تقدر تقول لأ؟

[Gihan]

اختى الحبيبه نانو

من ضمن الفروق بين الثقافه العربيه (مش الدين) و ثقافه الغرب ان فى عادات العرب المجتمع اهم من الفرد ولكن فى الغرب الفرد هو الاهم من المجتمع

يعنى المجتمع فى البلاد العربيه بيكبت الاحتياجات الفرديه لو كانت ضد احتياج الاسره او المجتمع المحيط والثقافه العربيه بتستخدم كل وساءل الضغط (الخوف) عشان تعلم ده للاطفال

من ضمن الوساءل للضغط الدين والخوف من كلام الناس وغيره

وده من ابسط مثل زى الطفل اللى لازم ياكل حاجه مش عايزها عشان ماما تحبه لغايه الشاب اللى بيدخل كليه كارهها عشان ما يزعلش ابوه

للموظف اللى يفضل يقبل رشوه عشان يقدر ياكل ولاده بدل ما يشتغل شغلانه شريفه لكن "تكسف" قدام الجيران زى سواق تاكسي

يعنى قبل الواحد ما يفكر يقول لا لازم يتاكد ان كل الناس اللى حواليه (ماعدا هوه نفسه) راضيه عن رائيه

اما الغرب فالعكس تماما كل واحد بيفكر فى نفسه اولا واخيرا و المثل ام سايبه اولادها عشان وظيفه عاليه حتحقق طموحاتها او طفل بيطلب البوليس لابوه وغيره

اعتقد ان الحل هو الوسط

لكن عشان نقدر نوصل للوسط لازم ناخد من كل ثقافه اللى يناسبنا

المشكله ان ده ممكن لو عايشين فى الغرب لان محدش له دعوه لكن مش فى الشرق لان كل الناس حطه مناخيرها فى اللى بنعمله

يعنى خلاصتها لا لا لا لا

[kokomen]

الأخت نانو

مساء الخير .. موضوع جميل ... بس للأسف .. مقدرش أقول لأ .. وأقولها ليه أصلا .. عفوا أي حد مننا يسمح لأبنه أو بنته يقولوا لأ ؟؟؟؟؟

للأم أو للأب مش ممكن مشكلتنا في ثقافة المحتمع اللى نشأنا وترعرعنا فيه حتى تعودنا على قول كلمة نعم أو حاضر وهي كلمات جميلة تعجب الآباء والأمهات

عندما يسمعوها من أولادهم وبناتهم ... عفوا هل نحن تعودنا على سماع لغة الحوار الهادئ مع الآخرين للأسف لأ لم نتعود عليها .. متى يتعود الأباء والأمهات على

سماع وتقبل كلمة لأ من القريب ومن البعيد .... وهل قول كلمة لأ مفيدة في كل الأحيان ؟؟؟؟ اذا يجب أن نعرف متى نقول لأ وفي أي المواقف تقال

أما كلمة نعم .. هل هي كلمة ممقوتة دائما أعتقد لأ ... فهى مرغوبة في كثير من الأحيان .... تصوروا أن تقول الأم لأبنها .. اشرب الحليب يقول لأ

أذهب الي النوم .. لأ .. اعمل واجباتك لأ ... يأبنى انت زهقتنا مش بتسمع الكلام .. كله لأ .. لأ .. اذا يجب ان نعرف متى تقال وأين تقال ؟؟؟؟؟

وتقبلوا تحياتي

أبو أحمد الأسكندراني

[نانو]

اختى الحبيبه نانو

من ضمن الفروق بين الثقافه العربيه (مش الدين) و ثقافه الغرب ان فى عادات العرب المجتمع اهم من الفرد ولكن فى الغرب الفرد هو الاهم من المجتمع

اختي الحبيبه بيجي

طيب ماهو نتاج الثقافه الغربيه اللي بتهتم بالفرد علي حساب المجتمع ...انه بيكون مجتمع مفكك

خالي تماما من الروابط والعلاقات اللي بتدي للمجتمع روح وحياه ....و ده ا كتر شئ بيفتقده اي عربي بيعيش في الغرب

يعني اعتقد ان الاهتمام بالفرد بشكل مطلق بيؤدي للتفكك العام للمجتمع زي الغرب مثلا

و الاهتمام بالمجمتع علي حساب الفرد بيؤدي لكبت حريات شخصيه كتير اوي و بيضطر الفرد انه يتصرف جزء كبير من تصرفاته بس علشان يرضي اللي حواليه سواء ان كان الاسرة أو المجتمع ككل

يبقي نحاول نوصل لوسطيه و موازنه بين احتياجات الفرد واحتياجات المجتمع ....بحيث نحقق النجاح الحقيقي للمجتمع من خلال نجاح واستقلال افراده

تم تعديل 5 مايو 2007 بواسطة نانو

[nash]

للأسف في كثير من الأحيان...أتمني أن أقول لا...لإي إنسان لا يعجبني...

أو لموقف ارفضه...أو لصديقه أعرف أنها تستغلني وتستنزفني عاطفيا....لإنها تعلم أنني لن استطيع أن أقول لا...

للاسف ...عدم القدرة علي قول لأ...هي منتهي الأدب والطاعه في نظر أبائنا...كبرنا...ونحن نري نظرة الإعجاب في عيونهم باستمرار بسبب قول نعم....

أحيانا أفكر لو كنت تعلمت قول لأ في موقف لا يعجبني....لكانت أمور كثيرة تغيرت في حياتي...

لا أظن أنني استطيع تغيير نفسي....ولا أستطيع قول نعم في المواقف التي أتمني أن أقول فيها لا...

أحاول تدارك الخطأ مع أولادي...لكني أضبط نفسي متلبسه برفض كلمه لا....

أحيانا كنت أتمني أن أعيش في بلد غير البلد وفي مجتمع غير المجتمع...الذي يري في كلمه لا...ثقافه العيب...والخروج عن عصا الطاعه....للأسرة علي الأقل في المقام الأول...

علي سهوله كلمه لا...إلا أنها تصبح من أصعب الكلمات عندما نحتاج إليها....

تسلمي يانانو علي موضوعك الجميل....

يارب نعرف نقول لا...طالما لا تخالف تعاليم ديننا

[نانو]

الأخت نانو

مساء الخير .. موضوع جميل ... بس للأسف .. مقدرش أقول لأ .. وأقولها ليه أصلا .. عفوا أي حد مننا يسمح لأبنه أو بنته يقولوا لأ ؟؟؟؟؟

للأم أو للأب مش ممكن مشكلتنا في ثقافة المحتمع اللى نشأنا وترعرعنا فيه حتى تعودنا على قول كلمة نعم أو حاضر وهي كلمات جميلة تعجب الآباء والأمهات

عندما يسمعوها من أولادهم وبناتهم ... عفوا هل نحن تعودنا على سماع لغة الحوار الهادئ مع الآخرين للأسف لأ لم نتعود عليها .. متى يتعود الأباء والأمهات على

سماع وتقبل كلمة لأ من القريب ومن البعيد .... وهل قول كلمة لأ مفيدة في كل الأحيان ؟؟؟؟ اذا يجب أن نعرف متى نقول لأ وفي أي المواقف تقال

أما كلمة نعم .. هل هي كلمة ممقوتة دائما أعتقد لأ ... فهى مرغوبة في كثير من الأحيان .... تصوروا أن تقول الأم لأبنها .. اشرب الحليب يقول لأ

أذهب الي النوم .. لأ .. اعمل واجباتك لأ ... يأبنى انت زهقتنا مش بتسمع الكلام .. كله لأ .. لأ .. اذا يجب ان نعرف متى تقال وأين تقال ؟؟؟؟؟

وتقبلوا تحياتي

أبو أحمد الأسكندراني

:blink: :sad: :lol:

اخي الكريم كوكو مين

اكيد ماحدش فينا بيكره كلمه نعم ....لان بالتأكيد لها ضروره في كثير من الاحيان ...ولكننا نعاني من صعوبه النطق بكلمه لا

و أرجعتها انت اللي طريقه التربيه و طريقه معامله الاباء لابنائهم ....وغياب لغه الحوار الهادئه بينهم ...و هيا لابد ان تكون اهم ركيزه من ركائز التعامل بين الاباء والابناء ...شكرا لاضافتك

[نانو]

علي سهوله كلمه لا...إلا أنها تصبح من أصعب الكلمات عندما نحتاج إليها....

بجد ....تسلمي يا ناش علي كلمتك ديه.... :blink:

[Abdulaziz Omar]

نعم ايتها الاخت الكريمة nash

ثقافة الخضوع والخنوع والاستبداد موجودة في داخل الاسرة المصرية بل وفي ادق تفاصيل الحياة

في كثير من الاسر _المحترمة جدا_ يحذر علي الصغير حتي مجرد مناقشة الكبير....ويعتبرون الخضوع منتهي الادب (ده مايقدرش يفتح عينه امام ابيه !!!!)

اما عن المجتمع....فقد اصبح هذا الخضوع اساسا في التعامل بين الكبير والصغير

منذ سنوات طويلة كنت ادرس في مصر...في احدي الكليات العملية التي تتطلب اجتياز امتحانا عمليا و شفهيا....وكان معي زميل من المتفوقين...علي علم ومعرفة.....وفي الامتحان ساله الاستاز سؤالا احاب عنه زميلي اجابة شبه نموزجية.....الا ان الاستاز اصر علي ان الاجابة خطا......رد زميلي بكل ادب انه قرا هذه الاجابة في المرجع الفلاني....فساله الاستاز ان كان يستطيع ان ياتي بالمرجع....قال نعم....وقام من مجلسه واحضر المرجع الذي كان معه بالصدفة....واشار للاستاز علي الاجابة التي كانت مطابقة تماما لما قاله زميلي

تجهم وجه الاستاز وتمتم بكلمات غير مفهومة وصرف زميلي ولم يساله اسالة اخري (رايت كل زلك حيث اني كنت جالسا انتظر دوري)

هل تعرفون ماذا حدث بعد ذلك......رسب زميلي في الامتحان لانه تجرا واثبت انه علي حق

لو كان قال نعم لنجح

تم تعديل 6 مايو 2007 بواسطة Abdulaziz Omar

[Abdulaziz Omar]

لقد اصبح الخضوع و الخنوع والاستبداد ثقافة مجتمع

عمر

[نانو]

نعم ايتها الاخت الكريمة nash

ثقافة الخضوع والخنوع والاستبداد موجودة في داخل الاسرة المصرية بل وفي ادق تفاصيل الحياة

في كثير من الاسر _المحترمة جدا_ يحذر علي الصغير حتي مجرد مناقشة الكبير....ويعتبرون الخضوع منتهي الادب (ده مايقدرش يفتح عينه امام ابيه !!!!)

اما عن المجتمع....فقد اصبح هذا الخضوع اساسا في التعامل بين الكبير والصغير

أستاذي .... إعترفنا جميعا أننا نعاني من سياسه القهر .....والاستبداد والخنوع ...بدايه من الأسره مرورا بالمجتمع ونهايه بسياسه الحكومه مع الشعب

أما أن الأوان ان نتمرد علي كل ما يضيرنا ....ان نرفض ما يجب رفضه ....أن نقول لا

[Abdulaziz Omar]

الاخت الكريمة نانو

اولا شكرا لك علي اثارة هذا الموضوع العظيم

وازيد علي سؤالك سؤالا....اما اان للناس ان يغيروا هذا المجتمع ؟؟؟؟

ياريت

عمر

[darlengs]

موضوع جميل 00 فكرتوني بأيام حلوه اوي 00عن نفسي قلت لأ اكتر من مره بصوت عالي خصوصا في المواضيع المصيريه 00 اوقات كتير كنت محقه و كان احساسي صح و كنت فخوره بنفسي اني تحديت و كنت علي حق كان ديما عندي مبدأ أن الحياه مغامره 00 و مفيش حاجه مضمونه حتي النفس اللي بنتنفسه ممكن يدخل بلا رجوع و بالتالي لازم الواحد يعيش وفقا لقراراته هو مش قرارات حد تاني 00 و يرفض اي شئ مش مقتنع يعمله 00 لكن بصراحه محدش بيتقبل لأ ابدا بصدر رحب الكل اعتبروني وقتها عدوانيه00 متمرده 00 شخصيه غريبه 00و ساعات اتهموني بالطيش و عدم المسئوليه 00 و اخطأت تصويب لا في اوقات تانيه 00 لكن مندمتش لأن اللي يقول لأ لازم يتحمل مسئوليتها 00 يعني اعمل حسابك ممكن تمشي وراها تلاقي نفسك مصيب و ممكن برضو تخطئ المهم انك تكون مسئول عنها و تحسبها صح قبل ما تقولها 00 بس مع الوقت لأ بتاعتي بقت صوتها اوطا من الاول و بقا نادر اوي اقولها لأني بقيت احسب كل حاجه ميت الف مره 00لما الواحد بيكبر و بيكون مسئول مش عن نفسه بس 00000يعني قراراته بتأثر علي حياه غيره الزوج و الابناء 000ساعات كتير بيبلع كلمه لا و يمشيها 00 حتي لو مش مقتنع 0000

[Abdulaziz Omar]

الاخت الكريمة darlengs

ان يقول الانسان نعم وهو قادر.. ويعلم انه قادر.. علي ان يقول لا قد يكون في بعض الاحيان موقفا ايجابيا لايحمل اي معني من معاني الخضوع او الضعف....بل قد يكون نوعا من النضج..والقدرة علي احترام رغبات الاخرين كما نحترم رعباتنا....و خاصة رغبات و مصالح من نحب...والسيطرة علي النفس وقول مايجب ان يقال في الوقت والزمان المناسب......

قد يكون نوعا من القوة...وليس الضعف الا نقول لا !!!!!

المشكلة يااختي الكريمة فيمن لايقول لا لانه لايستطيع و ليس لانه لايريد

المشكلة الاكبر فيمن يقول نعم في الوقت الذي يجب ان يقول فيه لا و الف لا

عمر

تم تعديل 6 مايو 2007 بواسطة Abdulaziz Omar