محكمة المحاورات.........

[Ahmad Farahat]

سوسو..........

مش واخدة بالك.....

النهاردة الأحد

[Siwa]

سي السيد يا أمير......الله يخليك على دفاعك الرائع......شوفتم نزاهة القضاء المصري.......اللهي ينصرك ويخليك للغلابة..... :blush2:

--------

النسر المصري باشا.......الله يخليك يا أمير......ليك عليه لما ربنا ياخد بيدك وتتجوز......لنحييلك فرحك جدعنه ;)

-------

أناأسفه جدا ياأرسين لوبين على تأخري....بس والله أناكنت تعبانه جدا بعد الإمتحانات....وماكنتش قادره أعمل حاجه خالص....

mfb:

-------

أختي العزيزة نجفة.... والله أنامش عارفة أشكرك على أيه ولا أيه بس.....بس كل اللي أقدر أقوله.....ربنا يكرمك دايما ويحققلك كل أمالك إن شاء الله.....

:blush2:

--------

أستاذي الزمالكاوي الأصيل كوكواوا.....ألف شكر على تمناياتك ودعواتك الجميلة.....وربنا يتقبل إن شاء الله......وربنا يكتبلك دايما كل الخير.... :D

---------

أستاذي الفاضل داروين......أنا صحيح زمالكاوية بالوراثة.....عندي حب شديد للزمالك أنا شخصيامش عارفه أفسره....بس الحب كان بيزيد طول ما أنا صغيرة.....كل ما أشوف الكوسة ومحابة الحكام في ماتشات......ماعلينا.......مش عاوزين خناقات هنا.... :P

و ياأستاذ داروين......حضرتك اللي يتوقف عن تشجيع ناديه لمجرد تعرضه لهزائم أو لضعف مستواه.....يبقى بالبلدي كده قليل الأصل.... و أعتقد إن لما الأهلي كانت حالته صعبه من كام سنه ماحدش من جمهوره توقف عن تشجيعه...... أو راح شجع الزمالك أو غيره..... :blush2:

والله انا بقالي 4 سنين في كندا.....وحقيقي أنا حبيتها جدا.....بلد جميلة جدا و أهلها ودوديين وفيها إحترام غير عادي لحقوق الأنسان......وإذا كان على البرد.....فالبني آدم بيتأقلم مع أي جو.....والله نفسي الأقي حاجات كتير هنا متطبقه في يوم من الأيام في مصر.... لأن حقيقي عندنا طاقة بشرية وكفاءات متميزة مع الأسف مش مستغلة كويس لظروف كتير كلنا عارفينهاومنها الظروف المادية والمعيشية في مصر......

أما عن مصر النسبه لي فدي حاجة أنا ماأقدرش أوصفها......بس قصيدة الرائع صلاح جاهين بتصور جزء من اللي مصر بتمثلهولي......ودا جزء منها

على اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

مصر السما الفزدقي وعصافير معدية

والقلة مملية ع الشباك .. مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

على اسم مصر

رحـيـلاً رحـيـلاً بغيـر هـوادة

رحـيلاً فإن الـرحـيل سعـادة

عبادة

إرادة

سيادة

ولادة

رحـيـلا .. إلى أين لـيس يـهـم

ولـيس يـهـم بأي وسيـلة ..

أجيـراً بلقمـتـه في البـواخـر ..

عـلى واحـد من جيـاد القبيلة ..

على مقعـد في ذرى الجـو فـاخـر

وتمـلأ الكـأس بنت جمـيلة ..

على قدمي .. أو بفكري .. أهاجر

أبادر

أغادر

أخاطر

أسافر

ولـكـن إلى أيـن .. لـيس يـهـم

إلى حيث لا تعبـر الأفـق شمس

إلى القـطب .. أو حلقة الاستواء ..

إلى حـيث يـسمـع لـلجـن همس

إلى بـاطـن الأرض أو في الـفضـاء

إلى مـرفـأ الغـد .. أو أرض أمس

أرى كل شيء ومن أين جاء

وافعل ما قاله القدماء

من الفقراء

أو الحكماء

أو الأمراء

أو الأشقياء أو البلهاء فليس يهم

لقد قيل وهو الكلام المهم

اللي يعيش ياما يشوف

واللي يمشي يشوف اكتر

شفت الجبرتي بحرافيش الحسين وبولاق

بان البلد ماشي زي النمس في الأسواق

بالفلاحين ع المداخل من بعيد وقريب

بالأرنؤوط بالشراكسة بكل صنف عجيب

مترصصين سور رهيب مزراق في ريح مزراق

كأنهم لا بشـر ولا خلقـة الخـلاق

ومصر فلاحة تزرق بين رقيب ورقيب

من غير أبو الهول ما ينهض ناهضة شايله حليب

والصبح بدري الجبرتي ينام وقلمه يسيب

على اسم مصر

أتمنى إني أكون جاوبت على أسئلة حضرتك

خالص تحياتي :D

[kokowawa1979]

حمدا لله على السلامة ياسيوا ياأم أجمل ابتسامة - طمنينا - أخبار الامتحانات إيه - دي أهم حاجة عندنا دلوقت ؟

[Ahmad Farahat]

حمدا لله على السلامة ياسيوا ياأم أجمل ابتسامة - طمنينا - أخبار الامتحانات إيه - دي أهم حاجة عندنا دلوقت ؟

أضم صوتي للرفيق كوكوواوا.............

بجد

عملتي إيه في الإمتحانات............

على الله تشرفينا في بلاد الخواجات...............

[kokowawa1979]

أرسين كتب :

أضم صوتي للرفيق كوكوواوا

إنت خلليتني شيوعي كمان يامعلم :)

[Siwa]

ربنايخليك ويكرمك ويباركلك ياأستاذ كوكواوا أنت وأخويا العزيز أرسين لوبين.....

أنا الحمد خلصت بعض الأمتحانات بس لسه عندي إمتحانات الأسبوع الجاي واللي بعده وبكره كمان :rolleyes: B) :lol:

فدعواتكم إن شاء الله :lol:

[mohamed_mido87]

السلام عليكم

بالتوفيق ان شاء الله يا سيوه فى كل امتحاناتك وترفعى راسنا باذن الله

و بحييكى على انتمائك لنادى الزمالك فى الايام دى الزمالكويه بينقرضوا دلوقتى وفقا لاخر احصائيات الامم المتحده

المهم ربنا معاكى ان شاء الله وتطلعى براءه

احلى سلام

[kokomen]

الأخت سيوة

اشجعك على أجاباتك المنطقية وردودك القانونية ولا أحسن محامي ...... وأهنيكي على البراءة مقدما ... وأدعوا لكي بالتوفيق في الاختبارات

وأذكرك وأذكر اللى بيهاجموا الزمالك ..... ان اللى بنى مصر كان في الأصل زملكاوي ... ههههههههه

أبو أحمد الأسكندراني

:rolleyes: B) :lol:

[kokowawa1979]

إن شاء الله موفقة ياسيوا - وبإذن الله فل مارك ( بضم الفاء)

أبو أحمد الاسكندراني كتب :

وأذكرك وأذكر اللى بيهاجموا الزمالك ..... ان اللى بنى مصر كان في الأصل زملكاوي

ليه ماكملتش الكلام ياأبو أحمد يابركة !!!!!!

وقلت : واللي دمرها أهلاوي !!! هو مش أبو جمال أهلاوي برضه :rolleyes: