مصر تطلب رسميا إستعاره رأس نفرتيتي

[نانو]

علي إستحياء مصر تطلب إستعاره ...رأس نفرتيتي من متحف برلين بالمانيا لعرضها في إفتتاح المتحف المصري الجديد

وأكدت مصر علي حسن نيتها باعاده رأس نفرتيتي مره اخري لمتحف برلين بإرسال قطعه أثريه مهمه لعرضها في المانيا

حتي تسترد نفرتيتي ....

حتي أثارنا وتاريخنا اللي مافيهوش فصال ولا نقاش برضه مش قادرين نسترده.....ونستجدي ونستعطف اللصوص علنا علشان نستعير مسروقاتنا....

مش عارفه أضحك ولا أعيط و لا أقول حسبي الله ونعم الوكيل......

الخبر

[DARWEEN]

في كل مرة يذكر فيها موضوع آثارنا بالخارج والتي تم تهريبها على مدى عصور شتى .. لا أستطيع أن أكبت مشاعر غيظ بداخلي تكاد تفجر ضغط دمي لنهاياته

الأحساس بأننا منهوبون وموافقون على النهب

الأحساس بالعجز عن المطالبة بممتلكاتنا

قبلنا بقوانين فرضت علينا من السارق يحدد فيها أن ما سلب من آثار يبل سنة محددة يعد من حق السارق ولا يحق لنا المطالبة إلا بما تم سرقته بعد هذا التاريخ

لك الله يا مصر منهوبة من الخارج ومن الداخل .. وحتى مطالبتنا الخجوله بتعويضات عن ما سلب منا من آثار لم نقوم به لأن أمرنا في يد من لا يهتم إلا بمصالحه الخاص

ملحوظة صغيرة : رأس نفرتيتي تعتبر هي أجمل أثر موجود تاريخيا على الأطلاق

[drhouba]

[quote name='نانو' date='Apr 23 2007, 08:04 AM' post='273819'

مش عارفه أضحك ولا أعيط

أنا شايف إن الضحك أو العياط مش حيجيب نتيجه ..... أنا بأقترح تنظيم يوم قومى نلطم فيه براحتنا على حاجات كتييييييييير من عينة الخبر

ده و بدل ما يداروا على الخيبه التقيله بينشروها و فخورين بيها مش بأقول لكم العياط مش كفايه ... هو خلاص ما عدش فيه دم ؟

و بأقترح تنظيم يوم اللطم اللى حيكون أجازه رسميه سنويا لا لا لا شهريا لا لا لا إسبوعيا

شكل الشعب المصرى كله حيسيب شغله عشان يتفرغ للطم طول النهار .... حد يسكت الناس دى بقى

تم تعديل 23 أبريل 2007 بواسطة drhouba

[Doofy]

===============================================================================

أخوتي الأفاضل

بالنسبالي الخبر مضحك جدا جدا جدا

بالإضافة لأني سعيد برفض متحف برلين لعودة تلك الرأس ..

واللي في الحقيقة عندنا منها كتير والحمد لله يعني كفاية رأس السنة وكل سنة اللي عندنا واللي بقالها ربع قرن ....

خلي الناس تعرف الوزن الحقيقي لمدرسة " مصر مبارك حزب وطني مختلط " على مستوى العالم ...

ولســه ... :rolleyes:

تم تعديل 23 أبريل 2007 بواسطة Doofy

[m_alaaelden]

الخبر صحيح بنسبة 100 % وألمانيا رفضت أن تستعير مصر رأس نفرتيتي

وبنائاً على رد ألمانيا أخذت مصر خطوه أيجابيه وتطالب ألمانيا بشكل رسمي

برأس نفرتيتي

بصراحه أنني معجب جداً بالأخ زاهي حواس حيث أن هذا الرجل يبذل جهود عجيبه

لأعادة الأثار المصريه المسروقه ندعوا الله تعالى أن يوفقه في عمله وينجح ويعيد

أثارنا المنهوبه والمسروقه والتي كانت تُهدى للأجانب في سهرات الخديوي والأمراء والملوك السابقين

[Ghost]

راس ايه و نفرتيتي ايه

طاب ما يطلوبا نفرتيتي كلها مش راسها بس