تهنئه من القلب الى جميع النساء بصدور اول دستور يساعد المرأءة فى اختيار الزوج المثالى !!

[badroora]

بسم الله الرحمن الرحيم

اخواتى الفاضيلات تحية طيبة من القلب ونهنئه حارة وذلك لصدور اول دستور لنا والجدير بالذكر اننا وضعناه بايدينا مما اعطاه الجدية والسهولة فى التطبيق وهذا يعتبر من اعظم انجازات التى حدثت فى عصر المرأءه انا اعترف بفضلكن وريعايتكن وحرصكن على المساواه و اهو نحن هنا اليوم نعلن عن اول حق من حقوقنا الا وهو اختيار الزوج ولا داعى للتعب والشقاء الى كل سيده تم تحديد مرجع اليك والى كل ابنائنا لاختيار افضل شريك واشكركم جميعا واشكر كل من ساهم فى نجاح هذا الموضوع واليكم الموضوع

بسم الله الرحمن الرحيم

( وخلقنا لكم من أنفسكم أزواجاً لتسكنوا إليها وجعلنا بينكم مودة ورحمة)

(ياأيها الناس إنا خلقناكم من ذكر وأنثى وجعلناكم شعوباً وقبائل لتعارفوا ..))

قول الرسول صلى الله عليه وسلم

(تنكح المرأة لأربع : لمالها ولحسبها وجمالها ولدينها، فاظفر بذات الدين تربت يداك)

99 صفة نتمناها فى زوج المستقبل

1-أن يعبد الله عز وجل ويفعل الطاعـات يصلي ويصوم وأخلاقه كويسة

2- يكون صادق معي ومع الآخرين وأن يبتعد عن الكذب

3- وأن يبتعد عن الغضب

-4-أن يكون محترم ويحترم الناس ولا يسخر من الآخرين وأن لا يستهزئ بهم

5-أن يكون لين القلب

6- أن يكون أنسان رقيق وشفاف وكلوا حنية

7- بارا وودود باهله واهلى ايضا

8- ميكونش عينه زايغة

9- اياك والبخل

10- اياك والكأبة

11- متفتح ويقف بجوارى فى محنتى ويشجعنى

12- لا يبالى من المشاركة فى اعباء المنزل

13- واثق من نفسه اوى ويحترم وجهة نظرى ووجهة نظر الاخرين

14-سباق لعمل الخير ومساعدة المحتاجين

15-يتحمل الاذى في سبيل الدفاع عن دين الإسلام العظيم

16-يكون وفي لزوجته بعد مماتها

17-لا يخشى في الحق لومه لائم

18- انه يشترى لى كل حاجى نفسي فيها وتكون على قلبة زى العسل

19- الا يعبر عن خنقة لو طلباتى كتير بل يظهر ابتسامة رقيقه ويشجعنى على الشراء

20- لا يبالى لو كوشت على كل شيء

21-الاحترام للزوجه داخل المنزل وخارجة

22-احترام مشاعرها ورايها وبالذات لما يكون مختلف عن راي جوزها

23- يتقى الله فى كل تصرفاته

24-إنه تكون لديه القابليه على دفع أي فواتير تجيله من غير ما يقول بيم "

25-إنه ما يكونش بيحب الكوره ولا بيتفرج على ماشتاتها

26- ألا يكون ملول من اللف عالاسواق

27- ان يكون رجل ذكى نشيط

28- ودود ومحب ومخلص

29- يراعى شعور زوجته

30- رجل مسؤل بمعنى الكلمة

31- يجب اختيار الفاظه

32- الافصاح عن حبه

33- لا يهاب الحياه

44- لا يتردد فى اظهار مشاعرة

45- امداد زوجته واسرته الشعور بالاطمئنان والاستقرار

46- لا يضايقة نجاحى فى حياتى او شغلى

47- لا للهماجيه فى حل المشاكل بل يختار الاسلوب المناسب

48- يحب العمل الدءوب

50- لابد ان يعرف انه المسئول وعنده القدرة على تحمل المسئوليه

51- نشيطا فى كسب الرزق الحلال

52- يكون ابا مثاليا ومحب للاطفال

53- انسان متفائل

54- ميكنش نكدى

55- يفتح لي باب السيارة عند النزول

56- يفتح لى اى باب وينتظر حتى امر

57- يكون لى ابا وصديقا واخ وزوج ايضا

58- الرجل العصري يفاجيء امرأته بأن يحضر لها العشاء اذا تأخرت فى عملها

59- يعتز بكرامته امام الاخرين

60- لا يعطى فرصه لاحد ان يسخر منه

61- الرجل العصرى وإذا مرضت زوجته، أمكنه أن يسعفها ويحضر لها الطبيب

62- اذا مرضت يمكنه اعطائي الحقن واطعامى بالمعلقة دون ضجر او تأفف

63- ويمكنه أن يعتنى بالاولاود يفهمهم ويرعاهم، ويهتم بمستقبلهم ودراستهم، لأنهم

جزء غال منه

64-يراعى خصوصية الزوجة واسرارها

65- اعطائها فرصة لزيارة ومقابلة صديقاتها فى النادى النسائي

66-لا يتأخر عن الاعتذار إذا أساء إلى زوجته ويعترف بخطئه إذا أخطأ

67- ،لا يصح أن يبخل على امرأته أو أولاده بمال

68- الزوج المثالي يجب أن يكون وفياً مخلصاً،

69- كريماً في عطائه، وفي صِلاته الزوجية مهما ان كانت حدة رجولته

70- ان يكون مهذب

71- عطوف ذكى لماح

72- متفتح العقل ( اوبن مايند)

73- متواضع ما يشوفش نفسه على احد حتى لو كان من اغنى البشر

74- ان يكون صادق بكل شيء

75- ان تكون شخصيته ناضجة

76 – طموح ويحب يطور من نفسه

77- مثقف ومتعلم جدا

78- يحترم ذاته

79- بعيد عن الانا

80- لا يخرج من البيت الا باذن الزوجه

81- يضع مصروفه ومصروف البيت بيد زوجته

82- لا ينظر الي امراه اخرى مهما ان كانت

83- فارس من فرسان ألف ليله وليله

84- يقدر يخليني اثق فيه

85-راجل بمعنى الكلمة ميغرتهوش الحياة يعنى وقت الجد يبقي سي السيد( بس ميسوئش فيها اوى يعنى )

86- يبقي كلامه حب وصمته عشق

87- شخصيته تبقي أقوي مني

88- حسن السير والسلوك والسمعة فى كل مكان (البيت ,النادى,العمل)

89- يتقي الله فينى

90- يكون له خصيوصياته وانا لى خصوصياتى (لاب توب ,عربيه ....الخ

91- ميكونش ليه سوابق مفهوم طبعا

92- ان يكون صريح جدا مهما ان كانت عيوبه

93- ميكونش من محبي الاكل بشراهة

94- يا ريت يكون نباتى ولا يفضل اللحوم

95- لا يرهقنى بالعزايم الكتيرة

96- لم يمانع من وجود خادمة بالبيت اذا امكن

97- لا يجبرنى على الحياه معه

98- يحترم رغبتي فى عدم مقدرتى على فعل شيء معين !!!

99- ان يكون صبور ويكون لى معلما ونصاح

وهذه الصفة فى حالات خاصة ونادرة جدا

*- ان يكون فاشل فى نظر الاخرين وهو كل شيء بالنسبة لها (مش بتاعتى دى بس انا باحترم زوق كل واحد)

مواصفات استثنائية تم الاستعانة بها من اخوات اخروات ودا للحالات الخاصة (المزاجيه)

جـــــذاب واســـــع العينيـــــن مرســـــوم الحاجبيـــــن

صغيـــــر ورقيـــــق الشفتيـــــن مصفــــوف أسنــــــان الفكيــــــن

نحيـــــــف الخديـــــــــن ولا مانــــــع مـــــن وجــــــود غمازتيــــــن

صغيـــر حجـــم الأذنيـــن ممشـــوق القـــوام عــريض الكتفيـــن

قـــــــــوي الذراعيــــــــن طويـــــــــل الساقيــــــــن

متناســـق أصابــــع اليديـــــن متـــوسط حجـــم القدميــــن

حليـق الذقـن جميـل الشاربيـن مرتــب الشعــر والسالفيــن

نظيف يستحم فـي اليـوم مرتيـن ويستخـدم مـن العطـور نوعيــن

لا يشخـر ولا يتقلـب علـى الجنبيـن ولا يدخـن ولا حتــى سيجارتيــن

الشعر والفروسية له هوايتيـن ويمارس الرياضة في اليوم ساعتيـن

مثقف يجيد أكثر من لغتين ويقرأ في الأسبوع كتابين

لا يتابع فـي التلفزيون إلا قناتيـن الجزيـرة والعربيـة الإخباريتيـن

ليـس ضعيفـا مكسـور الجناحيـن ولا متوحشـا فيليسفخنـي كفيــن

لا يغضـب أكثـــر مــن دقيقتيــن وإذا غضـــب لا يطلــع لـــه قرنيــــن

صــادق ليــس لـــه وجهيـــن لا يكــذب ولا يلعــب علــى الحبليــن

بــــار ومحســن للوالديـــن عطــوف وحنــون علـى الطفليــن

يقطف لي فـي اليـوم وردتيـن ويهدينـي فـي كـل شهـر هديتيـن

يحبنـي ولا يحتمـل منـي دمعتيـن ولا يتــزوج علـي زوجتيــن

رصيــده فـي البنــك مليونيــن ويغيــر سيارتــه كـل اسبوعيـن

يوفر لي سائق ومربية وخادمتين يشتري في الخارج منزلين

ونسافر في كل عام سفرتين وكل مرة نقضي في الخارج شهرين

كفاية كدا احسن شكلنا هنعنز

اتمنى ان يكون الموضوع نال اعجابكم

ومنتظرة ردكم

شكرا ليكم

نجفة

تم تعديل 19 أكتوبر 2007 بواسطة Badria Mekkawy

[yasovinas]

لا حول ولا قوة الا بالله

ادي اخرة القراءة بدون نظارة haah::lol:

تصدقوا انا قرات العنوان كالآتي (99صفعة تريدها الزوجة؛؛؛؛) طبعاً ما كملتش باقي العنوان ودخلت بسرعه وانا بفرك ايديه وبقول اخيرا هريح مراتي وام عيالي والبي لها ما تريد wst:: wst::

ولكني فوجئت بسيل من الطلبات والصفات :cry:

99 صفه مش كتير شوية :wub: وبعدين يعني ايه البخل دا ما تخليهم 100 وخلاص ولا خايفة من الضرايب !!!!!! ما علينا :blink:

وانا بقرأ هذا الموضوع تذكرت قصه - سأل احد الشباب فتاه عن فتى احلامها "وكان يريد ان يخطبها" فقالت له اريد شاباً محدثاً لبق، لا يدخن، لا يشرب، لايسهر خارج المنزل، يجيد الرقص والغناء : - فقال لها الشاب وقد صرف نظر عنها " تزوجي بالتليفزيون tv_: فهو الوحيد الذي لدية كل هذه الصفات"

تحياتي

[ABO HAMADA]

wst:: :blink: تعالوا قابلونى لو اتجوزتوا wst:: :cry: :lol: :wub:

[badroora]

لا حول ولا قوة الا بالله

وانا بقرأ هذا الموضوع تذكرت قصه - سأل احد الشباب فتاه عن فتى احلامها "وكان يريد ان يخطبها" فقالت له اريد شاباً محدثاً لبق، لا يدخن، لا يشرب، لايسهر خارج المنزل، يجيد الرقص والغناء : - فقال لها الشاب وقد صرف نظر عنها " تزوجي بالتليفزيون :lol: فهو الوحيد الذي لدية كل هذه الصفات"

تحياتي

بجد بجد مش عارفه اشكر حضرتك ازاى على تشجيعك المستمر لنا

روح يا شيخ ربنا يديك على قد نيتك

:wub:

تعالوا قابلونى لو اتجوزتوا

:blink: لا لا طب استنى بس نتفاهم !!!1 طيب ممكن تفاصل لو تحب

شكرت على مشاركتكم

نجفة

[spiderloser]

أنا زعلان جدا منك يا أستاذة نجفة، ويارب النور يقطع، علشان إنتي محطيتيش

الفشل

ضمن الصفات دي

[badroora]

أنا زعلان جدا منك يا أستاذة نجفة، ويارب النور يقطع، علشان إنتي محطيتيش

الفشل

ضمن الصفات دي

لا والله وانا ميرضنيش زعلك انا فعلا نسيت وعموما انا ضفتها ولا يهمك

انبسط بقي بليز

نجفة

[spiderloser]

لا والله وانا ميرضنيش زعلك انا فعلا نسيت وعموما انا ضفتها ولا يهمك

انبسط بقي بليز

نجفة

أنا أشكر لك هذا الرد الرقيق جدا جدا جدا جدا

ويارب النور ما يقطع أبدا

[badroora]

يعنى للتذكير :closedeyes: يا معشر النساء اجتمعوا

فلنبدأ الحرب :rolleyes:

انتشرووووووووووا :rolleyes:

[حسام يوسف]

السلام عليكم

شوفتوا الستات بانوا على حقيقتهم ازاى

والحق ما شهد به الاعداء

الحقيقة ان الدليل ده ينفع لمخلوق استهلاكى

مش عشان جواز

[قاهرى]

للاسف الستات عندهم تناقض فى تصرفتهم غريب

يعنى تلاقى الزوجة عيزة فلوس كتيررررر وفى نفس الوقت لما الزوج يشتغل شغلانة واثنين

تقولوا انت مش بتخرجنى ولا بشوفك من اساسه . انت متجوزنى ولا متجوز شغلك

وقيس على كدة حجات كتيرررررررررررررررررر

بس بجد هى دى الى بيقولوا عليها التوابل بتاعة الحياة الزوجية

من غيرها هتلاقى البيت بارد وناقصة حاجة , احيانا الواحد بيحب يناكف الى معاة او هى تنكفو

تحياتى للجميع

[زهرة الجبل]

حتى ما يعتبره البعض مميزات قد يجده الآخرون عيوب

يعني حتى هذه القائمه المبجله بها بعض البنود التي أعتبرها عيوب لا أستطيع تحملها

الخلاصه:

لا يوجد رجل يستطيع أن يرضي المرأه بجميع صفاته

السبب :

المرأه (( غالباً )) صعبة الإرضاء متطلبه إذا حصلت على شئ إخترعت شئ آخر تبحث عنه

و نفذوا بقى يا رجاله

تم تعديل 19 أكتوبر 2007 بواسطة زهرة الجبل

[badroora]

أنا سمعت عن راجل بالمواصفات دي في كوكب الواق الواق روحوا بقي دورو عليه خلوا الأرض تفضلنا

:rolleyes: طيب ليه كدا يا زهرة انا قولت انتى هتوقفي جنب اخواتك

قوليلي وحياتك اتوبيس كام بيروح الواق الواق :rolleyes:

[badroora]

للاسف الستات عندهم تناقض فى تصرفتهم غريب

يعنى تلاقى الزوجة عيزة فلوس كتيررررر وفى نفس الوقت لما الزوج يشتغل شغلانة واثنين

تقولوا انت مش بتخرجنى ولا بشوفك من اساسه . انت متجوزنى ولا متجوز شغلك

وقيس على كدة حجات كتيرررررررررررررررررر

بس بجد هى دى الى بيقولوا عليها التوابل بتاعة الحياة الزوجية

من غيرها هتلاقى البيت بارد وناقصة حاجة , احيانا الواحد بيحب يناكف الى معاة او هى تنكفو

تحياتى للجميع

ماهو يعنى لو تحاول تدور على شوغلانه ة بفلوس كتير ووقت صغير على اساسا يبقي فيه وقت للمشاركة فى الاعباء المنزلية والشوبنج يبقي كدا تمام :rolleyes: بدل بقي ماترجع من الشغل منهك ومافيش غير تعبان تعبان وشقيان عشنكم الحاجات دى بتجرح بريستيج المراه اوى فياريت كل الرجال يتجنبوا الكلمات دى

ودائما ابتسامة عريضة ودائما اعطيها احساس الشعور بانك راضي عنها وعن افعالها ولو كظمت غضيك بداخلك ربنا هيجز يك حسنات :rolleyes:

تم تعديل 19 أكتوبر 2007 بواسطة Badria Mekkawy

[زهرة الجبل]

مظلومه والله العظيم

مظلومه والله يا أختي يا بدريه

ده أبو العيال هو اللي كتب الكلمتين دول

مكنش واخد باله أن اللاب توب داخل الموقع بعضويتي أنا مش عضويته هو

أصل الموضوع وما فيه إننا هنا سوا انا و أبو العيال أعضاء في المحاورات

هو بيدخل من شغله وسرح انهرضه علشان انهرضه الجمعه نسى ان ده لاب توب البيت و داخل بإسمي فدخل كتب اللي في نفسه

ولقيت لك خير اللهم أجعله خير جوزي وااااقع من الضحك وبيناديلي من المطبخ وبيقول تعالي شوفي انا كتبت بإسمك إيه

فطبعا دخلت انا وعملت تحرير للمشاركه بردي السريع اللي فوق ده

لكن اللس سبق أكل النبأ طبعا إنتي عملتي إقتباس لكلامه قبل ما ألحق انا اغيره

عموما حصل خير ومتزعليش.... أنا أصلي أخدت لك بطارك منه ... والطار ولا العار يا بدريه يا مكاويه مش كده ولا ايه

سلام بقى اما الحق الاكل عالنار احسن ده احنا كده انهرضه آآآآوت عالآخر

سلاااام

[أبو محمد]

دستور يا خواتنا

كله كوم ونمرة 16 دى كوم تانى ....

16-يكون وفي لزوجته بعد مماتها

أدفع كل اللى حيلتى يا بدارة واعرف حتتأكدى من دى ازاى قبل الجواز :rolleyes:

الحل الوحيد إن الواحدة من دول تكون بتموت فى اللى حييجى يخطبها :rolleyes:

[badroora]

دستور يا خواتنا

دستورك معاك اتفضل الدار امان :lol:

كله كوم ونمرة 16 دى كوم تانى ....

16-يكون وفي لزوجته بعد مماتها

أدفع كل اللى حيلتى يا بدارة واعرف حتتأكدى من دى ازاى قبل الجواز

الحل الوحيد إن الواحدة من دول تكون بتموت فى اللى حييجى يخطبها

العزيز الغالى ابو محمد اولا كل سنه وانت طيب .

ثانيا والاهم الف الف مبروك التوقيع والله منور كدا تحت كلماتك والحمدلله دلوئتى اموت وانا مرتاحة لانك حققتلى 2 امنية خلاص مش بقيت عاوزة حاجة من الدنيا تانى

بدون ما تدفع ولا حتى ثانية من عمرك ترى انت عمرك غالى علينا

بص يا غالى انا طبعا اللى مشرفة على وضع الدستور :rolleyes: ودى مافتتنيش

مثلا الست تسافر لوحدها وتترك زوجها بالمنزل وبعدين ترسل مرسال انها ماتت فى حادث شنيع او غريقة فى البحار والجثة لم يعثر عليها بعد

وتستنى بس 3 ايام

3 ايام بس وبعدين تطب عليه هو طبعا اطمئن انها خلاص توكلت على الله وبلا رجعة هنا تبان النوايا

وترجع بعد 3 ايام لو لاقيته ماسك صورتها وبيبكي يبقي والله وفي ويستهال كل خير

لاقيته بغير عفش البيت وبيدهن الشقة يبقي يستاهل :hang:

وكمان خد بالك من المقولة دى

:amb: ودي اموت اليوم واعيش باكر

:cry1: واشوف منهو بعد موتي فقدني

hg):: :hi: واشكر كل من وداني لين ذيك المقابر

:cry: شخص تعنالي مع انه مسافر

:rolleyes: وشخص قريب للاسف ماذكرني

ومنهو يرتب غرفتي والدفاتر

ومن هو اللى شاف صوره لى بكى وصاح وحضنى

اختى الحبيبة زهرة الجبل ريحتى قلبي اللهى يريح قلبك انا بردوا لما قرات الكلام حسيت برجل غريبة فى الموضوع مش رجل حريمي ابدا

تم تعديل 19 أكتوبر 2007 بواسطة Badria Mekkawy

[The Professor]

وليه لزوم البنود دي كلها - ده نظام تعجيز ولا إيه بالظبط

طب نرجع كده لحديث الرسول الكريم " إذا جاءكم من ترضون دينه وخلقه فزوجوه " فمرد كل هذه البنود ال99 أو ال990 إلى شيء واحد لو توفر في الزوج لحقق زواجا ناجحا وهو الخلق الكريم - طبعا بالإضافة إلى الدين ..

مش كده ولا إيه

[قاهرى]

جبت من الاخر يا Professor

اما موضوع انو يمسك الصورة ويعيط عيط عليها يا بدرية فدة اكيد لازم يحصل دة حتى لو مش بيحبها كفاية الايام الى بنهم ... بس للاسف لو شفها ظهرتلو تانى هيرمى عليها اليمين وش ... مفيش كلام

هى مشاعر الرجالة لعبة فى ايديكوا والحريم بتنجرح باقل كلمة ......

يا جماعة احنا بشرررر بردوا :rolleyes:

وبجد اهم صفة فى الراجل هى صفة وحدة مش 99 وهى انوا يكون راجل

بس كدة

[أبو محمد]

العزيز الغالى ابو محمد اولا كل سنه وانت طيب .

ثانيا والاهم الف الف مبروك التوقيع والله منور كدا تحت كلماتك والحمدلله دلوئتى اموت وانا مرتاحة لانك حققتلى 2 امنية خلاص مش بقيت عاوزة حاجة من الدنيا تانى

ماتقوليش كده ياست البنات .. ربنا يديكى الصحة وطول العمر عشان تعيشى فى التبات والنبات وتجيبيلنا صبيان وبنات .. وبالمرة بقى تقوليلنا طبقتى الدستور بتاعك ازاى وإيه اللى طلعلك فى البخت :rolleyes:

مثلا الست تسافر لوحدها وتترك زوجها بالمنزل وبعدين ترسل مرسال انها ماتت فى حادث شنيع او غريقة فى البحار والجثة لم يعثر عليها بعد

وتستنى بس 3 ايام

3 ايام بس وبعدين تطب عليه هو طبعا اطمئن انها خلاص توكلت على الله وبلا رجعة هنا تبان النوايا

وترجع بعد 3 ايام لو لاقيته ماسك صورتها وبيبكي يبقي والله وفي ويستهال كل خير

لاقيته بغير عفش البيت وبيدهن الشقة يبقي يستاهل

إقرى ورقة الأسئلة كويس يا بدارة ..

أنا سؤالى عن مرحلة الاختيار .. يعنى واحنا بنّقّى من القفص عشان نرمى المعطب والمفعص ونخلينا فى السليم .. إزاى بقى نتأكد من تطبيق المادة السادسة عشر من الدستور ؟

أعتقد لابد من تعديل دستورى فخامتك :rolleyes:

[badroora]

وليه لزوم البنود دي كلها - ده نظام تعجيز ولا إيه بالظبط

طب نرجع كده لحديث الرسول الكريم " إذا جاءكم من ترضون دينه وخلقه فزوجوه " فمرد كل هذه البنود ال99 أو ال990 إلى شيء واحد لو توفر في الزوج لحقق زواجا ناجحا وهو الخلق الكريم - طبعا بالإضافة إلى الدين ..

مش كده ولا إيه

اهلين بالبروفيسور كل سنه وانت طيب

كلامك صح والحديث طبعا هو خير كلام يتم الاختيار على اساسه

واكيد الانسان الخلوق المتدين هتكون صفاته على الاقل 80 % من ال 99 %

واكيد طبعا الامور مش بتتقاس كدا ساعة القدر يعمى البصر :rolleyes: