ياريت يختاروا مذيعين رجاله

[sasasasa]

السلام عليكم ياريت يا جماعه عايزه ايميل لقناه الفضائيه المصريه لانهم بيختاروا مذيعين زي شريف اللي بيقدم الاكلات ياريت يشوفوا واحد غيروا هم خلصوا المذيعين مش ممكن انا عايزه ردودكم وقولولي ايه رايكم في موضوعي ده ياريت يختاروا مذيعين رجاله ياريت يشيلوه من صباح الخير يامصر علي الاقل

[badroora]

هو انا مش من محبذى او محبي التى فى اوى بس لفت نظرى شيء

عاوزين مزيعيين رجالة ؟

لانهم بيختاروا واحد زى شريف هو مين شريف دا اصلا ؟

طيب ماهو شريف دا من اسمه على حد علمى مذكر سالم .....؟

يبقي حضرتك تقصدى ايه بالظبط بمزيعيين رجالة .........؟

وشريف تاع بتاع طبيخ ولا اخبار ؟

ولا هو بيقدم صباح الخير يا مصر الصبح وبعد الظهر بيمسي على المطبخ تحسين وضع يعنى ؟

هو شريف اللى انا معر فهوش لا سمح الله عمل حاجة زعلتلك منه اوى كدا ........؟

معلش منك نستفيد بما انى انا Anti TV. ومعرفش ايه اللى بيجرى فى القنوات الفضائية والارضيه يا ريت تمدينى بمعلوماتك

شكرا

تم تعديل 11 أبريل 2007 بواسطة نجفة المغرورة

[Bero]

بجد

انا مش فاهمة حاجة :blink:

[Sherief AbdelWahab]

وليه نفهم يا بيرو؟ لا تسألن عن السبب! :blink:

تحبوا أنقطكم أكتر؟

فيه كلام إن الأخ يروح أو تي في!

تفسيري الوحيد هو المحاولة اليائسة لإضفاء شيء من "الخفة" على البرنامج الذي كان من أكثر البرامج الإخبارية سماجة (إلى أن تصدر القائمة وباقتدار برنامج حالة حمار) ، وعليه فقد استعين بعدد من مذيعي المنوعات من أمثال إنجي أنور على سبيل المثال..

خلص الكلام

[badroora]

وليه نفهم يا بيرو؟ لا تسألن عن السبب! :blink:

تحبوا أنقطكم أكتر؟

فيه كلام إن الأخ يروح أو تي في! ( معلش يعنى استفسار بسيط هل انا المقصودة بالجملة دى ......؟ :lol:

تفسيري الوحيد هو المحاولة اليائسة لإضفاء شيء من "الخفة" ( وهنا بردة يا ترى انا تانى ولا حضرنك تقصد مين ) على البرنامج الذي كان من أكثر البرامج الإخبارية سماجة (إلى أن تصدر القائمة وباقتدار برنامج حالة حمار) ، وعليه فقد استعين بعدد من مذيعي المنوعات من أمثال إنجي أنور على سبيل المثال..

خلص الكلام

بليز متنظره الرد شكرا

نجفة

[Sherief AbdelWahab]

أنا مذهول ومستاء من الطريقة التي أسيء بها فهم كلامي.. :sad:

شائعة انتقال شريف مدكور للأو تي في قوية ولها أسانيدها .. خاصة وأن نجمه قد لمع - مهما اختلفنا على طريقته - في عيون أصحاب الفضائيات الجديدة..

"الخفة" في مداخلتي المقصود بها جعل البرنامج خفيفاً أكثر ، وليس مجرد برنامج إخباري جامد وبليد كما كان الحال عليه في عهدي رئيسي قطاع الأخبار السابقين ، خاصة بعد أن اكتشف القائمون على البرنامج - بعد فوات الأوان طبعاً - أن الإخباريين "ما بيسدوش" إذا ما تعلق الأمر بإدارة حوار غير إخباري ، ولأن المذيعين الجدد في قطاع الأخبار قليلين وخبرتهم أقل من "شيل" برنامج ، خاصة بعد خروج مذيعين قدامى زي صلاح الدين مصطفى على سبيل المثال على سن المعاش..

خلص الكلام

[badroora]

الى الاستاذ الفاضل شريف عبد الوهاب

سورى على سوء فهمى لكلام حضرتك وياريت مش تكون مستاء ولا حاجة بليز

وباكرر اسفي تانى نجفة

تم تعديل 12 أبريل 2007 بواسطة نجفة المغرورة