اللي عايز يشتغل في السعودية ييجي الناحية دي عاليمين

[se_ Elsyed]

يالله عيشوووا وإدعوا لنا :

- إحنا نازلين مع لجنة لإختيار مُرشحين للشركة يوم 27 إبريل لأحد مشاريعنا وبإذن الله الإنترفيو هايتم لمدة 3 أيام .. فاللي شايف نفسه فِت وتنطبق عليه تلك الشروط يراسلني على الخاص .. طبعاً إحنا نزلنا إعلانات في كبرى الصحف في مصر لكن الأولى نخدم حبايبنا أعضاء المنتدى والأقربون أولى بالمعروف طالما مؤهلين :

الوظائف هي كما يلي :

1- مهندس نُظم ( يونكس و cluster ) والكتابة بالعربي في الحاجات دي عذاب فسامحوني

2- أوراكل د بي إيه

3- مُحلل نظم

4- مهندس نُظم

5- أخصائي امن معلومات

6- أخصائي جودة

7- مُدرب حاسب آلي

8- مهندس شبكات CCNA / CCNP

9- مدير مبيعات وخبرة في مبيعات الشبكات اللاسليكة لا تقل عن 5 سنوت

10- ITIL على الأقل 4 سنوات خبرة

11- مبرمج كوبول IBM mainframe

12- أخصائي GIS

13- إستحملوا بقى الإنجلو أراب ( ويب ديزاينر ، جافا ديفليوبر ، إتش تي إم إل بروجرامر )

14- MSCE

كل الوظائف تطلب على الأقل 3 سنوات خبرة ولغة إنجليزية ما فيهاش جدال

وأرجو أن اللي يلاقي نفسه مناسب زي ما قلت يملى النموذج المرفق ويخليه جاهز عشان يبعتهولي على الإيميل اللي سأضعه في الخاص

[Handasah]

يالله عيشوووا وإدعوا لنا :

وهنتحرم منك 3 ايام بلياليهم كتيييييييييييير قوى

[بنت النيل]

السلام عليكم

تصدق بالله يا عمو سين سين انت فيك شىء لله او اننا ذى ما بيقولوا القلوب عند بعضها

اقولك السبب اللى خلانى اقولك كدا شوف ياسيدى انا زوجى نفسه نفسه انه يعمل فى السعودية ولكن بالتحديد فى جده فهو يعشف هذا المكان

وكنت هسألك اذا كان فى اى فرصه للعمل هناك حتى يكون سعيد بذلك بس المشكلة ياترى هيكون الراتب بنفس مقدار راتبه هنا بالكويت ولا اقل ولا ايه ؟؟ لان طبعا لابد ان يكون الراتب مجزى ذى هنا

هو بيعمل فى مجال الكمبيوتر يعنى مبرمج كمبيوتر وبعمل برامج للشركات والمحاسبة بس انا هجبلك تخصصه بالظبط

اصلى معرفش بصراحة هو متخصص فى اى بظبط وبلاش تضحك عليا انا شيفاك ماشى مش بحب ادوش نفسى بالمسائل دى بينى وبينك

[se_ Elsyed]

يالله عيشوووا وإدعوا لنا :

وهنتحرم منك 3 ايام بلياليهم كتيييييييييييير قوى

ليه يا أبا عُمر

ما هو الكهربا والميه والإنترنت دخلوا مصر .. عادي يعني

--------------

بنت النيل .. انا عرفت حل الفزروة ..

بسم الله الرحمن الرحيم .. دي مربة اللارنج ... صح ؟

عامة الشغل هايكون في الرياض ... عشان نبقى على ميه بيض .. لكن بين الرياض وجده فركة كعب ( 1000 كيلو بس )

[Eemaan]

السلام عليكم

اخى الفاضل س س...

حاولت انزل الJob_Application.JPG

بس بتحصل مشكله..ياترى الحكايه دى عندى انا بس؟

جزاك الله خيرا كثرا.

[se_ Elsyed]

طب شوفي النسخة دي كده يا إيمان

[Eemaan]

se_ Elsyed كتب

طب شوفي النسخة دي كده يا إيمان

نزلتها بس مش باينه خالص ... صغننه اوى

تعبينك معانا يا فندم :)

[mohmaher]

سين سين باشا ...

ايه نظام أخصائي ال GIS

CAn u tell me more about the package ?? Experience ??

[بنت النيل]

بنت النيل .. انا عرفت حل الفزروة ..

بسم الله الرحمن الرحيم .. دي مربة اللارنج ... صح ؟

عامة الشغل هايكون في الرياض ... عشان نبقى على ميه بيض .. لكن بين الرياض وجده فركة كعب ( 1000 كيلو بس )

..........................................

ايه ده مشاالله انا برده كنت متأكدة انك هتعرفها ياعم سين سين

بس برده ماقولتش الرواتب نظامها ايه علشان برده نبقى على ميه بيضه :)

[se_ Elsyed]

سين سين باشا ...

ايه نظام أخصائي ال GIS

CAn u tell me more about the package ?? Experience ??

3 نظام ... ملتي سيمسم يعني :)

عبي الأبلكيشن الأول وقول إنت عايز كام في المعقول وبعدين إحنا بنشوف العميل والمشروع محددين كام .. بس التخصص ده بالذات محتاجينه جداً

وبعدين ما أنا قلت إن الخبرة ما تقلش عن 3 - 4 سنوات في نفس المجال يا حاج ؟

هاتقعد بقى تفاصل وتتعب قلبي .. ولا هاتشتري ؟

-----

إيه ده بنت النيل كمان سألت سؤال المرتب

أهو إنتو كده يالمصاروة ....

يا جدعان بلاش الأسئلة العامة دي ..

الرواتب تُحدد على حسب الخبرة والوظيفة

يعني مش بالكيلو

----

يا حاجه إيمان

ممكن تحفظي الابلكيش كصورة وبعدين تكبري وتصغري وتكوي وتفردي زي مانتي عايزه ..

مش لاعب بقى هيييه

أنا خايف حد يدخل الموضوع أو يبعتي رسالة ويقوي :

الأخ العزيز سين سين

حبيت بس أقولك ما تعملش حسابي في أي وظيفة من دول

شكراً

[the sad man]

مساء الخير عمى سى السيد

و الله فيك الخير و ربنا يكرمك

ياترى مش عايز محلل عينات للبشر؟؟؟

اخوك استشارى تحاليل

حبت اقولك انى لا انفع فى هذه الوظايف

مع تمنياتى بالتوفيق للجميع وانا احب و اقدر كل من يحاول البحث عن وظيفه هنا لاخواننا فى مصر

سلام للجميع

[محمد عبدالعزيز]

معلش يا سى السيد أنا فعلاً حفظت الصورة بس هى صغيرة جداً ولما باكبرها مش باعرف أشوف منها حاجة

ياريت تبعت رابط لصورة أكبر شوية

[se_ Elsyed]

أسف جداً للتأخير

طب شوفوا الأبلكيشن ده كده

Job Application

[محمد عبدالعزيز]

تمام ياريس

ياريت بقى تبعت لى الايميل بتاعك عشان أبعت لك الأمانة

[المصرى اوى]

سى السيد

صباحك عسل

مدير اضاءة وتصوير خبرة عشرون سنة

مستنى رد لا مكانية عملة فى السعودية فى اى من المحطات الفضائية العربية

بعد انهيار التليفزيون المصرى الحكومى

تحياتى

[se_ Elsyed]

سى السيد

صباحك عسل

مدير اضاءة وتصوير خبرة عشرون سنة

مستنى رد لا مكانية عملة فى السعودية فى اى من المحطات الفضائية العربية

بعد انهيار التليفزيون المصرى الحكومى

تحياتى

والله كان على عيني يا عم وحيد فريد phn:

حضرتك أنا مجالي الحاسب الآلي لكن لو أتكعبلت في أي محطة فضائية إن شالله لو روتانا حتى فهاقول على طول

وبما إن حضرتك نكشت في الموضوع ده فدعني أبلغكم بشيء لعله يكون شمعه مضاءه في نهاية النفق

المفروض كنت اسافر مع اللجنة دي .. لكن عشان ظروف إمتحانات العيال - عندي عمر كان في شهادة سقوط ونجوح ( كي جي تو ) :blink: -

المهم أنتظرت زميلي رئيس اللجنة اللي سافر مع أعضاء اللجنة اللي من الوزارة اللي واخدين فيها المشروع عشان يحكي لي على اللي حصل

أولاً هما كانوا نازلين في سيتي ستارز

ثامياً : كان معاهم تليفونات كل الناس اللي نازلين يقابلوهم ومنسقين معاهم التواريخ والواعيد

ثالثاً : كانت المفاجأة التي تبعث على الأمل إن معظم إن ماكنش كل الناس رفضوا موعد وتوقيت المقابلات .. لإن الجماعة اللي نزلوا قالوا لك يالله ناخد اليوم من أوله عشان نقدر نقابل أكبر قدر من الناس .. فحددوا مواعيد إبتداءً من 9 الصبح .. فاكرين الناس قاعدة على القهاوي وتجيبهم إنت وقت ما تحب ... فأمام هذا الرفض عدلوا الموعد إلى ما بعد العصر

رابعاً : غالبية المتقدمين رفضوا الرواتب المقدمة منا ومنهم من تكلم مع أعضاء اللجنة بطريقة كلها عزة وكرامة وقالهم هو ده اللي عندي ولو سمحتوا لا حد يتصل بي يقولي طب نتفاهم طب ناخد وندي في الكلام باملناسبة كانت رواتب مش أي كلام بروا .. لكن ناس كتير بتحسبها مش فلوس بس ... دي فلوس وغربة وضغط عصبي وملل وصحه والحرما من قرطاس لب على الكورنيش بجنيه .. او كوباية حمص الشام من أم جنيه ونص في الشتا أو فسحة في النيل في فلوكة من ام اللفة بخمسة جنية ( والله العظيم أنا أجرت مركب شراعية من بابها وعزمت فيها أخويا يوم فرحه الصيف الماضي قلت أعوضه لإن الفرح كان عائلي .. وكانت من 9 مساءً حتى الثانية صباحاً ودوخنا الراجل المراكبي لفلفه وكل ده بـ 100 جنيه فقط لا غير ... . هيييييه ربنا يخلي لنا المراكب اللي بنركبها في طريف الدمام الصحراوي - و و و

ووالله يا جماعة إن إحترام الإنسان لنفسه .. ووضع خطوط حمراء وخضراء وبجميع الألوان لا يسمح للأخرين بتجاوزها وولا هو نفسه ينزل تحت هذه الخطوط .. كل ده هو اللي بيخلي الأخرين تمسكوا به ويعملوا له قيمة ..

مش لا مؤخذه الناس اللي بتيجي واقعه وبحتت لقمه تراضيها وتشتريها

أنا عارف في ناس هاتقولي : يا عم مش كل الوظايف ده في ناس مش لاقيه اللضا ..

أقولك .. حتى دول يمكنهم تعلُم التفاوض ووضع أسعار للنفس .

تحياتي ،،