لأقوياء الملاحظة..بالذات - قائمة "الأسبوع" للمقاطعة

[Sherief AbdelWahab]

http://www.elosboa.co.uk/elosboa/issues/270/0903.asp

هذه هي القائمة التي نشرتها صحيفة الأسبوع أمس للشركات التي ترى أنه ينبغي علينا مقاطعتها..

لأقوياء الملاحظة بالذات..ألا تلاحظون أن القائمة لم تضم أسماء شركات بعينها؟

في انتظار ملاحظاتكم..

خلص الكلام

[الأفوكاتو]

رغم انى لست قوى الملاحظة, يمكن القول أن العامل المشترك فى هذه القائمة هو:

أغلب السلع التى تنتجها هذه الشركات هى سلع إستهلاكية.

و معظم هذه السلع لها بديل فى مصر, كما أن بعضها إستفزازى.

أما ملحوظتى الخاصة, فهى أن المقاطعة لشركات الأطعمة, هى خير حماية لصحة المصريين, من السمنة, و التخمة.

[Byte]

ولا شركة سيارات واحدة؟

[متسائل]

نوكيا شركة فنلندية و ليست أمريكية. و هو ذكر ذلك.. و لكن هل يعني هذا أن منافسو نوكيا سيكونون سعداء بهذه القائمة؟

[الصاوى]

رغم وجود كلا من أى بى إم وإنتل فى القائمة

لكنه لا أثر لمايكروسوفت ، غريبة مش كده ؟!!!!

هى مش مايكروسوفت بتدعم اسرائيل برضه !!!!

واذا قاطعنا أى بى ام وانتل ومايكروسوفت وحتى ماكينتوش اللى وقعت من القائمة معناها نرجع نستخدم عداد أباكوس ، وننتظر لما ربنا يفرجها ويطلع فينا واحد عبقرينو زمانه يخترعلنا حاسوب عربى 100%

طيب ما كان بالمرة يكتب طائرات البوينج ، أهو على الأقل مش كل سنة تقع لنا واحدة

وبعدين فين حبوب الخضار والفاكهة المسرطنه اللى بنستوردها من اسرائيل

والقمح اللى بنستورده من امريكا

لأ شوف دى بقى

أجهزة تكييف وتبريد باور، جيبسون، تراين، كاريير، جنرال : أمال الناس حتتكيف ازاى

وكمان ال سى ان ان : طيب ونعرف الاخبار الغير مفبركه منين ، اصلهم ماسابوش خبر حتى شعبان عبد الرحيم وأغانيه الجديده ، ودى حانقاطعها ازاى ، نسد آذاننا ولا نغمض اعيننا

البطاريات الجافة ماركات انرجايزر، ديوراسل، افريدي : هو فى بديل غيرهم فى مصر ؟

استنى استنى

فين اريال ده حتى اسمه اول حاجه تخطر على البال واعلاناته طول النهار هــو هــو ...