كل سنة و انتي طيبة يا سهيلة

[Modest]

.

كل سنة و انتي طيّبة يا دكتورة سهيلة

و إن شاء الله السنوات القادمة تكون مليئة بالسعادة و النجاح

ألاقيش معاكي حاجة للصداع اللي ماسكني من بعد استفتاء امبارح؟ :unsure:

.

[shahd]

كل سنة وانت طيبة يا قمر :unsure:

[نانو]

كل سنه وانت طيبه وبخير وسعاده دايما يارب

[النسر المصري]

وحياة ربنا انا مبسوط اوي اوي اوي بالمناسبة السعيده ....ونفسي أعملك حفلة كبيره اوي اوي اوي

مش عارف ياجماعة اعمل ايه....انا هاهديلك هديه عظيمة

قصيدة من قصائدي العنقوديه

بس استني لما شرب الشاي :unsure:

[kokowawa1979]

كل سنة وانت طيبة - ويكون عيد سعيد عليك إن شاء الله .

[Folana]

السلام عليكم ورحمة الله...

كل سنة وانت طيبة يا جميلة ..وعقبال 100 سنة....

:unsure:

[سهيلة]

الاستاذ الفاضل موديست

اشكرك بشدة على فتح موضوع خاص باسمى

واشكرك على المعايدة الظريفة دى

ولكن هل تصدقنى لو قولت ان السنة دى بالذات موش فرحانة وموش عاوزة احتفل بميلادى لانة جة ف وقت

يملىئ فية الحزن قلبى

من موضوع الاستفتائ دة

صدقونى موش عارفة اخرج نفسى من الضيق من هول ما رايت وما حدث وياترى اية تانى هيحصل ف المستقبل ف مصر

واللة انا موش كءيبة ولا حاجة

بس بنقلكم احساسى

ورغم انى لم احتفل بميلادى مع اسرتى هحتفل بية معاكم وتحياتى لاسرتى الكبيرة اسرة المحاورات

شهد

نانو

كوكوواوا

فلانة

وانت طيبين يا رب وربنا يسعدكم ويخليكم لية

اشكركم

صديقى النسر المصرى

شربت الشاى ولا لسة

انا مستنية السندوتش قصدى القصيدة بتاعتك

تحياتى لك

[Ahmad Farahat]

كل سنة وحضرتك طيبة........

وعقبال ميت سنة.........

[محمود الشاعر]

كل عام وانت بخير وسعادة يا دكتورة سهيلة

دمتى لنا

[yasmina]

كل سنة وأنتى بألف خيرأختى سهيلة

:lol:

أنا طبعا لسة جديدة بالمنتدى

ولسة ماحدش يعرفنى حتى

انتى كمان ...

لكن اشاء الله اتمنى ان نكون

أخوة فى الله

[nash]

كل سنه وانتي طيبه يا سهيله...

وعقبال الف مليون سنه كلهم سعاده وهنا...

ودايما مبسوطه وفرحانه

يله أتفضلي التورته ...إن شاءالله تعجبك

[النسر المصري]

وعدت نسمه ترسم رسمه....رسمه وبسمه وحاجة هايله

الهايله ديه تبقى سهيله... هايلة عاليه فوق كده متعاليه

والنسمه ترجع تهمس همسة.... همسه شايله حاجة غالية

الغاليه ديه تبقى سهيله....غاليه علينا بمناسبه هايله

ونرجع تاني من بعد ثواني.... معانا ورده وزهره تانيه

نهديها ليها ونفرح بيها.... ونيسها الحيطه المايلة

الحيطة دية هو ريسنا...... خربها على راسنا وراس الجالية

لكن الجالية جاية تفرح ..وتنسهى الهم مع الست سهيلة

افرحي ياشيخه بلا هم وغم.... هو لينا غيرك ياغالية

من كلمات .....

نسر شلفنطح نسر النسراوي

مدير أمن الجيزة سابقا....ومقاول سيراميك بعد الضهر

مع تمنياتي لكم بحفلة سعيد هانئه

(السجن الحربي....غرفة الفيران....1856م....)

[عازفه على أوتار الذهب]

دكتورتنا الجميله سهيله......

كل سنه وانتي بألف خير وبصحه وسعاده وراحة بال يارب......

والسنه دي تكون سنه جديده سعيده وتحققي كل اللي بتتمنيه........

تم تعديل 28 مارس 2007 بواسطة عازفه على أوتار الذهب

[عبده بيه]

كل سنة وانتي في احسن حال واهدء بال

كل سنة وانتي بصحة وعافية

كل سنة وانتي منورة في المحاورات

كل سنة وانتي وكل مصر طيبين ما عدا الحكومة

كل سنة وانتي بتحققي ما تتمنيه

العزيزة سهيلة كل سنة وانتي طيبة

[bentmasria]

كل سنة وانتى طيبة وبالف خير يا بنبونة المحاورات يا ست البنات يا دكتورتنا الغالية سهيلة

معليش متأخرة شوية بس اصل دكتور زميل بتاع سنان كان بقى له كم يوم بينخرب فى سنانى

ربنا يسعدك ويوفقك ويكتب لك الخير فين ماتكونى

بوسة كبيرة من فرقع افندى لوز ولدى ومن ماماته كمان

:lol: :blink:

[Siwa]

كل سنة وحضرتك بألف خير وسعادة يادكتورة....

ويارب دايما محققة كل أحلامك إن شاء الله.....

خالص تحياتي

[test user 02]

كل سنة وانت طيبة يا دكتورة سهيلة

[الأفوكاتو]

السيدة الفاضلة سهيلة,

كل سنة و أنت طيبة, و فى أسعد حال فى دفئ أسرة عزيزة.

[واحد تاني]

عيد ميلاد سعيد :lol:

وكل سنة وانت طيبة يا دكتر

[سهيلة]

تحياتى لكل اللى حضر الحفلة وقاللى ميلاد سعيد

ويا رب كل ايامكم تكون سعيدة

الافاضل الاستاذ

ارسين لوبين

محمود الشاعر

سيوة

الافاكاتو

واحد تانى

test user02

عبدة بية

النسر المصرى

اشكركم جميعا

اما بالنسبة للقصيدة العصماء بتاعتك يا نسر المصرى

كانت مفاجءاة لية بجد

حلوة اوىىىىىىىىىىىىىى

ميرسى عليها بس خد بالك من القصائد بتاعتك بعد النهاردة خلاص بنود الاستفتائ هتطبق

وشكلنا كلنا هندخل اوضة الفئران

شكر خاص لاخواتى ف المنتدى اللى بحبهم مووووووووووت

ناش

عازفة على اوتار الذهب

ميرسى على التورتة الهايلة دى اللى كلفتم نفسكم وشايلنها معاكم

بنت مصرية ومادا حبيب قلبى

والف سلامة على اسنانك يا بنت مصرية وكلنا كدة ما بنقدرش غير نفتح فمنا لدكتور الاسنان من غير ما نتنفس

ياسمينا

اهلا بيكى نورتى المنتدى وان شاء اللة تنبسطى معانا هنا ف المحاورات