نكت مصرية فظيعة جدا جدا

[m_alaaelden]

أختنا نجفه المغروره

بصراحه نكت رهيبه وأضحكتني جداً لدرجة عجيبه

ياسيتي ألف مليون شكر على نكتك الجميله الرائعه

واحد صعيدي بيكلم بلدياته عن وصف وجمال حور العين في الجنه

فرد بلدياته وما هو مصير زوجاتنا في الدنيا فقال له في الغالب هيعذبوا بيهم الكفار

مش عارف بقى حلوه ولا ........

شكراً لكِ أختنا نجفه وأقترح أن نطلق عليكي فاكهة المنتدى أو أبتسامة المنتدى

وفي أنتظار المزيد حيث أننا في حاجه للضحك قبل أن يقنن مع قانون الأرهاب

[badroora]

أختنا نجفه المغروره

بصراحه نكت رهيبه وأضحكتني جداً لدرجة عجيبه

ياسيتي ألف مليون شكر على نكتك الجميله الرائعه

واحد صعيدي بيكلم بلدياته عن وصف وجمال حور العين في الجنه

فرد بلدياته وما هو مصير زوجاتنا في الدنيا فقال له في الغالب هيعذبوا بيهم الكفار

:lol:

جميلة والله تسلم ايدك ويا ريت لو كل واحد يتكعبل فى نكته يضيفها عشان نعمل البوم نكت جميل

وميرسي على كلماتك الرقيقة

ويا رب يجعل كل ايامك ضحك وسعادة يا رب

نجفة

[darlengs]

نكت تحفه تحفه من زمااااااااااااااااااااان مضحكت بلشكل دا ربنا يسعدك يا نجفه و يكرمك00

[وليد صفوت]

شوية نكت عالفرازة من بريدى:

كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام ابوسريع علي ابو ابوسريع انهم يروحوا يفسحوا الواد في البحر لاحمر جهزوا لوازم الرحلة واستغرقت الرحلة 15سنة ذهاب.. وصلوا علي البحر وفرشوا علشان يأكلوا وفجأة صرخت ام ابوسريع "تصدق يابو ابوسريع نسينا اهم حاجة نسينا الملاحة عشان الاكل .اخطف رجلك وروح البلد هاتها .."صرخ ابو ابوسريع وقال لسه هاروح 15سنة رايح و15 سنة جاي يكون الاكل برد الأحسن نبعت الواد ابوسريع خفيف ولسه صغير.."ونادوا ابوسريع وقالولهه وبعتوه يجيب الملاحة ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن ناكل بدل ماالاكل يبرد ولمايجي ابوسريع نعمله اكل ثاني "فجاة خرج ابوسريع من ورا شجرة وقال يعني لو كنت رحت كنتم كلتم من غيري

سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه

مرة واحدعندة كتكوت كل ما يحطة فى قفص الفراخ ياكلهم فى قفص القرود ياكلهم فى قفص القطط ياكلهم راح رامية فى الصحرا صعب علية الكتكوت وراح يشوفة بعد 3 ايام لقى الكتكوت مرمى فى الارض والنسور بتحوم حوالية فقالة يا حبيبى انت مت؟ قالة يخرب بيتك بوظت الكمين

مرة صرصار دخل المستشفى بيسال الصرصار اللى جنبة بيرسول؟ قالة لا زنوبة

واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران حفوق بكرة .. وانتي

جماعة مساطيل بيتفرجوا على الاخبار .... فنشرة الاخبار طولت الاولانى قال للتانى :هى لية نشرة الاخبار طولت النهارد كدة؟ فراح التانى رد علية وقال معلش اصل شكلها دة النهاردة اخر حلقة

احد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق

واحد محشش راح يخطب واحده .. ابوها قاله:" اناعليا الشقة.." · رد عليه وقاله : وانا عليا البنات والبيره

مرة حمار بيقول لخطبتة احنا هنتجوز امتى يا حمارة قلتلة لما تحسن الفاظك شوية يا حيوان

طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك

واحد راح الصيدلية وقال للدكتور : عايز لبن اطفال ..... الدكتور قاله : اسمه ايه !؟ الراجل : اشرف

محشش في قاعة الإمتحان مش عارف يحل والإمتحان كله صح و غلط راح مطلع بريزه ولعب ملك وكتابة على الإمتحان خلص الإمتحان في نص ساعة وهو خارج طلع البريزة تاني وشغال ملك وكتابة صاحبه مسطول بيسأله : بتعمل ايه .. ما خلاص !! قال سيبني .. بتأكد من الاجوبة

مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى

مرة واحد بتاع سمك أبوه مات فماشى فى الجنازة يقول :كان صاحى وبيلعب.

مرة واحد بلدياتنا وقع فى حفرة نزلولوا حبل طلع مخنوق.

تم تعديل 26 أبريل 2007 بواسطة وليد صفوت

[badroora]

بجد بجد يا وليد فظاع وحلوين

عجبتنى اوى بتاعة السكران

والصعيدى اللي بيمتحن

تسلم الايادى ومنتظرين المزيد

:lol: بس انت كدا هتاخد الجماهير منى

تحياتى نجفة

[badroora]

نكت تحفه تحفه من زمااااااااااااااااااااان مضحكت بلشكل دا ربنا يسعدك يا نجفه و يكرمك00

تسلمى يا غالية

احنا فى خدمة الشعب ونخفف عنهم المعناه ونرسم البسمة على شفاهم

خدمتك فى الخير

نجفة

[kokomen]

والله نكت جميلة جدا

تسلمى يا نجفة والى الأمام دائما .............. بس الله يخليكى بلاش نكت على الزمالك علشان بتجيب لنا الحساسية .... ومش لاقين مضاد حيوى ........... ههههه تحياتي ..

والأخ صفوت

تسلم على النكت الحلوة ...... من يد ما نعدمها ............. في انتظار المزيد ...... تحياتي..

أبو أحمد الأسكندراني

[m_alaaelden]

كتكوت معلق على رقبته صورة أومليت فسألوه صورة مين دي قال صورة أخي الشهيد

[badroora]

كتكوت معلق على رقبته صورة أومليت فسألوه صورة مين دي قال صورة أخي الشهيد

:blush2: حلوة تسلم ايديك

واحدة مش كفاية المرة الجاية من اقل من 5

تحياتى

[حلواني]

مجموعه نكت روعه تسلم ايديكو جميعا خصوصا الاخت نجفه كتر الله نورها

واحده ساكنه جنب سكة القطارات وكل القطار مايعدي الدولاب يتفتح جابت واحد نجار يصلحه بعد ا خلص قلها بقي تمام قلتله لا استني لما نشوق هايعمل ايه لما القطار يعدي قالها حاضر وقعد جوه الدولاب جه جوزها من الشغل بيفتح الدولاب انت ميين يا راجل انت قالو انا عارف اني لوحلفتلك ميت يامين مش هاتصدق اني مستني القطار

سامحوني اذا كانت بايخه اصلي اول مره استخددم الكتابه مع النكت طول عمرها شفوي

[badroora]

مجموعه نكت روعه تسلم ايديكو جميعا خصوصا الاخت نجفه كتر الله نورها

واحده ساكنه جنب سكة القطارات وكل القطار مايعدي الدولاب يتفتح جابت واحد نجار يصلحه بعد ا خلص قلها بقي تمام قلتله لا استني لما نشوق هايعمل ايه لما القطار يعدي قالها حاضر وقعد جوه الدولاب جه جوزها من الشغل بيفتح الدولاب انت ميين يا راجل انت قالو انا عارف اني لوحلفتلك ميت يامين مش هاتصدق اني مستني القطار

سامحوني اذا كانت بايخه اصلي اول مره استخددم الكتابه مع النكت طول عمرها شفوي

لا والله حلوة تسلم ايدك

يااااااااه هو كنت زماان مبسوطة اوى كدا وكل حياتى نكت وضحك :unsure:

شكرا ليك ولهبة اللى رجعتونى للمواضيع القديمة

[مسالم]

السلام عليكم ..

واحد بعتلي النكت البايخه دي .. طبعاً انا اتضايقت .. وحبيت اضايقوا معايا ...

================================================

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم

أبليس : طب هات ودنك وخد الفكره دي ......وش وش وش وش

مبارك : لالا يا ابليس الفكره دي مش نافعه , عاوز حاجه أشد

أبليس : طب خد دي ...... وش وش وش وش

مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه

وش وش وش وش وش

ابليس : لا يا راجل حرام عليك

مره حسنى مبارك راح مدرسه ابتدائى فلما جت فتره الاسئله ولد رفع ايده

مبارك ساله اسمك ايه فقاله رامى فقاله ايه سؤالك يا رامى ؟

رامى : انا عندى اربع اساله

1 - ليه انت رئيس بقالك 25 سنه ؟

2 - ليه معينتش نائب ؟

3 - ليه ولادك ماسكين كل حاجه فى البلد ؟

4 - ليه مصر حالتها الاقتصاديه زفت و انت مبتعملش حاجه ؟

ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟

ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟

تامر : انا عندى 6 اساله

1 - ليه انت رئيس بقالك 25 سنه ؟

2 - ليه معينتش نائب ؟

3 - ليه ولادك ماسكين كل حاجه فى البلد ؟

4 - ليه مصر حالتها الاقتصاديه زفت و انت مبتعملش حاجه ؟

5 - ليه جرس الراحه رن ربع ساعه بدرى ؟

6- فين رامى ؟؟؟؟؟؟

مرة سيادة الريس مد إيده في جيبه لقي 5 مليون جنيه!!فزعل قوي وخاف وقال إيه الفلوس دي؟ دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل.

ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات.

الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟

عمنا صفوت :78 لفة.

الريس: يخرب بيتك أنت؟ ده أنت خربت البلد!!

عمنا صفوت: أنت جاي علي انا؟ روح شوف ابنك جايب موتوسيكل وبقاله 3 أيام بيلف

*كان فى سرير المرض حينما أخذ يلقى بوصاياه الأخيرة لوزيره نظيف :

- وصيتك الحكم من بعدى يا احمد ..

- فى رقبتى يا ريس .. كله تمام والسلطة هياخدها جمال ..

(ثم راح فى غيبوبة ... أفاق منها بعد قليل )

- وصيتك الشعب من بعدى يا احمد .

- ما تخافش يا ريس .. الشعب ياكل الزلط ...

(ثم راح فى غيبوبة ... أفاق منها بعد قليل )

- احمد

- نعم يا ريس؟

- ماتنساش .. توكيل الزلط لعلاء

كان الرئيس حسني مبارك في زياره إلى انجلترا . و في

خلال مناقشاته مع الملكه سألها ..

كيف تديرين أمور

البلاد بهذه الصرامه ... فقالت . الحل أن يكون لديك و من

حولك مستشارين يستطيعون الاجابه على أي سؤال في أي وقت

حتى يخلصوك من أي مشكله قد تحدث

فتعجب حسني مبارك و سألها . تعنين مستشارين أذكياء؟؟

قالت نعم . فقال و كيف تتأكدين من ذلك ... فقالت له :

بسيطه ... يمكنك من خلال سؤال أن تكتشف معدل ذكاء مستشارك

انتظر ... سأعطيك مثالا على ذلك ..... قامت المللكة

باستدعاء توني بلير ... وقالت : عزيزي توني .. لدي سؤال

لك .... أبوك و امك لديهم طفل .. و ليس أخوك وليس أختك .

فمن يكون ... فقال توني بلير : سيكون أنا

فضحكت الملكه و صرفته ... و نظرت لمبارك و قالت أرأيت ..

فتعجب الرئيس و عاد فورا إلى القاهره و طلب الاجتماع مع

رئيس الوزراء ... فقال له يا نظيف .. أبوك و امك عندهم

عيل .. و مش أخوك ومش أختك يبقوا مين ؟؟ فقال له : والله

يا ريس انا مش متأكد اديني فرصه أفكر .. خرج نظيف مسرعا

و قرر عقد اجتماع مع مجلس الوزراء و في خلال الجلسه طلب

عقد جلسه طارئه مع حبيب العادلي وزير الداخليه ... يا

حبيب ... أبوك و امك عندهم عيل و مش أخوك و مش أختك يبقوا

مين ؟؟ فرد عليه حبيب العادلي يبقى أنا يا نظيف باشا ..

فضحك نظيف و اتجه إلى مبارك

فلما دخل عليه قال له .. سيدي .. عرفت إجابه سؤالك ..

فقال له الرئيس و ما هو ... فقال نظيف .. سيكون حبيب

العادلي بالتأكيد ... فغضب منه الرئيس و قال له بعامية

فجّـه .... يا حمااااااااااار لو أبوك و امك عندهم عيل

ومش أخوك ومش أختك ... هيبقى توني بلير يا غبى

بعد ما الرئيس مات وبدأ يتعذب جم خيّروه بين 3 طرق تعذيب:

1-يتعذب انجليزى يعنى ساعه جلد وساعه حرق وباقى اليوم راحة

2-يتعذب امريكانى 6 ساعات جلد و6 ساعات حرق وباقى اليوم راحة

3-يتعذب مصرى يعنى 12 ساعه جلد و12 ساعه حرق ومفيش راحة

هواختار الطريقة الانجليزى

فبعد اول يوم تعذيب

شاف كمال الشاذلى معدى

بيقولوا :انت بتتعذب ازاى؟

قاله:مصرى

قاله:طب ده مفيش راحة

قاله : لااااااااا

اصل الفرن قافل والجلاد مجاش

بيقولك مره شيخ اتمسك فى امن الدوله و سابوه

فامن الدوله مراقبينه . اول يوم لقوه ماشى فى شارع

الهرم راحوا مكلمين الريس و قالوله الشيخ تاب ياريس

تانى يوم لقوه فى كباريه قالوا الشيخ تاب و اناب ياريس

تالت يوم لقوه فى الاتوبيس بيسرق واحد قالوا الشيخ تاب

و اناب و بقى من الحزب الوطنى ياريس

* اشتكى الريس لوزير الداخليه إن 'حمو النيل 'ما بيخلهوش ينام ..بعد تلات تيام اتصل بيه وزير الداخليه وقاله تمام يا فندم قبضنا على كل اللى اسمهم حمو وجارى ردم النيل سعادتك.

* حسنى مبارك ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره. الطيار قال طيب ما ترمى نفسك وتسعد 75 مليون

مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك

الراجل استغرب سال السواق مين اللي انت معلقهم صورهم عندك

قالة دا جمال عبد الناصر الزعيم المصري الراحل

ودا انور السادات قائد حركة السلام والامن في البلد

ودا حسني مبارك أبو علاء شريكي في التاكسي

حسني مبارك بيخطب في الشعب فكل شويه واحد يقوم ويقول عاش حسني مبارك موحد الاديان ويقعد يروح حسني مكمل كلامه وشويه ويقوم الراجل ويقول عاش حسني مبارك موحد الاديان فا اتمسك امن دوله وطااااااااخ ويقولوله ايه الي انت بتقوله دا ازاي موحد الاديان دي مصر فيها مسيحين ويهود ومسلمين وطااااااخ فردعاليهم يا باشا ماهوه الي مكفرنا كلنا

الريس :إخبرنى بصراحة يا نظيف ولا داعى للمجاملة أو النفاق

نظيف :أمرك يا ريس

الريس : أنا الأفضل ولا عبدالناصر ؟

نظيف : انت طبعا يا ريس .. جمال مين اللى كان بيخاف من الروس !!

الريس :طيب أنا الأفضل ولا السادات ؟

نظيف : سادات مين ياريس اللى كان بيخاف من الأمريكان !!

الريس :طيب أنا الأفضل ولا عمر بن الخطاب ؟

نظيف : انت طبعا يا ريس .. عمر بن الخطاب كان بيخاف من ربنا .. انت لأ

بيقولك حسني كان عاوز يغيـر دولارات و مش لاقي في السوق , فراح منادي عاطف:

حسني :مفيش دولارات في السوق ليه يا عاطف؟ -

عاطف :الحج و العمرة ياباشا خلصوا على الاحتياطي -

حسني :بقولك ايه ..حج ايه وبتاع ايه .. من السنة الجاية الحج يبقى في مصر

عاطف :يا باشا .. ازاي بس -

حسني :اتصرف -

بعد يومين رجع عاطف و قاله : كله تمام يا باشا خلاص الحج حيبقى عندنا

حسني : طب و الكعبة حتعمل فيها ايه ؟

-

عاطف :حنعملها في ميدان الحجاز - مصر الجديدة و يبقوا يلفوا حواليها -

الريس : طب و السعي؟

عاطف :ياباشا يبقوا يجروا في طريق صلاح سالم لغاية المطار و يرجعوا -

حسني :: و عرفه ؟ -

عاطف :يطلعوا المقطم ياباشا -

حسني : طب و رجم إبليس يا فالح ؟ -

عاطف :إتعب معانا شوية بقى يا ريس -

بيقولك كمال الجنزوري جاله بعد ما شاله من الوزارة وقاله عايز أعرف انت

شيلتنى ليه ياريس

قالوا يا كمال يا حبيبي التغيير سُنة الحياه ، قالوا طيب شيلت وزير المواصلات ليه

قالوا يا كمال يا حبيبي التغيير سُنة الحياة ،

قالوا طيب ممكن أسالك سؤال امال ليه انت الوحيد اللى مابتتغيرش

قالوا ياحبيبي تغييركم انتم سُنة لكن أنا وجودي ' فرض

==========================================================

انتهى ..

[mamdowh]

مره عربيه تريله راحت تزود بالبنزين فقالت للراجل عايزه 70 لتر فجت عربيه أصغرعايزه 50لتر وبعد كده جت عربيه اصغر عايزه30لتر وبع كده جت عربيه عايزه 10لتر وبعد كده جه التوكتك قالو عايزامبووووو

[badroora]

مره عربيه تريله راحت تزود بالبنزين فقالت للراجل عايزه 70 لتر فجت عربيه أصغرعايزه 50لتر وبعد كده جت عربيه اصغر عايزه30لتر وبع كده جت عربيه عايزه 10لتر وبعد كده جه التوكتك قالو عايزامبووووو

:blush2: حلوة اوى اوى يسلموا :unsure:

[الطيار المصرى]

اضافة صغننة لنكت الاعضاء...

فيل و نملة ماسكين ايدين بعض علي الكورنيش فجأة الفيل نط في النيل ليه؟؟؟؟....عشان شاف اخو النملة جاي...

اتنين مساطيل بيحششوا قدام مرايا فواحد قال لتاني قوم بينا نسلم علي الاتنين اللي قدامنا دول.... و هم قايمين التناي قالوا اقعد يا عم هما جايين...

(دي في الغالب قديمة شوية)واحد كان كل ما ينام يحلم بكتاكيت بتلعب كرة فراح لدكتور اقله انت لو بتنام و الباب مفتوح جرب اقفله الراجل قفل الباب و نام حلم برده بكتاكيت بتلعب كرة راح للدكتور تاني قاله بو بتنام و النور مقفول جرب افتحه و شوف اللي هيحصل الراجل فتح النور و نام برده حلم بكتاكيت بتلعب كورة راح للدكتور قاله جرب ماتنامش النهاردة الراجل قاله ازاي يا دكتور ده النهاردة النهائي...

تحياتي...

الطيار المصري

[هشام كامل عبداللاه]

2مساطيل واحد فيهم بيقول لصاحبه هما الفراعنه بنو الهرم في اد ايه قلو في عشرين سنه فرد عليه ياه عشرين سنه دا كتير قوي قلو اصلهم كل لما يروصو حجرين المباحث تيجي تشدهم

[naniso]

واحد كل يوم يقعد ع القهوة يقرأ الجرنال ويقول الأخبار للى قاعدين فى واحد من السميعة كل ما أخينا يقرأ خبر منيل يقول

كله منه كله منه يقصد الريس الأسعار ولعت كله منه . الامتحانات اتسربت كله منه . الفساد زاد كله منه ... فى يوم بتوع أمن الدولة مسكوه

وضربوه علقة محترمة ونبهوا عليه يتخرس وميقولش كدة تانى بعد ما رجع أخونا بيقرأ الاخبار بيقول ياااااااااااه تصدقوا يا جماعة سوزان حامل

نط صاحبنا مفزوع وقال مش منه مش منه angl::

لووووووووووووووول :lol:

تم تعديل 8 أغسطس 2008 بواسطة naniso

[mitcey]

صعيدي بيعد بالانجليزي ... وان - توو - ثري - فور - فايف -استغفر الله ? سكس.

هههههههههههههههههههههههههههههه

عجبتني اوى دى علشان حصصلتلي تلت مرات

one time i was talking with arabi and he was so crazy that day and he was asking me abt how many guys will go to the trib with us so i was counting them silently and then i told him, what abt six? and he was like what r u talking about u wanna have sex with me r u crazy?

وكان ردي قلم علي وشه ومشيت

هههههههههههههههههههههههههههههههههههههه

والمرتين التانين بقي مع بنات بس هما كانوا بيتسعبطوا ههههههههههههههههههه

[ozoozo]

mf_p: :blink: :aslam:

للرفع