الموضوع خاص بكندا و أستراليا و نيوزلاندا

[freestyle]

أخواني الأعضاء عملت مسبقا بأن الفترة اللازمة للحصول على الجنسية الكندية هي 3 سنوات وماذا أذا تزوجت هناك هل ستقل المدة ؟

وكم هي المدة اللازمة للحصول على الجنسية الأسترالية ؟ وماذا أن تزوجت بأستراليا ؟ هل ستقل المدة ؟

وأن كان لدا أي أحد معلومات عن نيوزلندا ياريت يوافينا بيها ( لغة , جنسية , فرص عمل , أي حاجة )

[badroora]

ماذا عن ا لزواج من نيوزلالندية؟؟؟؟

[ابن الصعيد]

انت عاوز تروح اي حته والسلام

طيب لو تزوجت واحده عندها ايدز

انت عارف لما تطلق واحده منهم هتاخد نص اللي معاك بالقانون

[waleedss88]

صباح الفل يامعلم

[freestyle]

أعتقد أني لو كنت عاوز أروح أي حتة و السلام ماكونتش كتبت هنا علشان أسألكم أو أخد منكم النصيحة و من الواضح فعلا أننا بنستفيد من نصايحكم, وبالنسبة لموضوع الجواز ولو أني مش مجبر أقولك بس علشان متفكرش أني يعني حاطط الجواز في دماغي أو حاجة , أنا الموضوع بالنسبالي مجرد حبر على ورق

شكرا يا نجفة و شكرا يا تاية

[badroora]

Dear freestyle

احنا مش قصدنا نضيقك والله بس انت اللى كاتب الموضوع بطريقه توحى للقرائه انك عاوز حتة والسلام اى واحد لما بيفكر فى بلد معين بيكون ليه اهدافه فيها او مميزات بيدور عليها لكن انت سيبها عايمة وكمان كاتب لو اتجوزت هيكون الوضع ايه وطبعا اى خد هيقرا هيقول انك عاوز جنسيه والسلام تتجوز تطلق مش مشكلة وكمان مافيش حاجه اسمها حبر على ورق اكيد هيكون فيه مقابل

واحنا معظمنا بيفكر يهاجر فنصيحتى ليك كاخت اتجه الا المواضيع اللى بتتكلم عن طرق الهجرة واختار البلد اللى تحب او حاسس انك هتقدر تبني فيها مستقبلك بمفردك دون اللجوء الى توريط نفسك فى زيجة لمجر الحصول على الجنسيه ومن خلال محاولاتى فى هذا المجال (الهجرة) بلاش استراليا لانها بتطلب درجات انجليزي عاليه اوى او صعبه اما لو انت متمكن من اللغة يبقي اذن تقدر تقدم فى كل مكان

وربنا يوفقك باذن الله

ولو احتجت اى شيء لا تتردد فى السؤال واعتبر اللى كتبناه مجرد هزار خفيف مع اخ لينا

وتمنايتى لك بالتوفيق ان شاء الله

نجفة

[الحازم حسن]

استمارة تقييم الهجرة لانجلترا وكندا وأستراليا وامريكا واوروبا ..... بالتوفيق

[freestyle]

شكرا يا نجفة و شكرا كمان ليك يا حازم هو أناالغرض من الموضوع أني بدور على أسرع مكان ممكن أحصل فية على جنسية بس تكون بلد بتتكلم أنجليزي

وشكرا جدا ليكي يا نجفة وعادي مافيش حاجة

[الحازم حسن]

شكرا يا نجفة و شكرا كمان ليك يا حازم هو أناالغرض من الموضوع أني بدور على أسرع مكان ممكن أحصل فية على جنسية بس تكون بلد بتتكلم أنجليزي

وشكرا جدا ليكي يا نجفة وعادي مافيش حاجة

مفيش حاجة اسمها بسرعة في حكاية الجنسية دي بالذات الأمور دي بتاخد وقت وعايزة صبر

ربنا يوفقك

[El-Masri]

بالنسبة لكندا تلات سنوات وإنت حامل الإقامة، ولو موجود فى كندا لسبب آخر زى فيزا عمل أو دراسة المدة بتتحسب بالنص.

يعنى لو جيت هنا طالب وقعدت سنة وبعدين أخدت الإقامة يبقى فاضلك سنتين ونص لإنهم حيحسبوا السنة بتاعة الدراسة بنص سنة.

أما بالنسبة للجواز فملوش علاقة بالمدة، وهما أصلا مش حيقبلوا الورق بتاع الجنسية إلا بعد ما تكون كملت المدة.

[freestyle]

شكرا جدا يا أخ مصري على المعلومات ويا أخ حازم أنا قصدي أقل عدد من السنين حسب قانون كل دولة مش أكتر أنا طبعا عارف أنها بتحتاج وقت علشان الأجراءات

يا جماعة لو حد يعرف بقى أية نظام أستراليا في الموضوع دة يبقى كتر الف خيرة