برشلونة يتغلب على الاهلى برباعية نظيفة

[تيتو]

انتظرت الجماهير الاهلاوية فوز الاهلى على برشلونة ولكنه لم يحدث

وفاز برشلونة بمنتهى السهولة على الرغم من الاداء الاستعراضى من جانب لاعبى برشلونة نظرا لكونها مباراة ودية وايضا خوفا على اقدامهم .

وظهر الفارق الكبير بين الكرة عندنا والكرة عندهم

ولكن الفارق كبير ايضا بين برشلونة والاهلى فلا نظلم لاعبى الاهلى .

[Doofy]

===============================================================================

وظهر الفارق الكبير بين الكرة عندنا والكرة عندهم

ولكن الفارق كبير ايضا بين برشلونة والاهلى فلا نظلم لاعبى الاهلى .

أيه داه هو الناس كان عندها أمل تكسب البرشا على أساس لعنة الفراعنة اللي صابت الريال على استاد القاهرة ...؟؟

في رأيي كانت مئوية سيئة للنادي الأهلي الذي اخجل جماهيره جدا ...!!!

واللعيبه كانت وخداها جد قوي وفرفروا بدري بدري وكله علشان خاطر عيون الفقري ... :unsure:

كنت اتمنى يكون الفريق المشارك في المئوية يكون نادي الزمالك حتى تعم الفرحة ويتشارك الجميع في الفرحة والأمل ...

ولكن موعود علينا نتغلب وفلوسنا تتصرف على الغريب..

خسارة ...,

:

:

[shawshank]

أضيف الآتي :

- برشلونة كسب بمجهود قليل . مثلما قال أحدهم : لعب السهل الممتنع .

- فرص كتير للأهلي المفروض لا تضيع .

- المبارة لبرشلونة استعراضية ... هل استفاد الأهلي ومديره الفني من هذا الاحتكاك ؟ مثلا هل جرب لاعبين جدد ؟ هل جرب تشكيلة جديدة ؟ هل استفاد تكتيكيًا من مواجهة تكتيك ريكارد ؟

- لو عند الأهلي فلوس كفاية ، كان اشترى رونالدينهو و ايتو وايسيان وغيرهم . هل كان سيستطيع ادارة الفريق ساعتها ؟ أم كان سيشتري مديرًا أجنبيًا أيضًا للفريق ؟ المسألة مش فلوس بس ، المسألة إدارة هذه الفلوس بجانب وجودها .

من ضمن تعليقات مدحت شلبي أثناء المباراة :

- بعد كل هدف يقول : "النتيجة مش مهم خالص يا جماعة ولا ليها قيمة" . طب ولما مالهاش قيمة ، ليه عمّال تكرر الجملة دي ؟!

- بعد الهدف الثالث وفي الوقت بدل الضائع يقول : "نتيجة منطقية جدا يا جماعة 3 - صفر . ثم يأتي الهدف الرابع فيقول : "نتيجة منطقية جدًا يا جماعة 4 - صفر" :unsure:

- رونالدينهو يبدو أنه ابتسم لأحد لاعبي الأهلي (مبتسم علطول) ، فيقول مدحت شلبي : "هيروّح يقول لهم في البيت رونالدينهو ضحكلي" :D

[achnaton]

يعنى كان لازم نتوج احتفالنا بعودة سينا لينا .. بحفلة كروية دولية فى الاستاد .. وتبقى خيبتنا على رؤس الاشهاد !؟؟ بقى كده برضه يا اهلاوية .. منكم لله ياللى فى بالى .. جلبتوا النحس للمباراة

[Doofy]

==============================================================================

يعنى كان لازم نتوج احتفالنا بعودة سينا لينا ..

مداخلة في الجوووون بجد يا جدو أخناتون

وحمدلله على السلامة :unsure: :D

[kokowawa1979]

أعتقد كدة ظهر بما لايدعو مجال للشك إن الأهلى عبارة عن فرقة مكسحة بتلعب في دوري مشاليل !!!

على اللي الواحد شافه أمس واللعب على الواقف وإحراز 4 أهداف ودفاع ظهر في حالة أسوأ بكثير من شوارع دفاع الزمالك - وإضاعة ضعفهم بانفرادات - وعدم بذل أي مجهود يذكر من جانب برشلونة في الوقت الذي لعب فيه الأهلي بكامل قوته الضاربة وبمجهود مضاعف عن اللعب في دوري المكسحين - أعتقد أن الاسطى مانويل جوزيه عرف حجمه الحقيقي وإنه لو كان قابل برشلونة في نهائي العالم كان طلع بفضيحة على اعتبار أن الجمهور الياباني كان هايشجع برشلونة !!!

والغريب أن يطلع علينا مانويل جوزيه ويقول : أصل اللعيبه كان فكرها في مباراة بترول أسيوط القادمة - فعلشان كدة فقدوا التركيز :unsure: ( الحتة دي من عندي )

بل والأغرب كان تعليق حسام البدري في قناة النيل للرياضه بأن لاعبي الأهلي أصابتهم الخضة من لاعبي برشلونة ( أي والله قال هذا الكلام ) ففقدوا التركيز !! طيب ياعم حسام لو قولت لي قبل الماتش كنت بعت لك 50 طاسة خضة :D ده إسم الأهلي ده بالذات غالي علي قوي - مش كدة يانسر !!!

تقولوا إيه بقى - الواد كوكو واوا ده واد حقود :lol:

[رمضان]

يا جماعة الموضوع عادي جدا ايه يعني الاهلي خسر من برشلونة انا باعتقادي الخسارة دي ليها مبرر اولا الاهلي مكنش عاوز يرهق لاعبته وكان بيريحهم علشان مباريات الدوري وكاس افريقيا ومش معقول الاهلي بكل جبروته وقوته هيرهق نفسه قدام برشلونة

ثانيا برشلونة قبل ما ييجي كان مغلوب ماتش وصعب على الاهلي فاتفقوا ان الاهلي يسبهم يكسبوا علشان روحهم المعنوية .

اوخيرا وده الاهم كان فيه بوزين فقر قاعدين

[الحاج فوزى]

استغفر الله العظيم ..

لا فائدة ترجى ابداً من كل من يحمل على ظهره علم ابيض ذو خطين حمر

الفريق راح جاب فريق عالمى .. برشلونه .. اللى تمن لعيب واحد منهم بتمن لعيبة الأهلى مجتمعين .. وعمل ماتش معقول .

وفعلاً 4- 0 او حتى 5 -0 نتيجة طبيعية لفرق المستوى

يعنى لما الأهلى يطرقع الزمالك بالستة وبالأربعة .. يبقى طبيعى الأهلى يتغلب من البرشا 4 ، ولا ايه !!

الفكرة مش فى الفوز والهزيمة .. الفكرة فى الماتش والإحتفال .. وفى اللعيبة العالميين اللى شرفوا استاد القاهرة

امال انتم كنتم عايزين ايه ؟ الأهلى يغلب !!!

والله لو كان حصل ، كان الزملكاوية هاصوا وقالوا الأهلى دافع للحكم او حتى للفريق الأجنبى :unsure:

الأهلى عمل ماتش معقول جداً ، وابو تريكة كان لعبه متميز فعلاً و الحضرى كمان فعلاً كان كويس

نعم كان هناك لعيبة مخضوضين .. وليه لاء !! لعيب ثمنه اقل من 100 الف دولار .. امامه لعيب ثمنه برضو 100 بس مليون يورو عايزه يعمل ايه !

والله انا كنت عارف انه بغض النظر عن النتيجة .. سيكون تعليق الزملكاوية هوا هوا

ويا عم كوكو .. روح خلى الزمالك يجيب البرشا ويشوف هتشيلوا كام ..

ساعتها بدل طاست الخضة اللى عايز توزعها على لعيبة الأهلى .. وزع لكل لعيب فى الزمالك شوال يشيل فيه اجوان

وبعدين والله اول ما شفت اللى بالى بالك والله قلبى انقبض

بس كلمة حق .. فعلا خسارة الفلوس كان ممكن يتعمل بيها شىء احسن كتير

[أبو حميد]

إدارة الأهلي : أنا اللي جيبت ده كله لنفسي.

جماعة نادي المبادئ : ماذا فعل حسام حسن للأهلي لكي يحضر الأحتفال؟

هتاف جماهير المباراة بعد الهزيمة : وشك حلو يا عباس.

أيتو : كان نفسي أجيب أجوان في الحضري.

[م الغزالى]

الحقيقة أنا شاهدت جزء من المباراة خلاال الإستراحة لمبارة المانيو و ميلان ولم أستطع نحمل مشلهدة المبارة فى شوطها الثانى !

مازلنا وبعد أكثر من أربعين عاما نندهش أمام مايقدمه الخواجة مع فرق بسيط أن لعيبة زمان كانوا رجال ويقدمون أفضل مالديهم تقدمت دول وفرق أفريقية و نحن مازلنا نترنح لآن الكرة ياسادة ليست فهلوة فهى الأن فن وصناعة إدارة وتخطيط و قبل هذا وذاك بذل الجهد والعرق وهذا ماهو للأسف بعيد عن كرتنا التى حالها من من حال بلدنا مصر المحروسة !!!

كنت زمان أقرأ للراحل نجيب المستكاوى فى تعليقه بالأهرام ويقول أن اللعيبة المصريين بينطوا لتحت وكل مأشوف كيف ينطح اللاعب المصرى الكرة وهو مازل ينط لنحت أستغرب كيف يتم تدريب هؤلاء اللاعبين ومن يعلمهم الكرة ؟

الأ يعقل ان بلدنا ذات ال 80 مليون نسمة عقمت عن إخراج مدافع جيد او ثيردباك محترم شئ من قبيل مانراه على شاكلة الإيطالى نسته فكل مبارة لفريقنا القومى يقع قلبنا فى أرجلنا فى كل كرة عالية أمام المرمى

أهم شئ فى هذه المبارة أننى تعرفت على الرئيس المصرى بعد القادم لمصر فهنيئا لنا به و

تقبلوا تحياتى

[لا تعليق]

مش عارف ناس زعلانة لية

برشلونة جاة مصر ولعب وفاز عادي جدا وانتهت قصة

المهم اية الفيدة اللى خدها من كدة

1- ان أوربا كلها اتكلمت عن مبارة كبيرة بين بطل القرن الافريقي وبطل اوربا ودي دعاية جيدة جدا لمصر

2- فرحة جماهير مصر كلها بلاعبى برشلونة في مصر

3- جمال الاحتفالية بلاعيبا القدامى في الاهلى شىء راقى انهم يكون معظهم في الاستاد ماعدا حسام حسن واخوه

انا سمعته في دبى الرياضية امس رفض انه يروح الاستاد عشان مفيش دعوة رسمية ومش عايز يركب الاتوبيس مع لاعيبة هو شايف انهم اقل منه في الانجازات كان ناقص كمان يقول عايز يقعد مع صاحبنا على .......

وقاعد طول حلقة يهاجم مجلس ادارة وسياسته في الاهلى وانه ليه فضل على الاهلى ونسى كل البلاوي اللى كان بيعملها وهو اخو ابو صبع

لاتعليق

[badroora]

فقد تعاقد الاهلي مع برشلونة للحضور إلى القاهرة وأداء مباراة عالية المستوى لتكون فقرة تاريخية عالمية في برنامج الاهلي للاحتفال بمرور 100 سنة على تأسيسه بغض النظر عن النتيجة. فالمهم في مثل هذه المباريات هو العرض القوي وإسعاد الجماهير

هو دا كان الهدف يا كوكواواوا بلاش شماتة

:lol:

[م الغزالى]

1- ان أوربا كلها اتكلمت عن مبارة كبيرة بين بطل القرن الافريقي وبطل اوربا ودي دعاية جيدة جدا لمصر

ياراجل حرام عليك بلاش مبالغة وياريت سعادنك تدلنى على مصدرك لهذا الكلام فهذا سيسعدنى كمصرى

ده الكلام ده بنسمعه بس فى تليفزيون الحكومة المصرية

تحياتى

[kokowawa1979]

نجفة كتبت :

فقد تعاقد الاهلي مع برشلونة للحضور إلى القاهرة وأداء مباراة عالية المستوى لتكون فقرة تاريخية عالمية في برنامج الاهلي للاحتفال بمرور 100 سنة على تأسيسه بغض النظر عن النتيجة. فالمهم في مثل هذه المباريات هو العرض القوي وإسعاد الجماهير

هو دا كان الهدف يا كوكواواوا بلاش شماتة

مين ؟ الأستاذة نجفة شرفتنا في توبيكات الرياضة - يا مرحبا يامرحبا - نورك غطى على الكهربا ( مع إنك نجفة :lol: )

للأسف المباراه يا ست نجفة ماكانتش عالية المستوى لإن برشلونة فوجئ بإن مفيش فرقة بتلعب قدامه - فكانوا بيباصوا الكرة على الواقف وكأنهم في تدريب - وكان الديك الرومي بتاعنا مش قادر ينفش ريشه :lol: مع إن الحكم من عندنا - لكن ياعيني ماكانش قادر يعمل حاجة مع الخشب المسندة :lol:

أنا بصراحة ياست نجفة من اللي شفته من الأهلوية في توبيكات الرياضة مش يخلليني أشمت وبس ده يخلليني.............................................. أشمت برضه :lol:

[لا تعليق]

1- ان أوربا كلها اتكلمت عن مبارة كبيرة بين بطل القرن الافريقي وبطل اوربا ودي دعاية جيدة جدا لمصر

ياراجل حرام عليك بلاش مبالغة وياريت سعادنك تدلنى على مصدرك لهذا الكلام فهذا سيسعدنى كمصرى

ده الكلام ده بنسمعه بس فى تليفزيون الحكومة المصرية

تحياتى

جريدة الموندو ديفورتيفو الاسبانية

http://www.elmundodeportivo.es/20070425/NO...A280189046.html

موقع برشلونة الرسمي

http://www.fcbarcelona.com/web/english/not...0424100125.html

جريدة إيه إس الاسبانية

/http://www.as.com/articulo/futbol/Visita/Piramides/bajar/autocar/dasftb/20070425dasdaiftb_53/Tes

جوول . كوم

http://www.goal.com/en/Articolo.aspx?ContenutoId=287884

يا أخى العزيز ادخل وشوف

وبعدين لية تقلل من قيمة الحدث لازم تعرف ان الاهلى لية سمعة جيدة يكفى انه ذهب الى كاس العالم للاندية مرتين متتالتين منتخب مصر مش قدر يعملها مع احترامي للمنتخب بلدى

لا تعليق

[Ahmad Farahat]

يا حبايبي..........

إيه اللي حصل..........

الأهلي هزم من برشلونة...........

فضيحة.........

إعدموا الفريق.........

شيلوا المدرب.........

والهلال........

والفيصلي....

والجيش

والرجاء

والمصري

والحيش

والمحلة

والأهلي

والأهلي

والأهلي

والأهلي

والأهلي

والأهلي

.............................................................................................

-

-

-

-

-

-

والأهلي

كفاية

المباراة كانت استعراضية

وفيه فرق كبير

ولما غلبنا ريال مدريد أساء الزملكاوية للفوز

عااااااااااااااااااااااااااااااااااادي

[Alshiekh]

منكم لله ياللى فى بالى .. جلبتوا النحس للمباراة

أعتقد كدة ظهر بما لايدعو مجال للشك إن الأهلى عبارة عن فرقة مكسحة بتلعب في دوري مشاليل !!!

هتاف جماهير المباراة بعد الهزيمة : وشك حلو يا عباس.

المباراة كانت استعراضية

عااااااااااااااااااااااااااااااااااادي

النتيجة مش بالأهداف ..... المهم التمثيل المشــــــــــــــــــــــــــــــــــــــــــــــــــــــــــــــــرف

وكما قال الأخ أرسين لوبين ، المباراة كانت استعراضية ..... من فريق برشلونة !!!!!

[kokomen]

مبارة الأهلى وبرشلونة

دي عبرة لكل الكرة المصرية يا أخوة يا أفاضل ... بلا ش نضحك على أنفسنا .. ونقول أحنا عندنا كورة .. ولاعبين محترفين .. ودوري هزيل .. وأندية مكسحة ... أخذنا صفر المونديال وبرضه مفيش فايدة

مش عايزين نعترف بالواقع ... لو لعب فريق برشلونة بجدية لكانت مصيبة ومهزلة كروية... شكرا للأهلى لأنه كشف الوجه الحقيقي للكرة المصرية المريضة .. تتصورا اللاعب أكوتي منساه دفع فيه الأهلى

11 مليون جنيه علشان يخطفه من الزمالك ... بلاش نصدق الكذبة .. خلينا على قدنا .. بطولة العرب وبطولة افريقيا والدوري المصري والكأس .... وبلاش كذبة الأهلى والزمالك .. واللى اختشوا ماتوا وعجبي..

أبو أحمد الأسكندراني

[kokowawa1979]

أخويا الغالي أبو أحمد الأسكندراني - أقسم لك بعيدا عن التهريج فإن ماكتبته هو عين العقل في هذا التوبيك - لكنه لن يرضي غرور إخوانا الأهلوية بالطبع - فقد ذكرت سابقا أن برشلونة لو لم يكن يلعب على الواقف لكانت فضيحة وزعل بعض الإخوة - واتهمنا بعدم الفهم في الكورة - لكن ياللا بقى معلهش - لازم نعدي علشان الحالة النفسية اللي عليها مشجعى نادي القرن - لإن الصحافة للأسف يوم المباراه لبست الجمهور العمة وحسسيته إن الأهلي كان قادر على هزيمة برشلونه وبجدارة - لكن لما برشلونة اكتشف إنه خد مقلب ولقى قدامه فرقة مكسحة- لعب على الواقف - خوفا من الإلتحام مع شوقي أو جمعة أو بو جلبان أو حسن مصطفى أو شوقي - أخصائيي الرباط الصليبي تحت حماية حكام مصر !!! وهو ماقاله ريكارد في المؤتمر الصحفي بأن الحكم لم يحم لاعبيه - وجالك يوم يا كوزين تلاقي واحد يتجرأ و يشتكي من لاعبيك !!!

شوفوا بقى كوزين قال إيه على لعيبته النهاردة :

[quote]بعد رباعية برشلونة

جوزيه يصف لاعبيه.. بالنقص وضعف الشخصية

والبدري يعتبر الهزيمة متوقعة.. ولم تكن صدمة للجهاز الفني

شادي الجيلاني

انتقد الخواجه البرتغالي مانويل جوزيه المدير الفني للفريق الاول لكرة القدم بالنادي الاهلي المستوي الهزيل الذي ظهر عليه لاعبوه خلال لقائهم الودي أمام فريق برشلونة الاسباني ضمن احتفالات النادي بالمئوية والتي انتهت بخسارة الفريق بأربعة أهداف نظيفة.

قال المدير الفني إن لاعبيه افتقدوا الثقة في انفسهم ولم يكونوا علي قدر المسئولية حيث أنهم خاضوا اللقاء وكأنهم فريق هواه يلعبون الكرة لاول مرة في حياتهم وليس فريق محترفين توج بطلا للعديد من البطولات علي كافة المستويات.. مشيرا إلي أن اللاعبين لم يقدموا العرض المنتظر منهم وكانوا بعيدين عن مستواهم لانهم نزلوا إلي ارض الملعب وأنتابهم حالة من الوهم والخوف من مواجهة أبطال العالم.

[se_ Elsyed]

خلاص يا أخوانا بلاش نضحك على انفسنا ونطالب بقى بإلغاء لعبة لعبة كرة القدم في مصر ونلعب بعد كده في مناخيرنا

والأهلي ينسحب من دور الثمانية لبطولة أفريقيا او لو كمل وكسبها ووصل اليابان يعتذر ويقول بلاش نضحك على نفسنا ...

والمان يونايتد لما شيل روما 6 من إسبوعين يبقى يقفلوا نادي روما ويسحبوا منه جميع ألقابه عشان مباراة .. واخدين بالكم مباراة .. ما بالك لو كانت ودية واحده مش مباريات رسمية وفضايح بجلاجل بره وجوه .... واخد بالك يا كوكو

مش عارف ليه حاسس إن الزملكاوية كانهم قاعدين في فسحه أو في عزا ورابطين راسهم بمناديل سودا ومشغلين شماته بالكهربا وناسيين الهم اللي هما فيه .