برشلونة يتغلب على الاهلى برباعية نظيفة

[Ahmad Farahat]

يا حبايبي الأهلي ليس منافسا لبرشلونة..............

والمسألة ليست أكثر من مباراة استعراضية...........

والفارق المادي يجعل الفارق في الإمكانيات خرافية..........

ولا يمكن المقارنة بين أسبانيا ومصر

ولا المقارنة بين ما يفعله الإتحاد الإسباني لكرة القدم ولوائحه وما يفعله إتحادنا المصري

هنالك فارق في كل شيء

وبعدين ما الأهلي غلب ريال مدريد

قلتوا إيه

هاجمتوا الأهلي برضه

يعني كده مش عاجب

وكده مش عاجب

[kokomen]

الأخ سي السيد \\\ الأخ ارسين ... تحياتي القلبية ..

والله يا أخوة يا كرام الحكاية مش هزيمة الأهلى .. بلاش نأخذ الأمور بحساسية مفرطة ... يعنى الزمالك لو لعب مباراة مع برشلونة .. ما هو نفس الوضع .. سوف يهزم أيضا ... ولكن أحنا نتكلم في

حال الكرة المصرية اللى أصبح لا يسر عدو ولا حبيب .. وبعدين يا أخي العزيز سي السيد .. المشكلة مش هزيمة فريق ولا شماته ولا حاجة .. دي منظومة كروية عايزة تنظم من جديد بفكر مدروس

وبتجارب من الدول المتقدمة في كرة القدم ... يعنى تنظيم الرياضة من الألف الي الياء كما يقولون ... ويا سيدي الأهلى عمنا أحنا الزمالكوية .. أحنا عايزين نرتقى بالكرة المصرية أهلى وزمالك واسماعيلى

وكل الفرق المصرية المغلوبة على أمرها .... وخصوصا الأتحاد السكندرى حبيبي .. اللى اتبهدل اخر بهدلة ... الخلاصة الكرة المصرية عايزة نهضة شاملة .. ولا مش معايا ... اشكركم

أبو أحمد الأسكندراني

[أبو محمد]

ريال مدريد فى الستينات غلب الزمالك 4-1 ومحمد لطيف كان بيقول شعر فى أى لعيب مصرى يمسك الكورة .. وطبعا كان بيقول أشعار وقصائد فى ريال مدريد .. وبرضه ريال مدريد غلب منتخب الأهلى والزمالك 7-1 وبرضه محمد لطيف كان بيغنى علينا .. لما الأهلى غلب بنيفيكا (كان بطل أوروبا فى ذلك العام) بنتيجة 3-2 أطلق محمد لطيف على عادل هيكل أجمل الأوصاف لتصديه لقنابل إيزيبيو ..

دلوقت لو فريق مصرى غلب فريق أوروبى كبير .. يبقى اللى اتغلبوا كانوا جايين يتشمسوا .. ولو الفريق الأوروبى غلب الفريق المصرى ، يبقى مفيش عندنا كورة .. إيه اللى حصل للمصريين ؟؟؟؟ !!!!!

بنتكلم عن مباراة استعراضية فى احتفال كما لو كنا نتكلم عن مباراة فى نهائى بطولة مهمة .. ناسيين إن الفريق الزائر جاى يلعب بفرقتين .. ولو أى فريق لاعب فرقتين كنت تتفرج عليه فى الشوط التانى (أمام القوة الرئيسية للزوار) .. لكن ربنا ستر وما جاش غير جونين فى الشوط التانى .. يعنى مباراة يلعب فيها أحد الفريقين باتنين وعشرين لاعب (فريقين مختلفين من الحارس إلى رأسى الحربة) نعطيها كل هذه الأهمية ؟ لماذا لا نضعها فى إطارها الصحيح

طبعا الكلام ده مش حييجى على هوى أخونا كوكو واخونا الدكتور هوبا .. بس حقول لكم حاجة .. عندكم ماتش بتروجيت .. قولوا فيه اللى انتوا عاوزينه .. لأنها مباراة رسمية ظل الأهلى مهزوما فيها إلى انتهاء الوقت الأصلى .. كل حاجة يا جماعة بتبقى حلوة وزى العسل لما تبقى فى مكانها .. بتعجبنى قوى شماتة الزمالكاوية فى الأهلى وردود الأهلوية عليها .. بابتسم واضحك كمان .. لكن جلد الذات بالشكل ده بعد مباراة ودية لا ضابط فيها ولا رابط .. التغيير عالكيف ، واللعب كمان عالكيف ، والحماس غائب من الفرقتين ..... وتصريح جوزيه قبل الماتش فعلا خللى فرقته تظهر بالمظهر المختلف عن مباراة ريال مدريد و إيه سى روما وأفقدنا كثيرا من المتعة

وبعدين أنا أول ما شفت صاحبنا رافع إيده أول ما دخل وبيشاور للجمهور بالخمس صوابع إتأكدت إنه زمالكاوى .. إبسط ياكوكو .. مين قدكم دلوقت :ninja:

[kokowawa1979]

أبو محمد كتب :

بعدين أنا أول ما شفت صاحبنا رافع إيده أول ما دخل وبيشاور للجمهور بالخمس صوابع إتأكدت إنه زمالكاوى .. إبسط ياكوكو .. مين قدكم دلوقت

صدقني يا أبو محمد أنا بس لو باعرف إن صاحبنا فيه ذرة واحدة إنتماء للزمالك أبطل أشجع الزمالك بس لحد ما يغور - وبعدين أرجع أشجع الزمالك تاني برضه :angry:

هو أغلب الظن لما فتح صوابعه الخمسة ولقى جمهور الأهلي هايص فكان عاوز يقول لهم : إن شاء الله هاناكل خمسة - بس ظنه خاب والأهلي كل 4 بس :lol:

[أبو محمد]

أبو محمد كتب :

بعدين أنا أول ما شفت صاحبنا رافع إيده أول ما دخل وبيشاور للجمهور بالخمس صوابع إتأكدت إنه زمالكاوى .. إبسط ياكوكو .. مين قدكم دلوقت

صدقني يا أبو محمد أنا بس لو باعرف إن صاحبنا فيه ذرة واحدة إنتماء للزمالك أبطل أشجع الزمالك بس لحد ما يغور - وبعدين أرجع أشجع الزمالك تاني برضه :angry:

هو أغلب الظن لما فتح صوابعه الخمسة ولقى جمهور الأهلي هايص فكان عاوز يقول لهم : إن شاء الله هاناكل خمسة - بس ظنه خاب والأهلي كل 4 بس :lol:

الله يحظك يا كوكو .. فكرتنى بالنأ اللى بيصيب الناس فى أكل عيشها :lol:

والله صاحبك فكّرنى بيوم ما زار الكويت لأول مرة فى التمانينات .. كان أيامها الدينار تعدى الأربعة جنيه وكنا بنتحسر "وقتها" على الجنيه ودوخة البلجيك اللى مش قادر يفوق منها ..

يومها نزل صاحبك من الطيارة وشاور نفس الإشارة .. إخوانك المصريين ترجموها على طول إنه بيقول : ما تستعجلوش .. كلها خمس تُشهُر وحيبقى بخمسة على إيديّه "المباركة" :lol: :lol: