هل صحيح المصرى سئ الطباع فى الغربه ....؟؟؟؟؟ و ليه

[زعلان]

لم يحصل لي ان احتككت بمصرين في العمل بصورة مباشرة و فعليه ......... اغلب الجنسيات التي اعمل معها 95% فما يواجهني من مشاكل ومضايقات في مجال عملي هي من غير العرب لا انكر اني استمعت لشكاوي أصدقاء و معارف من مصرين وعرب وغير عرب في عملهم او جيرانهم لكن عندما تصدر المضايقة من مصري او عربي فأن وقعها لا شك أقوى واكثر ايلاما خاصة عندما تكون المضايقات مجرد اكاذيب مختلقة من جانب اشخاص لا شك انهم غير محترمين بل وصلت المضايقات ان تقوم سيدة يفترض انها فاضلة كبيرة بمسك مسمار وكحت سيارة زميلتها المصرية الشابة في العمل ويعترف عليها السيكورتي الواقف في الباركينج الا ان الشابة تفوض امرها الى الله شيء مخزي ..... أنا شخصيا ما اوجهه من مضاياقات او مشاكل فهو صادر من بريطانين و جنوب افريقين بيض بعيد عن العرب و المصرين تماما و معارفي و اصدقائي من المصريين لم اواجه معهم مشاكل

[se_ Elsyed]

الزملاء الأفاضل اللي إنتقدوا كلمتي لما قلت إن الموضوع إتناقش 7400 مرة .. في خضم حماسهم ما أخدوش بالهم من حاجه مهمه جداً بدأت من العنوان

هل صحيح المصرى سئ الطباع فى الغربه ....؟؟؟؟؟ و ليه

يعني تهمة سوء الطباع ألتصقت بسبعين مليون مصري ...منهم حوالي 7 مليون مغترب

وهو كده الكل يا يتحط في مركب واحده يا بلاش ..

وأيوه كده لما الإخوة الذين نعتز بهم معنا في المنتدى وهم من غير الجنسية المصرية على الأقل يقرأوا موضوع زي ده كل شهر .. يبقى هايقولوا إن المصريين دول ونعم الأخلاق والله ..

وكذلك الزوار الذين يقننون علاقتهم بالمنتدى عن طريق القراءة أثناء الزيارة فقط ....

وكأن المصري ده مخلوق من نار الحميم أو يعيش في جهنم ...

يا جماعة لو سمحتم اللي عايز يناقش قضايا سلوكية وإنطباعات عامة زي دي ياريت لا يُعمم إنما يذكر إستثناءات .. وبالمرة بقى لو ذكر لنا وجوه مشرقة شافها في الغربة ..

وإسمحوا لي أكرر إن لو أي اخ مغترب مصري - ونحط تحت دي 100 خط - شايف إن جميع المصريين اللي حواليه أشرار وحسبنا الله ونعم الوكيل عليهم ... يبقى يروح يغير المرايا اللي مبينه له وجهه ملائكي وأخر جمال ... أما الأخرين فهم شياطين وأخر شر ..

لن أنسى موضوع أُثير هنا بنفس المضمون وكان من حوالي 3 سنوات تقريباً من أخ مصري برضوا وفيه قال " أنا اتخذت قرار إني لا أُصاحب ولا أحتك بأي مصري مهما كان " فما كان مني شخصياً إلا أن رديت عليه وقلت له : إذاً فلماذا جئت إلى محاورات المصريين يا أيها الملاك الطاهر ؟

لا نريد كذب ولا تجمُل .. ولكن نريد توازن في الكلام عن أبناء بلدنا ..

مازلت أفتخر بأي مصري مغترب .. ومازلت والحمد لله لا أرى النصف الفارغ من الكوب ... ومازلت أنظر للبشر على أنهم من نسل أدم وقابيل الذي قتل اخيه هابيل والبشر دول منهم الانبياء ومنهم الكفار الجاحدين ...

واتحدى أي عالم إجتماع يقدر يقول على بلد معينه إن أهلها دول في غاية الطيبة ويعيشون بلا خطيئة . أما البلد الفلانية فهم اشرار بطبعهم ويجري في عروقهم الشر ..

إتفضلوا كملوا كلام كما تحبون

بالمناسبة الزميل الفاضل اللي بيفكرني إني مُشرف وقدوة .. يا أخي الكريم أنا اشترك كعضو مثلي مثلك والمُشرف هو من يتدخل فقط عندما يكون هناك شأن تنظيمي في أي موضوع .

[badroora]

وكذلك الزوار الذين يقننون علاقتهم بالمنتدى عن طريق القراءة أثناء الزيارة فقط ....

هيقولوا علينا ناس متحضرين ومش بيخجلوا من عيوبهم التى طالما اعلنوها بدون خجل يبقي فى طريقهم للتصحيح ومش احنا اول ولا اخر ناس بنعرض مشاكلنا على الملئ شوف حضرتك برامج دكتور فيل وابروا وغيرهم من البرامج الناس مش بنتكسف من افعالهم وبيطلعوا لايف مابالك بقي احنا متخفين وورا (Nick Names)

وشوف بقي امريكا عارفه ان العالم كلو بيتفرج على البرامج دى ولا هما راي العرب والناس ايه على امريكا .

ممكن حضرتك والسادة المسئولين يغيروا فى خصائص المنتدى يعنى قسم نشر غسيل المصريين ممنوع الدخول غير مصري مشترك وبكدا يبقي ناقشنا قضيانا براحتك ومحدش عرف اسرارنا ثم حضرتك عاوزنا نتجمل عشان خاطر الزوار احنا اساس جين المنتدى دا عشان نفضفض ونتكلم بحرية احيانا . ولا هو سعر داير فى البلد الايام دى توحيد الاذان عشان نحسن مظهر الحضارة وحضارة المنتدى والمصريين

طيب سيدي الفاضل انت على كلامك بقي المفروض تمنعوا حد غير المصري نهائي عن الدخول هنا

على كدا يا ريتها جت على سلوك المصري بالخارج دا احنا مخبطين فى الحكومة وحسني دا احنا مخلناش حاجة متكلمناش عليها ولا سيبك انت المناقشات بتعاتنا القيمة دا احنا مافيش حوار مبيقلبش بخناقة :blush2: يعنى مش عرفة هندارى ايه ولا ايه يا استاذ س س

وكأن المصري ده مخلوق من نار الحميم أو يعيش في جهنم ...

يا جماعة لو سمحتم اللي عايز يناقش قضايا سلوكية وإنطباعات عامة زي دي ياريت لا يُعمم إنما يذكر إستثناءات .. وبالمرة بقى لو ذكر لنا وجوه مشرقة شافها في الغربة ..

وإسمحوا لي أكرر إن لو أي اخ مغترب مصري - ونحط تحت دي 100 خط - شايف إن جميع المصريين اللي حواليه أشرار وحسبنا الله ونعم الوكيل عليهم ... يبقى يروح يغير المرايا اللي مبينه له وجهه ملائكي وأخر جمال ... أما الأخرين فهم شياطين وأخر شر ..

احنا هنا كلنا مصريين وبنتكلم على نفسنا وعلى عيوبنا مش مثلا سعوديين وبنتحامل على المصريين واحنا فى كل كلامنا قولنا فيه وفيه وفى ناس كويس بس حظنا السيء الاخ اللى حط الموضوع مقلش محاسن المغتربين هو عاوز يناقش مسوائها وطبعا مين فينا بقي مصدق حد يفتحلة باب زى كدا عشان يكتب قصصه واللى عانى منه

لن أنسى موضوع أُثير هنا بنفس المضمون وكان من حوالي 3 سنوات تقريباً من أخ مصري برضوا وفيه قال " أنا اتخذت قرار إني لا أُصاحب ولا أحتك بأي مصري مهما كان " فما كان مني شخصياً إلا أن رديت عليه وقلت له : إذاً فلماذا جئت إلى محاورات المصريين يا أيها الملاك الطاهر ؟

لا نريد كذب ولا تجمُل .. ولكن نريد توازن في الكلام عن أبناء بلدنا ..

ليه حضرتك حكمت عليه انه بيكدب وبيتجمل مش ممكن يكون كان صح وعنده مشكلة فعلا وانتوا ظلمتوا اما لو كنتوا تعرفوه معرفة شخصية وبيتجمل يبقي كلام تانى

مازلت أفتخر بأي مصري مغترب .. ومازلت والحمد لله لا أرى النصف الفارغ من الكوب ... ومازلت أنظر للبشر على أنهم من نسل أدم وقابيل الذي قتل اخيه هابيل والبشر دول منهم الانبياء ومنهم الكفار الجاحدين ...

ومين قال اننا مش بنفتخرينفسنا وايش جاب سيرة الفخر دلوئتى

ومين قال لحضرتك اننا متشائمين ومقفلين على النص الفارغ انا اعتقد الانسان الحر القوى هو الذي يستطيع وبشجاعة ان يتكلم عن عيوبه او عيوب فى ناش مش عجباة وبيسعى انه يغيرها .

ومين قال اننا بنحتقر الناس فى نظرنا سيدي الفاضل احنا بناقش فئه معينه يعنى حضتك قولت 7 مليون مغترب احنا بنتكلم على عيوب مليون وال6 ميلون كويسين ونتفخر بيهم وال1 مليون التالف دا اللى هيتصلح على ايدينا ان شاء الله

واتحدى أي عالم إجتماع يقدر يقول على بلد معينه إن أهلها دول في غاية الطيبة ويعيشون بلا خطيئة . أما البلد الفلانية فهم اشرار بطبعهم ويجري في عروقهم الشر ..

سبحان الله وشاهد شاهد من اهلها لم حضرتك عارف كدا وواثق ان مافيش عالم اجتماع يقدر يقول ان فى بلد خالية من الوحشين يبقي حضرتك قلقان ليه وعاوزنا نسكت عشان كلام الزوار لان الزائر عارف انه فى كل بلد السالف والتالف اهو انت فى نهاية حوارك انتفضدت نفسك وايد راينا واحنا راينا لا يختلف عنك فى ان المصريين فيهم الكويسن وللاد بلد وفيهم الوحشين زيهم زى اى مجتمع تانى

إتفضلوا كملوا كلام كما تحبون

لا بقي مش عاوزين نطول عليك

ربنا يجعل كلامى خفيف وميزعلش حد

نجفة :blink:

[spddesh]

darlings ... أتمنى أنى أكون ما غلطتش ......... أشكرك على تعليقك بس أنا ما شوفتش مقترحات أو حلول إيجابيه ... أنا فى أنتظارها

نجفه ........... دلوقتى عرفت ليه سميتى نفسك مغروره ... هههههه ... أشكرك على الرد المستنير والمفحم والمدعوم بالحجه على من يعتقدون أن حماية سمعة مصر وشعبها ومغتربيها مسئوليتهم هم فقط و الباقى مجرد أفراد غير مستنيرين ولا يعرفون مصلحة بلدهم ...... للأسف مفهوم خاطئ .... وكفانا وصاية .. وحجر على الأخرين

عمر .......... الحوار لم ينتهى .... و الأنسحاب هو رد فعل سلبى و إذا كان مجتمعنا من المجتمعات اللى ذكرتها فيجب البحث الحثيث عن الحل والعلاج ..... وفى رأيى أحد هذه العلاجات هو الأستمرار فى الحوار و نشر الأفكار البناءه وفرض أسلوب لتبادل الأراء مع الحفاظ على الأحترام المتبادل للرأى و الرأى الأخر.

أيمن ...... جعلك الله دائما أهلا للخير ...... وصدق رسول الله صلى الله عليه وسلم ... على فكره كل سنه وأنت طيب وعقبال 100 سنه

ليلو قطر .... بلاش نزايد على وطنية كل واحد فينا ..... وللأسف أنت فهمت عنوان الحوار بشكل متسرع .... أنا لم أكن أبدا أتهكم على تصرفات المصريين ولكن أول شماعه أسمعها بعد أى مشكله ..."أصل هم دول المصريين فى الغربه"... وبالتالى جبت الشماعه زى ما هى بالغسيل اللى عليها علشان نتناقش فيها .... ومش معنى كده انى مع هذا الرأى ......... ويعلم الله كم واجهت من متاعب و تحملت من مشاق ......... علشان أثبت عكس هذه النظريه السائده بين معظم المصريين اللى تعاملت معهم .... وزميلى ( مصرى ) اللى انت خايف عليه يشهد على كل حرف بقوله ... وزى ما بتقول " أفضل شئ هو مناقشة سلبياتنا "

زعلان ..... ربنا يقويك على الأنجليز وأبناء جنوب أفريقيا اللى لسه ما تخلصوش من العنصريه ......... أنا كنت هناك و أتعاملت معاهم وعارفهم كويس

س س ........... اتمنى تكون غيرت رأيك ......... و شلتنى من مرايتك ...... وشكرا على احصائياتك المفيده .... سؤال صحيح .. إحنا من نسل قابيل اللى قتل أخوه هابيل بس

يعنى مافيش حد من نسل هابيل ........... أنا معرفش الأجابه حقيقى ؟؟؟؟

أما عن أعتقادى أنك مشرف فذلك كان أستنتاج نظرا لأسلوبك الأمر الناهى المانح المانع ومثال على ذلك أخر رد ليك " إتفضلوا كملوا كلام كما تحبون " وربنا يكرمك وتبقى مشرف يا سيدى ....... بس بالراحه علينا

[yasovinas]

ممكن بعد اذن الاخوة والاخوات جميعاً ان نتجاوز هذه المشاحنات الصغيرة و كما قال حكيم زمانة وسابق عصرة واوانه الفيلسوف المحتاس (ياسو ابن فيناس) ؛؛؛؛؛؛؛؛؛؛؛؛ نرجع لموضوعنا

الغاليه نجفه ردت وفسرت واوضحت الاسباب والعلة وحل المشكله بدون ان تشعر

فالعلة يا اصحابي هي الخوف من القادم الجديد او عدم توازن الموجود يعني لسه قلقان على العمل وعلى رزقه ولسه لم يستقر ولم تتبلور ظروفه وبالتالي يكون حذر في تعاملاته وايضا يكون على استعداد لتطبيق مبدأ (يا واخد قوتي ؛؛؛ يا ناوي على موتي )

اما عندما تهدأ الامور ويستقر بالمغترب المقام وتتبلور الظروف فانه يعيد حساباته وتظهر محاسنة نتيجه لاستقرار ظروفه المادية والعلمية والعمليه (والفته بالتقلية)

الغريب في الموضوع انني واثناء مراجعتي لهذا الموضوع حدثني شيطاني الملعون بان افكر في احوال ابناء مصر اللى هم المصريين يعني وكده ؛؛؛؛ افكر في احوالهم داخل مصر المحروسه وقد انتابني فزع رررهيب وخوف كبير مما وصل اليه الحال في مصر فبعد الامن والامان وبعد الجدعنه وولاد البلد نجد اللحال قد تغير الى اسوأ حال واصبحت الدنيا غابه و{ بحبك يا حمار}

وبصراحه بصراحه بمقارنة المجتمع المصري او التجمعات المصرية خارج ارض المحروسة مع التجمعات والحياة داخلها اجد ان المغتربين ملائكة

والسبب واحد وواضح وصريح {{الاحوال الاقتصادية }}

[badroora]

انت بقي ياعم ياسو كدا مش ناوى تجبها البر وهتزعل مننا س س

بص يا بن الناس طالما وصلت للاحوال فى مصر انا مش هادخل معاكم !!انا هاتفرج من بعيد.

احنا كنا بننتقض اللى معانا هنا

دلوئتى بقي بقينا احنا واللى معانا على اللى فى مصر

يلا حسن الختام انا كفيت ووفيت فى الموضوع دا ومقصرتش معاكم وقفت معاكم لاخر لحظة

بس الفتحة الكبيرة اللى عمى ياسو هيفتحها وخلانا ملايكا :sad: مش هنترحم من الشعب

وبما انى من الشعب

فاهاروح معاهم عشان ابقي ادافع عنهم ضدكم

يلا استودعكم الله

سلام عليكم

تم تعديل 27 أبريل 2007 بواسطة نجفة المغرورة

[محمد كمال سالم]

السلام عليكم أخ عمر أنا بأيد كلامك وياريت محدش يزعل فالأغلبيه من المغتربين المصرين لا يصح أن نقول عنهم أدميين فلابد من تخرجهم من هذه الفئه ولكن أيضا يوجد قليل جدا من هو مصرى مصرى تقدر تتشرف بيه وأسأل مجرب وأسف جدا أسوأ فئه بالغربه هم الفلاحين المصرين بينحولو ليهود الله وأعلم اذاى بس اللى أقدر أقوله حب المال ودى قصه حقيقييه والله أنا فى الأمارات وانتم عرفين طبعا كل واحد عنده نصيحه بينصحنى أذاى أكل أذاى أشترى مياه بس أكثر النصائح كيف أكون ندل وبالذات مع المصرين لأنهم أسواء فئه مش بس كده لاء دول كمان أسأو لمصر ولما تتكلم مع غير المصرين يشكو أيضا منهم وانا سمعت من أكثر من شخص أنه بيكره مصر وبيشتمهلا لكن أنا أقول اللى ملوش خير فى بلده ملوش خير فى نفسه ولا فى حد يردو أمال أيه اللى خلاك تسبهها وتيجى هنا والله ذى ميكونو كلهم حفظين كلام واحد وأخيرا أنا أسف جدا جدا للأخوه المنزعجين لكن والله أحنا كلنا بنحب مصر ونحب نخليها فى أحسن صوره لما نخلى مشكلها جوها

:sad:

[محمد كمال سالم]

:sad: نجفه المغروره أنا أسف عايز أسأ سؤال ..................أنت مصريه ؟

أكيد ................. مش عارف قلبى مشمطمن

[badroora]

الفلاحين المصرين بينحولو ليهود الله وأعلم اذاى :sad:

بجد بجد تعليقك اخى الفاضل قاسي جدا جدا جدا.

وارجو ان تعد كتابته مرة اخرى

حد يشبه حد مسلم عربي باليهود اعوذ بالله ومش كنت اعرف ان مصر بقي فيها عنصرية بين الفلاحين واللى من المدن

بجد زعلت منك

نرجع بقي لسؤال حضرتك

ايوة انا مصرية من الفلاحين اللى حضرتك وصفتهم باليهود

وشكرا

[kokomen]

من واقع غربة دامت اكثر من 17 عام؛؛ المصري المغترب يبذل قصارى جهده لاثبات نفسه وفي حال وجود عائد او مردود لعمله فانه ينجز ويبدع ويبتكر ؛؛؛؛

المصري في الغربة "وحسب بيئته وتربيته في مصر " تجده في الغالب مُقبٍل على الحياة ؛وعلى مد يد المساعده لاخوانه {قدر المستطاع } وفي حدود امكانياته ؛؛؛؛ و بحيث لا يتأثر وضعه الوظيفي او المادي !!!!

المصري في الخارج شخص مطيع و مثالي في تنفيذ القواعد والقوانين سواء في العمل او في الحياة العامه كالنظافة واتباع قوانين المرور او السير

وكالعادة {فان لكل قاعده شواز}

أخى العزيز ياسو

أحكى لك من واقع غربتى 23 سنة قابلت فيها أنواع مختلفة من أطياف الشعب المصري من القرى والنجوع والكفور وكذلك من المدن الرئيسية كالقاهرة

والأسكندرية وغيرها وكذلك من بيئات مختلفة وكلها تنتمى لتراب مصر العزيزة ... يا سيدي بلاش نجلد الذات ونتهم بعضنا أو فئة دون أخرى

بأنها سيئة والأخرى ملائكة .. زى ما في تنوع في الأفراد في كل المجتمعات ايضا فيه تنوع في التعامل بين الأفراد كل حسب ثقافته وبيئته وأخلاقه

التى تربى عليها ... طبعا المغتربين هم ايضا من تشكيلة هذا المجتمع .. سوف تجد جميع التوجهات ... ليس الكل سيء وليس الكل ملائكة ؟؟ ودى طبيعة

النفس البشرية التى خلقها الله سبحانه وتعالى وهو أعلم بها .. أنا قابلت النوعين من النماذج الممتاز منها والسيء ايضا ..... حتى في البلاد التى نعيش فيها

يوجد نفس التنوع الجيد والردئ ... وتشعر بذلك في تعاملك معهم .. ونفس أبناء البلد يقولون هذا سيئ وهذا جيد يعنى الخلاصة .. في كل الشعوب تتنوع الأفراد

فالمصريين المغتربين بخير والحمد لله ونحن نشهد بذلك ... ولكم خالص شكري وتقديرى

أبو أحمد الأسكندراني

:sad:

[nash]

والله أنا كمغتربه لي وجه نظر أيضا

.................................

المصري المحترم أبن الناس في بلده...هوة نفسه المصري المغترب....المحترم برة بلده

والعكس بالعكس....

هي تربيه وأخلاقيات نتربي عليها منذ الصغر وتمثلنا طول العمر....فإذا كانت أخلاقيات الفهلوة والتهليب وكله يمشي حاله.ثقافه بيئته..ستظل هي السمه الغالبه للإنسان حتي ولو عمل المستحيل ليداريها...

أري أن الإنسان مهما كانت جنسيته...هو سفير لبيئه تربي فيها...وتمثله هوة وحده...

.....................................................................

شخصيا علي مدار عمر غربتي...لم أقابل نماذج سيئه سوي مرة أو مرتين والحمدلله...

وعلاجهم كان سهل هو التجاهل...وقطع العلاقه...والباقي اتشرف بهم ويتشرفون بي....

...............................................................................

وبعدين معلش ...نصيحه لكل مصري سواء في الغربه أو في مصر...أن يحاول بقدر الإمكان أن يصاحب من يقترب معه في الميول والإهتمامات والثقافه...حتي لا يحدث سوء فهم...تجعلنا نقول..هوة ليه المصري وحش

تم تعديل 27 أبريل 2007 بواسطة nash

[spddesh]

أعتقد اننا اتفقنا على انه لا داعى للمزايده على بعض فى حب بلدنا ( مصر )

وبالتالى لا داعى فى التشكيك فى مصرية حد فينا ........... رغم أنه وارد جدا أن يكون فيه دخيل لمجرد أفساد اتجاه الحوار أو المناقشه

لذلك .... أنا بأهيب بالسيد محمد كمال بالتراجع عن شكوكه ...... لأنه واضح انه كان مستعجل شويه ........ وما تابعش باقى مشاركات الأنسه نجفه اللى بتثبت عكس شكوكه

أما عن اتهام حضرتك للفلاحين هذا الأتهام الخطير ...... فأنا متأكد انك تقصد فئه معينه ذات التعليم المحدود والثقافه المعدومه وبالتالى هذه الفئه لا ينطبق عليها وصف فلاح

لأن فلاح دى حاجه بتمثل ما يقرب من ال 70 % من شعب مصر والسيد س س يصصححنى (لأنه مغرم بالأحصائيات)

فحرام نتهم هذا العدد الضخم ....... هذا الأتهام الباطل ....... وطبعا أنا أفخر أنى أنتمى لهذه النسبه ......... وأخيرا .. أشكرك على مشاركتك

[se_ Elsyed]

darlings ... أتمنى أنى أكون ما غلطتش ......... أشكرك على تعليقك بس أنا ما شوفتش مقترحات أو حلول إيجابيه ... أنا فى أنتظارها

نجفه ........... دلوقتى عرفت ليه سميتى نفسك مغروره ... هههههه ... أشكرك على الرد المستنير والمفحم والمدعوم بالحجه على من يعتقدون أن حماية سمعة مصر وشعبها ومغتربيها مسئوليتهم هم فقط و الباقى مجرد أفراد غير مستنيرين ولا يعرفون مصلحة بلدهم ...... للأسف مفهوم خاطئ .... وكفانا وصاية .. وحجر على الأخرين

يا أخي الكريم بلاش الإسلوب ده في الحوار من عينة رد مُفحم .. ورد معسل على اساس فحم ومعسل وحاجات من دي

إحنا مش في معركة كلامية كل واحد بيبقى مطلوب منه يُفحم الاخر

[m_alaaelden]

ياجماعه الموضوع أبسط من كده بكثير

هولاء المصريين المغتربين من هم أليس هم شريحه من مجتمعنا

منهم الطيب والشرس والقبيح وغيرهم بختلاف المسميات

من الممكن أن نصادف الكويس ومن الممكن أن نصادف الوحِش

وهكذا في نفس البلد المضيفه بها الكويس والوحِش

مع الوضع في الأعتبار بأن المغترب ليس مطلوب منه في غربته عمل علاقات

أجتماعيه ودائماً كل همه العمل وجمع المال الذي هو سبب غربته الأساسي

فلا داعي أن نأخذ الموضوع بهذا الشكل ونحكي الألام الموجعه رغم أننا نقابل

يومياً في بلدنا مصر ما هو أسوء مما من الممكن أن نقابله في الغربه .

مش كده ولا أيه ؟

[محمد كمال سالم]

أولا أحنا بناقش موضوع مفناش من زعل

ثانيا أنا بشبه من شبهتم باليهود فشء واحد ولم أقصد شىء فعندما نقول فلان حمار شغل فأننا نمدحه

ثالثا ده رأى قد لا يتفق أحد معى على الأطلاق وقد يكون رأى غير سليم بالمره لكن اللى أنا شوفته وربنا مايوريه لحد على فكرة أنا محاسب يعنى المفرض أنى بتعامل مع أخرين مثلى لكن والله ما بكدب

أنا قلت رأى وسبحان الله أنى الموضوع ده كان شغلنى جدا من أول ماجيت هنا وبالصدفه لقيت الموضوع بيتناقش فى المنتدى فقلت أفضفض مع مصرين مانا عارف المصرين أيه وبيبقو أيد وحده وقت الشدة وانا من حلمى أنى فى يوم من الأيم أقدر أفيد بلدى وولاد بلدى

وأخيرا بردو أنا رأى مش هيتغير وكمان بقول أن الفلاح نمرود ولازم نحرص أحنا بنعمله ......ولكل قاعده شواذ ........عن تجربه فى القاهره وفى الغربه وعلى فكره أنا من أصل عائله فلاحه لكن تربيت فى ولدت ونشأت فى القاهرة والحمد لله وبصراحه والله ماقدر أوصفهم غير كده وأسفى ده مشليهم ده للشاذ من القاعده والمصرين أيضا المتغربين وشيفين الويل منهم وبس :closedeyes: :lol:

[badroora]

[محمد كمال سالم]

أأيدك رأيك اللى فى شىء من الدبلوماسيه لكن قد تضعك الظروف بالخروج عن ما تعودىعليه فمثلا لو طبيعة عملك تلزمك بالتعامل معهم فسوف تريهم مساكين ويستحقو المساعدة أن كنت فى موضع قيادى عليهم لكن أذا كنت زميله لا فهم لا يعرفون الزماله هم أتو لجلب المال فقط باى أسلوب وصراحة عدا أن يكون حراما المهم أن أى وضع غير ذاللك ستجدين مالا تتوقعين وأنشاء الله مش هتتحطى فى هذا الوضع بأذن الله :closedeyes: :lol:

[yasovinas]

الموضوع يصراحه زاد عن حده وبعد اذن الاخوة والاخوات انا هقول كلمتين ورزقي على الله

واحد زميلي {غير مصري} اشترى سيارة مع زميل اخر {برضه مش مصري} الاتنين نفس الموديل ومن نفس المعرض وفي نفس اليوم

واحد منهم سيارته كانت وما زالت زي الفل والتاني سبحان الله!!!! على طول عطلانه وكل يوم والتاني رايح بيها الوكالة تتصلح

واحد زميلنا ثالث { دا بقى مصري } قال كلمه حكمه

{اصل الحكاية حسب النية} وصلت المعلومه ولا لسه

نقولها بشكل تاني

ومن اعمالكم سلطت عليكم

ها،،،،،، فهمنا ولا نقول كمان؟؟؟

تحياتي

أيوة قبل ما انسى

الغالي ابو احمد الاسكندراني خد مني الاول الورده دي :closedeyes:

وبعدين انا شايف ان انا وانت متفقين في الرأي ودا اسعدني جداً

تم تعديل 28 أبريل 2007 بواسطة yasovinas

[badroora]

نقولها بشكل تاني

ومن اعمالكم سلطت عليكم

ها،،،،،، فهمنا ولا نقول كمان؟؟؟

هو احنا خلصنا من الديك الاسود ولابيض وبردوا الغاز تانى !!!

أيوة قبل ما انسى

الغالي ابو احمد الاسكندراني خد مني الاول الورده دي :blush2:

وبعدين انا شايف ان انا وانت متفقين في الرأي ودا اسعدني جداً

ربنا يخليكم لبعض ولينا كمان

والوردة دى منى ليكم انتوا الاتنينين

:blush2:

تحياتى

[محمد كمال سالم]

أنا شايف أن الموضوع دة زعل بعض الناس و لو مغيرنهوش ممكن نحاول النصيحه بترشيد السلوك و الألفاظ

كمان كلنا عندنا مشاكل مش معقول نكون كلنا أعملنا ونوينا سيئه( ومن اعمالكم سلطت عليكم)