افكار تساعد المغترب على سرعة الاستقرار فى مصر

[amrhoras]

الله يا اخوانى الاعزاء كل المشاريع جميله بس مازالت تفتقد التجديد اضافة لبعض الافكار

الدواجن الان الحكومة غضبانه عليها الصراحة يعنى بيعدموها وبيجبرو اصحاب المزارع و محلات الدواجن على تغيير النشاط يعنى خراب بيوت مستعجل بعيبد عن السامعين (ودى عن تجربه شخصية)

تانى حاجة موضوع الثروة الحيوانية مشروع كويس بس عاوز الخبرة فى التربية عاوز دراسة علمية كبيرة جدا

تالت حاجه احنا عوزين افكار جديدة عن نفسي نفسي في صناعات ثقيلة وحيويه وتكون الماده الخام متوفره بكثره عندكم مثلا رمل سيناء ده اكثر انواع الرمل الممتاز اللازم لصناعة اللوحات الالكتروينة انا مش حتفلسف بس انا عاوز ننهض بنفسنا مش ندننا نجرى فى دائرة وهلم جره

اهم حاجه تحط فى دماغك خطوات وهدف ونقطة معينة لما توصلها ترجع على بلدك وتبدأ تنفذ مشروعك

زى ما انتو عارفين احنا مش جايين نلعب احنا جايين لأهداف معينة

نبني نفسنا ونعمل حاجة لاهلنا اللى هم آبائنا اولادنا وجيراننا ومعارفنا ان شاء الله وكل اللى نحبهم ويحبولنا الخير

بالنسبة لظروف البلد نقدر نقاومها وزى مابيقولو ايد لوحدها متصقفش

أفكار لا تنضب ولكن الاهم هو الفعل والايمان بالعمل وليس مجرد الحفاظ على المال وعلى المستوى

ارجو منك الجلوس منفردا بنفسك والانطلاق فى افكارك حتى تصل الى ارضاء نفسك

وتتفق على نقطة تنهى فيها حياه الغربة كي ترجع الى احضان احبابك كى تبدأ حياتك التى خلفتها ورائك وضاعت احلى ايام حياتك فى تحقيق جزء من احلامك فقد أخطأ من تخيل أن حياته واحلامه فى الغربه فقط ولم يخطط مابعد الغربه او لم يضع لها حدود

فما العمر الا لحظات مهما طال الزمان وسيأتى يوم نتمنى أن يرجع الزمان كما كان

فاجعل الدنيا اضحوكتك واعلم انك مفارقها غدا و لا تجعل من نفسك اضحوكة فلن يبقى الا ذكراك للاخرين

لا تعليق وأسف ان كنت مبعرفش اعبر عما بداخلى