تهنئه من القلب الى جميع النساء بصدور اول دستور يساعد المرأءة فى اختيار الزوج المثالى !!

[badroora]

اما موضوع انو يمسك الصورة ويعيط عيط عليها يا بدرية فدة اكيد لازم يحصل دة حتى لو مش بيحبها كفاية الايام الى بنهم ... بس للاسف لو شفها ظهرتلو تانى هيرمى عليها اليمين وش ... مفيش كلام

هى مشاعر الرجالة لعبة فى ايديكوا والحريم بتنجرح باقل كلمة ......

يا جماعة احنا بشرررر بردوا

وبجد اهم صفة فى الراجل هى صفة وحدة مش 99 وهى انوا يكون راجل

بس كدة

صح يا قاهرى برافوا عليك ماهو 99 صفة دول لما تلاقيهم فى شخص واحد مش هتحس بكترتهم :rolleyes: لانها هتكون تصرف الطبيعيى ومعنى انه راجل يبقي معناها بيتقي الله وبيراعى ضميره فى بيته وزوجته وباقي الصفات تاتى

وعجبتنى اوى انه يعيط واول مايلاقيها رجعت تانى يرمى عليها اليمين وش :cry1: يعنى كانها كانت اخر فرصة ليها وخلاص بح :rolleyes:

[badroora]

.. وبالمرة بقى تقوليلنا طبقتى الدستور بتاعك ازاى وإيه اللى طلعلك فى البخت

انا فتاه عصرية ولسه بدور واول مالاقيه سوف اعلن عنه للجميع . :rolleyes:

ولكنى ارى ابي الفاضل انها كل مرة الامور بتتعقد ولا ادرى هل العيب فى دستورى ام فى من يطبق عليهم الدستور

استقالية الفتاة وتحملها المسئوليه سلاح ذو حدين

الحد الاول يجعلها قوية ولا تحتاج لاحد لمسنادتها حيث انها خاضت مواقف كثيرة وكانت قد ايه صعبة وتغلبت عليها مما اعطاها اكثر ثقة بالنفس واستقلالية تامة واصبح من الصعب ان تسمح لاحد ان يشاركها حياتها ويفرد سيطرته عليها .

السلاح الثانى

انها لا تقبل بمن هوااقل من مستواها الفكرى قدرته على تحمل المسئولية

وللاسف الموضوع بيتعقد لانه اصبح وكاننا نبحث عن اشخاص مثالية غير موجودة فى عالمنا .

معذرة ابي قد اكون اطللت الرد او خرجت عما قصدته ولكنك بسؤال لمست الجانب المظلم فى او فوقتنى على شيء تناسيته او بتناسيه

ولكن ما يطمنى ان حين يريد الله شيء سوف يكتبه دون الاعتبار لاى دستور غير الدستور الالهى وجايز انا بالهوا والعب ولكن وقتها لست ادرى هل هاعمل قايمة بالمواصفات واوقف الشخص امامى واطمئن بنفسي ولا هاقبل به وببعض العيوب الله اعلم

بس اعتقد ان الامور لا تقاس بدستور :rolleyes:

إقرى ورقة الأسئلة كويس يا بدارة ..

أنا سؤالى عن مرحلة الاختيار .. يعنى واحنا بنّقّى من القفص عشان نرمى المعطب والمفعص ونخلينا فى السليم .. إزاى بقى نتأكد من تطبيق المادة السادسة عشر من الدستور ؟

والله اعتقد ان الصفة دى صعب التاكد منها قبل المعاشرة لانك استحالة هتعرف الشخص بكل عيوبة ومميزاته من القفص لا لازم نفرش ونقلب البضاعة ونشيل ونحط وبعدين نقرر

أعتقد لابد من تعديل دستورى فخامتك

ايدي على كتفك وانا اثق جدا فى قدرة حضرتك على تغير دستورى على الاقل انا بتكلم عن خبرة لن امر بها ولكن حضرتك ابو الخبرة كلها

[أبو محمد]

استقالية الفتاة وتحملها المسئوليه سلاح ذو حدين

الحد الاول يجعلها قوية ولا تحتاج لاحد لمسنادتها حيث انها خاضت مواقف كثيرة وكانت قد ايه صعبة وتغلبت عليها مما اعطاها اكثر ثقة بالنفس واستقلالية تامة واصبح من الصعب ان تسمح لاحد ان يشاركها حياتها ويفرد سيطرته عليها .

السلاح الثانى

انها لا تقبل بمن هوااقل من مستواها الفكرى قدرته على تحمل المسئولية

وللاسف الموضوع بيتعقد لانه اصبح وكاننا نبحث عن اشخاص مثالية غير موجودة فى عالمنا .

الإبنة الفاضلة بدرية

إليك صوت من الجانب الآخر للسور (صوت رجالى يعنى)

الفتاة العصرية المستقلة التى اشتد عودها بعد خوضها للتجارب الحياتية وتغلبها على متاعب المواقف التى مرت بها وخروجها منها أفضل وأقوى مما كانت هى جوهرة .. ولكن فى نفس الوقت ، فإن هذا النوع من الجواهر إما أن يجعل الرجل الذى ستقترن به أسعد رجل فى العالم أو أشقى رجل فى العالم .. وهذا يتوقف على كليهما (الفتاة ومن ستقترن به) وفهم كل منهما للآخر ومقدار ما فهمه كل منهما من تجاربه المستقلة ..

دستورك يمتاز بخفة الدم طبعا .. ولكن فيه من المواد ما لا يمكن أن يجتمع فى شخص واحد .. وهنا مكمن الخطورة .. لا توجد ملائكة تمشى على الأرض .. بل يوجد رجال ونساء من بنى الإنسان .. ولا يكون الأمر سيئا أبدا إذا ما أخذ كل من الطرفين الآخر كما هو (على بعضه) بمحاسنه وعيوبه .. من حقه أن يسعد بتلك المحاسن كما أن عليه أن يتأكد (قبل الاقتران) من أن العيوب ليست من النوع الذى لا يمكن احتماله والتعايش معه

تلك هى سمات العاقلين الناضجين الذين تخطوا مرحلة الطفولة الفكرية والمراهقة الفكرية .. فالأطفال لا يعرفون إلا "الكخ" و "الدح" يريدون كل شئ "دح" .. ويرفضون كل شئ "كخ" .. ولا يدركون ما بينهما .. والمراهقون يعيشون فى عالم من صنع خيالهم يبتعد عن الواقع أو يدنو منه بدرجات متفاوته ولكن ليس هو الواقع .. الأطفال والمراهقون عندهم أى شئ إما أبيض أو أسود ، لا يرون اللون الرمادى مع أنه هو الغالب

ومع ذلك ومع غلبة اللون الرمادى فهناك حقيقة لا بد أن تدركها الفتاة العصرية المستقلة القوية بالذات .. وهى أن بيت الزوجية لا يحتمل رجلين .. عليها أن تحذر من الوقوع فى شرك محاولة القيام بالدورين .. فإذا كانت المرأة تستطيع أن تحتمل وجود امرأة أخرى (مع كل ما فى ذلك من صعوبات) فالرجل لا يطيق رجلا آخر معه فى البيت إلا إذا .. وصدقينى إذا كان الرجل رجلا ناضجا وكما قلتى Broad minded وليس من نوع ال "إلا إذا" فإن "المرأة" العصرية المستقلة القوية ستجعله أسعد رجل فى العالم .. وسيجعل هو المرأة العصرية المستقلة القوية أسعد امرأة فى العالم

[badroora]

الاب الغالى ابو محمد

انا سعيدة جدا بكل كلمة كتبتها لانى حسيت انها كلمات من اب ورجل عنده خبرة فى الحياة ولذلك ليس لدي ما اضيفة على كلام حضرتك بل ولاول مرة فى حياتى اشعر وكأنى اسمع نصائح وكل اللى على ان اهز راسي لاقول حاضر واعجابي بالكلام

ولكن فى وسط كلام حضرتك المهم وجد جملة تعتبر اكثر اهمية وخطورة فى نفس الوقت :

ومع ذلك ومع غلبة اللون الرمادى فهناك حقيقة لا بد أن تدركها الفتاة العصرية المستقلة القوية بالذات .. وهى أن بيت الزوجية لا يحتمل رجلين .. عليها أن تحذر من الوقوع فى شرك محاولة القيام بالدورين ..

كلامك صح ابي الفاضل ولكن المشكلة هنا ليست بحب الفتاه العصرية ان تصبح هى المسيطر على البيت او كلمتها السائدة

انا بحكم انى شخصيتى قوية جدا ومستقلة استقلال تام ولكنى اود ان اقابل مايأخذ المسئولية عن عاقبي او يجعلنى اشعر بالامان واثق فيه وفى عقليته .

المشكلة سيدي ليست فى مين يدير الدفة المشكلة فى العقل المفكر ورائها كل بنت ذو شخصية قوية ومستقلة حين تبحث عن شريك بتكون نفسها تكون مسئولة من حد بس مش اى حد لازم يكون اقوى منها فى كل شيء

حينها تشعر بالامان وتسلم له كل الدفة ويكون هو القائد ولكن هو لازم يثبت انه قادر .

وحاجة كمان ليه مثلا لو الفتاه ربنا كرمها بفرصة احسن ومستقبل منير ممكن يعم على الاسرة كلها ليه الزوج يأخذ الموضوع موضوع كرامة وان المفروض الزوجة هى اللى تتبع ظروفه مش هو اللى يتبع ظروفها

طيب لو الفتاه قطعت شوط كبير فى حياتها ومستقبلها هل من العدل ان تبدا من الصفر لمجرد انها تكون تابع لزوجها وتعطيه اعتباره

ام هو المفروض يكون متفتح ويكمل معاها من حيث بدات ويكمل المشوار معاها ويحققوا احلامهم على اساس انه حلم واحد مش حلم مذكر اقوى ومؤنث تابع ..

[رمضان]

ما تخليكوا واقعيين بقى وبصوا حواليكم

ده العريس في الزمن ده بقى عملة نادرة ولو واحدة جه لها عريس انا بقول لو اهلها بيبقوا طايرين بيه

بلاش احلام العصافير دي والنبي

[أبو محمد]

المشكلة سيدي ليست فى مين يدير الدفة المشكلة فى العقل المفكر ورائها كل بنت ذو شخصية قوية ومستقلة حين تبحث عن شريك بتكون نفسها تكون مسئولة من حد بس مش اى حد لازم يكون اقوى منها فى كل شيء

حينها تشعر بالامان وتسلم له كل الدفة ويكون هو القائد ولكن هو لازم يثبت انه قادر .

وحاجة كمان ليه مثلا لو الفتاه ربنا كرمها بفرصة احسن ومستقبل منير ممكن يعم على الاسرة كلها ليه الزوج يأخذ الموضوع موضوع كرامة وان المفروض الزوجة هى اللى تتبع ظروفه مش هو اللى يتبع ظروفها

طيب لو الفتاه قطعت شوط كبير فى حياتها ومستقبلها هل من العدل ان تبدا من الصفر لمجرد انها تكون تابع لزوجها وتعطيه اعتباره

ام هو المفروض يكون متفتح ويكمل معاها من حيث بدات ويكمل المشوار معاها ويحققوا احلامهم على اساس انه حلم واحد مش حلم مذكر اقوى ومؤنث تابع ..

من ضمن أسباب فشل الزيجات هو اعتبار الزوجين أو أحدهما أنهم نازلين مباراة فى المصارعة يسعى كل منهما فيها إلى الانتصار على الآخر إن لم يكن بتثبيت الأكتاف فبالنقط :lol: ..

بدرية .. ما تتجوزيش إلا إذا كنتى مستعدة .. لا أقصد ماديا أو اجتماعيا (بالوصول إلى ما كنتى تطمحين إليه) .. بل نفسيا وعاطفيا .. بمعنى إننا قبل الزواج نكون كالطائر الطليق نحلق كيفما نشاء ونهبط حيثما نشاء .. وقد نهبط فى مكان نكتشف أنه كان بستانا فنتنقّل بين أزهاره .. وقد نكتشف أنه كان (والعياذ بالله) مقلب زبالة .. ولكن فى النهاية نكون طيورا حرة طليقة لا نأبه بشئ ولا نحمل سوى مسئوليتنا عن أفعالنا المنفردة ونستطيع الإقلاع مرة أخرى وقتما نشاء وإلى حيث نشاء .. نغرد زى ما حنا عاوزين .. سيكا ، صبا .. إنشالله حجاز كاركورد .. أهو فى النهاية تغريد وعزف منفرد

أما إذا فكرنا فى الزواج فلا يصح أن نفكر بنفس عقلية الطائر الطليق .. لابد أن نكون (شبانا وشابات) مستعدين نفسيا للتنازل عن بعض حرياتنا من أجل الشريك الآخر إلى أن نصل "معا" إلى النغمة المشتركة التى نغرد بها .. ما يصحش يبقى أنا باعزف سيكا مرحة وشريكى بيعزف صبا حزين .. الناتج حيكون نشاز يؤذى الآذان

والله يا بدرية ساعات (فى هذا العمر) عندما نرجع بذكرياتنا إلى الوراء لنفكر فى بعض الأزمات التى كادت تعصف بنا ، لا نملك أنفسنا من التساؤل بسخرية أحيانا وبتعجب فى أغلب الأحيان : على إيه كان ذلك التمسك من جانبى أو من جانب شريك الحياة فى الموضوع الفلانى اللى سبب الأزمة الفلانية ؟ .. إيه الهبل ده ؟ .. بقى كان تمسكى برأيى المنفرد أو تمسك شريكى برأيه وقتها حيساوى خسارتنا للى وصلنا إليه الآن "معا" واللى بنحمد ربنا عليه صبح ومسا ؟ ..

الخلاصة يا بدارة أنه عند الإقدام على الزواج نحاول نمرن نفسنا على استخدام الضمير "نحن" أكثر من استعمال الضمير "أنا" ... و"نحن" دى بتعود فى الأول على الخطيبين أو الزوجين وبعد كده بتعود على الزوجين والأولاد

روحى يابدرية يابنت مكاوى ربنا يحبب فيكى خلقه ويديكى السعد زى الرعد :lol: .. دى بقى أحب دعوة إلى قلبى لأنها كانت دعوة أمى الله يرحمها :blink:

[امانى]

الاخت الغاليه بدريه

نورتى المحاورات ونفتقدك كثيرا بينا فى الايام اللى فاتت رنا يوفقك يا رب ونسمع عنك كل خير

متهيألى بعد رد الاستاذ الفاضل ابو محمد لكى لا يوجد كلام تانى يقال واتعشم ان شاء الله ان تجدى الانسان الذى يستحقك وتستحقيه واعلمى يا بدريه

ان نجاح اى زواج لن يكون عن طريق طرف واحد ولكن نجاحها سيكون بتفاهم الطرفين واحترامهم لبعض وايمانهم فى الاول وصدقهم بعد كدة باقى الصفات

الاخرى تاتى عن طريق هذه الصفات الهامة والله الموفق فى الاول والاخر تمنياتى ان تجدى هذا الانسان قريبا ونفرح بيكى يا رب امين يا رب العالمين0

امانى

[badroora]

الاب العزيز ابو محمد بقالى يومين كل مادخل عاوزة ارد مقدرش اكتب اللى عاوزة ااقولة ولكنى اليوم وكلى عزم قررت انى ارد ل 2 سبب

الاول ان اعرض افكارى امام اب ناضج مثلك وممكن مشكلتى تنحل .

والثانى انى فعلا كتير باحس انى قربت او بقيت تقريبا معقدة من موضوع الزواج دا .

روحى يابدرية يابنت مكاوى ربنا يحبب فيكى خلقه ويديكى السعد زى الرعد .. دى بقى أحب دعوة إلى قلبى لأنها كانت دعوة أمى الله يرحمها

ربنا يرحمها يا رب ويجعل مسواها الجنة امين يا رب العالمين . وهذه الدعوة محببة لى ايضا . ربنا يخليك يا رب .

بدرية .. ما تتجوزيش إلا إذا كنتى مستعدة ..

الزواج شرع من شروع الله والهدف منه معروف كما ذكر فى القران والسنه . ومؤمنة بالكلام دا كويس اوى ومقتنعة .

ولكن سؤال دائما يحور فى خاطرى انا عاوزة اتجوز ليه ؟

زمان وانا صغيرة كان نفسي البس فستان ابيض ويتعملى احلى كوشة وفرح واكل شكولاته كتير لوحدى wst:: شكلى كنت محرومة من الشيكولاته)))

كبرت شوية لاء فستان ابه وشيكولاتة ايه مانا اقدر اكل شيكولاتة من غير جواز .

الجواز انك تلاقي حد لما تسهر بالليل لوحدك وخصوصا انى من اللى بيناموا بالنهار ويصحى بالليل ساعتى البيلوجية مختلفة ربانى فكانت دى مشكلة وانا فى بيت اهلى الناس صاحية وانا نايمة وانا صاحية وهما نايمين فقولت لاء لو اتجوزت هيبقي عندى حد ملكى يسهر معايا واتكلم معاه (( وطبعا موضوع يكون لازم ينام عشان عنده اكل عيش الصبح دا مكنش فى دماغى كل همى ان وحيدة ومحتاجة بس حد يسهر معايا ))

بعد كدا تطورت الامور وبقت اكبر واعمق من كدا وبدا يبقي فيه حب والهدف من الزواج هو ان تعيش مع من تحب وبناء اسرة واولاد جمال يعلبوا حواليانا ونكمل شرع الله قبل كل شيء .

طبعا لن اتحدث عن قصص الحب لاننا كلنا اعلم بها ومش كل حب بينتهى بالزواج او بيكون حب اساسا .

بس من هنا تبدأ المشكلة الاساسية انك تبنيى احلام وامال وتخطط لكل شيء وبعدين ارادة الله والقدر يكون مفاجئة غير متوقعة او محسوبة وتخرج من دنيا داخل الدنيا

الى دنيا غريبة وتشعر كانك وحيد وكل شيء غريب عليك وفى النهاية تلاقي نفسك بتحاول تهرب لابعد نقطة وكل ماتبعد تحس انه مش كفاية وتبعد اكتر .

تحاول تختلق افكار حتى تثبت لنفسك انك قوى وتقدر تقف من تانى وتقدر تعيش لوحدك . وبعدين توصل لمرحلة انك تخاف تشرك حد تانى اصل تتغرب على دنيتك من جديد وتعانى من وجع الغربة مرة اخرى .

الى جانب النماذج اللى بنشوفها

واللى تخلينيى بجد ااقول طب انا اتجوز ليه ؟

لما قبل الجواز الحب والحنان وبعد الجواز تعود روتين وحياة راكدة ومحدش يقولى دا فى ايدك اقولك لا دى سنة الحياة ونماذج كتتتتتتتتتتتتتتتتتير قدامى كدا بعد ما اسبوع الفرح ينتهى ويعودوا الى العمل كلا منهما تصبح وكانهم جيران او شخصين مشتركين فقط فى السكن ودى بقي اللى بتقتلنى بجد لما الاقي معظم اصحابي كدا لانى باكون مترقباهم من قبل الزواج وشايفة الطريقة قبل وبعد .

نتجوز ليه لما اتنين كان بينهم عيش وملح وعشرة وولاد ويقفوا فى المحاكم ضد بعض :happy:

نتجوز ليه ولما الاقي كتير من الازواج يتمنون الموت لزوجتهم هاقول لاء انا غير انا هاخلى جوزى اسعد انسان طب وانا ايش درانى الزمن هيكون مخبي لى ايه ؟

نتجوز ليه لما اللى اتجوز من الاساس عشان نفسة يبقي اب او تبقي ام وفى لحظة غضب الكل يتهرب من الاطفال والاب يطلق الزوجة ويترك اطفالة وحالات كتير كدا الزوجة متزوجة من اخر والاب من الاخرى والاولاد يا اما مدارس داخلية يا اما عند الجدة ,,,,؟

نتجوز ليه لما البيه يكون متجوز ومش عجباه حياته وانشغال مراته بالبيت والاولاد وكمان بتشتغل وتساعده ويبحث عن صديقة تفهمه وتعطيه قسط من الوقت وتعوضه الاهتمام المفقود ودى منتشرة اوى .

نتجوز ليه ومعظم الستات والازواج تزوجوا النت خلاص وبقي الزوج يبحث عن شريكة عبر الشات والزوجة ايضا ونقول دا شيء ودا شيء اخر .

نتجوز ليه لما الاقي الست طول النهار خارج بيتها سواء للشغل او مع صديقاتها هروبا من جو البيت العكر ؟؟

نتجوز ليه صديقة لى قالتلى تجربة نفعت نفعت فشلت فشلت ؟؟؟؟؟؟؟؟؟؟؟

نتجوز ليه لما شخص يكون بيحب فتاه ويكون مطلق وتحارب اهلها لانهم رافضين زواجها من مطلق ولكنه يجيى ويقسم انه لا يحبها وانه يحب ابنتهم ويعمل المستحيل عشان يتزوجها وبعد ذلك يبدا يفوق ويقول حرام ممكن ارجعها عشان ابنها يتربي فى حضنى طيب طلقتتها ليه وظلمت معاك واحدة تانية ليه .

انا جواية كتييييييييييييير اوى ابي الفاضل وكل الزيجات اللى لمستها تخلينيى ابعد عن الزواج بل اخاف من مجرد الفكرة نفسها

انا الحمدلله اتمتع بقدر لا بأس به من القوة والايمان وتعودت الفشل فى حاجات كتير ومحاولة النجاح ونجحت قويت نفسي فى اشياء كثيرة ولكنى فهذا الموضوع بالذات حسه انى اضعف من انى انكسر او افشل او حياتى تتطحطم على يد انسان اعطيه الحنان يبادلنى القسوة

اعطيه الامان يقابلنى بالخيانة

اعطيه الاستقرار يعيشنى فى شقاء

اعطية الامل يفقدنى اياه

اعطيه مستقبلي يضيعه

اعطيه حبي يقتل قلبي

اعطية الاهتمام يبادلنى بالفتور

اعطية اولاد يخدهم منى

ابقي له زوجة يجعلنى مطلقة

اكون له ام يبحث هو عن زوجه

اعطيه مفاتيحيى يذلنى

يعرف نقطة ضعفي يمسكنى منها

اعطيه عمرى ينهيه

اعطيه النور فى الحياه يظلم حياتى .

لانى حين اكون زوجه وام مش هاكون نجفة ولا بدرية مكاوى لاء هاكون لقبي زوجة تبحث عن رضاء زوجها ليرضي عنها ربها

تبحث عن من يكون وليها بكل معانى الولاية

تبحث عن من هو الذي يجردها من قل قوتها ويجعلها تخضع له بارادتها وليس اكراها .

ولذلك اعتقد انى لست مستعده لتطحتيم حياتى او اعطاء فرصة لاى شخص ان تسول له نفسه ان يهدمنى ان يشرد اطفالى ان يجعلنى اكرهه واكر الحياه معه ان يدخلنى المحاكم ان يسهرنى على النت بحثا عن شيء يلهينى ,,,,,,,,,,,,,,,,لا

اعتقد انا كدا افضل وكما حثنا الله على الزواج ايضا قال لنا ولا تلقوا بايديكم الى التهلكة .

اسفة على الاطالة ابي ولكنك كنت لى الشعاع المنير الذي اتى الى بيت مظلم وانا تحسست نورك وارد ان اريك كل ظلامى ربما اجد عندك امثلة اكثر اينارة عن امثلتى

والسبب و الاهم انى اغلق كل اذنى والابواب فى وجهه من يحالو ان يتناقش معى فى سبب خوفى من الزواج وعدم اقبالى على الفكره وانا سنى قد يكون اصبح خطر وحرج من وجهة نظر اهلى والعرف السائد فى المجتمع .

ولكنى معك ابي وجدت نفسي اتكلم واعبر دون حتى سؤالك ولكنى احببت المناقشة معك ورايك اكيد يهمنى لانه مبني على نضج فهم خيرة وامانه

تحياتى ابي وسورى لو ارهقتك بدوردى وكل مرة تعاود الرد على .

:sad: نجفة المظلمة

تم تعديل 22 أكتوبر 2007 بواسطة Badria Mekkawy

[badroora]

الاخت الغاليه بدريه

نورتى المحاورات ونفتقدك كثيرا بينا فى الايام اللى فاتت رنا يوفقك يا رب ونسمع عنك كل خيرى

امانى حبيبتي ربنا يخليكيى يا رب ويبارك لك فى حياتك وولادك وزوجك يا رب ويديم عليكى السعادة وهدوء البال

يا احلى امانى :sad: