تسمم جميع العاملين بأحد فنادق شرم الشيخ

[badroora]

تسمم جميع العاملين بأحد فنادق شرم الشيخ

تسمم 225 موظف و عامل بفندق ميرابيل التابع لمجموعة شركات ترافكو - ايبروتيل شرم الشيخ عقب تناولهم الكشرى

و قد أوفدت وزارة الصحة فريق مفتشين للتفتيش على فنادق شرم الشيخ بعد الحادث

تعليق

يعني وزارة الصحة تصحي من النوم بس بعد المصايب ، و فين البهوات المفتشين الدائمين بالشرم ؟ و لا كلعادة بيفتشوا و هم بياخدوا فنجان قهوة فى اللوبي و ظرف من اياهم

ثانيا كشرى يا ايبروتيل !!! كشرى ... على رأى فؤاد المهندس رحمه الله ..فوطه و غطاء و صينيه و طعميييايه .. يعني مش مكفيهم أنهم بيسرقوا ال 12% الخاصة بالعاملين ، و بيدفعوا لهم مرتبات هزيلة ...و كمان كشرى ...لأ و مسموم

ثالثا قعدنا نهاتي ..و نشف ريقنا ... يا عالم بطلوا تسترخصوا الخامات و البضاعه اللي بتشتروها ...مش معقول يكون فنجان القهوه ب 15 جنيه و نشرب قهوة زى الزفت عشان تكسبوا انتم ...بيتبيعوا العشاء ب 240 جنية للفرد و برضه بتشتروا البضاعة الزبالة

كتبنا لوزارة السياحة و كتبنا للجرائد و كتبنا لمديرين الفنادق و مفيش فايده

يا خسارة جت فى الغلابة اللي مالمهمش ثمن ولا سعر .. و اللي محدش حيسأل فيهم

يا ريتها جت فى الخواجات عشان المسئولين يفوقوا لما يلاقوا السفارات نازله عليهم ..و طلبات التعويضات بالملايين.. و كع يا شعب مصر .. و خاصة ان الخوجات معدتهم مش متعودة على السم الهارى و الأكل الخربان.. اللي عودونا عليه عشان يكسبوا أكثر ولو على جثثنا

الله يستر

منقووووووووووووول

نجفة

[مصطفى عبد الوهاب]

تسمم جميع العاملين بأحد فنادق شرم الشيخ

تسمم 225 موظف و عامل بفندق ميرابيل التابع لمجموعة شركات ترافكو - ايبروتيل شرم الشيخ عقب تناولهم الكشرى

و قد أوفدت وزارة الصحة فريق مفتشين للتفتيش على فنادق شرم الشيخ بعد الحادث

تعليق

يعني وزارة الصحة تصحي من النوم بس بعد المصايب ، و فين البهوات المفتشين الدائمين بالشرم ؟ و لا كلعادة بيفتشوا و هم بياخدوا فنجان قهوة فى اللوبي و ظرف من اياهم

ثانيا كشرى يا ايبروتيل !!! كشرى ... على رأى فؤاد المهندس رحمه الله ..فوطه و غطاء و صينيه و طعميييايه .. يعني مش مكفيهم أنهم بيسرقوا ال 12% الخاصة بالعاملين ، و بيدفعوا لهم مرتبات هزيلة ...و كمان كشرى ...لأ و مسموم

ثالثا قعدنا نهاتي ..و نشف ريقنا ... يا عالم بطلوا تسترخصوا الخامات و البضاعه اللي بتشتروها ...مش معقول يكون فنجان القهوه ب 15 جنيه و نشرب قهوة زى الزفت عشان تكسبوا انتم ...بيتبيعوا العشاء ب 240 جنية للفرد و برضه بتشتروا البضاعة الزبالة

كتبنا لوزارة السياحة و كتبنا للجرائد و كتبنا لمديرين الفنادق و مفيش فايده

يا خسارة جت فى الغلابة اللي مالمهمش ثمن ولا سعر .. و اللي محدش حيسأل فيهم

يا ريتها جت فى الخواجات عشان المسئولين يفوقوا لما يلاقوا السفارات نازله عليهم ..و طلبات التعويضات بالملايين.. و كع يا شعب مصر .. و خاصة ان الخوجات معدتهم مش متعودة على السم الهارى و الأكل الخربان.. اللي عودونا عليه عشان يكسبوا أكثر ولو على جثثنا

الله يستر

منقووووووووووووول

نجفة

ههههههههههههههههههههههههههههههههه

تصدقي ان أنا شغال هناك و لسه واخد بالي من الموضوع ده في المنتدي و هو بقاله سنه و كام شهر

بس لعلم حضرتك العيب مش في الخامات و لا الطباخين انما العيب في عمال المطبخ "الاستيوارد" واحد منهم ماعندهوش زمة و لا ضمير استخدم كيميكال أثناء عملية التحضير و التسوية علشان يخلص بدري بدري و طبعا جت على حساب الطباخين و الشيف العمومي و لسه القضية بتاعتهم شغاله حتى اليوم و للعلم مش أكتر أنا شغال هناك بعد الحادثة دي

أما النسبة فالشركة مش بتاكلها و لا حاجة و هي أحسن من أماكن تانية كتير

و بالنسبه لبتوع نظارة الصحة فلا تعليق و الحدق يفهم

و على فكره طباخ الكافيتريا من بعد الحادثة دي أطلق عليه لقب حسين المجرم

[yasser6666]

بس لعلم حضرتك العيب مش في الخامات و لا الطباخين انما العيب في عمال المطبخ "الاستيوارد" واحد منهم ماعندهوش زمة و لا ضمير استخدم كيميكال أثناء عملية التحضير و التسوية علشان يخلص بدري بدري و طبعا جت على حساب الطباخين و الشيف العمومي

معلش اعذرني انا مش فاهم يعني ايه المضيف او الاستيوارد يحط مواد كيماوية علشان يخلص قوام قوام

اللي اعرفه ان المضيف عليه حمل الصواني واخد الاوردرات فقط ومالوش دعوة خالص انه يلمس الطعام اطلاقا

اكيد غلطة المطبخ والطباخين وطلعوا حاجات مدة صلاحيتها انتهت بدل رميها في الزبالة

والا حضرتك بتتكلم علي استيوارد من نوع تاني انا معرفوش

[مصطفى عبد الوهاب]

بس لعلم حضرتك العيب مش في الخامات و لا الطباخين انما العيب في عمال المطبخ "الاستيوارد" واحد منهم ماعندهوش زمة و لا ضمير استخدم كيميكال أثناء عملية التحضير و التسوية علشان يخلص بدري بدري و طبعا جت على حساب الطباخين و الشيف العمومي

معلش اعذرني انا مش فاهم يعني ايه المضيف او الاستيوارد يحط مواد كيماوية علشان يخلص قوام قوام

اللي اعرفه ان المضيف عليه حمل الصواني واخد الاوردرات فقط ومالوش دعوة خالص انه يلمس الطعام اطلاقا

اكيد غلطة المطبخ والطباخين وطلعوا حاجات مدة صلاحيتها انتهت بدل رميها في الزبالة

والا حضرتك بتتكلم علي استيوارد من نوع تاني انا معرفوش

هههه فيه فرق بين المضيف و الاستيوارد و أنا ماقولتش مضيف خالص و بعدين ايه في الكشري لو مده صلاحيته خلصت يسبب تسمم ؟؟؟؟؟

و الكيميكال المخصصة لاستخدام الاستيوارد دي بتكون لنظافة المعدات و الأدوات و أصطح التشغيل مع العلم ان بعد استخدامها لأ يجب استخدام أي معده أو آداه في المطبخ قبل مرور ثلاث ساعات على أقل تقدير و طبعا الاستيوارد ده استخدم المواد دي من غير ما يبلغ حد انه استخدمها تبقى دي غلطة مين

و رمضان كريم