دعوة فرح ...

[واحد تاني]

اجتماعيات

دعوة فرح (خلونا نفرح بقى)

بسم الله الرحمن الرحيم

( يَا أَيَّتُهَا النَّفْسُ الْمُطْمَئِنَّةُ **ارْجِعِي إِلَى رَبِّكِ رَاضِيَةً مَّرْضِيَّةً ** فَادْخُلِي فِي عِبَادِي ** وَادْخُلِي جَنَّتِي )

صدق الله العظيم

افراح عائلات الحاج محمد التوربيني

***** الحاج محمد التوربيني ***** و ***** المعلم حودة العتال *****

يتشرفان بدعوتكم لحضور حفل زفاف

***** نجل الأول الأستاذ جيمي ***** على ***** كريمة الثاني الآنسة خوخة *****

وذلك مساء الجمعة الموافق الرابع من أيلول (مايو يعني) :ninja:

(اللي بالصدفة يبقى عيد ميلاد الحاج التوربيي)

والدعوة عامة وهتبقى لمة

الخبر

تعالوا ياللا نرسل التهاني والتبريكات

[se_ Elsyed]

يا اخ واحد آل ثاني

يعني سيادتك أنا يوم الفرح البس الحته اللي عالحبل وأخد ميكروباص من أول فيصل وأقوله : وديني فرح الكبير ؟

طبعاً دي حركات مفوقسة من رجالات النظام - أنا شاكك فيك - عشان يتوهونا ونفضل نلف يومها ويضيع علينا شاندوتش الجاتوه وحتة اللانشون ..

عامة الفرح يا سيدي هايبقى في دار المناسبات الرئيسية في مدينة شرم الشيخ - عروس البحر الأحمر المتوسط -

والحضور هايبقى بالبكيني - أموت واشوفك يا واحد وإنت لابس القطعة الواحدة :ninja:

وبعد كتب الكتاب الواحد ممكن يضرب له غطسين في راس محمد أو يروح يضرب ساندوتشين في نعمه - باي -

أنا كنت نادرها والندر دين .. ناخد الطيارة الخاصة أنا وزهيري وحبايبنا اللي في السعودية - هانطلع بمشيئة الله من موقف النقل الجماعي في البطحا الساعة 9 الصبح ونرجع صد رد بالليل الساعة 12 وربع - وهاتحزم وأرقص للصبح في فرح حبيبي وإبن حبيبي والنقوط للصبح بالريالات والدولارات - الجنية المصري ممنوع منعاً باتاً -

بالمناسبة على جنب ... أنا موصي على طلبين عكاوي من عند بحه النتن اللي في البطحا .. إنما عجب ... العريس لازم يتغذى وأبوه كمان اللي متجوز 72 مليون لازم يتغذى على فركة في نفس ليلة الفرح الريس هايكمل 79 سنة ... اللهم صلى عالنبي .. حد يناولني حتشة خشبة ناشفة وغلسه ... عشان أمسكها وأقول تاتش وود .. مش عشان حاجة تانة ماتوضونش في داهية

واتدلع يا عريس يابو لاسه نايلون ...

[واحد تاني]

متعرفش هو اخد شقة فين يابو الأسيان؟ :ninja:

[se_ Elsyed]

متعرفش هو اخد شقة فين يابو الأسيان؟ :ninja:

عشان مابقاش كداب هو اخد شقتين إيجار جديد

واحده في العاشر من رمضان مطرحين وصالة وعفشة ميه

وواحده 3 وصالة وعفشتين ميه في ستة أكتوبر

وشاف واحد مهندس ديكور لكن عفريت - عضو لجنة سياسات برضوا - وفتح له الإتنين على بعض على اساس يبقى قاعد في الشقة وفي طراوه جايه له

وبعدين يابني ده الريس .. إنت بتتكلم إزاي ؟

ده يسكن جوه عنينا من جوه ونشيله فوق راسنا

بالمناسبة دي عايزين ندعو لإستفتاء شعبي تعبوي شامل كامل ويكون السؤال فيه :

كيف تريد نوع دهان شقتي رئيس الجمهورية :

1- ورق حائط مع كرانيش في السقف .

2- دهان زيتي ( مط / لميع ) مع أباليك في الحيط .

ويا ويله يا سواد ليله اللي هايتخلف عن الحضور .

أظن الحزب اوطني ما يجرؤش إنه يقلوظ الإستفتاء ده ... لإن كده بيعتبر لعب في حياة رئيس الجمهورية .

[واحد تاني]

بالمناسبة دي عايزين ندعو لإستفتاء شعبي تعبوي شامل كامل ويكون السؤال فيه :

كيف تريد نوع دهان شقتي رئيس الجمهورية :

1- ورق حائط مع كرانيش في السقف .

2- دهان زيتي ( مط / لميع ) مع أباليك في الحيط .

ارشح السيد الرئيس :ninja:

[se_ Elsyed]

مالكم نايمين ليه ؟!!!!!!!!!!!

ده فرح الغالي إبن الــــ

غالي

نقوووووووووووووووطك يا رُشدي

بأقول نقوطك يا رشدي

[واحد تاني]

شكلي أنا وأنت بس اللى معزومين في الفرح ده ...

والا احنا جينا بدري والا ايه؟

عموما خلينا نعمل الواجب ونروح ...

- المعلمين ...

- مين ...

- كمان المعلمين ...

- مين ...

- مصر الجديدة ...

- ديدة ...

- رجالتها الجدعان ...

- عان...

- اللي مش بيفتروا ع الضعيف...

- عيف...

- اللي بيحبوا الشعب كله ...

- كله ...

- اللي عمرهم ما ياكلوا حق حد ...

- حد ...

- ولا عمرهم ما غرقوا مراكب ...

- راكب ...

- ولا حرقوا قطورات ...

- رات ...

- ولا عمر عيل اغتصب في منطقتهم ...

- قتهم ...

- ولا حد شاف عز زي ولاد حتتهم ...

- تتهم ...

وسمعني سلام بودعك ...

[nash]

ممكن أجي؟؟؟ :ninja:

النقل الجماعي حدانا :cry: :FN:

[Eemaan]

الأخوه والأخوات أعضاء المحاورات...

لكل اللي جايين..واخص بالذكر الأخ واحد أفندى تانى و سى السيد المشهور ب س س والجميله نــــاش....

كل دى اوشاعات ... شرم الشيخ تمويه لخطه أمنيه لولبيه ديمقراطيه مهلبيه...

الحاج التوربينى الكبير وولده جيمي لأوا المشوار هيكون طويل علينا فقرروا (ما يتعبو---ناش)... بركاتك يا ست ناش :ninja:

العقد هيكون فى السعوديه عندكم ...يللا إن شاله ماحد حوش...

والفرح هيكون فى باااااغى.... يعنى قركه كعب... مالناش حجه اهو... :cry:

انا بأووول تلم من بعضينا كل واحد تلاته جنيه خمسه وسبعين قرش ونجيب حاجه حلوه كده على اد المأام ....

مش عاوزين ندخل عليهم بإدينا فاضيه يا جماعه ...

ولاإيييييييييه؟

إيه؟

طيب طيب .... خلاص نخليهم تلاته إلا ربع...ماشى؟

[Ahmad Farahat]

هوا طلع فرح بجد...........

واحد تاني هيتستر يا اخوانا ولا إيه.........

[واحد تاني]

العقد هيكون فى السعوديه عندكم ...يللا إن شاله ماحد حوش...

والفرح هيكون فى باااااغى.... يعنى قركه كعب... مالناش حجه اهو... :)

(1)

- أجوول يا طويل العمر

- جوول يا يابوعلاء

- عقبال عيالك كده احنا نوينا نكتب كتاب الواد الصغير

- مبارك ان شاء الله ... ويش بغيت يعني؟

- طبعا انت عارف المآذيين اليومين دوول بقوا سفاحين وبياخدولهم نسبة وكده -_-

- تبغى تتسلف قروشات يعني ...

- لا يا طال عمرك مستورة والأشيا معدن... انا بس كنت بقول ... :blink:

- جوول قبح الله وجهك ... تراك صجيتنا ... md2:

- كنت بقول بس لو تبعت لي مأذون من عندك يوم السبت على الحامدية الشاذلية ... :blink: وأنت كريم واحنا نستاهل...ودي تبقى نقطتك للمحروس الصغير

- ترى ما يكرم بخيل يا ريس توربيني ... بس ويش اجوول بعد ... ياللا ... صار

- رووح يا شيخ ... الهي يطول عمرك ويزهزه عصرك وينصرك على مين يعاديك

(2)

- بونسوار يا مونشير

- بونجوووغ توغبيني لا جغاااند

- سا فا يا معلم ؟

- بياا ... بيااان مون آمي

- كنت بقولك يا جاك ياخويا

- قول حبيبي قول

- أخبار صالات الأفراح عندوكو ايه؟ حاكم عقبال عيالك بنجوز الواد الصغير

-تريه تريه شييك حبيبي الصالات هنا ... يعني ممكن اديلك حاجة كده قيمة 75 فرد شامل الرقاصة وعواد ... وحتة وبسطة وساندويتش لانشون على جبنة ريكفور لكل فرد ... ومش هتعمل كتير ...

-خلاص نفوت عليك الليلة انا والعيال نشوفها ... ودي تبقى نقطتك بقى للمحروس الصغير :lol:

- هو اللي فيه داء ما بيبطلووش ابدا !!! md2:

-رووح يا شيخ ... الهي يطول عمرك ويزهزه عصرك وينصرك على مين يعاديك

[واحد تاني]

هوا طلع فرح بجد...........

واحد تاني هيتستر يا اخوانا ولا إيه.........

:lol:

:blink:

:)

:blink:

[Ahmad Farahat]

طيب ما دام كده يا واحد تاني.............

الفؤح فين بقى...........

عشان عايزين نمشي ف جوازتك..............

[nancy]

واحدتانى

احلى فرح الى بيكون فية ناس حلوين

مبيسرقوش ولايكذبوش

ولا يخلوا شربات فرحهم دم ولادهم

ولا يعزموا الغريب على لحم اولادهم ويعلقهم ويشويهم علشان يفرح ضيفة

ولا يرقص هو والعروسة على مقابر حرية الشعب الى المفروض انه يكون راعيهم

واخيرا جواز عتريس من فؤاده باطل باطل باطل

[se_ Elsyed]

الأيام بتجري يا جماعة ولسنا ما جهزناش أي حاجه ..

أنا مُرتبك جداً ومش عارف افكر وبقيت عامل زي أم العروسة

فلو سمحت يا واحد خليك جنبي اليومين دول عشان نخلص الترتيبات بحيث ما نسيبش حاجه للحظات الأخيرة ... فالمطلوب منك الأتي :

- 1- تروج للحاج جمعه بتاع محل الفراشة اللي في باب الشعرية تتفق معاه على 200 لنضه ... تنطور هم لي من قصر العروبة لححححححححححححححححححد شرم الشيخ .. أنا عايز الطريق يلطعلط .... وفي نفس الوقت أنا دافع له عربون 300 كرسي .. 150 تحطهم في الصالة الرئيسية في القصر ودي لرجال .. و 150 في القاعة القبلية ودول للحريم .

2- عارف مبني المخابرات اللي في كوبري القُبة ؟ ما تخافش ... قبل ما توصل له هاتلاقي في محل إسمه الجمل لتأجير فساتين الأفراح .. تاخد خديجة وتخليها تنقى أجدعها فستان هناك عشان نأقضي به الليلة دي ... ( في حدود 150 جنية ) عشان يلحقو يظبطوه على مقاسها .

3- وإنت راجع إدخل على الوايلي .. هاتلاقي كوافير حريمي إسمه ( زينهم ) وفي قسم خاص للمحجبات ... روح قول له : الأسطى سين سين بيسلم عليك وبيقولك أنا عايزك تظبط لي الراس اللي جايه لك دي وإكرمنا في السعر ومردودالك في الأفراح .. وسيب له 35 جنيه عربون .. على فكره .. تجهيز العروسة بيبقى معاها راسين مجاناً .. فيوم الفرح توصي فُلانه هانم .. وناش هانم يتكوفروا هما كمان – طالما بلوشي -

4- تنقي لي أجدعها عربية 128 من عربيات الرئاسة وتروح بها المغسلة قبل الفرح بيوم ينضفهالك جوه وبره ودواخل وبستم ... وتطلع بيها على ميدان العباسية .. هاتلاقي واحد عنده كشك ورد .. ترمي له 30 جيني ويحط لنا بوكيه ورد على الكبوت القدماني وواحد خلف خلاف ورا على الشنطة .. وتخلي بالك من العيال الصغيرة حوالين قصر العروبة أحسن يبوظوا الورد .

تاخد العربية بعد العصر وتطلع على الكوافير تجيب العروسة ، فلانه تقعد جنبها من عاليمين .. وناش من عالشمال .. خليهم يفعصوها في النص ... وتجيلي الصالون أكون أنا شطبت راس جيمي .. وتاخدوا بعض على بركة الله تطلعوا عالشرم قوام قوام عشان المعازيم ما يستعوقكمش ...

5- ده بالنسبة للتجهيزات العامة ... بالنسبة للاكل بقى وركز معايا شوية لإن جايلنا رؤساء وملوك وخلق جامده قوي ومش عايزين نقوزه وتلقيح كلام من حد واللي قولك ده أحنا جينا على بطه ومشينا على بطه وما دوقناش الزاد ... أصرف يا واحد والحساب يجمع دي ليلة من ليالي مصر التاريخية ...

المهم تطلع على فرن الحاج شباره في شارع رمسيس قبل الكنيسة عالشمال .. وتقوله يعمل حسابنا في 500 رغيف فينو بسمسم حجم وسط ... ما تخليش العملية تفتح منك وتجيبلي العيش الفرنساوي اللي الرغيف طوله متر ده – وتطلع على محلات صلاح وعبفتاح في شارع الجيش توصي على 2 كيلو لانشون وتُمن جبنه رومي ... وتخليه يقطعه هم لك شرايح صغغغغغغغغغغغيرة بسثمك ورقة البفرة كده ، وتاخد معاك كام واحد من زمايلنا اللي في المحاورات وتحاولوا قبلوها بيوم وتعبوا الساندوتشات دي ... وتقوم مربط مع أي محل في درب البرابرة وتجيب منهم 500 عليه كرتون عشان تعبوا الساندوتشات دي .. وبالمرة تعدي على حلواني عباد الرحمن في باب الشعرية برضوا وتجيب منو 500 حتت جاتو وسط من أبو 30 ساغ .. وتحط في كل علبة ساندوتش لانشوم وواحد رومي وحتة جاتوه .. وتكون جايب لفة كلينكس كبيرة وتقطع حتة زي المنديل وتدفسها في العلبة ..

الترتيبات دي مؤقتة لحد ما أظبط بقيت الطلبات ...

واحد

انا عارف إنك قدها وقدود وهاتسد في التجهيزات دي

[nancy]

س س

نسيت اهم حاجة مين الى حيرقص فى الفرح ومين الى حيغنوا وكمان متنساش الزفة

عوزين فرقة حسب الله

وسنية سوسيت تقوم بالزفة

وعبدو نصحى الصيت الكبير يغنى

وشوية شموع من الموسكى ونمسكهم للعيال الصغيرة

وقطفلى ورد من جونينة القصر وحطهم فى قفف صغيرة ونخلى تفلين صغيرين يرموهم ادام العروسة والعريس

وام على المعددة برضوا بتعرف ترقع زغريد تهزلك الفرح

وانصب الشادر على مدخل الشرم

وكدة كل الترتيبات تبقى تمام :)

[se_ Elsyed]

أوعدك يا نانسي .. ووعد الحُر يُعتبر cash loan عليه .. أنها هاتكون ليلة ولا كل ليلة

طبعاً فاكرة كويس فرح قطر الندى بنت خمارويه .. مانتي قديمة وتوعي عالحاجات دي :blink: :) .. اهو شوفتي كانت البهرجة فيه عامله إزاي ؟

أهو أنا هاخلي فرح جيمي وخديجة الاجيال القادمة تحكي وتتحاكه عليه ..

ده مش بعيد الفرح ده يبقى بداية نضيفة ويجيبلي شغل جامد بعد كده كمنسق أفراح وليالي ملاح

بالمناسبة مين اللي جاي معاكي عشان نعملو حسابكو في علب الاكل ؟

[nancy]

طبعا حاجى انا و ابو البنات وازيت شعر البنتين ونلبس الحتة الى على الحبل واللفندى حيلبس البدلة الى لففها فى الجرنان ومعلقها على الحيطة هو احنا عندى فرح احسن من كدة :)