حكايات مادا ومانا

[Folana]

الاخت الفاضلة فولانة

ولى طلب صغير

كنت ارسلت لكى رسالة بخصوص التبويب الخاص بالموضوع ارجو وضعها نصب اهتمامك فضلا لا امرا

دمتى بكل خير

السلام عليكم ورحمة الله ...

الاخت الفاضلة ام مادا......حضرتك تعلمى علم اليقين ويمكن من قبل منى كمان..أن القرارات التنظيمية بتكون قرارات ادارية...وليست فردية..وبيتم العمل بها بعد العديد من المناقشات وانت اعلم منى بذلك....

والحقيقة لم تصلنى اى رسائل منك لا على الخاص ولا على الايميل...على اى حال انا فعلا حاوصل طلبك للادارة باخلاص....ولو انك عارفة برضه ان اى اعتراض بيتم عن طريق مراسلة المشرفين او الادفايزور...

شكرا لك ...

عايزة ارد بقى على الحكاية الجديدة بتاعة فرقع لوز الجميل ده...مش ناوية تجيبيه عندى بقى ؟؟؟ انا فى انتظاره ....:sad:

ربنا يخليكم لبعض يا جميلة.....

[inas]

ام ماد

ربنا يخليلك العسل ده

والله اني قرات كل حرف بشغف

كلماتك اثرت في بشده

وكلماته البسيطه الجميله ادمعت عيناي

ربنا يخليكم لبعض

[Ahmad Farahat]

لست أدري...........

لماذا لم أعلق على قصتك الثانية؟

ولست أدري لماذا أرتجف هذه اللحظة وأنا أعلق على قصتك الثالثة دون ان تغيب عن خاطري قصتك الثانية؟

أشعر أنك تفهميني...........

ولا أشعر برغبة في الإستطراد............

لكنني أشعر أن هناك وراء ما تكتبين شيئا ربما كان أكبر من أحلام طفل صغير.........

أو أمنيات قلب أخضر بريء..............

هناك شيء أكبر من هذا..........

هناك.............................................................................................................................................................................................................................................................................................................................................................................................................................................................................................................................................................................................................

كفى..........

أنتي تفهمين بكل تأكيد...........

لكنني أيضا وبكل صدق...........

بحبك يا محمد..........

أو..........

يا مادا......

أرسين

[bentmasria]

اسبايدر مان

طبعا كلنا عارفينه لكن مع محمد حكاياته غريبة طبيعى هو بيشوفه فى التيلفزيون تقريبت يوميا ولو ماجاش بنشغله على الكمبيوتر وفجأة قررت خالته احضار زى سبايدر لمحمد واول ما شافه

ايد ده يامامى

ده لبس سبايدر مان

بتاعى انا

ايوه

يعنى انا محمد جوجو سبايدر

ايوه يا حبيبى

وارتدى القناع وبدأ فى مهاجمتنا وهو يصرخ انا سبايدر انا سبايدر

لبسينى يامامى عاوز انط زيه

حاضر

مامى

يامامى

ايوووه

انا عاوز الفتية (الفتله)

يعنى ايه

وافكر بمنتهى العمق ولا افهم لعدة دقائق

الفتية يامامى

طيب بيعملوا بيها ايه

انا عاوز الفتية عشان امسك فيها زى سبايدر

وانطططططططططططططططط فوووووووووووووووووووووووووق

وضحك طويلا مامى جيبيلى فتية

حاضر يا محمد

هو سبايدر بيبى

لا راجل

راجل كبير اوى وعنده سنب يا مامى

انا محمد سبايدر مامى اعمليلى شنب

حاضر

لا لا عاوز شنب زى بتاع بابى محمود شعر

حاضر

مامى انا موش عاوز سنب خياص اوعى تزعلى اوعى تزعلى انا بحبك اوى اوى

[Ahmad Farahat]

مدام إيمان.........

بقالي كتير مقريتش يوميات فرقع لوز...........

لعل المانع خير..........

وصدقيني..........

نحن في حاجات لتسجيل ذكرياتنا مع من نحب وننطلق بها إلى الفضاء الفسيح تماما كما فعل أخي وصديقي باسم عندما كتب (أنا وأبي)............

أعتقد أن مادا يمثل لنا جميعا الكثير فهو أحلام وأمنيات طفل أو قلب أخضر بريء...........

كما أنه يمثل بالنسبة لكي هدفا في الحياة بل ربما يمثل لكي الحياة برمتها.........

وبالنسبة لي......

أعتقد أنني أنتظره ذات يوم...........

بعد عشرين عاما على الأكثر.........

في نفس عمري الحالي..........

على هذا المنتدى...........

أو في أي منتدى آخر..........

يتبادل معي النقاش ويحاورني ويختلف معي.........

وأبتسم كلما تذكرت حواديته.........

لذلك........

لاتنقطعي عن الكتابة............

في هذا الموضوع تحديدا...........

ولا................

..................

فاهماني............

قولي آه

وأتمنى أن يكون ردك علي بيومية أخرى..........

ولا أكثر..........

أرسين

[bentmasria]

يتجول فى انحاء غرفته

فين لعباتى

يا استاذ محمد انت رايح المدرسة خلاص يعنى حنلعب حبة صغننين اوى ونذاكر حبة كتار

لا انا حلعب بس

هاتى لعباتى حطيتيهم فى الدوياب ليه

طيب سيبنى ارتب ونشوف حنسيب ايه

استنى ويجلس على الارض ويشير الى مكتبه الصغير شيلى ده انا عاوز اودة كبيرة عشان الموتوسيكل

بص موش حنسيب الا العجلة فاهم

لا انا حزعى منك وموش حروح المدرسة

ويجلس ليملى شروطه حول تنسيق الغرفة لاجد كل شىء قد عاد كما كان

ويشترط ايضا ان تنام امى الى جواره وانا ممنوع

ويعلن الديكتاتور الصغير ملكيته على الغرفة بشكل كامل

اطيعى بره من فضنك انا بيعب لوحدى (اطلعى طبعا)

وابدا بشكل جدى فى التفكير اننا ربما نحتاج شقة اوسع لافسح له مجالا اكبر للعب

او ربما يترك لى ركنا لالعب الى جواره

وبكره ياما حنشوف

لا اصدق انه كبر الى درجة اتخاذ قرارات لا اجرؤ على مخالفتها

ماما

هو انتى موش بتردى ليه موش انا بكلمك

لما اكلمك من فضيك ردى

اذكر انى كنت اوجه هذا الحديث الى شخصه قبل شهور

فهل انقلبت الادوار

ربنا يستر ومايركبنيش الباص اول يوم ويرجع هو على السرير

كل سنة وانتم طيبين رمضان كريم

[الطيار المصرى]

سنة الحياة يا ام مادا...و هل بيدنا الاعتراض؟؟؟؟

و لكني تأثرت كثيرا بكلماتك الرقيقة التي اقرأها لأول مرة....

و اعجبني الحوار البرئ بينك و بينك مادا اللي وحشني اوي اوي بالمناسبة....

و الينا بالمزيد من حكاياته الشيقة...من مدرسة الفرافير :lol:

تحياتي...

الطيار المصري

[Alex Lover]

مدام ايمان

ربنا يخليكيلك ابنك يارب ويحرسه ويجعله ابتسامة عمرك التى لا تفارق شفاهك ابدا

[bentmasria]

تغير طفلى

لم يعد يكتب بيد مهتزة حروف اسمه

ولم تعد رسماته مجرد خطوط بلا اتجاه

ارتسمت معالم شخصيته فوق خطوط وجهه البرىء

عندما يغضب يثور فى وجهى قائلا ..............مامى انتى وحشة.............اتظاهر بالحزن ليعود قائلا

انا موش زعلان منك

حنام جنبك

خلاص بقى

احضنينى...........انا بحبك اوى

وعندما آتيه بشىء تمناه .............. ينظر الى بعيناه الحالمتان المتسعتان قائلا

انتى عارفة ............. انا حعمل لك حاجة حلوة قوى

وياتى بورقاته ليرسم وجها باسما بسيطا ثم يبدأ فى ترديد احدى اغنياته الصغيرة ليجد كل من حوله يقبله ويحتضنه فيصرخ قائلا هيييييييييييييييه :wub: :D

واكتشف يوما بعد يوم

انه ربما السبب الوحيد الذى يحمل الابتسامة الى شفتى

افتقدت هذا الموضوع

وافتقدت جلساتى الصافية مع طفلى

لكن ايامه لا تخلو ابدا من النوادر

واليكم اقربها

ينطلق طفلى فى تسميع الكلامت التى يحفظها خلال دراسته ليسعدنى ثم يبدأ منفردا فى قول

ايه ابل

بى كذا

واسأله هل هناك كلمة اخرى فى الايه

يجيب بمنتهى الحماة ايوه يا ماما

ايه استيكة :winner: :happy:

ولا تعليق

اترككم لاعود باذن الله تعالى

[لولا]

تغير طفلى

لم يعد يكتب بيد مهتزة حروف اسمه

ولم تعد رسماته مجرد خطوط بلا اتجاه

ارتسمت معالم شخصيته فوق خطوط وجهه البرىء

عندما يغضب يثور فى وجهى قائلا ..............مامى انتى وحشة.............اتظاهر بالحزن ليعود قائلا

انا موش زعلان منك

حنام جنبك

خلاص بقى

احضنينى...........انا بحبك اوى

وعندما آتيه بشىء تمناه .............. ينظر الى بعيناه الحالمتان المتسعتان قائلا

انتى عارفة ............. انا حعمل لك حاجة حلوة قوى

وياتى بورقاته ليرسم وجها باسما بسيطا ثم يبدأ فى ترديد احدى اغنياته الصغيرة ليجد كل من حوله يقبله ويحتضنه فيصرخ قائلا هيييييييييييييييه :D :wub:

واكتشف يوما بعد يوم

انه ربما السبب الوحيد الذى يحمل الابتسامة الى شفتى

افتقدت هذا الموضوع

وافتقدت جلساتى الصافية مع طفلى

لكن ايامه لا تخلو ابدا من النوادر

واليكم اقربها

ينطلق طفلى فى تسميع الكلامت التى يحفظها خلال دراسته ليسعدنى ثم يبدأ منفردا فى قول

ايه ابل

بى كذا

واسأله هل هناك كلمة اخرى فى الايه

يجيب بمنتهى الحماة ايوه يا ماما

ايه استيكة :winner: :happy:

ولا تعليق

اترككم لاعود باذن الله تعالى

لم أصدق عندما رأيت العنوان ..

وسعيدة جدا ان تكون هناك ساحة بهذا القدر من البراءة والنقاء لحكايات مادا الصغير الرائع ..

سأعود لأقرأ من الأول واتمنى ان تتجدد الساحه دوما بحكايات تخطف منا ابتسامات حقيقيه وصادقه

امام هذا الكم من النقاء والبراءة فى عالم اصبحت الوانه غالبا رماديه !!

مانا الغاليه الحبيبه ومادا الرائع .. اتابع بكل حب وشغف :wub: :D

لولا

[bentmasria]

صورة المدرسة

ككل يوم نستيقظ باكرا عفوا محمد يستيقظ بعد ان يرتدى كل ملابسه ويشارك فى ارتدائها مغمض العينين

يعنى

البنطلون ارفع وسطك يرفعه

التى شيرت ارفع يدك يرفعها

الجاكيت ....امسك كمك............ويتم الارتداء كاملا ثم يجذب الغطاء ليعاود النوم ولا يستيقظ الا بعد ان احمله الى خارج غرفته والتحديد عندما تقبله امى قبلة الصباح

ونضحك ففى لحظات يجرى الى المرآه لمشط شعره ويسألنى انا عنيا نايمة

فأرد نعم

طيب اغسليلى وشى

حاضر

لماذا اليوم مختلف

صورة العام المدرسية ستلتقط اليوم ولكم ان تتخيلوا

مساء

ماما بكره عندى صورة

ايوه يا حبيبى انا عارفة

الميس قالت اليونيوزم يبقى مكوى ونظيف

حاضر

لمعى الشوز

حاضر

فين هدومى

اهيه انا جهزتها

لا موش حلبس الجاكيت الأحمر

حلبس الأزرق

حاضر

الشوز البيضاء بتاعة عيد ميلادى

حاضر ممكن ننام بقى

ماما

هو انا جميل

طبعا يا حبيبى

كريم اخويا فىالمدرسة بيقوللى انت وحش

ليه بس انت زعلته

لأ هو موشبيحبنى عشان لوجى صاحبتى بتحبنى اكثر منه

لوجى ........... وابتسم معليش خليك انت احسن وروح كلمه

لا هو قاللى انت وحشوصورتك حتطلع وحشة انا موش بحبه

عشان خاطر مما لازم تحب كل اخواتك

انا حنام ولوجى صاحبتى انا بس

وحتصور عاها وموش حخليه يطلع فى الصورة

وفى الصباح التالى

ماما قومى

انت صحيت

ايوه انا حتصور لبسينى بقى موش عاوز اكسر الهدوم

حاسبى التى شيرت ما تكسريهوش

انا واخدة بالى

اقفلى الزرار اللى فوق

يخنقك بلاش

لا الميس قالت لازم نقفله عشان نطلع جميلين فى الصورة

حاضر

نقفله

مامى عمو حسن جه يللى

يوه فين مصروفى

بلاش اللبن عشان موش يقع عليا

طيب بس اشرب شوية

لا وكمان موش حاكل قبل الصورة

حاضر

أى اوامر تانية

ايه امامر دى يللى بقى

وذهب محمد للعروسة

اقصد للصورة

وعلى الهاتف الآن مع المدرسة اتصور يا ميس ............

ايوه ويادوب لسه بيفطر

وبس :blush2:

ربنا يحمى كل ولادنا يارب

[لولا]

مش عارفه ليه حكايات الأطفال بتخلينا نبتسم ونضحك من جوه جوه قلبنا بكل صفاء الدنيا وننسي كل الهموم ..

مانا الغاليه .. ربنا يخليك مادا ويحميه يارب :blink:

[د هشام ابراهيم]

ياااه .....ازاي موضوع بسيط كده يملأ الواحد بكمية المشاعر ديه .... عندي كلام كتير قوي عايز أقوله بس مش عارف ابتدي منين :rolleyes:

أقول لحضرتك .... يا رب يخلي مادا لمانا و يخلي مانا لمادا

تحية تقدير و احترام يا سيدتي الفاضلة :lol: :rolleyes:

[bentmasria]

:lol: نورتوا ساحتنا الصغننة الصورة لسه ما طلعتش ومستنيينها كلنا بننام ونقوم فى حكايتها بس ابنكم الصغنون راجع النهاردة موش مبسوط وشكله عنده مشكله ولما رجعت حضننى قوى وقاللى ماما انا بحبك قوى قوى قوى ويللى ندخل اودتنا

طبعا والدتى ما تتوصاش مكالمة اول ما رجع بتقوللى الظاهر ابنك حد ضربه بس ما قالش اى حاجة ساكت وحزين وموش راضى يذاكر

طيب يا امى سيبيه لغاية ما أرجع

ورجعت ودخلنا اودتنا وحلينا الواجب او جزء منه ورافض يغير هدوم المدرسة وبعدين سألنى

موش انا عندى بابا

طبعا

وهو عند ربنا

ايوه وبيشوفك وبيكلمك بس انت موش بتسمعه

كريم اخويا فى المدرسة قاللى انه موش عند ربنا انه مات وعمرى ما حشوفه

لا يا محمد مات يعنى طلع عند ربنا

واكيد بتشوفه موش بتشوف صورته وكمان بنكلم الصورة سوا

بس موش بيرد عليا

كريم باباه وداه الجامع يصلى يوم الجمعه

وقاللى باباك موش حيوديك

زعقتله وقلتله لأ حيودينى

الميس زعقتلى

وبكى محمد

هو موش حيودينى

لا يا حبيبى انا حوديك ونصلى سوا

والبس عباية وطاقية

ايوه يا حبيبى اجمل عباية وطاقية

وانتى حتبقى بابايا

انا ماما

وبابا حيفرح بيك اوى لما تروح الجامع معايا

وتشرق ابتسامة الملاك ليقول

ماما

احضنينى

انا بحبك اوى

هذه المرة تضىء عيناه اشراقة افتقدها

واعلم انه بشكل ما.............. يراه ويحتضنه ايضا

وبس

[SoSo R]

بنت مصرية

هتصدقينى لو قلتلك إن الحكاية دى زلزلتنى و خلت جسمى قشعر

للأسف بنشعر بضعفنا قصاد أولادنا لما يسألوا عن حقائق الحياة و تكون إجاباتنا مالهاش ترجمة فى قاموس مفرداتهم

أسوء شىء إن الواحد يحس بالعجز قدامهم لما يسألوا عن جد أو جدة

غياب الأب أو الأم

إعصار من الأسئلة...يقابله...عجز تام عن الأجابة

تحياتى

سوسورانى

[aimen]

:lol: :rolleyes: :rolleyes: :rolleyes: لمادا

ربنا يحرسه لك يارب

[khedr]

ست الحبااااايب....... ياحبيبه

يارب يخليكي

ياااااااااااااامي

:lol:

[fatfouta]

:lol: نورتوا ساحتنا الصغننة الصورة لسه ما طلعتش ومستنيينها كلنا بننام ونقوم فى حكايتها بس ابنكم الصغنون راجع النهاردة موش مبسوط وشكله عنده مشكله ولما رجعت حضننى قوى وقاللى ماما انا بحبك قوى قوى قوى ويللى ندخل اودتنا

طبعا والدتى ما تتوصاش مكالمة اول ما رجع بتقوللى الظاهر ابنك حد ضربه بس ما قالش اى حاجة ساكت وحزين وموش راضى يذاكر

طيب يا امى سيبيه لغاية ما أرجع

ورجعت ودخلنا اودتنا وحلينا الواجب او جزء منه ورافض يغير هدوم المدرسة وبعدين سألنى

موش انا عندى بابا

طبعا

وهو عند ربنا

ايوه وبيشوفك وبيكلمك بس انت موش بتسمعه

كريم اخويا فى المدرسة قاللى انه موش عند ربنا انه مات وعمرى ما حشوفه

لا يا محمد مات يعنى طلع عند ربنا

واكيد بتشوفه موش بتشوف صورته وكمان بنكلم الصورة سوا

بس موش بيرد عليا

كريم باباه وداه الجامع يصلى يوم الجمعه

وقاللى باباك موش حيوديك

زعقتله وقلتله لأ حيودينى

الميس زعقتلى

وبكى محمد

هو موش حيودينى

لا يا حبيبى انا حوديك ونصلى سوا

والبس عباية وطاقية

ايوه يا حبيبى اجمل عباية وطاقية

وانتى حتبقى بابايا

انا ماما

وبابا حيفرح بيك اوى لما تروح الجامع معايا

وتشرق ابتسامة الملاك ليقول

ماما

احضنينى

انا بحبك اوى

هذه المرة تضىء عيناه اشراقة افتقدها

واعلم انه بشكل ما.............. يراه ويحتضنه ايضا

وبس

يا حبيبتى ربنا يخليكى ليهم يا رب ويعوضهم بيكى

ويعوضك انتى بيهم كمان

بحب موضوعك اوى ممكن ابقى اكتب فيه؟

تحياتى

[bentmasria]

اهلا بيكم جميعا فى اودتنا الصغيرة

الحكاية موش بس حكاية محمد ومامته

لأ

دى مواقف بتحصل فى كل اسرة بشكل مختلف وتقريبا كل يوم احب اسمعها منكم زى ما بتسمعوها منى وتبتسموا او تزعلوا احيانا

مرحبا بكل قلم او حكاية صغنونة جديدة وشكرا فعلا على اهتمامكم بالعالم الاختيارى الجميل اللى ربنا اداهولى واسعدنى بيه وفيه ربنا يقدرنا عليهم يارب

البنت المصرية ام مادا افندى ودلوقتى ححط لكم صورة حضرة الضابط وبعدين ححكى لكم حكاية بدلة الضابط ومشوارها الخزعبلى فى مكان ما من القاهرة اول مرة اشوفه فى حياتى

محمد افندى

اشوفكم على خير

مامة الاستاذ محمد

[alsaher]

brth) نورتوا ساحتنا الصغننة الصورة لسه ما طلعتش ومستنيينها كلنا بننام ونقوم فى حكايتها بس ابنكم الصغنون راجع النهاردة موش مبسوط وشكله عنده مشكله ولما رجعت حضننى قوى وقاللى ماما انا بحبك قوى قوى قوى ويللى ندخل اودتنا

طبعا والدتى ما تتوصاش مكالمة اول ما رجع بتقوللى الظاهر ابنك حد ضربه بس ما قالش اى حاجة ساكت وحزين وموش راضى يذاكر

طيب يا امى سيبيه لغاية ما أرجع

ورجعت ودخلنا اودتنا وحلينا الواجب او جزء منه ورافض يغير هدوم المدرسة وبعدين سألنى

موش انا عندى بابا

طبعا

وهو عند ربنا

ايوه وبيشوفك وبيكلمك بس انت موش بتسمعه

كريم اخويا فى المدرسة قاللى انه موش عند ربنا انه مات وعمرى ما حشوفه

لا يا محمد مات يعنى طلع عند ربنا

واكيد بتشوفه موش بتشوف صورته وكمان بنكلم الصورة سوا

بس موش بيرد عليا

كريم باباه وداه الجامع يصلى يوم الجمعه

وقاللى باباك موش حيوديك

زعقتله وقلتله لأ حيودينى

الميس زعقتلى

وبكى محمد

هو موش حيودينى

لا يا حبيبى انا حوديك ونصلى سوا

والبس عباية وطاقية

ايوه يا حبيبى اجمل عباية وطاقية

وانتى حتبقى بابايا

انا ماما

وبابا حيفرح بيك اوى لما تروح الجامع معايا

وتشرق ابتسامة الملاك ليقول

ماما

احضنينى

انا بحبك اوى

هذه المرة تضىء عيناه اشراقة افتقدها

واعلم انه بشكل ما.............. يراه ويحتضنه ايضا

وبس

لم أتمالك نفسي وانا أقرأ هذه المداخله

حقا حاولت أن أبتسم لتمر هذه المداخله على نفسي بهدوء

لكن لم أستطيع

سيدتي لك تحيه بكبر هذا الكون

ولملاكك الرائع