ما تيجوا نتكلم عن ميدو..........

[kokowawa1979]

أولا : عليه الصلاة والسلام

ثانيا : أرسين كتب :

أنا من ساعة ما قريت حكاية متعب وأنا عمال أضحك على خفة دم الزملكاوية..........

أولا عطعوط ومتعب من فريق واحد اللي خد بطولة أفريقيا للشباب يعني أصحاب جدا وكان الحارس الثاني في الفريق بعد إكرامي........

ثانيا متعب لم يقصد إيذاء عطعوط وكان هذا واضحا آنذاك وكانت تعبيرات وجهه أيضا تؤكد ذلك............

أحلى حاجة فيك يا أرسين ياخويا بجد إنك رومانسي جدا ويابختها بجد بجد اللي هاتتجوزك :blush2:

وصفك لتعبيرات وش متعب بتحسسني إنه ولا وش فاتن حمامة في أيامنا الحلوة كل البراءه والطهارة فيها :wub:

أتمنى يقع تحت إيدي تسجيل لهذه المباراة لكي أرى هذه التعبيرات البريئة اللي أنا ماشفتهاش -

ياعم أرسين في هذه المباراة كانت النتيجة حتى إصابة عطعوط ( حارس مرمى الزمالك للشباب سابقا قبل انتقاله للبلدية) هي التعادل وفي هجمة للأهلي أمسك عطعوط الكرة بثبات وتحكم فيها فيما كان متعب متأخرا قليلا للحاق بالكرة - فماكان منه غلا أن قام بضرب وجه عطعوط بغل فوقع عطعوط على الأرض والاسطى متعب رفع يديه إلى أعلى وكأنه يقول أنا مالمستوش - وتم نقل المسكين للمستشفى ومن المستشفى إلى منازلهم !!! وإعلان الاعتزال !! بذمتك بقى ياأرسين ياخويا دي بقى حاجة تضحك واللا مأساة !!!

وحينما وقع عطعوط على الأرض لم يفكر حتى متعب في أن يرى ماذا حدث لكنه توجه إلى خارج ال18 لإنه واضح إنه كان شارب سبرتو أحمر ومش داري باللي عمله !!

بصراحة أنا بقى اللي ضحكت حقيقي لما قريت حتة تعبيرات وش عماد متعب mc:

تحياتي يا أديبنا الفاضل

[kokowawa1979]

أرسين كتب :

لأ ميدو مكملشي في الزمالك...........

بس فاروق جعر كمل

محمد صبري كمل

إبراهيم سعيد تم البكاء تحت أقدامه ولعب رغم كل شيء..........

صالح سليم : ضرب على القفا لميمي عبد الحميد أمام كل جماهير مصر وكمل !!

صالح سليم ضرب بالشلوت لأخيه طارق سليم أمام الجماهير وكمل !!

فريق كامل بقيادة الخطيب ومصطفى عبده وجميع عناتيل هذا الجيل تمردوا بقيادة الجنرال على ناديهم ومع ذلك كمل الفريق كله والنتيجة إيه :

صالح سليم رئيس للأهلي حتى وفاته ( الله يرحمه ويحسن إليه)

والخطيب نائب رئيس النادي !!!

آه نسيت اقول محمد عباس ياما تمرد على الأهلي وكمل لحد ماتقبض عليه وخد تأبيدة وبرضه بيكمل بس في السجن :blush2:

أما ابراهيم سعيد فهو رباية الأهلي ومن شب على شئ شاب عليه !!!!

[DARWEEN]

تعالى يا كوكو واوا يابني حاقولك كلمه على جنب :wub:

انت كل ما تتزنق تقعد تلف وتدور ليه ياحبيبي

الموضوع عن ميدو ... الكلام عن ميدو ... الحكاوي عن ميدو

ايه بقى اللي دخل متعب وعمك صالح في الكلام ؟؟؟

wst:: wst:: wst::

أهدا يا كوكو

أرتاح يا كوكو

ريلاكس يا كوكووووووووووووووووووووووووووو

wst:: :wub: :wub:

[Ahmad Farahat]

تعالى يا كوكو واوا يابني حاقولك كلمه على جنب :wub:

انت كل ما تتزنق تقعد تلف وتدور ليه ياحبيبي

الموضوع عن ميدو ... الكلام عن ميدو ... الحكاوي عن ميدو

ايه بقى اللي دخل متعب وعمك صالح في الكلام ؟؟؟

wst:: wst:: wst::

أهدا يا كوكو

أرتاح يا كوكو

ريلاكس يا كوكووووووووووووووووووووووووووو

wst:: :wub: :wub:

تخيل يا عم داروين...........

كل ما أتكلم مع كوكواوا.........

بعرف ليه الزمالك فاشل وليه هيفضل فاشل؟؟؟؟؟؟؟؟؟

بس ده ملوش دعوة بصداقتنا...........

[kokowawa1979]

داروين كتب :

الموضوع عن ميدو ... الكلام عن ميدو ... الحكاوي عن ميدو

ايه بقى اللي دخل متعب وعمك صالح في الكلام ؟؟؟

ياعم داروين حالة ميدو زي حالة متعب بالضبط إن لم تكن حالة متعب مع عطعوط أسوأ - وأنا ماذكرتش متعب علشانه أهلاوي لكن ذكرتها كحالة مشابهة لحالة ميدو مش دفاع عن ميدو لإن أنا وأعوذ بالله من كلمة أنا - أكتر واحد بيكره ميدو حتى لو كان بيلعب في الزمالك !!!

وبعدين ردي بصالح سليم ومحمد عباس كان تعليق على رأي أخونا أرسين اللي ذكر أمثلة يقصد بها إن بعض لاعبي الزمالك كانوا على مستوى خلقي رديئ !! ولولا أن صالح سليم بين يدي الله لفتحت على الآخر وهو رمز النادي الأهلي !!! علشان كدة ياعم داروين اقرا المداخلة كاملة وليس بطريقة لاتقربوا الصلاة !!

عارف ياعم أرسين لو جماهير الزمالك الحقيقية هي اللي بتدير شئون النادي مش حكومة تجيب اللي على مزاجها ماكانش طلع صوت للأهلوية لكن تقول إيه - خلاص ياعم احنا سبب الفشل !!!!

المشكلة إنك أديب يعني المفروض تكون قاري الواقع - لو عند إدارة الزمالك 1% حب للنادي زي جماهيره صدقني كان الزمالك أصبح عالمي بمعنى الكلمة !!

أحلى حاجة في الأهلاوية الرد بمزاج وعلى الحتة اللي بمزاج :wub:

[Ahmad Farahat]

شوف يا كوكو............

مشكلة الزمالك مش مشكلة جيل واحد..........

دي مشكلة أجيال..............

أجيال شافت إن الأهلي أقوى منها بالحكومة رغم إن عمره ما كان في يوم نادي الحكومة...........

سؤالي لحضرتك

هل مائة بطولة صدفة

هل مائة بطول هتيجي بالتحكيم

هل مائة بطولة هتيحجي بالظلم

طيب لما انتوا أحسن ليه المدربين ما خدوش لعيبتكم وسابت لعيبة الأهلي

بس برضه مش دي المشكلة

تعالى لحضرتك إنت ود هوبا ياللي بتتريقوا على مباديء الأهلي

تنكر إن الأهلي فيه نظام

تنكر إن الأهلي فيه احترام

تنكر إن الأهلي هوا النادي الوحيد في الشرق الأوسط اللي فيه احتراف

أنا مهربتش من موضوع متعب

بس انا افتكرت حاجة

لقيت بعديها الكلام عن متعب محاولة من حضرتك لجر الموضوع بعيدا عن هدفه

إيه المانع تحصل إصابة من النوع ده في التدريب

وإيه المانع إن متعب يعمل حاجة زي دي مع عصام

إنما ميدو وعد لاعب الإعلاميين إنه هيبطله كوره

أما بالنسبة لصالح سليم

فصالح معروف إنه ماكنش كابتن عادي

مش بس في الأهلي

في منتخب مصر كمان

وكانت لعيبة الزمالك بتخاف منه اللي كانو في المنتخب

ومسألة ضربه لميمي ولا حتى لأخيه في الملعب

كانت حاجة عادية

وقتها

المشكلة مش في صالح ولا في الأهلي ولا في أي حته

تنكر إن حسام شكم لعيبة الزمالك لما راح يلعب فيه

وعلمهم الجدية

اللي خدها من الأهلي

ولعلمك

ممكن يكون القلم اللي خده ميمي ده يكون السبب في مكاسب كتيرة حققها نفس اللاعب بعد كده للفريق

المشكلة إنكم فاشلين

وهتفضلوا فاشلين

وبالذمة كده

إنتوا عملتوا إيه في الكورة يخليكوا منافسين للأهلي

مفيش أي تقارب أصلا

ومش مشكلتنا إنكم مش عارفين تبقوا ناجحين

الكارثة إنكم بتحاولوا تجيبوا الكويس للأرض عشان نبقى زي بعض

ولعلمك جماهير الزمالك واي جماهير لو مسكت ناديها مفيش مدر هيقعد عشر مباريات على بعض

وأنا على استعداد لتفصيل الكلام اللي قلته من شوية

بس مش دلوقتي

ولكن إلى الجميع

حوارنا عن ميدو لاعب المنتخب الوطني ...........فقط

[kokowawa1979]

أرسين كتب :

قيت بعديها الكلام عن متعب محاولة من حضرتك لجر الموضوع بعيدا عن هدفه

دايما حبايبنا الأهلوية متوقعين سوء النية :lol:

أحلفك بالله ياعم أرسين إن ماكان في راسي أقارن بين ميدو ومتعب علشان الأهلي والزمالك لإن الاتنين في رأيي مايستحقوش يتكتب عنهم حرف واحد - ولقيت إنه مش معقول نفتح توبيك لميدو وآخر لمتعب وإلا كان البعض يعتقد بنرد على بعض بالتوبيكات على طريقة الأهلي والزمالك - واللا إنت مش معايا ياعم أرسين !!!

قصدي شرييييييييييييييييييييييييييف ياعم أرسين

أما بالنسبة لميدو ففي رأيي أنه لاعب محظوظ في الشهرة أكثر من لعبه لأنه في رأيي حسام حسن برقبة 10000 زي ميدو

[التونسى]

بصوا ...شوفوا .. ميدو عمل ايه :lol:

مقطع فيديو اول مره اشوفه النهارده لميدو ..

http://www.youtube.com/watch?v=-xJDbF0peUI

انا بعد الفيديو ده بجد مش عايز اشوف خلقته خصوصا فى المنتخب :lol: