هل صحيح المصرى سئ الطباع فى الغربه ....؟؟؟؟؟ و ليه

[spddesh]

السلام عليكم ........... أرجو أن تسمحوا لى بمشاركتكم بأرائكم وخبراتكم البناءه فى هذا الموضوع

فقد خضت تجربة الغربه أكثر من مره .......... بمفردى ... angl:: .... وبمشاركة مصريين أحيانا :angry:

وبمفردى مع التعرف على مغتربين مصريين أو عرب أحيانا أخرى :)

توصلت لبعض النتائج قد أكون مخطئ أو مصيب فيها ........ ولكن قبل أن أسردها عليكم ........أريد أن أستمع لخبراتكم وأرائكم .......... ولكم جزيل الشكر

[yasovinas]

من واقع غربة دامت اكثر من 17 عام؛؛ المصري المغترب يبذل قصارى جهده لاثبات نفسه وفي حال وجود عائد او مردود لعمله فانه ينجز ويبدع ويبتكر ؛؛؛؛

المصري في الغربة "وحسب بيئته وتربيته في مصر " تجده في الغالب مُقبٍل على الحياة ؛وعلى مد يد المساعده لاخوانه {قدر المستطاع } وفي حدود امكانياته ؛؛؛؛ و بحيث لا يتأثر وضعه الوظيفي او المادي !!!!

المصري في الخارج شخص مطيع و مثالي في تنفيذ القواعد والقوانين سواء في العمل او في الحياة العامه كالنظافة واتباع قوانين المرور او السير

وكالعادة {فان لكل قاعده شواز}

[Abdulaziz Omar]

ااااااااااااااااااااااااااااااااااسف يااخ Yasso اختلف معك

نحن كمصريين فينا الكثير من العيوب التي تظهر اكثر ما تظهر في الغربه

اقول هذا بعد تجربة سنوات من العمل في بلاد عربية وغير عربية و مع كافة الجنسيات

لااقول اننا من اسوا الشعوب ولكننا لسنا من افضلها

نعم هناك نمازج رائعة ولكن يقابلها نمازج بالغة السوء

الموضوع طوييييييييييييييييييييييييييل لا يمكن اختصاره هنا

[badroora]

ايه الميثالية دى يا عم ياسو

طيب انا اول اسبوع لى فى الغربة قبل مافضي شنطى كنت باحضرهم عشان انزل مصر من اصحابي المصريين اللى اعرفهم بقالى 8 سنين اينعم مش كنا اصحاب قوى بس قولت جايز الغربة تقربنا من بعض ونبقي اهل بعض

سيدي انا قعدت 6 شهور واصحابي شغالين معايا فى نفس المكان ومش كنا بنكلم بعض

انا بصراحة اللى لاقيته ان الغريب بقلاقية فى الغربة احسن من اللى من بلدك

وبالعكس يو ما باعى بلاقي الاجانب للاسف هما اللى بيقفوا جنبي ولما يحصل لى شيء كويس هما اول المهنئين

الغربة مدرسة كبيرة وبتخليك تعرف الناس على حقيقتهم

بس طبعا معظم كلام ياسو صح انك ممكن تلاقي ناس كويس بس لو انت مش بتشتغل معاه فى نفس المكان لانه بيبقي بيبصلك فى كل شيء وينحسر والحقد يملى قلبة لو اخدت منصب ولا زدت عن مرتبة

والمثل بيقول اللى عاوز يعرف حد يعرفة فى الغربة

بس انا عن نفسي مش بشكر فى نفسي والله بس دى حقيقة ربنا يحسبنى عليها

انى لما حد مصري بيجى باهتم بيه وبساعده على قد ماقدر لانى عنيت لما جيت وبعد مرور الوقت اللى مدتله ايدك فى الاول بيبقي عامل زى المثل اللى بيقول

تمديلة صباع يشد الدراع وبعد كدا يديك قفاه سورى

بس اكيد فى نماذج كويسة ومشرفة رافعة راية بلادها زى كدا :unsure:

تم تعديل 25 أبريل 2007 بواسطة نجفة المغرورة

[spddesh]

عزيزتى نجفه ...... واللهى لقد لخصتى ما فى خاطرى بكلماتك ولن أضيف عليها حتى لا أفسر الماء بالماء وشكرا جزيلا

مع نصيحه صغيره ....... أعمل الخير ....... وأرميه البحر ........ إن شاء الله هيرجع لك تانى .... إمضاء ( المصرى )

ملحوظه .... كل ما سبق .... كان تعليق أحد أصدقائى فى الغربه .......... بعد قرائته لتعليقاتكم السابقه ... بس لأمانة الحوار

[رمضان]

ارجو من الادارة نقل الموضوع الى باب المغتربين

[darlengs]

الحقيقه انا مبقاليش كتير في الغربه و دائره معارفي لسا محدوده لكن من خلال الناس اللي تعرفت بيهم اقدر اقول ان الواحد لما بيسافر مش بياخد معاه اغراضه و لوازمه و بس 00 لأ دا بيسافر و شايل معاه محصله اخلاقيات عمره اللي اتربي عليها و اصبحت جزء منه 00 الاخلاق الي كان بيتعامل بيها في بلده 00 يعني صاحب المبادي و الاخلاق الجميله بيتصرف علي هذا الاساس و 00 الجدع الشهم قبل السفر بيفضل كدا وبيبان علي تصرفاته 000 لكن لو كان في بلده كذاب او مرتشي او بلا ضمير 00 ندل او ميهموش الا نفسه 00 بيسافر و بيفضل سلوكه كدا 00 الغربه مش عامل في تغيير سلوكيات الانسان 00

[Abdulaziz Omar]

صحيح يااخ Darlengs بس الاخلاقيات موش شخصية بس.....فيه اخلاقيات شبه عامة فرضها المجتمع بعيوبه وللاسف بتظهر في غالبية المصريين في الغربة

[yasovinas]

طيب انا عايز كل واحد فينا واظن ان اغلبنا متغربين يفتكر هو كام مرة قدم مساعدة لابن بلده هنا في الغربة - في حدود امكانياته - وبرضه افتكر كام واحد قدم لك مساعده - في حدود امكانياته - انا شخصيا مريت بمواقف كتير سيئة وكان ابطالها في الغالب مصريين واظن ان في موضوع هنا لي من سنة 2004 حول نفس الموضوع لكن ايضا مريت وقابلت الكثير من النمازج الممتازة - المشكلة ان الاساءة بتكون جارحه ومؤلمه فمن الصعب نسيانها - اختلف مع الشباب اللي بيقولوا ان الانسان بيسافر ومعاه طباعه واخلاقياته جايز يكون دا صحيح بالنسبة للاخلاقيات الشخصية اللى اتربى عليها داخل بيته وعائلته او اللي اتخلق بيها مثل الحسد والحقد وخفة الدم والمحبة للناس اما اخلاقيات الشارع والعمل فهي امر يكتسب حسب الظروف والمناخ المحيط

هنا مثلا في الامارات واظن الحال في اوروبا كمان الشوارع نظيفة وهناك تشديد على منع رمي القمامه او اي مخلفات في الشارع

فسوف تجد هريدي وعثمان وعبد الصمد وعمر وهاني وكووولهم مصريين ملتزمين ومش بيرموا ولا بيخافوا القوانين

نفس هريدي وعبد الصمد وهاني وكووول المصريين نفسهم لو نزلوا مصر وطالت الفترة هناك هتلاقيهم تخلقوا باخلاقيات الشارع المصري وارمي يا عم ولا يهمك وخالف يا سيدي و؛؛؛؛ خليها على الله و ؛؛؛؛؛؛؛؛معلش

يعني الاخلاقيات والبيئة هي شيء معدي وقابل للتغيير حسب تغير الظروف والمناخ

تحياتي

[se_ Elsyed]

الموضوع ده إتناقش 7400 في المنتدى وكل الأراء اللي الواحد سمعها بتؤكد إن جميع المشتركين مصريين ... وإنهم طيبين وجميعهم حصلت لهم مواقف مع مصريين شريرين

طب لما الفيلم كله فتوات يبقى مين اللي هاينضرب ؟

يعني لما كلنا مصريين وكلنا طيبين اومال مين الأشرار ؟

قصدي يعني هما المصريين الأشرار برضوا ماعندهمش إنترنت وبيدخلوا على منتديات ؟

وليه ما بنسمعش صوتهم ونشوف حد بيقول : إسكتوا يا عيال .. أما انا ضربت واحد زومبه وطيرته من وظيفته .. أو أستلفت فلوس من واحد وضرب عليها العواف ....

يا جماعة الخير الإنطباعات الاولى تدوم ..

لو حضرتك نازل بلد جديدة وراحت رجلك واقعة في بلاعة هاتقول إن البلد دي زبالة ..

ولو حظك جه في جنينة حلوه وورد وياسمين وحلويات رايحه جايه .. يبقى هاتقول إنك وقعت في الجنة ...

إحنا ما نعرفش ظروف الناس الل بتشتكي من إنهم عاشوا او شافوا مصريين سيئين إيه .. يمكن يكونوا شافوا ناس ماتربوش أصلاً ... يبقى ما تجيش تلصقها وتعممها على كل المصريين المغتربين ..

لإن المصري المغترب فيه مجدي يعقوب وذهني فراج وفاروق الباز وأحمد زويل وأحمد سين سين :lol: ... وفيهم إنت كمان يا عزيزي المشتكي والذي تريد أن تُعمم تلك الصفات القبيحة علينا ..

وبعدين يا أخي الكريم إنظر حولك كده بشكل عشوائي على اي جنسية خلقها ربنا . أليس هم بني أدميين برضوا من لحم ودم وفيهم الطيب والشرس والقبيح ؟

وأرجو أن أُذكر الجميع بقول السيد المسيح " قبل أن تنظر للقشة التي في عين أخيك .. حاول ان تنظر للعود الذي في عينك "

يعني أدخل الحمام وأقف قدام المرايا وشوف نفسك .. لو لقيت نفسك مصري حليوه ومتدلع وبتساعد الصغير والكبير وإيجابي ولا تسكت على الظلم ومجتهد ومحبوب من الجميع .. يبقى المصريين كلهم حلو ين

أما لو المرايا اظهرت لك عكس ذلك يبقى لا تلوم المرايا ولوم نفسك ....

تحيات مصري مغترب بيتعامل مع مصريين يفتخر بهم اي إنسان في الوجود

[spddesh]

أعتذر بشدة للأخ رمضان على وجود هذا الحوار فى قسم مخالف

وهذا يرجع كما لاحظت لحداثة مشاركاتى معكم ........ وهذا أول موضوع أطرحه للحوار

وأسف مره أخرى لجميع الأعضاء ......

نجفه ....... أنا مبسوط انك تحولتى لفريق الواقعيه فى تقييم الأمور

المصرى ... هاتفضل مصرى النيل رواك والخير جواك

دارلنج ..... انت لسه مشوفتش الغربه لما بتطول بتعمل أيه فى الواحد

عبد العزيز ..... ارجو التوضيح هل هما المصريين بس اللى بيتغيروا بسبب عيوب المجتمع ولا كل الجنسيات المغتربه الأخرى

ياسو ....... معاك حق بس أعتقد احنا ممكن من خلال حوارنا ده نوجه رساله لنفسنا ولكل من يشاركنا الحوار .... بضرورة التغيير والأحساس بالمسئولية خصوصا نحو أخواننا وأخواتنا اللى لسه بيبدأوا مشوار الغربه ........ بالتأكيد لازم يكون لهم علينا حق النصيحه والتوجيه والنجده وقت الأزمه وأنا هأبدأ بنفسى .... و هأنسى إساءة اللى كانوا قبلى و اتعاملت معاهم فى أول المشوار ....... ومش بالضروره إنى أسقى اللى لسه واصل من نفس الكاس اللى كرهته ......... وربنا المستعان

سى السيد ...... رغم تهكمك الغريب على التعليقات ( وللعلم أنا كنت بأكتب تعليقاتى السابقه أثناء قيام حضرتك بنقل الموضوع ) و أسلوبك فى الحوار اللى المفروض يكون قدوه بصفتك مشرف من مشرفين المنتدى .......... إلا إنى كما ذكرت ما أخدتش ( زومبه ولا حاجه ) على حد تعبيرك و إعتزازى بمصريتى ما يقلش عن باقى الأعضاء المحترمه

ولكن تناول الحوار بجديه كما هو واضح ومؤشر المشاركه يؤيد كلامى حتى لو للمره العشرة ألاف فده أكيد هايفيد مش هايضر و هايبنى مش هايهد

فعلى رسلك وتمهل فى الحكم على الأخرين ........... علشان نسعد بالتواجد فى منتدى يشرف المصريين كلهم أنه يحمل أسمهم

[نانو]

انا رأيي ان المصري في الغربه بيتجرد من كل الوشوش و الاقنعه اللي ممكن يتحلي بيها وهو في بلده....لانه غالبا معظم المصريين

بيسافروا لهدف و هو تكوين مبلغ من المال يعينهم علي المعيشه عند العوده بعد فتره معينه و بالتالي الطباع الحقيقه

بتبان و ساعتها بيبيح لنفسه كل السبل و الطرق للوصول لهدفه ...و ممكن يدوس علي صاحبه وعلي الوفاء والاخلاص و الاخوه

وهنا بنتوجع من اعز اصحاب او اللي كنا بنفتكرهم اصحاب...و بدون ما ادور علي عذر للشخصيه ديه ...الا اني اعتقد ان التصرف

ده بيكون نابع من عدم الامان اللي بيحس بيه الشخص ده نتيجه احساسه انه ممكن يرجع في لحظه لبلده او يستغني عنه صاحب الشغل في ثانيه ....فبيغمي عينيه عن كل المبادئ و بيمشي زي القطر يدوس علي كل اللي في سكته لغايه ما يوصل للهدف

و برضه ممكن نلاقي حوالينا اصحاب و قريبين اوي اكتر مما نتخيل

انا عن نفسي قابلت في الغربه صديقه وحقيقي اكتشفت انها صديقه عمر ...عمري ما حلمت اني اقابلها ...لكن الحمد لله حصل ....مش كل اللي في الغربه وحش ...زي ما كله مش حلو

[darlengs]

علفكرا يا جماعه انا اخت مش أخ - لكن ما علينا - اخلاق الانسان مبتتجزأش في عمله او خارج عمله 00في غربته او في بلده 00 سلوكياته مش بتتحدد حسب ازدراء المجتمع ليها او سماحه بعملها علي انها عرف سائد فرمي القمامه عمل غير مقبول مش لمجرد ان القانون بيجرمه لكن لانه خطا00 و سلوك قبيح 00و السماح برميها غير مبرر لو دا العرف السائد في اي بلد00 و ليه البعض بيفترض ان الواحد بيركب قناع في بلده و بيخلعه لما يخرج منها انتو ليه بتتخيلو ان الانسان بمجرد خروجه من الحدود المصريه تحول الي شخص اخر ممكن يكون ندل أو اناني 00 اخلاق الانسان مش بتتغير بتغير اهدافه 0000في كل مكان المخلص و الشهم اللص و عديم الضميرسواء داخل مصر او بلخارج 00

[drhouba]

لإن المصري المغترب فيه مجدي يعقوب وذنهي فراج وفاروق الباز وأحمد زويل وأحمد سين سين :lol: ...

كده برضه يا سين تفتكر كل الفطاحل دول و تنسانى و الله ما كانش العشم

[badroora]

الفاضل س س

مع احترام الشديد لراي حضرتك فى الموضوع الذى يناقش هنا انه

س س قال الموضوع دا اتناقش هنا 7400 مرة ؟؟؟

هذا لا يعنى لو اى حد من الاخوة ضاق صدرة وشعر بمرارة جواه وحب يفضفض ويجمع اراء الناس لكي يخفف معناته وهل هو الشخص الوحيد الذى يعانى من ولاد بلدة فى الغربة ام انه شخص سيء الحظ وهو الوحيد اللى صادف ناس مش كويس ...

اذن فلابد ان نتناول كل موضوع على قدر من الاهمية والموضوعية .. وجايز الحائر يجد ضالته فى معنا ونستطيع رفع معناته بطريق غير مباشر

بالطبع كل المصريين مش اشرار )ولكن هذا لا يمنع ان فينا البراوى وقليل الاصل...

وزى ماحضرتك قولت فى ناس من جنسيات تانية بردة فيهم الوحش والحلو عندك حق بس لو عمالنا مقارنا وشوفنا مين اوحش ناس فى بعض للاسف هتلاقي نسبة المصريين اكتر بينهم الجنسيات التانية بيطبقوا المثل بتاعنا اللى احنا بنتمنظر بيه بس ومش بنطبقة للاسف انا وبن عمى عالغريب هما فعلا كدا ممكن يكونوا مش بيحبوا بعض بس معظمهم استحالة يتكلم او يضر بن بلدة مع جنسية تانية ..

موضوع المراية وشوف نفسك فيها حليوة ولا لاء انا هاعتبره مزحة لانه ليس له معنى ولا علاقة بكونك بتساعد الناس ولا لاء ومخلص ولا لا ...... تحياتى نجفة

نانو' date='Apr 25 2007, 06:14 PM' post='274372']

الغالية او الحاجة نانو (( well done u got the point ))

انا احييكى يا نانو على رايك الواقعى فعلا يا نانو انتى لمستي الموضوع بعمق وزى قولنا فى اللغة العامية حطيتي ايدك عالجرح

احييك مرة اخر..... نجفة

Darlings

انتى بنت ب10 رجالة ولا تزعلى

عزيزتى انا اتفق معكى فى الراى بس مش 100%

الاصيل اصيل والخسيس خسيس

المثل بيقول

الصديق كالعملة لا تعرفها الا بالتعامل فى بلدنا مش بنركز اوى فى الناس لانك بعد شغلك بتروحى بيتك مع اهلك بيبقي ليكي عالمك الخاص

اما الغربة انت من( Home sick) بتحاولى تعمقى علاقاتك مع الناس اللى عمرك مفكرتى تصحبيهم فى مصر لانك محتاجة تكونى مجتمع تانى يعوضك نوعا ما عن الاحساس بالغربة والمحزن حين تجدى صد الاخرين وترجعى محبطة

تعرفى عزيزتى انا علاقتى بدأت باصحابي تبقي كويسة امتى بعد موقفت على رجلى ورتبت امورى واستقريت نفسيا وكل شيء علاقتى بيهم بقت كويسة لانى حددتها كويس وحسبتها صح

انا مقدرش اعيش بدون ناس ومقدرش يجي العيد واعيد لوحدى انا محتاجة لوجودهم فى حياتى فعشان احقق دا جردت علاقاتى بيهم من كل ارتباطات او مصالح

يعنى بقيت خفيفة خفيفة لا واحدة ولا واحد نازل اشيالة شنطة ولا استلف فلوس من حد لو احتجت ولا لما عربتي تعطل استنى منهم توصلية

....الخ فطول مافيش مصالح تلاقي الناس كويسة وتضحك فى وشك ويعرضوا خدماتهم وهما واثقين تماما انك مش هتقبليها

بس هذا لا يمنع وجود ناس محترمة وبتخدم من القلب بس اللى اقصدة انك لما تقابلي حد مش كويس علمى عليه علامة وسيبيه والكويس اتمسكى به بس (dn't abuse them )

تحياتى لكى

sppidsh

انا فخورة بيك اوى :lol: عشان شكرت فيا :lol:

ملحوظة صغيرة لاستاذ س س

الوحشين او اللى احنا نقصدهم هنا مش بيرودوا لانهم مش حاسين انهن وحشين او اقلوا باصلهم هما فاهمين ومقتنعين انهم صح ومش معترفين بانهم مش ولاد بلد والعكس تلاقيهم يساعدوا ناس مش من جنسيتهم عن قلب وباستماته كمان وهنا المحزن فعلا ويسلام لما تلاقية يشتكى منك لجنسية اخرى ياريت حضرتك تبعتلهم مرأة الحقيقة عشان بدل مالحلو يشوف حلاوته اللى ممكن بيها يبقي مغرور

فاولى الوحش يشوف وحشته وندالته عشان ينكسف من نفسه ويغير من طباعة ويبقي كسبت فيه صواب واعتقد هما دول اللى محتاجين لمراءه تعكس فيها اعمالهم وليس اشكالهم فلو حضرتك عندك المراءة التى تعكس الاعمال السيئه يا ريت لا تتردد فى امدادهم بها وربنا يكرمك ان شاء الله

تحياتى

المغرورة

تم تعديل 25 أبريل 2007 بواسطة نجفة المغرورة

[Abdulaziz Omar]

اااااااااااااسف جداا يا اختي الكريمة darlengs

ماكنتش عارف انك اخت مش اخ

عمر

تم تعديل 25 أبريل 2007 بواسطة Abdulaziz Omar

[Abdulaziz Omar]

الاخ الكريمsppdesh

المجتمعات المحكومة بحكم استبدادي تسود فيها اخلاقيات معينة ستجدها قاسم مشترك في اهل كل الدول المحكومة بحكم قمعي

واضح ان بعض الاخوة ياخذ الموضوع بحساسية........انا لايعنيني الدخول في سجال مع احد

من يري ان المصريين في الغربة مافيش احسن من كده هو حر في رايه.......ده شئ يشرفنا جميعا

ودي اخر مداخلة لي في هذا الموضوع

عمر

[aimen]

صحيح انا عمرى 30 سنة ( على عيد العمال القادم ) لكن شفت كثير وسمعت اكثر عن حبايبنا المصريين ...فى الغربة ....اقولكم عن الأخ اللى كل يوم بيذل اخوه انه هو سبب نعمته وان المفروض يبوس رجله كل يوم ...و لا اقولكم عن ميدو ...وميدو هذا مصرى يفترض انه مطوع ....بيستخدم كل طريقة لكى يستحل تعبك ويستنزفك ...ولا اقولكم عن الأخ المستثمر المصرى الغضنفر ...اللى مشارك فى اكاديمية مشهورة فى الرياض وعما يفعله بالمصريين ...تخيل لو انت ومراتك فى شغل والمدام اتفصلت تتفصل سيادتك كمان ...ولا اقولكم عن الأخ محمد وقصته مع ابو محمد وازاى عيش اسرة كاملة الهم والغم وفضحهم بدون سبب ولا اقولكم عن ناس كل اللى شاغلها ...هو ايمن راتبه كام ؟ يا ترى بيعمل ايه ؟ هو معاه كام ؟ يا نهار تخيل الراجل ده بيعزم ناس فى رمضان ...تخيل مصاريفه مش معقوله دا حرامى ...ولا اقولكم بصراحه احسن حاجه فى الغربة انك تكون حريص جدا فى علاقاتك وما تكون مفتوح على كل الناس ....عارف ان الغربة مرة وكمان صعبة ..بس الوحدة ارحم من الصدمة فى ناس يفترض انهم ناس وبنى ادمين... فى النهاية يمكن احسن كلمة رد بها على واحد لما لاقانى باغلى من الناس

اعمل الخير حتى لو لم يكن فى اهله فإن لم يكونوا اهل له فانت اهله ...

[ليلوقطر]

والله انا ربنا سبب لى الأسباب فى سفرى عن طريق زميل مصرى ومن ساعدنى فى عملى فى بدايته مصرى واعيش مع مجموعة من المصريين وانا مصرى والمشاكل بيننا مشاكل مصرية و بنحلها على الطراز المصرى وربنا يستر عليك يا مصرى من الأخ المصرى اال مش عجبة تصرفات المصريين...غريبة منتكلم على الجنسيات الأخرى وطبيعتهم المنيله ونرحم نفسنا من التحليل للشخصية المصرية شويه...لأنها متحلله خلقة وجايز ده يساعد على نسيان الفكره المهببة ال خدناها عن بعض ويحضر الخال الطيب عند المصريين المغتربيين مع بعض زى ما بيقول الفلاحيين المصريين الطيبيين..وربنا يهون عليهم غربتهم هما وعيالهم ويعملوا القرشين و يرجعوا بالسلامة..والله لسنا بهذا السوء لكن مفيش مانع ان نذكر سلبياتنا ونحاول نوجد لها حل ...وعامة اول حل فى الأ نذكر عيوب ويا رب اقدر اعمل كده معاكم..نبطل نتكلم على بعض لو سمحتم

[badroora]

والله انا ربنا سبب لى الأسباب فى سفرى عن طريق زميل مصرى ومن ساعدنى فى عملى فى بدايته مصرى واعيش مع مجموعة من المصريين وانا مصرى والمشاكل بيننا مشاكل مصرية و بنحلها على الطراز المصرى وربنا يستر عليك يا مصرى من الأخ المصرى اال مش عجبة تصرفات المصريين...غريبة منتكلم على الجنسيات الأخرى وطبيعتهم المنيله ونرحم نفسنا من التحليل للشخصية المصرية شويه...لأنها متحلله خلقة وجايز ده يساعد على نسيان الفكره المهببة ال خدناها عن بعض ويحضر الخال الطيب عند المصريين المغتربيين مع بعض زى ما بيقول الفلاحيين المصريين الطيبيين..وربنا يهون عليهم غربتهم هما وعيالهم ويعملوا القرشين و يرجعوا بالسلامة..والله لسنا بهذا السوء لكن مفيش مانع ان نذكر سلبياتنا ونحاول نوجد لها حل ...وعامة اول حل فى الأ نذكر عيوب ويا رب اقدر اعمل كده معاكم..نبطل نتكلم على بعض لو سمحتم

:lol: طيب لما نبطل نتكلم على بعض هنتكلم على مين مش كدا احسن مانشيل ذنوب ناس غرباء

طيب يلا شوف لنا حد ننم عليه ونسيب المصريين فى حالهم

يا عزيزى احنا هنا بنفضض بدل مانطق ولما نشكى بلاووينا لبعض على الاقل احنا مننا فينا مافيش غريب

احسن ماتروح تشكى لحد غريب يشمت فيك

يا سيدي سيب الناس تفضفض

فضفضوا يا عيال محدش اخد منها حاجة

مع احترامى الشديد لرائيك وحرصك على سمعتنا

تحياتى

نجفة