حكايات مادا ومانا

[Falcon Crest]

فكرتيني ببنتي و الله و حشاني موت موت موت موت عندها 16 شهر الان و بنسي نفسي و الدنيا كلها و انا بلعب معها

طبيعه شغلي بتخليني بره البيت كتير و مش عايز اقولك حالتي النفسيه عامله ازاي و هي ماسكه في

مش عايزاني امشي

انا مش عندي غير بنت ( هنا ) و رغم انها مش بتقول غير( بابي) بس بحاول اكلمها في التليفون باستمرار

علشان بس اسمع كلمه بابي منها

[bentmasria]

هكذا بدأ صباحه مبتهجاً

ماما انا بقى عندى بيت جديد صح

ايوه يا محمد ان شاء الله بس انت ما رضيتش تطلع معايا تشوفه امبارح

يامامى مانا قلت لك وضبيه وخليه جميل زى بيت تيتا وانا حقعد تحت وفوق انا بحب تيتتى

يا استاذ بقى لك سنة بتقوللى عاوز بيت جديد بتاعى محدش يضايقنى فيه صح

ايوه بس انا بحب احمد بس هو بيضربنى موش مؤدب

ما تقولش كده بس هو شقى شوية

مامى

خلى بيتى فيه كل اللعاب بتاعتى محدش ياخدها منى

ايوه كلها حتكون فى اودتك

لوحدى محدش حيلعب معايا هناك

لأ

لوحدك

هييييييييييييييييييييييييييييه

ولا انتى

انا بحبك قوى خليكى معايا

مانا معاك يا حبيبى موش حسيبك أبدا

طيب انتى تعبانة موش حتروحى عند ربنا

تيته قالتلى كده

لا يا حبيبى لما ربنا يعوزنى حروح له طبعا

لأ لأ ما تروحيش خليكى معايا

حنفرح فى بيتنا الجديد

هييييييييييييييييييييييييييييييييييييه

ابتسم واقول

يارب فحسب

فالكون كريست ربنا يخليلك هنا ويسعدكم حاول تكون معاها اكثر ايام نموهم ونضجهم بتحفر فى عقولهم علامات وبتخلق علاقة خاصة جميلة خاصة بين الاب وبنته

[bentmasria]

الاستعدادت تجرى على قدم وساق

المدرسة بعد ايام وعيد ميلاد محمد اليوم

فين الحفلة يا مامى

بقى لنا اسبوعين بنسأل هو انا عيد ميلادى امتى

وارد كممان 15 يوم

يبقى يعنى

بعد بعد بعد بعد والله خمستاشر بعد ثم بكره

ان شاء الله

طيب انتى مخبية الهدية ولا حتدورى عليها لسه

لأ حدور

حنعمله فى اودتى ولا عند تيتا

زى ماتحب

لم ينته الجدال بعد

لم اختر الهدية

حبيبى انا اخترتها

طب اشوفها بس

بكره يا قلبى

طب ممكن تقوللى لربنا بابا ييجى يحضر عيد ميلادى ويرجع تانى

هو حيكون معاك

زى كل سنة

طب بعت لى هدية

ايوه يا محمد

اوعى تنامى

ليه يا حبيبى

خليكى شوفى معايا الكارتون

طيب ورايا حاجات كتير

بصى طيب خلاص

انا حطبطب عليكى واغنى لك

وحنيمك كمان

طيب يللى بينا

ماما

ايوه يا محمد

غنى لى دنيا الأحلام عشان احلم بهديتى وبابايا

حاضر

واضمه لأترككم ونذهب لننام

كم كبر طفلى

ومرت سنوات ست اللهم احفظ اطفالنا وبارك فى اعمارهم يارب

بكره ان شاء الله

احكيلكم ايه اللى حصل

بين مادا ومانا :) mfb:

[عنبو]

يااااااااااااااااااااااااااااااااااااه انا من زمان كده مافيش حاجه حركتنى من جوه

على العموم ربنا يخليكم لبعض

كل سنه وانت طيب يا محمد

[shiko]

يالا حالا بالا بالا ....

حيوا ابوا الفصاد ...هايكون عيد ميلاده الليلة اجمل الاعياد

فليحيا ابو الفصاد

عيد ميلاد سعيد ...يامادا ...

[bentmasria]

استاذ محمد

طفلى يحمل خليط من البراءة والحنان والذكاء لكنه دائما يشعرنى بأننا اقرب الاصدقاء رغم انه يحيرنى بأسئلته وكثيرا لا اقوى على الرد

شكرا لمرورك على ساحتنا الصغيرة وكل سنة وانتم جميعا طيبين

محمد خلاص بقى ستة سنة وكم ساعة كده

ربنا يسعدك يا استاذنا

[bentmasria]

شيكو العزيز

كل سنة وانت طيب ميرسى على التهنئة ربنا يسعدك ويبارك فيك يارب

مانا ومادا

[pocy]

حبيبتى واختى فى الله : أم مادا(حبيب الملايين)

سألت نفسي كثيرا كيف لم أرى هذا التوبيك من قبل وكيف هذا الكلام الجميل وكلام مادا البسيط فى كلامه ولكنه عميق جدا فى معناه

سطورك لم تكن تكتب في صفحات المنتدى بل انها كتبت على سطور فى قلبي

لم استطع تمالك نفسي امام اسئله مادا فتحركت كل مشاعري ودموعى لدرجه انى لم استطع قراءه باقي المداخلات وكل ما اقرا مداخله اجد دموعى تنزل وتتدفق هنهر فى اخره شلال

حبيبتى عندما شاهدت ابنك فى صوره ووجدت فيه الرجوله والشهامه التى تسقيها له بنصائحك الغاليه وكيف يكون ردك الصامت جميل على ابنك

بجد ابحرت نفسي في تيار كلماتك وارجوا المزيد والمزيد ارجوكى لا تتوقفي ابدا ونحن معك ومع مادا حبيب قلب خالتوووووووو بوسي وحبيب اخوه عموووووووووووووووورى

ربنا يحميكوا ويخليكوا لبعض يارب

أختك فى الله بوسي :lol: :lol: