افكار تساعد المغترب على سرعة الاستقرار فى مصر

[Totta]

واحنا فى مصر كنا بنقول لو اى مبلغ الواحد يبدأ به اى حاجه ... ودلوقتى لما الفلوس بدات تكتر شوية بدأنا نطمع زيادة ... وافتكر ان المشكلة هى الجبن اللى بيتولد مع فلوس ضياعها ممكن ما يتعوضش فى بلد زى مصر .

المهم الفكرة

اللى عنده فكرة مشروع او دراسة شافها على النت او يقدر هو يقدمها يا ريت يقولها حتى لو الدراسة مش على المجتمع المصرى ولكن يمكن الاستعانة بالنقاط الرئيسية

[badroora]

واحنا فى مصر كنا بنقول لو اى مبلغ الواحد يبدأ به اى حاجه ... ودلوقتى لما الفلوس بدات تكتر شوية بدأنا نطمع زيادة ... وافتكر ان المشكلة هى الجبن اللى بيتولد مع فلوس ضياعها ممكن ما يتعوضش فى بلد زى مصر .

المهم الفكرة

اللى عنده فكرة مشروع او دراسة شافها على النت او يقدر هو يقدمها يا ريت يقولها حتى لو الدراسة مش على المجتمع المصرى ولكن يمكن الاستعانة بالنقاط الرئيسية[]

الاخ الفاضل خليني انا اسألك

1- هل انت مغترب وتود الرجوع؟

2- ام انت متواجد فى البلد وتدعوا اخوانك واخواتك المغتربين للرجوع؟

مهما تكون اجابتك اسمحلى ارد عليك

لو انت مغترب وعاوز ترجع دا شيء عظيم وخطوة جريئه منك وبرافو عليك انك قدرت تخطوها

اما لو كنت السؤال الثانى فانا هاقولك

الغربة احساس فظيع جدا ومر اوى والفلوس عمرها ما بتحلى طعمه او بتعوض الاحساس دا كونك بعيد عن اهلك واصدقائك دا احساس مش سهل

بس انت هنا عاوز تحسن وضعك عاوز تطور نفسك احنا بلدنا جميلة جدا واحسن بلد فى الدنيا بس مش بتعاملنا على اننا بنى ادمين ولينا حقوق تشتغل وتطلع عينك ومتلاقيش تقدير بل بالعكس تلاقي دايما مشاكل وكلام كتير واحنا كمصريين بنتكلم اكتر مابنشتغل

انا لسه متكلمتش ومش هتكلم عن الزحمة والمواصلات واخلاق الناس فى الشوارع لان دى غنيه عن التعريف

لما تسافر برا وتتعامل كبني ادم وكل حقوقك بتاخدها وتقدر تحقق احلامك وتحسن وضعك ودا لا طمع ولا عيب بالعكس انت ممدتش ايدك لحد انت اللى تعبت وطورت من نفسك قولى كام موظف فى مصر بيشتغل وبيتفسح وبيذاكر عشان يحسن مستواه التعليمي بيمارس هوياته ممكن كل شهر يسافر لبلد ما كتغيير جو

او يقدر يدخل ولاده مدارس كويسه يتعلموا فيها لان المدارس الحكوميه غنية عن التعريف

وكمان بلدنا بتسوء كل يوم عن اللى قبليه بالعكس وللاسف انا كمغتربه باحس بامان محستهوش فى بلدي ودا شيء مزعلنى اوى لانى باحب بلدى واتمنى مخرجش منها بس للاسف عشان تعيش فى مصر وتعيش كويس لازم تحمل باسبور غير مصر عشان تلاقي سفارة تحميك من القوانين اللى بتتغير ومن الدكتاتوريه وكمان تاخد مرتب كاجنبي مش كمصري عشان تقدر تعيش فى ظل غلاء الاسعار

تبقي مصري كفاءة وشايف شغلك صح وتاخد ملاليم ويجي واحد فلبيني ولا هندى اقل منك ويجي ياخد مرتب قدك 10 مرات فى بلدك وتلاقيه بحترم اكتر من ابن البلد

فصدقنى اخى الفاضل مش هاقولك بعد مانلم فلوس هننزل او هانزل لا بس ماحصل على جنسية تانيه جنب جنسيتي هانزل مصر واشتغل كاجنبيه وهاخد مرتب اجنبي والناس هتحترمنى ومافيش قانون طواريء ولا ارهاب هيطبق على لانى لا اخضع لقوانين وضعها ناس اغبيه لا هما حاسين بالشعب ولا بمعاناته

يبقي كدا حققت حاجتين رجعت بلدك واستقريت ومن الناحيه الاخرى وقت متوقع فى مشكلة عندك سفارة تحميك وتراعى حقوقك

فبليز متحكمش على المغتربين ان سعيهم وراء المادة فقط لا انظر الى الجوانب الاخري

تم تعديل 2 أبريل 2007 بواسطة Scorpion

[أبو زياد]

ما هذا الإقتراع الغريب يا أخى العزيز ( أو أختى ؟)

لم أستطع أخذ أيا من الإختيارات فهى كلها شروط تعجيزية !!

هل هذا ما تعمدته ألا يتاح أيا من هذه الإختيارات ؟

1- مصر لن ترجع كما هى على الأقل فى جيلنا ..

2- ولا أظن أن أحد المغتربين (منا ) يستطيع أن يعيش فى نفس المستوى فى بلده لأن الذين يعيشون فى هذا المستوى معروفين و معدودين على الأصابع و كلهم بنوا حياتهم منذ صغرهم أو ورثوا ميراثا جيدا ..

3 - ولا طبعا غللى فيها يرحلوا ..

إذا فالإختيار الرابع لى هو الذى لم تضعه وهو ما وضعته الأخت (نجفة ) ربما عن غير قصد عندما كتبت :

1- مغترب و تود ( الجوع ) و ليس الرجوع و يالها من مصادفة خير من ألف تعبير !!

نعم هذا فعلا هو الإختيار الرابع و المتوقع , أن نتحمل قليلا من الجوع و كثيرا من المعاناة فى سبيل استقرارنا و تربية أطفالنا فى بلادهم .. لمن يستطيع التحمل ..

وشكرا لكم جميعا .

[Totta]

الى نجفة

الاول انا مغترب فى البحرين مش من فترة كبيرة ونفسى ما اطولش فى الغربة بالرغم من كل الظروف بتساعدنى على كده انا فى شركة تحويلات اموال عاليمة والحمد لله مرتاح هنا . لكن شغلى كمحاسب وانى شفت حاجات كتيرة ودراسات لمشاريع هو اللى خلانى اطرح الموضوع ده ولانى عارف ان تقريبا اغلب اللى خارج مصر نفسهم يرجعوا تانى بس اللى مخوفهم الجو العام فى بلدنا بنخاف قوى وبصراحة عندنا حق مهما كان الواحد مرتاح فى غربته لكن فلوس الغربة بالذات بتخلق فى الواحد حالة من عدم الامان الدائم لان مهما كترت الواحد بيحس انها مش كفاية وزى ما يكون بيخاف يسيب الشغل يرجع يندم حتى لو بقى عنده 60 سنة فى الغربة.

عاوز بس اصحح حاجة ضغيرة انتى قلتيها ان المصريين بيتكلموا اكتر ما بيشتغلوا .

المصريين بالذات بيشتغلوا كتير جدا وكل النماذج اللى اعرفها هنا كده مش عارف يمكن لان البلد اللى انا فيها لها وضع خاص وكل المصريين تقريباً 10000 مصرى كلهم محاسبين ومحامين وقضاة ومدرسين وقليل قوى العمالة الفنية لان هنا اصلا ما فيش مصانع .

على العموم انا اتمنى اننا نحاول نساعد بعض على فكرة الرجوع واللى عنده فكرة يقولها مع اختلاف النشأة اللى تسمح لى مثلا انى اعمل محل صغير او مزرعة دواجن او مشروع تصنيع ملابس واللى ممكن يختلف عن ناس كتير قوى احلامهم اكبر من كده او اقل .

انا هابدأ بنفسى واحط فكرة مشروع صغير لتربية الدواجن والمعلومات الكافية عنها . ونتواصل واللى عنده فكرة يقولها .

الملف ده عبارة عن جزء من دراسة كنت عاملها عن مزرعة انتاج داجنى انا اخدت الجزء المتعلق بالدواجن فقط لان المزرعة بالكامل تكلفتها كبيرة فوق 500000 جنية ... وعلى فكرة وانا بعمل الدراسة دى كان فى فى الاعتبار ان المبلغ هايكون بالاقتراض .

ودلوقتى انا بحاول اعمل حاجة شبيهه بكده لمشروع انتاج ملابس وربنا يسهل .. لانى متلخبط جدا ومش عارف لو حبيت اعمل حاجة فى مصر وما تتكلفش كتير اعمل ايه .

تم تعديل 2 أبريل 2007 بواسطة Totta

[Totta]

ما هذا الإقتراع الغريب يا أخى العزيز ( أو أختى ؟)

لم أستطع أخذ أيا من الإختيارات فهى كلها شروط تعجيزية !!

هل هذا ما تعمدته ألا يتاح أيا من هذه الإختيارات ؟

1- مصر لن ترجع كما هى على الأقل فى جيلنا ..

2- ولا أظن أن أحد المغتربين (منا ) يستطيع أن يعيش فى نفس المستوى فى بلده لأن الذين يعيشون فى هذا المستوى معروفين و معدودين على الأصابع و كلهم بنوا حياتهم منذ صغرهم أو ورثوا ميراثا جيدا ..

3 - ولا طبعا غللى فيها يرحلوا ..

إذا فالإختيار الرابع لى هو الذى لم تضعه وهو ما وضعته الأخت (نجفة ) ربما عن غير قصد عندما كتبت :

1- مغترب و تود ( الجوع ) و ليس الرجوع و يالها من مصادفة خير من ألف تعبير !!

نعم هذا فعلا هو الإختيار الرابع و المتوقع , أن نتحمل قليلا من الجوع و كثيرا من المعاناة فى سبيل استقرارنا و تربية أطفالنا فى بلادهم .. لمن يستطيع التحمل ..

وشكرا لكم جميعا .

اخى العزيز ابو زياد

والله لم اقصد ان تكون الاختيارات تعجيزية ولكن من وجهة نظرى المتواضعة فان الاختيار الاول يجمع كل شئ فان ترجع مصر بحلوها ومرها بتعب الناس لتحصيل الرزق وادب الناس فى الشوارع وادبنا مع بعض حتى لو اختلفنا مع بعض

البد علشان ترجع لازم كل شئ سيئ فيها يرحل وساعتها هانعيش فى نفس المستوى اللى كنت اقصد بيه المستوى مش الدخل يعنى حاجات كتير التعليم واحترام الناس ليك واحترامك ليهم واحترام حقوقك سواء فى المشى لو ما عندكش سيارة واحترام بنتك واختك لو ماشية فى الشارع وحقك فى ان دخلك يكفيك ومش لازم تحوش منه لو كانوا هايوفروا نفس المستوى من التامين الصحى . نفس المستوى من الخطاب الدينى وحريته .

بعيد عن التجريح سواء فى مسلم او مسيحى . نفس المستوى انك لما تنزل تتفسح وتفك عن نفسك يوم الخميس تلاقى مكان تقعد فيه من غير ما بياع ظروفه خلته ارخم خلق الله يجى يقعد لك ولازم تشترى – على رأى محمد هنيدى – لازم تشرب . وامين شرطة وظيفتة انه يحميك مش انه يتبلطج عليك .

وعلى العموم انا اسف اذا كانت الاختارات ظهرت تعجيزية وهافكر اضيف اختيار رابع وخامس

الرابع هايكون ..... مش راجع

الخامس هايكون ..... لا يوجد اختيار مناسب

بس هاستنى ردك .

[رمضان]

والله يا جماعة من وجهة نظري ظروف كل شخص بتختلف عن الاخر وكذلك مكان الغربة نفسه وكل انسان اعلم بنفسه وبالقرار الذي من المفترض ان يأخذه وهو أعلم بالوقت المناسب لعودته او بقائه ومن ناحية اخرى هناك عوامل تتدخل في هذا القرار عوامل اقتصادية عوامل نفسية ظروف قاهرة خارجة عن الارادة .

[Totta]

]والله يا جماعة من وجهة نظري ظروف كل شخص بتختلف عن الاخر وكذلك مكان الغربة نفسه وكل انسان اعلم بنفسه وبالقرار الذي من المفترض ان يأخذه وهو أعلم بالوقت المناسب لعودته او بقائه ومن ناحية اخرى هناك عوامل تتدخل في هذا القرار عوامل اقتصادية عوامل نفسية ظروف قاهرة خارجة عن الارادة .

انا فاهم ان كل واحد عنده ظروفه اللى بقت عاملة زى بصمة اليد ومش بتتكرر تقريبا وان فى ظروف تانية بتحكم الرجوع او قرار الرجوع من عدمه لكن احنا ممن نساعد بعض ويكون اللى بنقوله مفيد فى وضع خطوط عريضة لاى حد ممكن يستفيد منه وممكن من خلال خبرة كل واحد فينا فى شئ نخرج بشئ ممكن ينفع ولو واحد مننا وده هايكون مكسب كبير قوى

وعلى العموم اهى محاولة ....

تم تعديل 2 أبريل 2007 بواسطة Totta

[رمضان]

بص يا سيدي بالنسبة للخطوط العريضة هناك اساسيات لابد من التفكير فيها جيد قبل اتخاذ مثل هذا القرار .

اولا تسأل نفسك انت عاوز تنزل ليه ؟

ثانيا خططك ايه بعد الرجوع ؟

ثالثا هتشتغل ايه وايه مصدر دخلك ، لان طبعا مش ممكن تعتمد على اللي انته محوشه لانه هيخلص ايا كان .

أهم شيء وده اللي بأكد عليه دائما ان قرار النزول يكون نهائي وما تفكر في السفر مرة تانية علشان كده لازم انك تفكر صح وعلى اسس مش لمجرد النزول .

[أبو زياد]

وعلى العموم انا اسف اذا كانت الاختارات ظهرت تعجيزية وهافكر اضيف اختيار رابع وخامس

الرابع هايكون ..... مش راجع

الخامس هايكون ..... لا يوجد اختيار مناسب

بس هاستنى ردك .

هوة السادس : حاستنى ردك :P

أقصد رد حضرتك ..

هناك مواضيع و دراسات جدوى هنا فى منتدى المحاورات تستطيع الإستفادة منها .. وحوارنا مستمر ..

[نانو]

اخترت الشرط الثاني

لان ببساطه الاول : صعب اوي ان احنا هانكون لسه عايشين لغايه ما ترجع هيا

و التالت : لانهم مش هايرحلوا ....وخصوصا بعد نتائج الاستفتاء الاخيره ....اي بصيص امل خلاص بقي سراب و ما فيش داعي نمشي وراه

و التاني : اذا كنت تقصد بيه الماده فده في ايدينا و لو تقصد طريقه المعيشه فاعتقد انه ده صعب اوي انه يتحقق

الناس اللي عايشه جوه البلد ....شافت كتير اوي خلت كل واحد يتغير من جواه ...اهتماماته واولوياته اتغيرت ...مباده وقيمه اتغيرت

ردود فعله و سلبيته زادت ... وانانيته وانطواءه زاد

نرجه لاول لتعليقك في بدايه كلامك

واحنا فى مصر كنا بنقول لو اى مبلغ الواحد يبدأ به اى حاجه ... ودلوقتى لما الفلوس بدات تكتر شوية بدأنا نطمع زيادة ... وافتكر ان المشكلة هى الجبن اللى بيتولد مع فلوس ضياعها ممكن ما يتعوضش فى بلد زى مصر .

هو الفكره مش فكره الفلوس بدأت تزيد احنا طمعنا ....لكن الحقيقه ان قيمه الفلوس بتقل سنه عن سنه في مصر

و اللي ممكن تعمل بعشره النهارده ....بكره يحتاج 100

ثانيا انت لما بتخرج بره مصر وبتعيش في مستوي مختلف تطلعاتك بتزيد ...و بتحتاج انك تعيش كويس انت واسرتك

مش غربه وعذاب في نفس الوقت ...و تبقي خايف انك ترجع وتحرم اولادك من المستوي اللي عاشوا فيه داخل فيه مستوي التعليم

و اللي اصبح مكلف جدا في مصر

و اللي مش بينتهي عند مرحله التعليم الاساسي لكن امتد في الوقت الحالي للتعليم الجامعي اللي اتجه للخاص واصبح يحتاج لمقدره ماديه عاليه جدا

ثالثا الغربه و مرارتها مع الوقت بتقل بتكوين صداقات و تواجد سبل كتير اوي سهله للتواصل مع الاهل عن طريق التليفون ..او الانترنت

او حتي انك تقدر تسافر اكتر من مره في السنه او تستقدم حد من الاهل

لكن مع كل ده بيفضل الحنين للوطن حلم جميل مش ممكن حد يتخلي عنه ....و حقيقي نسبه قليله جداااااااااا من اللي رجعوا بمزاجهم بدريما ندموش ... و بيتمنوا انهم يرجعوا يسافروا تاني

فكره المشروع ديه لو مش فكره مدرسوه من قبل بشكل كويس جدا بتبقي مجازفه كبيره جدا و مش اي حد فعلا يجرؤ علي خوض تجربه بالشكل ده

اللي اعرفه ان الطبيعي العوده من الغربه بتبقي بسبب انتهاء العمل برغبه صاحب العمل ....أو وصول الاولاد لسن الجامعه والافضل تواجد الاهل معاهم .... والاختيار التالت....... و هو الاقل حدوثا والاكثر مخاطره ...الرجوع من اجل مشروع في بلد الحيتان فيها بتأكل السمك الصغير و ما بتديش لحد صغير اي فرصه ان يستفيد من خيرات بلده

تم تعديل 2 أبريل 2007 بواسطة نانو

[Totta]

بص يا سيدي بالنسبة للخطوط العريضة هناك اساسيات لابد من التفكير فيها جيد قبل اتخاذ مثل هذا القرار .

اولا تسأل نفسك انت عاوز تنزل ليه ؟

ثانيا خططك ايه بعد الرجوع ؟

ثالثا هتشتغل ايه وايه مصدر دخلك ، لان طبعا مش ممكن تعتمد على اللي انته محوشه لانه هيخلص ايا كان .

أهم شيء وده اللي بأكد عليه دائما ان قرار النزول يكون نهائي وما تفكر في السفر مرة تانية علشان كده لازم انك تفكر صح وعلى اسس مش لمجرد النزول .

استاذى لما بقول الخطوط العريضة كان قصدى لمشروع او شئ يجيب للشخص دخل يقدر يخليه يستقر فى مصر .. وافتكر ده هايشمل كل اللى حضرتك قلت عليه واللى هو :-

1 - انت عاوز تنزل ليه ؟ علشان استقر واعمل حاجة تنفع

2 - خططك ايه بعد الرجوع ؟ هو ده اللى بنناقشه ونفسنا نطرح لبعض افكار .

3 - هتشتغل ايه وايه مصدر دخلك ؟ المشروع اللى هاعمله

وبالنسبة للتفكير صح وعلى اسس برده هو ده اللى نفسن يحصل واللى عنده شئ نافع يقوله للجميع والكل يستفيد والفكرة بتولد افكار .

على فكرة اعتقد ان حضرتك عصبى شوية لانك فى الرد تعمدت تبقى الخطوط كبيرة قوى زى ما تكون بتقولى افهم بقى .

[Totta]

لكن مع كل ده بيفضل الحنين للوطن حلم جميل مش ممكن حد يتخلي عنه ....و حقيقي نسبه قليله جداااااااااا من اللي رجعوا بمزاجهم بدريما ندموش ... و بيتمنوا انهم يرجعوا يسافروا تاني

فكره المشروع ديه لو مش فكره مدرسوه من قبل بشكل كويس جدا بتبقي مجازفه كبيره جدا و مش اي حد فعلا يجرؤ علي خوض تجربه بالشكل ده

اللي اعرفه ان الطبيعي العوده من الغربه بتبقي بسبب انتهاء العمل برغبه صاحب العمل ....أو وصول الاولاد لسن الجامعه والافضل تواجد الاهل معاهم .... والاختيار التالت....... و هو الاقل حدوثا والاكثر مخاطره ...الرجوع من اجل مشروع في بلد الحيتان فيها بتأكل السمك الصغير و ما بتديش لحد صغير اي فرصه ان يستفيد من خيرات بلده

نانو

انا عارف ان اللى بتقوله تقريبا صح وانا قلت الكلام ده فى الاول خالص لما بقول ان اللى بيضيع فى مصر تقريبا مش بيرجع تانى.

لكن كان نفسنا نحاول نغير الفكرة بتاعة ان الواحد يرجع بس لما صاحب العمل يستغنى عنه او انه خلاص مش نافع يعنى .... كمان مش لازم ننتظر لما اولادنا يدخلوا الجامعة ... كان الغرض هو ان اللى عنده فكرة نتناقش فيها والكل يضيف فيها والى عنده فكرة يضيفها ونتناقش ويمكن 1% من اللى يقرا او يسمع الفكرة يعرف من خلال خبرته وتجميع بعض المعلومات والاستعانة باصدقاء فى تحقيق ده .

وانا ما طرحتش فكرة الرجوع لمجرد الرجوع وعنوان الموضوع افكار تساعد على سرعة الاستقرار فى مصر .

[عبده بيه]

الاخت نانو كلامك جميل وانا معاكي في كل الكلام التي اثارتيه

ولكن انا لي رائ اخر ان من المستحيل ان المغترب يعيش طوال حياته في الغربة بحجة اي شيء بلد ابن مبارك او بلد الحيتان او بلد الحرامية او اي مسمي اخر انا معنديش الاستعداد للاستسلام لاي مسمي وبالتالي لازم يكون فيه رجوع رجوع رجوع

لاني المغترب مهما كانت ظروف غربته كويسة ملوش غير بلده

يعني لازم اموت في مصر ولازم ادفن تحت ترابها

الاخر صاحب الموضوع ياريت تشوف مشروع وانا وانت نشتغل فيه بس بعيد عن المخطرات يعني الدواجن اومحصول معين مضروب مثلا بالتوفيق ان شاء الله

[otaka]

المشكله مش فلوس خالص على الاقل بالنسبه لواحد بطوله زى حلاتى فانا اصلا مسبتش مصر بسبب الفلوس علشان افضل بعيد عنها بسببها انا مقتنع ان الفلوس بتيجى من عند ربنا فالرزق مكتوب و الانسان عليه انه يشتغل و ربنا بيرزق

المشكله فى مصر مشكله ثقافه سائده معينه بتتنافى مع ابسط قواعد الانسانيه و لما تحب تبقى انسان الناس تقلك ده عبيط و الناس بتضحك عليه

لما المجتمع يبطل يبجل البلطجه و الفهلوه ممكن افكر ارجع غير كده معتقدش

[Totta]

الاخت نانو كلامك جميل وانا معاكي في كل الكلام التي اثارتيه

ولكن انا لي رائ اخر ان من المستحيل ان المغترب يعيش طوال حياته في الغربة بحجة اي شيء بلد ابن مبارك او بلد الحيتان او بلد الحرامية او اي مسمي اخر انا معنديش الاستعداد للاستسلام لاي مسمي وبالتالي لازم يكون فيه رجوع رجوع رجوع

لاني المغترب مهما كانت ظروف غربته كويسة ملوش غير بلده

يعني لازم اموت في مصر ولازم ادفن تحت ترابها

الاخر صاحب الموضوع ياريت تشوف مشروع وانا وانت نشتغل فيه بس بعيد عن المخطرات يعني الدواجن اومحصول معين مضروب مثلا بالتوفيق ان شاء الله

عبده بيه

انا الاخ صاحب الموضوع

طب ايه رايك فى مشروع ملابس جاهزة .... هو الانسان ايه غير شوية بنطلونات وقمصان وحاجات صغيرة فوق بعض .

[عبده بيه]

اهلا بصاحب الموضوع الاخ اوتاكا شرفتنا باطلالاتك الجميلة

بالنسبة للمشروع ده مش هينفع بالمرة

اولا منذ سنتين تاجر في مصر هو نسيب في العائلة عندي زن في دماغي لما شافني البنطلونات الجينز اللي انا لابسها قالي ممكن نعمل احسن شغل وخد من ده لشهر وجعدماغي المهم العبد لله رصد مبلغ 17000يورو للمشروع اشتريت ماركات عالمية بدون ذكر اسماء 1200بنطلون اصلي بفاتورة مصنعين لي مخصوص في المصنع للماركة الاصلية

شحنت وارسلت البضاعة والله العظيم ما لميت الا 4000يورو لما دلوقتي بطلت البس الجينز وممنزع يدخل بيتي

سيبك من ده كلهالملابس الجاهزة في مصر مضروبة بالمرة الصين ما خلتشي مصري يشتغل براحته

فكري اخي وانا معاك حتي النهايه لما نفلس مع بعض هههههههههههههههههه تحياتي

[برو]

عبده بيه

انا الاخ صاحب الموضوع

طب ايه رايك فى مشروع ملابس جاهزة .... هو الانسان ايه غير شوية بنطلونات وقمصان وحاجات صغيرة فوق بعض .

اجمد رد والله ضحكت مشروعك جميل بس مش اوي وبخصوص الاستقرار دة مجازفة وفكرة محتاجة دراسة وتاني لان اعرف ناس رجعت مصر واستقرت وللاسف رجع تاني هنا وبيدور على اي حاجة فبجد هيا حلها الوحيد فى مشروع وربنا يبارك فية ولازم يكون بيكسب عشان تقدر تعيش فى مستوي كويس زي الى متاح ليك هنا وفية افكار مشاريع كتير بس على حسب المنطقة الى عايز تعمل فيها مشروع واية متطلبات المنطقة دة وزايا كتير اوي لازم تتاخد فى الحسبان وربنا يوفقنا جميعا

[عبده بيه]

ايدي علي كتفك يا صاحبي

والله المستعان

[Totta]

ايدي علي كتفك يا صاحبي

والله المستعان

عبده بيه

على فكرة كتير قوى خسارة 13000 يورو وانا لو مكانك ممكن يحصلى حاجة والحمد لله انى مش مكانك ..... لكن مش برده غلط ان الواحد يخاطر مرة واحده بحوالى 120000 جنية وفى شئ ما عندهوش خبرة فيه . صحيح الانسان شوية بنطلونات وقمصان وحاجات صغيرة فوق بعض بس مش بنطلونات ماركات من اللى بتيجى باليورو انا كنت بتكلم على الحاجات اللى تتصنع وتتعمل فى مصر مش اللى تيجى من بره . قلبى عندك وان شاء الله ما تتكررش التجربة دى تانى

[molhm]

ياجماعة المشاريع الزراعية هي الي فيها الخير دلوقتي وفي دراسات جدوي مبسطة قرأتها عن الدواجن وتربية الاغنام وتسمين العجول والارانب وكلها ارباحها فوق ال 50 % المهم تكون عندك ارض زراعية ومافيش مشاكل في المية للري والفكرة انك تزرع اعلاف تربي عليها والمخلفات تسبخ الارض . انا مغترب في جدة من عشرين سنة موضوع العودة مرتبط بمدي الاستفادة من الغربة مش بس مديا يعني انت ناجح في عملك مطلوب للعمل مرتاح الي حد ما بتدعم اهلك في مصر . اما عن المشاريع في مصر لودرستها كويس وادارتها كويس وربنا وفقق في ناس ولاد حلال ومااكثرهم اتوكل علي الله ومش شرط انك تنزل وربنا يوفق الجميع