمل ؟؟؟؟

هل الموضوع لسه مجرد كلام ؟

عموما 750 دينار مبلغ محترم جدا في الكويت لان الشائع هناك ان متوسط الرواتب بالنسبة للمصريين 150 دينار لكن بالنسبة لمتوسط رواتب مبرمجين ال Orace الله اعلم انتظر الرد من اخونا ابو حميد

تم تعديل 27 مارس 2007 بواسطة الحازم حسن

[أبو حميد]

المرتب جيد جدا خصوصا أنه لا يشمل السكن وتقدر تحجز غرفة وصالة بالمبلغ ده بسهولة وفي أي مكان.

لو مفيش أولاد تقدروا تعيشوا كويس جدا أبتدأ من 150 دينار حسب طريقة معيشتك. هتحتاج فترة لشراء الأثاث والأجهزة وممكن تشتريهم بالتقسيط والحياة هنا سهلة جدا جدا.

بالنسبة لرخصة القيادة ممكن تغير الرخصة السعودية (لو معاك) برخصة كويتية بدون أختبار ولو ممعاكش هتاخد شوية وقت أو حد يساعدك بواسطة لكن مش حلم يقظة ولا حاجة.

وأفسح المجال للأخوة بتوع ال IT علشان يقولولك على المرتب.

[mo_gho]

اخ حازم

لا الموضوع لسه كلام, يعني العقد لسه ما وصلش لأني لسه ما قررتش.

اخ ابو حميد (شكلك جامد في الكويت)

على فكرة انا في مصر دلوقتي بس هوة البيانات بتاعتي قديمة شوية.

وشاكرين جدا للمعلومات القيمة دي

[felfel]

أقل سكن فى الكويت لأسرة مكن يكلف 250 دينار يالشهر دة الحد الأدنى - المدارس بتكلف فى حدود 1200 دينار بالسنة

من ناحية تانية Oracle database admin or developer بخبرة 6 سنين فى شركة معروفة بمصر يمكن يستاهل أكتر

تم تعديل 27 مارس 2007 بواسطة felfel

[mo_gho]

فلفل باشا هوة ايه المارس دة ؟

و هوة دة اللي بسأل عليه فعلا, انا شغال developer بقالي 6 سنين ومش عارف مستوى المرتبات في الكويت يبقى كدة كويس ولا لأ.

[zedan]

اخي الفاضل،،،

العرض مميز جداً ، ولكن نصيحتي لك اخي الكريم أن تأتي الاول ، ثم تقوم بترتيب اوراقك وعمل إقامتك ، ومن ثما تقوم بإستجئار شقة مناسبة وتأثيثها وتقوم بإستقدم الزوجة لاحقاً ، الكويت بلد جميلة ، طوال الاسبوع معسكر من العمل ، ابتداء من يوم الخميس تستطيع ان تخرج ، 180 دينار شقة محترمة في مكان محترم ، مسألة الأكل والشرب رخيصة ، السيارات ابتداء من 750 دينار سيارة مناسبة، الملابس توجد محلات شعبية ومحلات ماركات ن مسألة التوفير مسألة إجتهادية ليس أكثر.

والله الموفق،،

تحياتي،،،

[أبو حميد]

أقل سكن فى الكويت لأسرة مكن يكلف 250 دينار يالشهر دة الحد الأدنى

الأخ فلفل

أعتقد أن عبارتك مبالغ فيها بعض الشئ خصوصا وانت بتقول أن ده الحد الأدنى. والواقع وطبقا لأحدث موقف أن الشقق غرفة واحدة تبدأ من 130 دينار حتى 180 والشقق غرفتين تبدأ من 170 حتى 250 دينار إلا بقى لو العمارة بحمام سباحة وجيمنيزيوم وتشطيب خرافي ممكن تزيد 50 دينار عن الحد الأقصى اللي أنا قلته وهذه المعلومات مؤكدة.

[zedan]

أقل سكن فى الكويت لأسرة مكن يكلف 250 دينار يالشهر دة الحد الأدنى

الأخ فلفل

أعتقد أن عبارتك مبالغ فيها بعض الشئ خصوصا وانت بتقول أن ده الحد الأدنى. والواقع وطبقا لأحدث موقف أن الشقق غرفة واحدة تبدأ من 130 دينار حتى 180 والشقق غرفتين تبدأ من 170 حتى 250 دينار إلا بقى لو العمارة بحمام سباحة وجيمنيزيوم وتشطيب خرافي ممكن تزيد 50 دينار عن الحد الأقصى اللي أنا قلته وهذه المعلومات مؤكدة.

نعم مؤكدة 100%

[بنت النيل]

أقل سكن فى الكويت لأسرة مكن يكلف 250 دينار يالشهر دة الحد الأدنى - المدارس بتكلف فى حدود 1200 دينار بالسنة

من ناحية تانية Oracle database admin or developer بخبرة 6 سنين فى شركة معروفة بمصر يمكن يستاهل أكتر

الاول السلام عليكم

خير يا اخ فلفل انت عقدت الموضوع للرجال كدا ليه مين قال ان اقل سكن بالكويت لاسرة بيكلف 250 دينار ليه يعنى هو صحيح فى الايجار ده واكتر من كدا كمان لكن على حسب دخل كل واحد يعنى الـ 180 دينار اللى بيقول عليهم ممتازين جدا ويخلوه يسكن فى مكان كويس بالكويت فى حولى فى الفروانيه ومساكن جديده كمان

انا لسه المبانى جديده قدامى تشطيب ممتاز غرفتين وصاله بـ 175 دينار عشان جديدة ايواا انا معاك ان الكويت

وبالنسبة للمدارس انت بتكلم على مدارس اللغات لكن المدارس الخاصه التانيه كويسه جداوبيدرسوا الانجليزى ممتاز مصاريف بتبدء من 205 على حسب المرحله التعليميه اللى فيها الطفل واكثر مبلغ لها 250 للثانوى تقريبا وبتقسطهم كمان لو عوز

الحياه فى الكويت ممتازة وسهلة جدا جدا كما قال الاخ ابوحميد والاخ زيدان

الاخ mo_gho المرتب ممتاز جدا وبالنسة لسؤالك تقدر تحوش منه ايواا تقدر تحوش كتييييييييييييير منه اطمن

وخصوصا انه غير شامل السكن يعنى المرتب كله صافى معاك بالنسبة للصروف تقدر تصرف فى الشهر 200دينار او250 دينار وهتبفى عايش على مستوى اوى وبسطها على الاخر كمان وتحوش الـ 500 دينار يا باشا

وتأكد ان مبلغ السكن يخليك تسكن فى مكان كويس فى الكويت

اما عن رخصة القياده ذى ما تفضل الاخ ابوحميد وشرح لك الامر فيها

وممكن اوى الشركة تساعدك فى استخراجها

يعنى النصيحه اللى اقدر اقولها لك توكل على الله العرض ممتاز

[البحري]

السلام عليكم

الى كل الاخوة المقيمين في الكويت, انا عايز اعرض عليكم العرض اللي جايلي من شركة في الكويت تعمل في مجال الاستيراد والتصدير, و انا اعمل في مجال ال it و خصوصا في oracle.

العرض زي ما وصللي لحد دلوقتي هوة 750 دينار و 180 بدل سكن وانا ناوي ان شاء الله لو ربنا كرم اني اسافر مع مراتي؟

كنت عايز اعرف المرتب دة يعيشني كويس في الكويت و هاحوش منه كام تقريبا ؟

وتاشيرة الاقامة سهلة في الكويت لأن عندي خبرة سيئة في السعودية

وهل هلاقي سكن محترم بالمبلغ دة ولا هاضطر ازود من المرتب

و اخبار العربيات ايه في الكويت, سمعت ان رخصة السواقة في الكويت يعتبر من احلام اليقظة.

وللاخوة ابو زمل بتوع ال it هل المرتب دة كويس خصوصا اني خبرتي 6 سنين وشغال في شركة كبيرة هنا في مصر.

وشاكرين جدا لكل النصائح واهتمامكم بقراءة موضوعي

ويجعله عامر.

اخي الكريم الرتب كافي للمعيشة هنا وسوف توفر منه وسوف تكون المعيشة جميله لا تقلق من هذا الموضوع

ام مقارنة الراتب مع الخبرة وخصوصا في مجال Oracle اذا بتقدر تضغط على الشركة لرفعه قليلا فهذا افضل لك لان متوسط راتب مبرمج الاوراكل مع الخبرة لن يقل عن 1000 دينار

الرخصة صعبه جدا بس بواسطه من الشركة ها تحصل عليها ان شاء الله

[وائل كيوان]

اهلا وسهلا باخى الكريم مو اعتقد يا اخى العزيز ان الدخل اللى اتكلمت عليه كويس جدا بالنسبة لمرتبات المغتربين هنا يعنى انت بتتكلم فى مبلغ 900 دينار ببدل السكن لو فيه هذا العرض لك وجدى صعب انك تضيعه من ايديك واحنا عايشين بالكويت هنا والاخ فلفل بيتكلم على حد ادنى معتقدش انه موجود لان احنا عايشين هنا كمان و180 دينار يجيبوا شقه كويسة جدا هنا ان كنت انت وزوجتك والمصاريف بتاع الاكل مش مكلفة ولا حاجة والسيارات كتيييييييييييير جدا هنا وتقدر تشترى بداية من 750 دينار السيارة لحد طبعا الى مالا نهاية وبالراتب اللى بتتكلم عليه هتعيش هنا كويس جدا وهتوفر برضه كويس جدا يعنى لو وفرت خمسية من ال900 هتعيش هنا سلطان وتحياتى لك وان جيت ان شاء الله هتلاقينا فى انتظارك

مع خالص تحياتى