حكايات مادا ومانا

[bentmasria]

كنت افكر فى صمت وبدا وكأنى اسمع صوت ما وتنبهت ومحمد ينادى

مامى ايه ده

عصفور

مامى ايه اللى بيصوصو ده

عصفور

مامى هو اسمه ايه اللى بيعمل الصوت ده

العصفور

طايب مامى هو صوته واطى اسمه ايه ده

العصفور

مامى كلمينى ويجذب وجهى تجاهه

هو ده اسمه ايه ردى عليا

عصفور يا محمد

هو اللى لونه اصقر ده اسمه عصقور

لا يا محمد اسمه عصفور

طايب يا مامى هو الصفصور ده بيعمل ايه

اسمه عصفور ربنا يكرمك وبيصوصو

خياص يا مامى اوعى تزعلى

ويبدا فى الابتسام بهدوء فاعتقد انه ربما فهم

ثم يصمت دقيقه ليكمل مشيرا لقفص العصفور

مامى

قلتيلى بقى الاصقر ده اللى بيصوصو ....... اسمه ايه؟؟؟؟

عصفووووووووووووووووور

خياص يامامى خياص

انتى زعلتى انا بس كنت عاوز اسايك............. ويتردد قليلا ليصمت ثم يبتسم

لاجيب عصفور يابنى عصفوووووووووووووووووووووور

هذه المرة احكى قلة صبرى انا وذكاء طفلى معى

فمن منا يعلم الآخر الآن؟؟؟

تم تعديل 1 أبريل 2007 بواسطة bentmasria

[shahd]

نتابع تلك السطور بمحبة.. وننتظر ماتبقى بكل شوق

[وليد صفوت]

رائعة مدام إيمان تلك الحدودتة التى تحدث لكل أم...

أتذكر اننى قرأت فى بريدى ذات يوم قصة شبيهة بهذة ولكن الأخرى كانت تتناول جانب آخر و هو وفاء الإبن لأمه بعد أن كبرت الأم.....

فكانت القصة -و سامحينى إذا لم اوفق فى سردها لأننى قرأتها منذ فترة طويلة - عن الأم العجوز و ابنها الشاب اليافع اللذان خرجا الى الحديقة فى نزهة ... ثم سألت الأم عن العصفور فوق الشجرة و قال لها ابنها نفس الإجابة... ثم صمتت لتسأل نفس السؤال ثانيةَ...و هكذا حتى نهرها الإبن فى جفاء عن سؤال نفس السؤال مرة أخرى...و عندها دمعت عينا الأم و هى تتذكر نفس المشهد منذ عشرات السنين تحت نفس الشجرة فى نفس الحديقة و هو تعلم ابنها ان ينطق كلمة "عصفور" بأن تسأله نفس السؤال :"ما هذة فوق الشجرة يا حبيبى؟" فيرد الإبن و هو صغير ردود متشابهة مرة "صعفور" و مرة "عصفون" و مرة "عصفو".... أ‘تقدان القصة كانت بتفاصيل أكثر و كانت مؤثرة جداً....

شوقتينا مدامايمان الى المزيد .... فهل لنا فى ذلك؟

تحياتى و تقديرى..

[bentmasria]

شهد الحروف

اضئت باقة حروفى باطلالتك فشكرا لك

وليد صديقى الجميل

نوادر مادا كثيرة وصاخبة سأحاول ان انقل لكم الطريف منها باذن الله تعالى

شكرا لتواجدك هنا

[Ahmad Farahat]

لا يوجد في الحياة شيء يعادل براءة ألطفال وذكاءهم المحرج أحيانا وهم يطلبون الشيء بخجل وظرف شديد.........

لا تتوقفي مطلقا..........

فنحن في انتظار المزيد...........

أرسين

[bentmasria]

فرقع لوز

طفلى اصبح يحب هذا الاسم

يستيقظ من نومه صباحا يجلس على السرير فى هدوء ثم يصدر امرا

مامى هاتى الجسمة والشياب (الجزمة الله يعزكم والشراب)

مامى اوعى توودينى االمنندسة (المدرسة) يوسف ضربنى امبايح ..... استغرب فهذا صديقه المفضل

واصغر منه حجما وهو حقا يحبه

مامى

نعم يا حبيبى

بصى بقى انا حقولك

يوسف موش ضيبنى

يوسف ضيب انشى (انجى) وهى بيبى وانا قلت لميس ياسيدة عسان هو عمل غلط وانا شاطى ومامى بتحبنى

طيب كويس قوى ممكن نغير عشان تروح المدرسة

لا يامامى اصل انشى بتعيط وموش حيوح

طايب انجى عند مامتها وموش بتعيط خلاص

يذهب الى حقيبتى ويحضر الموبايل اطيبيها

يا محمد الساعة 7 وحنروح المدرسة يامامى بصى انا عاوز انام لما اقوم حيوح المندسة

يا محمد احنا حنروح

مامى وطى صولك انتى موش تزعقيلى

انا عيانة

لا انت كويس

يوه بقى يا مامى

تيتاااااااااااااااااااااااااا

اندينى الدواء عسان انا عيانة ومامى عاوسة توندينى المندسة وانا عيانة سوفى انا سخنة

يا محمد انت ولد

لأ انا ياجل وعندى شنب كبير قوى

انا موش صغير

وموش حيروح المندسة

وموش حيكب الاوبوتيس مع عمو صياح

ليه

اصلى عيانه

مامى والنبى والنبى انا عيانة

محمد اسمع الكلام

يبتعد خطوات وينظر الى فى منتهى التحفز ثم يقول

يوحى نامى يا مامى

انا حنام عند تيتا

ووطى صولك

اوعى تزعقيلى

ثم يتركنى ويمضى بهدوء وتعال شديدين

وكل يوم من ده :lol: :lol:

[nash]

الله يا أم مادا.....

أأأأأأة

ذكرتيني( بالذي) مضي.....بجد هي بتتكتب (اللذي) ولا زي ما أنا كاتباها؟؟؟

ربي يحفظلك مادا....ويبأة راجل كبييير .....بشنب

[DARWEEN]

الله على أحساس الأمومه الجميل

موضوع أصيل يا أم مادا

[bentmasria]

ارسين لوبين

صديق مادا الظريف

شكرا لمرورك ومادا بيقولك عاوز عصير بيتقان دووقتى دووقتى حايا

ننوشه صديقتى الحبيبة

اجمل ذكريات وايام هى التى نحياها ببصماتهم تزينها

وكأنهم يرسمون ايامنا ............... والذى مضى ياست الكل هو باذن الله اللى بيخليهم رجالة وبشنبات كمان ربنا يسعدك

استاذ داروين بارك الله فيك شكرا لمرورك الكريم

تبقى الامومة دائما هى ما يحرك فينا نبض الحياة ودفء براءتهم يبقينا احياء

شكرا لتقديركم

[Modest]

أنا قاعد مربّع إيدي و مستمتع بقراءة حكايات مادا و ماما (مانا :P )

أكملي يا أم مادا .. عقبال يارب ما تحكي لنا حواديت أولاد مادا مع تيتا أم مادا wst::

[أسد]

تلك هي روعة جمال العلاقة بين الطفل وأمه ..

أم .. وطفل ..

أم حنونة .. طيبة .. شاعرة حنونة ..

وطفل غالي ...

هناك وصلة مشاعر تتدفق فيما بينهما لا يشعر بها إلا هو وهي ..

مهما كان الوصف وكان السرد ...

لن يشعر أحد بجمال تلك العلاقة والفيض المتدفق من الحب والحنان بينهما إلا هما الإثنان فقط ...

الله .. الله ..

ربنا يخليه لك .. ويبارك فيه .. وفي أولادنا جميعاً ..

[Ahmad Farahat]

ارسين لوبين

صديق مادا الظريف

شكرا لمرورك ومادا بيقولك عاوز عصير بيتقان دووقتى دووقتى حايا

من عنيه الإتنين

[bentmasria]

موديست جميل القلب

اعلم صفاء روحك الدائم حفظك ربى من كل شر

مادا افندى لازق على باب الاودة كارته الاخير اللى عملهوله خالو موديست

ربنا يبارك فى وجودك يارب

[bentmasria]

الاستاذ الفاضل اسد

أضاءت هذه السطور المتواضعة بتشريفك الجميل

والحقيقة علاقتى بطفلى مثل اى علاقة لكنه احيانا يأتى باشياء رقيقة او غريبة احببت ان اتشاركها معكم لعلمى بمدى حبكم له وثقتى فى اهتمامكم لامره

شكرا مرة اخرى

[bentmasria]

مامى

مامى

مااااااااااااااااااااااااااااااامى

قومى بقى

كيمينى

هو البيبى بيعيط ليه

عشان عاوز ياكل مم

ياكل مم ايه

ياكل لبن

هو اييبن اكل

طايب انا عاوز اكل ييبن

حاضر يا حبيبى

مامى

عاوزة بابى يجيبلى يبن

حاضر يا محمد بس انت عارف بابى موش موجود

هو فين يا مامى

عند ربنا فى السماء

طيب هو حييجى

لا يا حبيبى بس انت عندك بابا محمد وبابا محمود وبابى اشيف وكلهم بيحبوك

لا يامامى

احمد بيقوللى بابى محمود بتاعى انا

فين بابى بتاعى انا

يا محمد بابى بتاعك انت عند ربنا

طيب وندينى عند يبنا

لا يا حبيبى

هاتيلى بابى

حاضر يا حبيبى

مامى

عاوز اخنى

حتغنى ايه

هاتى الاورك

حطى الكخرباء

هههههههههه خياص

كيمينى

بابى زمانه كاى

كاى بعد شوية

عشان انا بحبه

مامى

انا بحبك اوى اوى اوى

وتيته واحمد وكوكو وجوجو وكمان البيبى بتاعى

بابى زمانه كاى

غنى يامامى غنى

[محمود الشاعر]

فى لحظات الواحد لا يملك غير انه يتأمل فى الكلام ليجد ان هناك حالة من الصمت تقتحم عليه لحظة بوحه

صدقيني لا املك سوى ان اهمس لهذا الملاك الطاهر سوى اني احبك يا مادا الحبيب

[Folana]

السلا م عليكم ورحمة الله ..

مشاعر جميله تفيد جدا فى تواصل الامهات مع ابناءهم نستخلص منها الكثير من المشاعر الطيبه.. والخبرات المفيده.....

تأثرت جدا يا أم مادا يارقيقة بصدق حروفك......

متابعة معك بشغف حكاوى فرقع لوز

ربنا يفرحك به ...

تسلم ايديك ...

[bentmasria]

جميل الروح محمود الشاعر

احيانا ينطق الصمت كل الحروف

وطفلى كثيرا مايجعلنى اصمت

ربما............. لانه يرى مرآة روحى

شكرا لتواجدك الجميل

[bentmasria]

الاخت الفاضلة فولانة

شكرا لمرورك الكريم ومتابعتك الطيبة

محمد يستحق الدنيا التى اتمنى احيانا ان املكها لامنحها له بكل الحب

شكرا لك سيدتى

ولى طلب صغير

كنت ارسلت لكى رسالة بخصوص التبويب الخاص بالموضوع ارجو وضعها نصب اهتمامك فضلا لا امرا

دمتى بكل خير

[bentmasria]

يا مامى

كيمينى منكن

حاضر عاوز ايه

هو ليه توم بيكرى وراء جيرى

علشان عاوز ياكله مم

ليه موش هو اخوه وصاحبه زى انا واحمد جوجو

لا يا حبيبى همه اصحاب بس بيلعبوا

يعنى موش حياكله

طب بس يه قلتيلى ياكله

انا حزعل منه قوليله مش ياكله

حاضر

مامى صوت ايه ده

القطة يا حبيبى

طايب هى بتنده على مين

على مامتها

وهى مامتاها ياحت فين

راحت تجيب لها مم

مم لبن كتير

ايوه يا استاذ

هو انا استاذ لا انا كبير موش تقولييى اوستاس

مامى يا مامى انتى يحتى فين

بنده لمامة القطة علشان تاكلها

طيب بس تعايى بسيعة عشان انا هافية

خايف ليه

موش تسيبينى وحدى وتيوحى السغل

عايز اجى معاكى

ياحبيبى موش رايحة انا حقعد معاك

ونلعب يامامى بعمو بطاطس

ايوه

طيب عيمينى العب بيه احمد بياخده منى

بص بقى انا حزعل منك احمد زى اخوك وبيلعب معاك

لا بيضيبنى وانا بعيط

لا بيلعب معاك

طيب بصى انا حغنى

هو بابى كامل فين

ايى كابلى وحيد الكرن البيبى

ايوه البيبى بابى جابه ومشى بس وعدنى يجيلك تانى

طيب هو نايم فين

فى بيته

طيب بابى بتاعى موش نايمة معايا ييه زى احمد

هو مامى موش بتنام فى حضنك

ايوه بس انا عايزه

طيب هات بوسه

لا موش عاوز ابوسك عاوز بابى

طب ان شاء الله لما تكبر حنروح له

عند يبنا

ايوه عند ربنا

انا عاوز اروح دوقتى

يامامى

واسقط صامتة

ثم ابتسم

فيلمسنى بمنتهى الحنان

مامى انتى زعيانة منى

لا يا محمد انا بحبك اوى

وانا بحبك اوى اوى اوىىىىىىىىىىىى

اوى تزعيى بقى