مشكله مع الشركة فى السعودية

[elgamal]

السلام عليكم

انا صيدلى اعمل بالسعوديه فى مهنه مندوب دعاية

وتركت كفيلى رسميا واخذت خطابات التنازل وجواز سفرى وكل اوراقى من كفيلى الى كفيلى الجديد

وذلك بتارخ 1-9 -2006

ووقعت عقد عمل لمده سنتين مع كفيلى بتاريخ 1-9

وحدثت مشاكل فى العمل وفجاة يوم 22-3-2007 تم اخطارى شفهيا بانهاء تعاقدى

وتمت اليوم 27-3-2007 ابلاغى رسميا وكتابيا

عايز اعرف حقوقى؟؟؟

وهل هناك اى محامى مصرى فى الرياض يقدر يساعدنى فى هذا الموضوع؟؟؟

اشكرك جميعا لاهتمامكم

الرجاء المراسلة على عنوانى البريدى

dr_nile@yahoo.com

تم تعديل 27 مارس 2007 بواسطة elgamal

[OneManShow]

الاخ العزيز .... بما انك قد اجتزت فترة الاختبار و هي 3 شهور فليس من حق صاحب العمل انهاء التعاقد الا في حالة قيامك بأي عمل يخل بشروط العقد ......... لكن طالما ماشي كويس و معملتش اي مخالفة فليس من حقة انهاء التعاقد ...... و بالتالي من حقك التوجه لأي مكتب عمل و تقديم شكوى والقانون يعطيك من حقك رواتب باقي المدة المنصوص عليها بالعقد وهي سنتين . واحسن لك تنقل كفالة طالما بينكم مشاكل .

هذا على حد معلوماتي ..... والله الموفق

[أبو زياد]

لست متخصصا قانونيا و لكنى سأجيب بحسب خبرتى أو سيجيب المختصين و لكن هناك تساؤل :

هل تم نقل الكفالة و إن كان فما هو تاريخ النقل فى الإقامة ؟

حقوقك بالطبع محددة حسب عقد عملك ( منذ تاريخ نقل الكفالة إن كان ) فالراتب أولا يضاف إليه مكافأة نهاية الخدمة حسب قانون العمل وهى بمعدل نصف شهر عن السنة ..

كما يضاف إليها راتب شهر كامل قادم لك إن كان لم يتم إخطارك بإنهاء العمل قبل ذلك بشهر ..

أخى .. هذه هى حقوقك حسب علمى و الآن أهمس فى أذنك لا تحير نفسك بين المحامين فأحسن طريقة لتحصل على حقوقك هى التفاهم مباشرة مع من بيده الأمر و بذلك توفر على نفسك الوقت و الجهد ..

وفقك الله و لا تقلق فالمال الحلال لا يضيع ..

ملحوظة سوف أوافيك لاحقا - أو أحد الإخوة - بموضوع :( تغيير قانون العمل السعودى )الموجود فى المنتدى

[elgamal]

الاخ العزيز .... بما انك قد اجتزت فترة الاختبار و هي 3 شهور فليس من حق صاحب العمل انهاء التعاقد الا في حالة قيامك بأي عمل يخل بشروط العقد ......... لكن طالما ماشي كويس و معملتش اي مخالفة فليس من حقة انهاء التعاقد ...... و بالتالي من حقك التوجه لأي مكتب عمل و تقديم شكوى والقانون يعطيك من حقك رواتب باقي المدة المنصوص عليها بالعقد وهي سنتين . واحسن لك تنقل كفالة طالما بينكم مشاكل .

هذا على حد معلوماتي ..... والله الموفق

انا فعلا لم اقم باى عمل مخل وكان انهاء التعاقد بدون اى انذار

وانا اصلا لست على كفاله الشركة بسبب تقاعسهم فى نقل الكفالة

[deemuck]

مكافأة نهاية الخدمة عادة تحسب بعد مرور 3 سنوات في الخدمة وتكون نصف راتب لكل سنة. اذا تسبب اناهاء التعاقد بعد الثلاث شهور الاولى بلا سبب فيمكنك اللجوء لمكتب العمل وتقديم شكوى لاخذ لحقوقك كما هو مذكور في العقد. مع الاعتبار انك ممكن تاخد ممناعة سنتين

والله الموفق

[elgamal]

مكافأة نهاية الخدمة عادة تحسب بعد مرور 3 سنوات في الخدمة وتكون نصف راتب لكل سنة. اذا تسبب اناهاء التعاقد بعد الثلاث شهور الاولى بلا سبب فيمكنك اللجوء لمكتب العمل وتقديم شكوى لاخذ لحقوقك كما هو مذكور في العقد. مع الاعتبار انك ممكن تاخد ممناعة سنتين

والله الموفق

كيف بعد ثلاث سنوات؟؟؟؟

وكيف يمكن ان يعمل لى ممانعه وانا اصلا لست على كفالته

[se_ Elsyed]

عايز بس أطلب طلب صغير من إخوتي الكرام .. ياريت في أمور المشاكل الحساسة اللي زي دي الواحد يبعد عن الإجتهاد او القياس المبني على اسس غير سليمة ..

يعني ما ينفعش أشوف واحد صاحبي تعبان وعنده صداع مزمن وأجي انا أفتي وأقول له خد بقى شوية الأنتي بايوتيك دول على دوا الكُحه ده مع حزمة البرشام دي .. وإدعيلي ..

كده يبقى أنا وديته في داهيه وممكن يموت كمان

----------------

الزميل العزيز elgamal

فضلت أن أرد عليك هنا وليس على الخاص لعل الجميع يستفيد

أولاً : تحمد ربنا وتبوس إيدك وش وضهر لإن موقفك قوي جداً جداً وهذا أتى من منطلق إنك مش على كفالة الشركة الثانية وإلا فحتى لو كنت دخلت معاه في مشاكل وقضايا وإنت على كفالته فبعد ما تاخد حقك فكان ممكن يسفرك نهائي بمنتهى السهول حتى لو إنت ناق عليه كفالة داخلية .

ثانياً : حيث أنك قضيت فترة التجربة وعديتها بنجاح فبيبقى لك كامل الحقوق المادية في حالة الإستغناء عنك ...

ثالثاً : عايز أعرف منك الاول العقد اللي وقعته معاه كان محدد المدة ولا غير محدد ... يعني كان مكتوب فيه من تاريخ كذا إلى تاريخ كذا ولا المدة مفتوحة ...

رابعاً : ليه أنا سألت السؤال ده :

1- في حالة العقد المحدد المدة ولنقل سنتين مثلاً وجه صاحبك بعد 3 شهور وقالك مع السلامة وراح مسكتك بـ 30 يوم من الراتب كشهر إنذار .. يبقى جنى على نفسه وهايدفع ثمن غلطتة ويحق لك أن تشتكية في مكتب العمل بسبب فصلك فصلاً تعسفياً ولك الحق في المطالبة بتعويض يُعادل مستحقاتك المادية عن الفترة المتبقية من العقد ... يعني بالبلدي كده ممكن تاخد من دمه مرتب 21 شهر تعويض لك .. وعلى فكرة لو كنت أستقلت إنت في نفس العقد المحدد فممكن هو كان يشتكيك ويرجع عليك بتعويض بس الشركات أو صاحب العمل بيبقى موقفها ضعيف في هذه الحالة لإن العملية بتبقى فلوتينج شويه يعني عايمه وتحديد الضرر الواقع على الشركة بيبقاش واضح بما فيه الكفاية .. أما انت فحقك محفوظ في الفترة المتبقية من العقد وهو كبيره قوي يقولك طب عوضني بقى إنك تنتظر لحد ما نجيب بديل لك وندربه أو يقولك مثلاً إنه صرف عليك تدريب خاريجي قد كده وكنت إنت موقع على تكاليف هذا التدريب وتعهدت بخدمة الشركة فترة مُعينة مقابل ذلك فممكن يطالبك بتعويض .

2- في العقد الغير محدد المدة يعني اللي له بداية وليس له تاريخ نهاية مُحدد .. فللأسف كل اللي لك عند الشركة في حالة الإستغناء عنك هو جميع مستحقاتكم المادية بما فيها نهاية الخدمة وشهر راتب إنذار لحد النقطة اللي أفترقتوا فيها ... وإنت برضوا لما تيجي تسيبهم من حقك تُنذرهم قبلها بشهر على الأقل .( قضاء فترة 3 شهور التجربة أساسي سواء العقد محدد أو غير محدد )

خامساً : في حالتك بالتحديد لازم تخلي كفيلك القديم يوجه خطاب رسمي يطلب فيها إعادة خطاب التنازل وجواز سفرك المُسلم لهذه الشركة بأسرع وقت .

سادساً : يجب عليك التوجه لمكتب العمل والعُمال بالرياض وتكون كاتب مُذكرة كويسه تطالب فيها بجميع مستحقاتك عن الفترة المتبقية من العقد لما لحق بك من أضرار .

سابعاً : في القضايا والنزاعات التي ينظرها مكتب العمل .. الكفالة ليست شرط مؤثر في النزاع ... وأهم نقطة واللي ماحدش يعرفها إن وجود عقد العمل غير مؤثر أيضاً لإن في مؤسسات صغيرة اللي بنسميها بقالات ما بتعملش عقود عمل للموظفين فبالتالي أثبات العلاقية التعاقدية بيكون بكذا طريقه :

1- أيصالات أستلام الرواتب أو التحويلات المنظمة على البنك .

2- شهادة الشهود من الموظفين خصوصاً

3- أي أوراق رسمية موجهة من الشركة للموظف

وقس على ذلك بقى ما يوازريها من مستندات .

ثامناً : ما تشغلش بالك وهدي نفسك ولو لازمك محامي يبقى عليك التوجه للقنصلية المصرية وأشترك في صنودق التكافل بـ 100 ريال سنوياً وتاني يوم من حقك تطلب محامي يطلع معاك ويتابع لك القضية مجاناً والناس بصراحة ما بيقصروش وجرب ومش هاتندم .

وأنا تحت أمرك في أي أستفسار تاني ولو تحب أعرفك بشركات أدوية محترة ياريت تبعت لي عى الخاص ..

وفرج عنا الله جميعاً الكرب والهم وأعاننا على خدمة الناس

[Moody]

انا عايش فى الرياض واحسن طريقه تعرف بيها حقوقك ارسل حد ع مكتب العمل وخليه يستفسر منهم

[se_ Elsyed]

انا عايش فى الرياض واحسن طريقه تعرف بيها حقوقك ارسل حد ع مكتب العمل وخليه يستفسر منهم

أخي العزيز مودي

ما حك جِلدك مثل ظفرِك

يعني تبقى مشكلتي أنا وانا اللي عارف أبعادها وتفاصيلها وأقوم باعت حد يسألي يقوم يوصل لهم الصورة غير كاملة فيترتب عليه رد غير كامل أو مُضلل ؟

[قديم]

عايز بس أطلب طلب صغير من إخوتي الكرام .. ياريت في أمور المشاكل الحساسة اللي زي دي الواحد يبعد عن الإجتهاد او القياس المبني على اسس غير سليمة ..

يعني ما ينفعش أشوف واحد صاحبي تعبان وعنده صداع مزمن وأجي انا أفتي وأقول له خد بقى شوية الأنتي بايوتيك دول على دوا الكُحه ده مع حزمة البرشام دي .. وإدعيلي ..

كده يبقى أنا وديته في داهيه وممكن يموت كمان

----------------

الزميل العزيز elgamal

فضلت أن أرد عليك هنا وليس على الخاص لعل الجميع يستفيد

أولاً : تحمد ربنا وتبوس إيدك وش وضهر لإن موقفك قوي جداً جداً وهذا أتى من منطلق إنك مش على كفالة الشركة الثانية وإلا فحتى لو كنت دخلت معاه في مشاكل وقضايا وإنت على كفالته فبعد ما تاخد حقك فكان ممكن يسفرك نهائي بمنتهى السهول حتى لو إنت ناق عليه كفالة داخلية .

ثانياً : حيث أنك قضيت فترة التجربة وعديتها بنجاح فبيبقى لك كامل الحقوق المادية في حالة الإستغناء عنك ...

ثالثاً : عايز أعرف منك الاول العقد اللي وقعته معاه كان محدد المدة ولا غير محدد ... يعني كان مكتوب فيه من تاريخ كذا إلى تاريخ كذا ولا المدة مفتوحة ...

رابعاً : ليه أنا سألت السؤال ده :

1- في حالة العقد المحدد المدة ولنقل سنتين مثلاً وجه صاحبك بعد 3 شهور وقالك مع السلامة وراح مسكتك بـ 30 يوم من الراتب كشهر إنذار .. يبقى جنى على نفسه وهايدفع ثمن غلطتة ويحق لك أن تشتكية في مكتب العمل بسبب فصلك فصلاً تعسفياً ولك الحق في المطالبة بتعويض يُعادل مستحقاتك المادية عن الفترة المتبقية من العقد ... يعني بالبلدي كده ممكن تاخد من دمه مرتب 21 شهر تعويض لك .. وعلى فكرة لو كنت أستقلت إنت في نفس العقد المحدد فممكن هو كان يشتكيك ويرجع عليك بتعويض بس الشركات أو صاحب العمل بيبقى موقفها ضعيف في هذه الحالة لإن العملية بتبقى فلوتينج شويه يعني عايمه وتحديد الضرر الواقع على الشركة بيبقاش واضح بما فيه الكفاية .. أما انت فحقك محفوظ في الفترة المتبقية من العقد وهو كبيره قوي يقولك طب عوضني بقى إنك تنتظر لحد ما نجيب بديل لك وندربه أو يقولك مثلاً إنه صرف عليك تدريب خاريجي قد كده وكنت إنت موقع على تكاليف هذا التدريب وتعهدت بخدمة الشركة فترة مُعينة مقابل ذلك فممكن يطالبك بتعويض .

2- في العقد الغير محدد المدة يعني اللي له بداية وليس له تاريخ نهاية مُحدد .. فللأسف كل اللي لك عند الشركة في حالة الإستغناء عنك هو جميع مستحقاتكم المادية بما فيها نهاية الخدمة وشهر راتب إنذار لحد النقطة اللي أفترقتوا فيها ... وإنت برضوا لما تيجي تسيبهم من حقك تُنذرهم قبلها بشهر على الأقل .( قضاء فترة 3 شهور التجربة أساسي سواء العقد محدد أو غير محدد )

خامساً : في حالتك بالتحديد لازم تخلي كفيلك القديم يوجه خطاب رسمي يطلب فيها إعادة خطاب التنازل وجواز سفرك المُسلم لهذه الشركة بأسرع وقت .

سادساً : يجب عليك التوجه لمكتب العمل والعُمال بالرياض وتكون كاتب مُذكرة كويسه تطالب فيها بجميع مستحقاتك عن الفترة المتبقية من العقد لما لحق بك من أضرار .

سابعاً : في القضايا والنزاعات التي ينظرها مكتب العمل .. الكفالة ليست شرط مؤثر في النزاع ... وأهم نقطة واللي ماحدش يعرفها إن وجود عقد العمل غير مؤثر أيضاً لإن في مؤسسات صغيرة اللي بنسميها بقالات ما بتعملش عقود عمل للموظفين فبالتالي أثبات العلاقية التعاقدية بيكون بكذا طريقه :

1- أيصالات أستلام الرواتب أو التحويلات المنظمة على البنك .

2- شهادة الشهود من الموظفين خصوصاً

3- أي أوراق رسمية موجهة من الشركة للموظف

وقس على ذلك بقى ما يوازريها من مستندات .

ثامناً : ما تشغلش بالك وهدي نفسك ولو لازمك محامي يبقى عليك التوجه للقنصلية المصرية وأشترك في صنودق التكافل بـ 100 ريال سنوياً وتاني يوم من حقك تطلب محامي يطلع معاك ويتابع لك القضية مجاناً والناس بصراحة ما بيقصروش وجرب ومش هاتندم .

وأنا تحت أمرك في أي أستفسار تاني ولو تحب أعرفك بشركات أدوية محترة ياريت تبعت لي عى الخاص ..

وفرج عنا الله جميعاً الكرب والهم وأعاننا على خدمة الناس

هذا هــو الموقف القانوني والنظامي للقضيه المطوحــه . كما اوضحه سي السيد

بقي الموقف الشخصي . بيتك وبينك الطرف الاول في العقد ..

لا اقول انك مخطي او او او ..

ولكن لا بد ان يكون لصاحب العمل مبرر او مستند . لالغاء عقدك ..!!!

سواء كانت حقيقيــه او اتهامات باطله .

فهذه النقطه مهمه في القضيـــه .

ابدأ بالحل السلمي قبل الحلول النظاميــه التي قد تطول . ولا تعطي نتئحها الي في وقت متاخر .

تحقق من موقفك القانوني( بالنسبه لمبررات الفصل ) قبل رفع القضيــه .

وبالله التوفيق . .

[elgamal]

الاخوة الاعزاء

شاكر جدا اولا على تفاعلك وثانيا على ردودكم القيمة واخص بالشكر سي السيد

بلنسبة لعقدى هو عقد محدد المده لمده سنتين مكتوب فيه مده العقد من 1-9-2006 ولمدة سنتين

وكما اوضحت الفصل تم بطريقة شفوية وبالامس فقط طلبونى للقائهم فى الشركة ووجدت انهم محضرين خطاب من الشركة بفصلى نتيجة للاداء المتدنى فى العمل والاستغناء عن خدماتى من يوم 22 مارس ومكتوب فى الخطاب ان مستحقاتى هى 23 يوما عن شهر مارس بالاضافه لشهر انذار وصدقنى كنت هقبل لعدم حبى للمشاكل ولكن فوجئت بانهم يريدون حسابى فقط على الاساسى الذى يقرب من نصف المرتب

رفضت التوقيع على الخطاب وقام بتوقيع اثنين من العملين فى الشركة بانهم شهود بانه تم اعلامى ورفضت الاستلام ووقعت باستلام الخطاب لاستخدمه كمستند بانه قاموا بصلى تعسفيا بدون ادنى انذار

وبمراجعه محامى اخبرنى بان اوجه خطاب لهم بان عقدى معهم محدد المده لذا يجب اكماله او دفع باقى مستحقاتى حتى نهاية العقد او تعويضى بتعويض ارتضيه

ولا اخفى عليك بانه تمت مقابلتى مقابلة زى الزفت وللاسف المدير مصرى ورفض استلام الخطاب وكان معى اثنين من زملائى من شركة اخرى وقاموا بالتوقيع على الخطاب كشهود بانه رفض الاستلام ثم ارسلتة للشركة بالفاكس

هذا هو الموقف بالتفصيل حتى الان

[se_ Elsyed]

الأخ : الجمال

- الموضوع لا يتعلق بجنسية المدير لأنه منفذ للأوامر وبالتالي فهو اللي في الوش .

- نقطة تدني الأداء دي ممكن ما تبقاش في صالحك ..إزاي ؟

1- لو كان في بداية التعاقد مثلاً كان مطلوب منك تحقق كوتا في الكوارتر الواحد بـ 100 ألف ريال كحد ادنى مثلاً وبعدين بعد 3 شهور لقوك محقق 20 ألف وكان هذا بإتفاق مكتوب في بداية التعاقد .. يبقى من حقهم يفصلوك فصلاً مبرراً لإنك بتخسرهم ، ولو إني أرى إن فترة 6 شهور ليست كافية للحكم على أداء بياع لإنه لسه بيتعرف على السوق حتى لو كان عنده خبرة سابقة فكل مجال أو كل شركة لها بيئتها الخاصة وباتالي الواحد محتاج على الأقل عام كامل عشان يتأقلم مع تلك البيئو لكن ده مش معناه إني أنام وأكسل وأقول إني لسه ما تأقلمتش لكن أنا باتحدث هنا عن تققيم عادل من قِبل غدارة مبيعات الشركة ..

2- إنت بتقول حسبوا لك مستحقاتك على الأساسي ... حتى لو على كامل المرتب فالموضوع ملاليم أساساً لإن كل مستحقاتك من شهر 9 لحد دلوقت هاتفرق حاجات بسيطة .. .... لكن لو وصلت لموضوع الستة شهور فقط وإنت أقتنعت إن أداءك كان غير مُرضي يبقى مطالبتك بحساب مكافأة نهاية الخدمة على كامل ما تحصل عليه من مرتب هو حق من حقوقك لا يُمكن أن ينازعك فيه أحد وهما نفسهم لو وصلت لمكتب العمل ماحدش هايقدر يتكلم وأعني هنا بكامل حقوقك ( المرتب الأساسي ، بدل الإنتقال ، بدل السكن ، أي عمولات أو حوافز تحصل عليها بشكل ثابت لا تتغير )

3- عدم توقيعك على إستلام خطاب الفصل مِش حُجه في وجود شهود أو في حالة إرسال الخطاب على عنوانك البريدي

مع تحياتي ،،،،

[elgamal]

ايه رايك ياباشا؟

[elgamal]

العزيز سي السيد

موضوع الاداء المتدنى

سبب فقط يكتب فى الخطاب حيث لايوجد اداء متندى ولايوجد تارجت مطالب به رسميا والستة اشهر ليست كلها فى العمل ولكن كنت اتقاضى عنها الراتب لتاخر وصول المنتج الذى كنت اعمل عليه من الخارج الى السعودية بذلك ارى شخصيا انه لم يكن الاداء متدنى

[elgamal]

بالنسبه للنقطة التانية بصراحه

انا مش حابب ادخل فى مشاكل فقلتهم بصفه وديه انى لى حقوق حتى نهاية العقد وانا مش عايز ادخل معاكم فى مشاكل علشان كده عايز بس مرتب شهر مارس بالضافه لشهر تعويض بدل ماندخل فى مشاكل ملهاش لازمة وتم رفض طلبى

عايزيين يفاصلوا قال خد اسبوعين على كله وبعدين رفضت خلاه شهر على الاساسى بس رفضت برضة

بالنسبة للخطاب انا كنت خايفه انه لايعطيه لى لان فى الحاله دى مش هقدر اثبت انه تم فصلى

[elgamal]

بالمناسبة

لو رفعت القضية لمكتب العمل ايه اللى هيحصل؟؟؟؟

ايه المتاعب اللى هتترتب على كده عليا

وايه المعوقات اللى هتقابلها الشركة علما بان معظم شغلها مع مستشفيات حكومية

[se_ Elsyed]

الزميل العزيز الجمل

إسمح لي أقولك إن إنت عامل مشكلة من لاشيء ... وتُحمل نفسك متعاب نفسية قد تؤثر على حياتك كلها ..

وبالغرم من إن ربنا بيحبك لإنك ما نقلتش فعلياً على لاشركة دي .. إلا إنك نسيت ده .. ونسيت إن لاشركة الأولانية لسه صابرة عليك ولم تضغط عليك للنقل .

يا عزيزي ماحدش يقدر يقولك تغاضى عن حقك

لكن فكر فيها كأرباح وخساير ..

يعني :

1- حاول تتحايل وتحصل على نسخة من خطاب الفصل وحاول كمان تذهب إلى العمل كل يوم وإلا سيعتبروك متغيب طالما إنت بتقول إنهم مش راضيين يعطوك خطاب الفصل ... أنا شخصياً مستغرب إزاي ؟

2- زي ما قلت لك خلي شركتك الأولانية تسحب جواز سفرك وخطاب التنازل

3- تصرف بهدؤ وبلغ هذه الشركة بإنك شتشتكيهم أمام مكتب العمل للحصول على حقك .

4- والله لما يكونوا شغالين مع الديوان الملكي نفسه .. مافيش شركة فيكي يا عودية ماعندهاش مشاكل ومافيش شركة ترغب في إن مكتب العمل كل شويه ينط لها ... وماحدش بيبقى غاوي مشاكل من الباب للطاق .

5- إنت بتتكلم مستحقات 6 شهور وتاعب نفسك .. أومال لو كنت بقى لك 10 سنين مثلاً وشركتك عامل لك مشاكل وإنت على كفالتهم وفي إحتمال تروح نهائي ؟

[elgamal]

العزيز سى السيد

اولا حصلت كما قلت لك على خطاب بالفصل منهم

بالنسبة لسحب الجواز اعتقد انى ممكن اسحبة عن طريق مكتب العمل؟

وبالفعل اخبرتهم اننى سوف اشتكيهم فى مكتب العمل

وبالنسبة لكلامى عن تعاملهم مع المستشفيات الحكوية لم اقصد انهم فوق القانون ولكنى كنت اسأل عن صحة ان اى شركة لها مشاكل مع مكتب العمل يتم ايقاف كل متعلقاتها المادية مع الحكومة وكذلك معاملاتها مع الجوازات

بالنسبة للمستحقات انا لااطالب بمستحقات عن فترة 6 اشهر ولكن الشركة انهت عقدى بطريقة غير لائقه وتعمدوا الخيانة حيث ضغطوا على لنقل خبرتى لاحد العاملين بدعوى نقلى الى مكان اخر ثم بعد الانتهاء قاموا بابلاغى انت لست معنا من اليوم وهو فى عرف شركات الادويه شىء غير مقبول

وقد كان ارتباطى مع هذه الشركة داعى لان اترك عمل اخر مما ترتب عليه خسارة مادية ومعنوية كبيرة بالنسبة لى

لذلك ارى ان اخذ حقى لاخر يوم فى عقدى

صدقنى لا اريد ان اعود للعمل ابدا ولكن اريد تعويض عن كل ما سسبوه لى من خسائر

اعتقد انه حق لى الا تتفق معى؟؟؟؟؟؟

[elgamal]

سى السيد

حبيت اخد رايك

فى محامى شاف الوراق كاملة وعرض عليا انه يستلم القضية وهى مضمونة من وجهه نظره وطلب عشرة الاف وخمسة وعشرون فى المية من التعويض والمتوقع ب 200 الف ريال والقضية هتاخد سنة تقريبا

بس فى الفترة دى مش هينفع اشتغل رسميا وممكن انى اسافر مصر فى الفترة دى

ايه رايكم؟؟؟

[elgamal]

طب حد يرد ياناس؟؟