حملة الكساء ومقاومة الحفاء

[shazly]

حملة الكساء ومقاومة الحفاء

الكاتب: معتز الشاذلى - بتاريخ: 18 - أبريل - 2007

أتصور أنه بعد 5 سنين من دلوقتي النظام بقيادة الحزب الوطني أو حزب المستقبل بناءا على توجيهات السيد الرئيس سواء جمال أو حسني -دي حاجة في علم الغيب و الحكومة-, المهم بعد 5 سنين سيتم إطلاق الحملة القومية الثانية للكساء ومقاومة الحفاء, وده هيكون ضمن الخطة العقدية للتنمية البشرية و ستر المواطن المصري الغلبان. وأكيد أكيد الخطة هتكون ضمن منهجية الفكر الجديد و العمر المديد و الرأي السديد و الشحات أبو إيد.

.

شاذلى.نت

[badroora]

:sad: ماشاء الله

بس زمان اوى كانوا بيفرقوا قماش دموور مع التموين عشان الناس تنكسي بس الجديد هو شباشب مع الدموور دمت لنا ولمصر يا حسنى يا سترنا

ممكن اوصي بس على حته شمواه بني برباط مقاس 46 hypr:

[shazly]

و الله هو مفيش خيار و فئوس,

كل الئبائيب موديل واحد و مقاس واحد كمان, لكن الحته البني الشنواه دي يادوب أخر حته من الموديلات القديمة بس "كل سنة و إنتي طيبة" ها.. كل سنة و إنتي طيبة يعني و الشاي بتاعنا ها. أول درج على إيدك اليمين يعني و كل سنة وإنتي طيبة...ها