نقطة ضعفك اية؟؟؟

[سهيلة]

كل واحد فينا لية حاجة بيكون ضعيف قدامها اوىىىىى

وممكن يلغى عقلة قدامها او يدية اجازة مؤقتة

انا مثلا

نقطة ضعفى لما احب حد بجد

بضعف قدام نظرة حزن ف عيونة

وقدامها ممكن اعمل اى شىئ واحاول ارجع لية ابتسامتة تانى

ودة ببساطة لانى بكون حزينة اكتر منة

يعنى مثلا لو واحدة صحبتى اوى ف ورطة او مشكلة

يفضل موضوعها ف دماغى وشاغل كل تفكيرى على حساب حاجات مهمة تانى ف حياتى

وممكن اقصر فيها رغم انها مهمة

نقطة ضعفى كمان خروجة حلوة مع شلة اصحابى اللى موش بيتجمعوا غير ف المناسبات

وموش ممكن اقاومها حتى لو عندى مليووون حاجة مهمة باجلها طبعااااااااااااااااااا

نقطة ضعفى لما حد يقوللى انا اسف من قلبة

مهما كان غلط فية

بسامحة وموش بقدر اشيل ف قلبى حاجة

عشان دايما بفكر نفسى ان ربنا بيسامح يبقى لية احنا البشر مانسامحش بعضنا

نقطة ضعفى اللبس

يا خبر لو شوفت طقم عاجبنى اوى وشيك و تحفة

موش بقدر

حتى لو هياخد اخر قرش معايا هدفعة لا شعوريااااااااااا

او ممكن استلف واشترية

لانى ببساطة موش هنااااااااااااااااااااااااااام

غير لما يبقى ف الدولاب عندى

وانت

نقطة ضعفك اية؟؟؟؟

[احمد هادي]

خدي عندك يا ستي

ضعف الهمة والكسل والاهمال

غياب القدره علي الالتزام بأي نظام أو خطه .......يعني يوم اشتغل 20 ساعة وبعدها انام 3 ايام

التسويف حتي اللحظة الاخيرة مهما كانت اهمية الموضوع وقدرتي علي انهاءه من بدري ( رجل اللحظة الاخيرة ) ولا فخر

انخفاض مستوي الثبات الانفعالي ( يعني تركيزي بيقل بنسبة عالية جدا لو اتعرضت للضغط ) وطبعا الحياه كلها ضغوط وبالتالي تركيزي بقي في الحضيض

اضاعة الوقت في مالا طائل من ورائه زي التليفزيون مثلا ( من أول الكوره مع دريم لحد ماوراء الخبر علي الجزيرة )

الجدال في موضوعات لا تفيد بهدف اقناع الآخرين بأشياء هم مش عايزين يقتنعوا بيها أساسا

التردد اللي هو دايما اسوأ من القرار الخطأ

نقول كمان ......؟

تم تعديل 16 أبريل 2007 بواسطة احمد هادي

[The Professor]

إيه يا دكتورة سهيلة ده كل دي نقاط ضعف دي بقى حالة ضعف عام لازمها مقويات وفيتامينات ... والأخ احمد هادي انصحك بنفس الروشته...

انا نقطة الضعف اللي عندي هي دموع الآخرين ماعرفش فيه اتصال بينها وبين دموعي .. ولا يمكن بأي حال من الأحوال ان أتحمل أي موقف مؤثر حتى لو كان مشهد تمثيلي , مقطع في اغنية , آية مؤثرة من القرآن الكريم ...

موضوعك رائع وجميل وجديد

[عصام]

ولادى

[احمد هادي]

... والأخ احمد هادي انصحك بنفس الروشته...

حاضر يا بروف

بس نسيت أقول حاجة

من نقط ضعفي ايضا عدم قدرتي علي اخفاء نقط ضعفي حتي لا تستغل ضدي

[امانى]

بسم الله الرحمن الرحيم

موضوعك جميل يا سهيلة وجديد المهم انت لمست وتر حساس فى قلب كل انسانه

من فينا معندهوش نقط ضعف بالطبع فى نقط ضعف فى كل انسان ولكنها تختلف من انسان لاخر اما بالنسبة لى فلى نقط ضعف كتيرة

نقطة ضعفى أمام اى دمعه تنزل على خد احد وخصوصا لو كانت على خد رجل فالمعروف ان الرجال اقوياء ولما اشوف دمعة لرجل احس

انه خلاصفى مرحلة حذن شديدة

نقطة ضعف أمام صديق او صديقة تحتاج لمساعدتى انسى أى حاجة واعيش المشكله معاهم لحد ما تنتهى

نقطة ضعف أمام اولادى فمهما اكون جامدة امامهم باحس من جوايا انى ضعيفة قوى وهما بيستغلو حته الضعف دى وهرينى مطالب

والله يا سهيلة ممكن تلاقى نقط ضعف تانى بس كفاية كدة علشان ندى فرصة لغيرنا يقول نقط ضعفه

بكرر موضوع جميل واشكرك على اثارته

امانى

[امانى]

بسم الله الرحمن الرحيم

موضوعك جميل يا سهيلة وجديد المهم انت لمست وتر حساس فى قلب كل انسانه

من فينا معندهوش نقط ضعف بالطبع فى نقط ضعف فى كل انسان ولكنها تختلف من انسان لاخر اما بالنسبة لى فلى نقط ضعف كتيرة

نقطة ضعفى أمام اى دمعه تنزل على خد احد وخصوصا لو كانت على خد رجل فالمعروف ان الرجال اقوياء ولما اشوف دمعة لرجل احس

انه خلاصفى مرحلة حذن شديدة

نقطة ضعف أمام صديق او صديقة تحتاج لمساعدتى انسى أى حاجة واعيش المشكله معاهم لحد ما تنتهى

نقطة ضعف أمام اولادى فمهما اكون جامدة امامهم باحس من جوايا انى ضعيفة قوى وهما بيستغلو حته الضعف دى وهرينى مطالب

والله يا سهيلة ممكن تلاقى نقط ضعف تانى بس كفاية كدة علشان ندى فرصة لغيرنا يقول نقط ضعفه

بكرر موضوع جميل واشكرك على اثارته

امانى

[أسد]

إبني ...

زوجتي ...

طفل يعاني .. أو يتألم ..

[kokowawa1979]

بصراحة شقيقتي الكبرى - لا أستطيع أن أرفض لها طلبا مهما كان .

والإبن الأصغر لما يبكى - بيحسسني بالأفلام الهندية القديمة .

[jenan]

نقطة ضعفى أمام اى دمعه تنزل على خد يتيم

نقطة ضعفى أمام طفل يعاني من المرض أو يتألم

نقطة ضعفى أمام طفل محروم من حنان العائلة

نقطة ضعفى هيه الأطفال

ربنا يحفظ كل أطفال العالم

[لا تعليق]

اولا شكرا علي الموضوع جميل دة وهو حساس جدا لانه بيمس حاجة جوانا بنحاول نخفيها لناس ممكن تظهر علينا امامهم ساعات وكل انسان لية نقطة ضعف بتختلف حسب تركيبة شخصيته وبيئة اللي عاش فيها ....

نقطة ضعفي طيبتي

[Ahmad Farahat]

نقطة ضعفي الكبرى............

الكتب......

أنا ضعيف جدا قدام الكتب..........

والروح الحلوة.........

والطفولة البريئة........

[semsema]

لما الاقي حد يبكي قدامي ببقى ضعيفه اوي واقعد ابكي معاه حتى لو كان عدوي

[الحازم حسن]

نقطة ضعفي الانترنت عامل زي المخدرات بالنسبة لي كل ما أحاول أحد منه ألاقي نفسي بدمنه زيادة كل يوم بسهر 5 ساعات وأقول لنفسي ساعة واحدة للنت و 4 مذاكرة ألاقي الخمس ساعات راحوا في النت

[badroora]

نقطة ضعفى النت والشيكولاته وبنت اختى

[سهيلة]

شكرا لردودكم وتفاعلكم مع الموضوع

ولكن السؤال

يا ترى هل كفاية ان الواحد يعرف نقطة ضعفة اية وبس

ولا المفروض انة

يقدر يغيرها لو حس انها بتاثر بالسلبية على حياتة

هل حاولت تتغلب على نقطة ضعف عندك سببت ليك مشاكل ف حياتك

وازاى قدرت تعمل كدة؟؟؟

وهل نقطة الضعف عندك ثابتة ولا بتتغير مع تغير اهتماماتك ونضجك وتغيير شخصيتك وظروفك؟؟؟

[Ahmad Farahat]

بيني وبينك يا سهيلة...........

تسعين في المية من نقاط الضعف التي سردها الزملاء هي أقرب إلى أن تكون نقاط قوة منها إلى نقاط ضعف..............

يعني محدش قال بحب الكدب.........

أو باضعف قدام بنت حلوة..........

مثلا يعني...........

أو بحب الأفلام الهابطة.........

يعني أنا مثلا مش عايز أقاوم نقط ضعفي...........

عايزها تفضل نقط ضعف..........

وأعتقد أن أي حاجة كويسة في الإنسان تفضل نقطة قوة..........

مهما كانت بتظلمه.........

[أبو زياد]

أحترم جميع المشاركات و الآراء البناءة التى قيلت و ستقال

نقطة ضعف الإنسان - فى نظرى - هى النقطة التى تدور حولها حياة الإنسان نفسه

فى لغة الهندسة نسميها ال سى جى أو نقطة الثقل

هنا ياتى السؤال كيف تكون نقطة الثقل هى نقطة الضعف فلأنه فى حالة السقوط تكون هذه النقطة هى أقرب النقط للأرض و هى التى يجذب منها و يسقط

فى لغة الطب هذه النقطة هى أول نقطة تمرض فى الجسم و هى التى تنقل المرض لباقى الجسم

يعلمها المريض عن نفسه جيدا و يعلمها الطبيب الذى عاصر مريضه

هذه النقطة هى التى يتألم الإنسان كثيرا عند الضغط عليها

فتدور حولها انفعالاته بل و جميع تصرفات حياته

أختم بأن أشهر نقطة ضعف كانت عند شمشون بطل الأسطورة و كانت فى شعره

حيث كان أقوى إنسان و لكنه هزم من هذه النقطة

أكرر و ردا على السؤال و الأجوبة الفاضلة التى سبقت بأن ما ذكر بالفعل ربما كانت نقاط قوة

وربما كان دورانا من كل منا حول نقطة ضعفه الحقيقية

نعم - الخلاصة أن نقطة الضعف فى كل منا لا يمكن تغييرها و لكن يمكن تفاديها و تفادى الإحتكاك بها

أو بمعنى آخر يمكن الدوران حولها و هذه هى المهارة الحقيقية

كيف تدور حول نقطة ضعفك .. و كيف تتفاداها و أن تنسى أو تنسى الآخرين وجودها ؟

[jenan]

هل حاولت تتغلب على نقطة ضعف عندك سببت ليك مشاكل ف حياتك

للصراحة لم أحاول التغلب على نقطة ضعفي أمام الطفولة البريئة

لأني بحب الأطفال جدا وأضعف أمام أي طفل بيعاني

ربنا يحمي ويحفظ كافة الأطفال من كل شر ومكروه

شكرا لك أختي سهيلة على الموضوع

[badroora]

شكرا لردودكم وتفاعلكم مع الموضوع

ولكن السؤال

يا ترى هل كفاية ان الواحد يعرف نقطة ضعفة اية وبس

لا طبعا مش كفايه !!!!!

ولا المفروض انة

يقدر يغيرها لو حس انها بتاثر بالسلبية على حياتة

انا كما ذكرت نقط ضعفى اسواء ما فيها لنت لانها بتاخد من وئتى جامد على الرغم من انى مشغولة جدا بين شغل ومذاكرة وكورسات وامتحانات .....الخ ولكن تزال النت هى مشكلتى حاولت الاستغناء عنها او الانشغال عنها بخروجى مع الاصدقاء والتعمق فى الصدقات وجدت نقطة ضعف اسواء من النت اثرت على تاثير سلبي وهى انى احب الناس وارتبط بهم واخلص لهم واساندهم فى محناتهم وعند حدوث اى شي ءلى لن اجد من هو ياخذ بيدى او يساندنى فاعود ثانيه الى النت النت عالمى اسبح فيه من قراءات لمشاركات فى منتدانا الجميل فعلا بلاقي نفسي هنا

التلفزيون كبديل مقدرتش لانى مش من محبي التلفزيون على الرغم من معظم مواضيعه وبرامجه البناءه

الشيكولاته كنت باكل منها كتير ولكن نظرا لزياده وزنى قللت منها كثيرا

بنت اختى لا اقدر اقاوم بتسامتها ولا صوتها الجميل

هل حاولت تتغلب على نقطة ضعف عندك سببت ليك مشاكل ف حياتك

طبعا وهى انى لا اتعمق مع اى حد فى صداقة حتى لا اصدم ثانيه وبالطبع غيابي عنهم بدؤ يتسالون ودارت بينا حوارات وعلاقتنا انتهت للابد ودا الشيء المحزن ولا فيه راحه كتير شيء او احساس صعب انك تشعر انك لا تنتمى لاى شخص ولكن الاصعب انك تنتمى لشخص وهو لا ينتمى لك فدا كان ملخصي مع اصدقائي الله يهديههم

وازاى قدرت تعمل كدة؟؟؟

ازاى دي بقي بالوقت والتفكير وحسابات يعنى جمع سعاده مع طرح علاقه الناتج راحة بال

وهل نقطة الضعف عندك ثابتة ولا بتتغير مع تغير اهتماماتك ونضجك وتغيير شخصيتك وظروفك؟؟؟

فى منها الثابت وفي منه الذى يمحيه الزمن

انا عن نفسي دائما احب التخلص من نقط ضعفي التى لا احبها انا دايما احب اكون قويه بلا نقط ضعف وكثيرا جدا من اصدقائي لا يعرفون نقط ضعفي ولا كانوا هدمونى من زماان ولكن الحمدلله

شكرا لموشوعك يا سهيلة

قلبتى علينا المواجع

نجفة :)