التدخين ... نصائح للتوقف عنه - هل يوجد نظام يمكن أتباعه؟

[freefreer]

بالمناسبه أنا فى المتوسط كنت أدخن 3 علب يوميا

:nervous: ياااااااه .. دانت مش بس وطنى طحن .. و كمان مدخن طحن ..  :0  :0

[حشيش]

أفضل طريقة للإقلاع عن التدخين هو أن تدمن شيئاً آخر غير السيجارة...الهيروين مثلاً  :xmas:  :xmas:  :xmas:

[dimage]

ادمان طحن

بس يعني يأخ حشيش مش واجب ناخدها بالتدريج ، يعني يأخ حشيش يدمن المدخن ( الحشيش ) الاول وبعدين يبقي يروح للهيروين   ;)

[tiger1411]

شعب يموت فى الضحك :xmas:

واهى قلبت تهريج زى ما بيحصل دايما :D  :D

لكن نصيحه اسمعوا الخطبه التى تثبت ان التدخين حرام

والموجوده فى رد سابق لأحد الاخوه الأعضاء

:colgate:  :alien:  :xmas:  ;)  ;)  ;)

[ragab2]

فنجان شاى مع سيجارتين

مابين العصر والمغرب

[etreby]

أنا شايف أحسن طريقة للاقلاع عن التدخين هو انك تعزل نفسك عن المجتمع و تروح تعيش في الصحراء لمدة سنة كاملة و ترجع تانى و أنت خالى من النيكوتين تماما. أما اذا رجعت للتدخين بعد كده يبقى ثق تماما انه مافيش فايدة فيك و هو ده قدرك.

:colgate:  :bored:  :D  :0  :nervous:

[Spider]

شوف ياسيدي

انا مبطل دلوقتي بقالي 8 شهور

الوصفة الوحيدة المفيدة هي انك تسيبك من كل الوصفات لأنك طول ما انت بتبحث عن بديل يبقى انت بتتمحك ومش عايز تبطل

ابحث اولا عن ارادة الأقلاع داخلك يعني تكون فعلا عايز تبطل وحط تحت فعلا دي 30 خط احمر ولو لم تجد ارادة الأقلاع هذه داخلك يبقى م الآخر ماتحاولش  

السبيل الوحيد انك تقول:مش مدخن تاني وده قراري النهائي وكن حذرا من اول سيجارة تراودك بعد قرارك هذا فهي دائما بداية الأقلاع عن الأقلاع

موافقك يا أخ رجائى 100%

بالفعل هى كلمة وأرادة

وأنا بطلت 3 أشهر متتالية

رجعت تانى

بس فعلا لو فيه حبة تصميم مش حترجع

ثانية واحدة حولع سيجارة وأرجع أكمل

أيوة كنا بنقول أيه

آه

والله بجد مش هزار هى تصميم وتاخد قرار وتنفذه للنهاية مع شغل نفسك بحاجة مفيدة والأبتعاد بقدر الأمكان عن الصديق المدخن ولا تنظر لمن يدخن أشتياقا للسيجارة الى فى يده

والمشكلة خصوصا فى مصر أن كل واحد بيدخن شيشة أو سيجارة بيبق متكيف أوى وينفخ الدخان وهو حاطط منخيره فى السما وكأنه جاب الديب من ديله

لو انت وضعت فى بالك أن كل ده وهم حتبطل وخصوصا لو أنت فى دولة غربية لأن الأسعار نار

ولو عندك أطفال أنصحك ألا تدخن أمامهم

وأن فعلت ذلك لا تلومهم حينما يفعلون نفس الشىء

ومن غير المجدى أن تقول لهم  السجاير دى حاجة وحشة يا حبيبى أوعوا تقربلها

وبعد شوية تشرب سجارة

وأهو كله نفاق

أهم شىء نتقى الله فى أولادنا أذا هنا على أنفسنا

:inlove:

[إبن مصر]

والله مش عارف اقولكم ايه!!!

اخوكم مدمن ... اى نعم مدمن سجائر واصاب باعراض انسحابيه غايه فى العنف اذا توقفت عن التدخين مده تزيد عن 9 ساعات متواصله ... :(

وطوال احد عشر سهرا فى السنه استعد لرمضان ... ولا اتعامل مع احد على الاطلاق فى هذا الشهر الكريم ...

صدرت تعليمات استثنائيه من اجل اخيكم فقط ان اذهب للعمل بعد الافطار اما فى الصباح فلا اذهب على الاطلاق ...

ذهبت الى العدي\ من الاطباء الذين بدأوا بكل ما قلتم وانها عادة وتعود و... الى ان قمت بعمل التحاليل اللازمه ...

وراجعوا حالتى بدايه من الصداع القاتل الى الترجيع والمغص والتهتهه وفقدان القدرة على التركيز والنسيان والتوهان والجنون ..

منذ 12 يناير 1996 وانا استيقظ كل يوم بنيه الاقلاع عن التدخين ...........

ولكنى سرعان ما اشرب ها مره اخرى قبل ان الارتكب جريمه ؟؟؟

جربت كل الطرق بما فيها شرب كمون ملفوف ... ومفيش فايده ....

زوجتى الحبيبه تحدتنى وهى الازهريه حافظه القرأن ووعدتنى بتحملى مهما حدث وانها ستساعدنى .. ولم تتحمل اكثر من 3 ايام ( ملحوظزه هذه اطول مده ابتعدت فيها عن السجائر) وفى النهايه اشترت هى لى السجاير وخيرتنى بين العوده للتدخين او الطلاق  :(

حاولت كل شىء .. الاراده وهذا الكلام ...لم ينفع مع اخوكم ..

اشتركت فى برامج ابحاث عالميه لمحاربه التدخين واخبرونى انى لو رفعت قضيه على شركات التدخين هاكسبها ...

وفى النهايه ...... استقر الامر عندى على اننى لن استطيع ان اتوقف عن التدخين الا وانا عند الكريم فى الاراضى المقدسه ...

فعقدت العزم ان اذهب الى عمره العشر الاواخر من رمضان هذا العام واقضيهم كلهم فى مكه ........

فانا واثق اننى لن استطيع ان اترك الحرم للتدخين .. وكل ما احتاجه هو 7 ايام متواصلين فقط بدون تدخين ..

وانا واثق ان الله سيعيننى ان شاء الله ........ :(

حد يطمنى ويقولى صح

[dimage]

الاخ ابن مصر

برضة انت محتاج لعزيمة

فستجد في ارض الحرم ، كل انواع الدخان

ستجد سجائر من كل حدب وصوب ( حتي السوبر ستجدة هناك )

ستجد شيشة معسل وتفاحة ايشي مصري وايشي بحريني

ستجد انهم يطلقون علي محطات الوقود ( الشيشة ) ، وعندما تجد سائق السيارة يريد ان يمون بنزين يقول لك انا رايح الشيشة ( عندها اوعي تروح معاة )  :D

[إبن مصر]

شكرا اخى ديماج ... هذا هو الاطمئنان الذى كنت فى حاجه اليه ..

الله يطمنك .. هما بيشربوا سجاير فى الحرم؟؟؟

طبعا لا .. لذلك لن اخرج منه الا للنوم ...

صح؟؟؟؟ :(  :(

[watany ta7n]

اليوم الثانى

مشهد

وقفت أشرب القهوة وأدخن السيجارة التى اشتقت إليها طوال اليوم وأردت أن أتبعها بأخرى , ولكن رأيت ما جذب أنتباهى, رجل عجوز يحاول القيام من كرسيه يقع على وجهه ويحاول القيام ولكن يداه لا تتحمله فيسقط مرة أخرى وظل يحاول حتى جاء بعض الشباب ليحملوه ويرجعوه إلى كرسيه.

بالطبع كسرت السيجارة التى بيدى ورميتها وأقسمت ألا أعود إليها أبدا.

بالعكس ما كنت أتوقع لم أحس أى عصبية بعد ذلك بعكس ما كنت عليه عندما حاولت التدرج وتخفيف الكمية.

أساليب أتبعها عند الإحتياج للسجارة

- الأستعاذه بالله من الشيطان

- شرب الماء

- ترك ما افعله من عمل والذهاب لتحضير مشروب أو عصير

- أطلب من صديقى أو أخى أن يعطينى سيجارة ثم أكسرها.

- أخذ قطعه حلوة أو شيكولاته  بشرط عدم الأكثار.

- نط الحبل  والضغط 10 مرات أو أكثر.

هذا أفضل ما وجدته عمليا حتى الأن

الملاحظات

- الأيام الأولى صعبة لأحتياجك للنوم دائما وطبعا لأنك ستمارس فيها الرياضه بكثره وذلك للتخلص من نسبة النيكوتين الموجوده بالدم.

- لقد وضعت لافته على الحائط مكتوب عليها "حفاظا على كرامتك , لا تدخن" لأنى وجدت أن "ممنوع التدخين" تفهم على أن المكان مستعد لأستقبال المدخنين.

- عندما يعطيك أحد الأصدقاء سيجارة اقبلها وأكسرها أمامه فلن ينسى بعد ذلك أنك توقفت عن التدخين.

- يمكن للإنسان أن يعيش بدون سجائر , ولكن لا يستطيع أن يعيش بدون ماء أو طعام. فإذا إحتجت للدخان فالأولى أن تشرب أو تأكل.

- فيه طريقه صعبه أوى وخطر صحيا طبعا لكنها تؤثر وهى أن تلف ورقه عاديه وتشعلها كأنها سيجاره وتحاول تأخذ نفس منها.

- ممكن تعلق صور ناس مصابه بسرطان الشفاه أو صور أعضاء مصابة بالسرطان بسبب التدخين فى غرفتك الخاصه(طبعا لو أنت الوحيد الذى تعيش فيها).أنا أكتفيت بالمشاهده على الكمبيوتر.

- بالطبع يا أخ أبن مصر زيارة بيت الله ورسول الله عليه الصلاة والسلام يمكن أن تغنى الإنسان عن حياته كلها مش عن سيجارة.

- إقامة عهد بينك وبين الله أنك لن تدخن ثانية وبذلك ستصبح السجائر محرمة عليك سواء هى فى الأصل حلال أو مكروهه أو حرام.

[moustafa]

[Byte]

نط الحبل  والضغط 10 مرات أو أكثر.

طب جرب كده تكمل لغاية الف، وأوعدك انك مش هاتشرب سيجارة تاني! :angry2:

[Byte]

انا كنت فاكر الصورة بأعلاه علشان تغيظ الناس اللي بتحاول تبطل زي حالاتي، لغاية ما قرأت العبارة أسفلها :angry2:

[moustafa]

[moustafa]

الأخ حسن

للأسف تم حذف الصورة لأنها لا تليق بالنشر

Edited By ragab2 on Oct. 14 2002 9:49pm

[moustafa]

[White heart]

كنت قد قرأت عن مادة اسمها "بوبروبيون" الفعاله...التى كانت تستخدم فى الولايات المتحدة كمضاد خفيف للاكتئاب .

و منذ سنوات انتجت فرنسا دواء للإقلاع عن التدخين فى صورة أقراص من هذة المادة، هذا العقار يختلف عن العقارات الأخرى التى تحتوى كلها على مادة النيكوتين، حيث يتغلل أثر العقار مباشرة فى مراكز المخ وبالتالى الحد من الأعراض الناجمة عن التوقف عن التدخين

يذكر أن عدد الوفيات بسبب التدخين فى فرنسا وحدها يصل إلى ما يقرب من 60 ألف حالة سنويا...

هل انتشرت هذة المادة أكثر و أكثر فى هذا المجال؟

أم تم اكتشاف بديل لها؟

[Scorpion]

انا دورت علي الموضوع ده و طلعته من الأرشيف لعدة أسباب :

1- و الأهم اني أشيل موضوع الأنتحار اللي موجود بقاله فترة طويلة مش عايز يتزحزح .. احنا دلوقتي عايزين نطلع من حالة الأحباط اللي كانت هتاكلنا...

2- المشاركة مع أبو السيد في الحملة اللي أبتداها في حتة تانية لمكافحة التدخين.. حاكم ساعات بيكون زي القرع يمد لبره ( لاقط يا بتاع الحزب الوطني )...

3. احكي عن تجربتي مع السجاير .. اللي لأكتر من 23 سنة كانت دايما بين شفايفي.. لحد ما في يوم عيل مفعوص كان عنده ساعتها حوالي 5 سنين قاللي بكل قرف.. بابا ماتبوسنيش.. ريحة بقك وحشة.. العبدلله بلم.. و رميت العلبة كلها في الزبالة.. و من ساعتها و لا عقب و لا حتي تخميسة...

بس خلاص...

اوعوا ترجعولنا موضوع الأنتحار تاني...

[ragab2]

أعتذر

عن المداخلة فى هذا الموضوع

وأكتفى بالقراءة فقط

لأنى للأسف مازلت من المدخنين