دراسة النقل البحرى

[milanoboy]

بسم الله الرحمن الرحيم

حبيت اطرح الموضوع ده لانى حسين انه مهم

دراسة النقل البحرى <قيادة السفن >

ايه رأيكم فى اوكرانيا 2000 دولار فى السنة و تكاليف المعيشة مش غالية

اول عيب هو ان الدراسة بالروسى و ما نعرفش اى حاجة عن امكانيات كلية اوديسا هم بيدو بكالريوس و رخصة

فيه بلغاريا 3000 يورو فى السنة هى غالية شوى و مش شاملة الاقامة و السكن و الدراسة بالبلغارى و انا لا ارشحها للى عاوز يدرس لانو هيصرف اكتر من اكاديمية النقل البحرى اللى فى اسكندرية

بصو بقى لانى شكلى كده اتجننت و بقيت بسأل و اجاوب نفسى

حد يقول رأيه فى الموضوع ده واحد عاوز يدرس نقل بحرى بس الاكاديمية النقل البحرى اللى فى ابو قي غالية عليه يعمل ايه ايه رأيكم فى اوكرانيا و هل فيه كليات بنفس تكلفة اكاديمية النقل البحرى اللى فى اسكندرية بس تكون فى دول نضيفة زى كندا استراليا ايرلندا اسكوتلندا نيوزلندا

اى حتة من دى و لا كلى 20 الف دولار و طالع

مش هطول عليكم

و شكرا

تم تعديل 8 أبريل 2007 بواسطة milanoboy

[inas]

والله اعرف ان شهادتها مش قد كده

والي هتصرفه في بلد مش هيكون اد الي بره من طيران ومعيشه ومكالمات

عموما ربنا يوفقك للخير

[milanoboy]

و الله عندك حق

و الله مش عارف الواحد كل لما ياجى يعمل خطة لاى حاجة تبوظ دى بلد هباب و زى الزفت ربنا يطلعنا منها على خير

مافيش حاجة نافعة و مافيش فايدة

يلا ربنا يعدلها

[milanoboy]

طيب حد يعرف كلية نقل بحرى فى كندا مصاريفها فى حدود 8 الاف دولار ياريت اللى يعرف ما يبخلش

[abdulmuttaleb]

الأخ الكريم milanoboy

السلام عليكم..

تحية طيبة وبعد،

أسأل الله أن يوفقك في دراستك وفي حياتك..

إذا كنت حريصا ومحبا لدراسة تخصص (الملاحة البحرية) والذي يؤهل المتخرج به بعد بضع سنوات من الخبرة في البحر للوصول إلى رتبة (قبطان) أو (ربان)، وتوافرت لديك العزيمة والإصرار لدراسة هذا التخصص تحديدا دون سواه، فلا يوجد لديك في العالم العربي سوى الأكاديمية العربية في الإسكندرية..

موضوع التكلفة لا يحسب في إطار أن جامعة كذا في دولة كذا تعرض سعرا أقل من الأكاديمية على سبيل المثال، وإنما عليك إضافة تكاليف منظورة متعددة مثل السفر والاتصالات الهاتفية مع الوطن الأم بالإضافة إلى السكن والمعيشة ورسوم الإقامة وتكلفة العلاج والأدوات المكتبية...إلخ

أوصيك بالدعاء ودراسة الموضوع جيدا ثم تقدم للأكاديمية آخذا في الاعتبار ما يلي:

1-تقدم منحة دراسية مجانية لأعلى الطلاب مجموعا في الثانوية العامة (منحة قبول).

2-خلال سنوات الدراسة وعقب نهاية كل ترم، يتم منح الأول على الدفعة إعفاء من مصاريف الدراسة (يوازي 80% من مصاريف الترم).

3-يتم منح أبناء العاملين في القطاع العام خصما 30%

4-يمكنك التقدم بطلب لرئيس الأكاديمية بطلب إعفاءك أو تخفيض مصاريفك الدراسية وحبذا لو كان مشفوعا بشهادة الثانوية العامة إن كنت من المتفوقين أو في حال كونك من أبناء الشهداء.

وفقك الله لما فيه الخير ونفعك بعلمك.

[milanoboy]

تقصد ايه

3-يتم منح أبناء العاملين في القطاع العام خصما 30%

تقصد القطاع العام لبحرى و لا اى قطاع عام فى الجمهورية

و بالنسبة لمجموع الثانوية لو كان مش عالى قوى ينفع اعمل اختبارات SAT I و SAT II

و اذا حصلت على مجموع عالى بهم هل سيدعم هذا موقفى

[santoos]

الاخ milanoboy

اولا: احب اوجه لحضرتك وجهة نظرى دراسة النقل البحر ممتعة وشيقة وعلى علم بذلك ان اعظم كلية لدراسة النقل البحرى او اعظم اكاديمية هى الاكاديمية للعلوم والتكنولوجيا والنقل البحرى فى ابو قير بالاسكندرية وهذا ما رأته عينى بسبب ابن عمى فيها من ثلاث سنوات ماضية وهو الان على مركب عايدة 4 للتدريب وهو خلال التدريب يتعلم جميع وكافة دراسة النقل البحرى ومع علم بأنه كل اوى شهر فى خلال التدريب يقبض بالدولار وما شاء الله عليها .

ثانيا : احب اوجه لحضرتك نظرية اخرى انك انت قلت ليس قادر على المصروفات التى تخص الاكادمية بالاسكندرية بس احب اقولك انك وانت بالاكادمية من لحظة دخولك فيها كأنك عامل مشروع وارباح المشروع سوف تأخذها الضعف بل وضعف الضعف بعد تخرجك منها بأذن الله فالاكاديمية العربية بالاسكندرية بجد ما شاء الله عليها .

ثالثا : سوف تمنحك فى التخرج على 1- تكنولوجيا الملاحة البحرية . 2- شهادة ضابط بحرى درجة ثانية .

غير المنح التى تقدمها لك وانت داخل الاكادمية من مصاريف للعلاج وتأمين لكل طالب بها بمقدار 10000 دولار لكل طالب وانشطة رياضية وغير ذلك وذلك .

رابعا : تمنحك 30 % لوفاه الاب او لابناء العاملين بالقطاع العام بشرط مدة العمل لا تقل عن 15 سنة .

خامسا : اننى سوف اقدم فى الكادمية العربية للعلوم والتكنولوجيا والنقل البحرى العام التالى

وزادك الله توفيق

شكرا

ادريانوووووووووو

[milanoboy]

طيب ربنا يوفقك يا سيدى و ان شاء الله نتقابل فيها السنة الجاية ازا الظروف ما لعبتش لعبتها الوحشة معايا

المهم انا سألت لقيتها ب 8120 دولار فى السنة هل الفلوس دى تشمل الاقامة و الانتقالات و لا هييجو يقولولى عاوين 8000 دولار تانى علشان مصاريف الاقامة و الكتب و التامين الخ

[milanoboy]

ايه يا جماعة ماحدش لسا شاف اخر رد و لا ايه

[santoos]

السلام عليكم ورحمة الله

انا كنت غايب فترة عن المنتدى المهم

الاخ milanoboy

مصاريف الاكادمية البحرية كما يلى

تتوقف على مجموعك فى الثانوية العامة وهى تنقسم على ثلاث فئات

الفئة الاولى تكون جايب 90% فأكثر

الفئة الثانية 80% فأكثر

الفئة الثالثة اقل من 80%

وزى ماقولتلك انا الفئة الثالثة اللى هى ( ج ) والمصاريف بالترم مش بالسنة يعنى 8 ترم

وفى الترم الواحد فى الفئة الثالثة اللى هة ج مصاريفها ( 4130 دولار امريكى ) يعنى السنة كلها حتوف عليك لو انت فئة ج ب ( 8260 دولار امريكى ) وفى خصم على

1- فى حالة وفاة الاب مثلى انا الخصم بيكون ( 30% ) .

2- فى حالة ابناء المواطنين العاملين باقطاع الخاص مش العام (30% ) .

3- خصم 30% للاخ الثانى و 50 % للاخ الثالث

واعفاء كامل من المصروفات اثناء وفاة الاب داخل الدرسة بعد الشر طبعا بس انا بقولك الخصومات كلها .

وعلى فكرة المصاريف اللى انت بتدفعها تشمل الاقامة والغذاء والانشطة الرياضية والكتب وكل حاجة .

وعلى فكرة يتم تسليمك جهاز لاب توب كمبيوتر شخصى لكل طالب ذو مواصفات عالية وجيدة جدا ويتم دفع مصاريف الجهاز على ال 8 ترم بمعدل حوالى 2000 جنيه مصريا كل ترم وسيبك من ده كله وتعالى للاهم

انت ممكن بعد 4 ترم يعنى بعد سنتين تطلع وتشتغل وبتقدم ورقك فى اى شركة ملاحة مصرية او غير مصرية بعد السنتين بعد ما بيدوك البسبور الاسود وتسفر البسبور الاسود وتقدم ورقك فى اى شركة ملاحة وبتشتغل وطبعا من رابع المستحيلات تكون دارس فى الاكادمية وتترفض من الشركة المهم بعد ما بتشتغل بتشتغل سنة ونص 18 شهر وبعد ال 18 شهر بتروح الاكادمية تانى وتعمل دورة ظابط ثانى ملاحة ومدتها شهر وبعد كدة بتكمل شغلك يعنى عيشة ومتعة من الاخر يعنى ممكن واحتمال اكيد بعد السنتين تشتغل وتعمل اللى قولتهولك وبعد كده بتشتغل وتثبت نفسك وبعد كام سنة 2 او 3 بتعمل دورة قبطان فى الاكادمية وكدة وده كل اللى فيها ويارب يوفقك فى حيايت ويارب تكون زميلى ان شاء الله وعلى فكرة انا اميلى

santoos_zam@yahoo.com

وانا عايز اكلمك على الاميل احسن واعرفك واعرف اسمك وكل حاجة وانت كمان تعرف وان شاء الله نكون اصدقاء وزمله السنة الجاية ان شاء الله وحستنى اضافة من اميلك على اميلى او تكتبلى اميلك فى رد وانا اضيفك اوكى انا مستنيك .

ادريانوووووووووووووووووووووووووو