تكبيره مكتومه

achnaton · 9 أبريل 2007

[font="Arial"]

بسم الله الرحمن الرحيم

جندى أمريكى من ورق .. ومعاه كمبيوتر يابانى ..

وكلب زاحف وراه .. شايل علم بريطانى ..

ومحطة التوجيه فى قطر .. وباب الدخول فى الكويت

وفى المواجهة بطل من العراق .. بيعيد مجد العرب من تانى

**************

با ابص حولى وانا محتار .. وسألت مرة جيرانى ..

ايه اللى بيحصل فى رام الله .. وفى القدس .. وفى الجنوب اللبنانى

سمعت تكبيره مكتومه .. وصوت شهيد وهو طالع للسما بيقول

عليك العوض يا رب .. جارى .. هو عشماوى .. وسجانى !!؟؟

**************

بكيت فى المنام لاخويا اسامه .. وناديت يا كباريتى ..

ايه اللى حاصل وبيحصل .. وامتى ارجع لبيتى ..

بيتى فى الخليل .. وفى غزة .. وفى البصرة وفى بغداد

رجع الفرنجه فى غياب صلاح الدين قتلوا عيالى وخربوا بيتى

*************

نروح لمين يا حاج أسامه .. ونشكوا لمين احوالنا ..؟؟

وسرقة الارض .. وهتك العرض .. سبعين سنه فى بلادنا

وكل يوم يطلع علينا زعيم يدعى العفه

يسرق هدومنا .. ويبيع القضية .. ويمهد الطريق لكلابنا

تم تعديل 9 أبريل 2007 بواسطة achnaton

Recommended Posts