التعديلات و الإستفتاء و رأيى بصراحة

[Amira Khaleel]

أنا حاسة كدة زى ما تكون الناس خدت الموضوع بجد ! و الناس كاشة و لا كلمة على التعديلات بعد ما إنفض المولد !!

إيه الحكاية ؟ ما تعودتش على كدة

أنا عن عن نفسى حاولت أفهم عاوزين إيه فى ال 34 تعديل دول ما فهمتش حاجة - رغم إنى حقيقى متعلمة - و حاولت أفهم المعارضة زعلانة ليه برضة مفهمتش يمكن فهمت طشاش

لكن صدقونى محستش إن الموضوع بجد يعنى أنا شايفة إنها طقة دماغ من واحد كبير قوى فين معرفش !!

أو يمكن سبوبة جديدة الموظفين ياخدوا بدل إستفتا

إنما حقيقى ما خدتهاش بجد

و بعد النتيجة و الكلام عن تسويد الورف بنسبة معينة بالأمر و الصور و الفيديوهات اللى طلعت ... حسيت زى ما يكون عيل غلس بيبص على كل المصريين بيطلع لسانة بيقول هيـــــــــــــــــــــــــــــــــــــــــــه و ضحت عليكم و عليكم واحد

و آدىنى لابسة الكزرونة من يوم الإستفتا و مش لا قية معنى إنى أقلعها

حد فيكو لبس كزرونة قبل كدة بخطره ؟

[kokomen]

الحمد لله تم اقرار التعديلات الدستورية بسلام . شكرا للحزب الوطني حشد الكثير من الرجال والنساء ليتم التصويت بنعم وقد كان ... لكن الغريب في الموضوع ان الاقبال كان ضعيف جدا ولكنه كافيا لامرار التعديلات الدستورية وضرب بعرض الحائط كل الأراء المعارضة كأن المعارضين غير مصريين وليس لهم قيمة أو رأي شكرا شكرا 34 مادة عدلت في ايام معدودة بينما قوانين أخرى يلزمها سنوات حتى يتم النظر فيها ... عمار يا مصر

طبعا وجود مادتين في هذه التعديلات تضرب الحريات في مقتل وكانوا أهم مادتين لكل افراد الشعب المصري الاصيل ... شكرا للحزب الوطنى على التعديلات الجميلة التى تضيف مزيد من الحريات للمصريين .. وعمار يا مصر :lol: :blink: :) :blink: