استاذ جامعي ...

[Bero]

والله مش عارفة ابتدي منين

من فترة .. حوالي شهر

كان عندي ظرف وغبت عن الكلية اسبوع .. وكنت جايبة عذر للغياب ده .. ورحت اقدمه لوكيل الكلية

المهم بعد حوار طويل .. طلب مني اني اعمله بحث معين كان تقريبا عن رايي في التعديلات الدستورية ونظرة تحليليه ليها .. في مقابل انه يشيللي الغياب

قلت مفيش مشكلة .. على الرغم من زنقة الامتحانات ..

قاللي بس البحث مش هيتكتب باسمك ده هيدخل مسابقة باسم الكلية وهيتكتب باسم زميل ليكي ..

حقيقي كانت صدمة كبيرة .. لما الاستاذ الدكتور القدوة للطلبة بتوعة يقوللي كدا .. اصدقة ازاي في اي حاجة بيقولها

طيب قلت جايز حالة فردية .. وعادي احنا بشر

________________________________________

اختي دلوقتي بتطلب من بابا فلوس علشان الكلية من ضمنها 50 جنيه علشان ادخل الامتحان

يا بنتي هي الامتحانات بفلوس

لا بس الفلوس ديه هجيب بيها من الدكتور خرايط وحاجات (يعني شوية ورق بالميت اوي 5 جنيه وتبقى كارمه جدااااااا)

ايه ده والدكتور هو اللي بياخد منكم الفلوس في ايده كدا

ايوة .. وبعدين من الاخر هو قال هتدفع هتاخد امتياز .. مش هتدفع هتشرفنا السنة اللي جاية

ايه ده هو في ايه .. ايه اللي جرا في الدنيا

انا والله مصدومة جدا .. ومش عارفة اقول ايه

[العمرلحظة]

يا أختى العزيزة

الدنيا كلها أصبحت بحر من المال فمن يجد يغرف أكتر ولا يهتم بمن حوله

ولكن ارجع وأقول أن الناس اللى بالشكل ده نسوا الله فأنساهم أنفسهم

أجو يا أختاه أن لا تظنى أن الدنيا كلها مثل هذا الشخص مهما كان كيانه

لا لا لا هناك من يعرفون الله ويتقوه

تضرعى إلى الله وتذكرى دائما أنه موجود ولن يتخلى عن عباده

ولعل هذا هو أحد الأسباب لإختيارى أسم الدخول بهذه المحاورات

العمرلحظة

[DARWEEN]

معلش يابيرو هي كده ولازم تقبليها على كده

أنتي بتسألي أيه المشكله ... وكان المفروض تسألي أيه المشاكل

فيه مشكلة عدم أمانه من الأساتذه

فيه مشكله أن الأساتذه نفسهم لازم يوازنوا بين حياتهم الاجتماعية وبين مستوى دخلهم ( ليس معنى ذلك اني اعطيهم العذر ) فراتب الأستاذ الجامعي يكاد يكفيه بالكاد ليحيا حياة عادية .. فيلجأ في النهاية للتحايل عن طريق الكتب والمذكرات وما شابه

فيه مشكلة محاباه ومعارف وعلاقات ومحسوبيات وقرايب

فيه مشكلة طلبة على استعداد لعمل أي شيء وكل شيء من أجل النجاح أو الحصول على تقدير أعلى

فيه مشكلة أسلوب تعليم في حد ذاته .. فالتعليم الجامعي ليس مطلوبا فيه أن يتم تقرير كتاب لدراسته للأمتحان فيما ورد فيه .. ولكنه مرحلة تستوجب أن يقوم الطالب بالبحث في كافة المراجع دون حدود ويتم وضع تقديراته بناء على ذلك

فيه مشكلة في أسلوب الأمتحانات والتصحيح ووضع الدرجات والتقييم

يا بيرو ... فيه مشكلة نظام

لن أطلب منك أن ترفضي عمل البحث ... فهذه مثاليه ليس هنا محلها ...

طبعا أعلم أن هناك من سيقول أرفضي وكوني شجاعه ... وكلام كلام كلام

لكن صدقيني يا بنيتي لسنا في زمن المثاليات ولا مكانها

اعملي البحث لكن دون أن تبذلي فيه جهد ... ولا تندمي ... فهذه هي الحياه

[Bero]

العمر لحظة .. متشكرة لردك

الاستاذ داروين

كلام حضرتك مظبوط جداا .. بس الموضوع صعب اوي

صعب اني اقول اه .. زي ما صعب اني اقول لا

ربنا يقدم اللي فيه الخير

[Abdulaziz Omar]

الابنة العزيزة بيرو

اذا اضطررت الي فعل خطا غير مقتنعة به

فلا تحزني.....وتذكري قول الله: "فمن اضطر غير باغ ولا عاد فلا اثم عليه"

[kokomen]

الأخت بيرو

والله حال الكليات والجامعة بقى شئ يحزن .. ويقطع القلب .. وكمان بيعطى أسوة سيئه للطلاب .. عن الأستاذ الجامعي اللى المفروض يكون قضوة حسنة لطلابه .. ولكن للأسف أصبحنا نتدهور من حال سئ

الي حال أسوء ... هل تصدقي ان استاذ جامعي يسرق رسالة ماجيستير من باحث ويعطيها لأحد أقاربه ويسجلها بأسمه ويحرم صاحب الرسالة من مجهوده ويهدده بعدم قبول أي رسائل منه لو تكلم ........

هذه هي الأخلاق الجديدة ... اللهم حسن أخلاقنا ... وأعز مصرنا الحبيبة .. وأعن طلابنا في الجامعات .. امين

أبو أحمد الأسكندراني

[Bero]

الابنة العزيزة بيرو

اذا اضطررت الي فعل خطا غير مقتنعة به

فلا تحزني.....وتذكري قول الله: "فمن اضطر غير باغ ولا عاد فلا اثم عليه"

صدق الله العظيم

متشكرة جدا لرد حضرتك

الأخت بيرو

والله حال الكليات والجامعة بقى شئ يحزن .. ويقطع القلب .. وكمان بيعطى أسوة سيئه للطلاب .. عن الأستاذ الجامعي اللى المفروض يكون قضوة حسنة لطلابه .. ولكن للأسف أصبحنا نتدهور من حال سئ

الي حال أسوء ... هل تصدقي ان استاذ جامعي يسرق رسالة ماجيستير من باحث ويعطيها لأحد أقاربه ويسجلها بأسمه ويحرم صاحب الرسالة من مجهوده ويهدده بعدم قبول أي رسائل منه لو تكلم ........

هذه هي الأخلاق الجديدة ... اللهم حسن أخلاقنا ... وأعز مصرنا الحبيبة .. وأعن طلابنا في الجامعات .. امين

أبو أحمد الأسكندراني

شكرا يا فندم للمرور .. وفعلا ده اصبح حال شريحة كبيرة من اساتذة الجامعات

بالنسبة لموضوعي انا الحمد لله وصلت فيه لقرار

الموضوع مكانش مترتب

اقتنعت جدا براي الاستاذ داروين وده كان نفس راي والدي اني هعمل اي حاجة والسلام

كان ميعادي معاه انهاردة اروحله بالبحث جاهز .. انا بصراحة طنشت وقلت جايز ينسى

لقيته بعتلي في المدرج

نزلتله .. المهم بعد ما اعد يزعق ويتهمني اني بضحك عليه (كدا بمنتهي البجاحة يعني)

مع توصياته اني اتكلم عن الرخاء والازدهار اللي منتظر مصر .. ومفيش مانع اني استشهد بجزء من مقالات الاستاذ سمير رجب

وانا كل ماجي اقاطعة مش مديني فرصة

بصراحة مقدرتش امسك نفسي .. قلتله من فضلك يا دكتور اديني فرصة اتكلم

رخاء ايه وازدهار ايه اللي اتكلم عنهم والبلد حالها نازل لتحت .. واخرها التعديلات الدستورية .. وكمان استشهد بسمير رجب اللي سارق البلد !!!!!!!!!!!!

رد بمنتهى البرود .. قصدك ان المسابقة شعارها غلط

المسابقة والدولة ( يلا ماهي خربت)

انتي بتكرهي مصر

انا مش بكره مصر .. بس اقول لحضرتك

انا امي بتعذبني وبتضربني وحارماني من الاكل والشرب والتعليم ..

بس بردو بحبها لانها امي

بس متجيش حضرتك تطلب مني اكتبلك موضوع عن حنان الام !!!!!!!!! انا محستوش يبقى هكتب عنه ازاي .. متهيالي انه نفاق

يعني هتجيبي البحث امتى

حاضر الاسبوع الجاي

:ninja:

[nash]

والله يابيرو قلبي معاكي بجد..وربنا يلهمك الصواب.

للأسف الفساد والمحسوبيه في الجامعه كانت موجوده من ايامنا...لكن علي استحياء..

وإذا كان هناك دكتور فاسد ففي المقابل عشرة صالحين....يبدوا أن الهرم مقلوب ولن يعود إلا بأمر من رب العالمين...

حبيبتي أنا من رأي أخونا الكريم داروين ...ولكن أضيف عليكي بإنجاز البحث بشكل جيد...حتي تتقي شر هذا الإنسان الذي أنعدم ومات عنده الضمير ...

وتأكدي أن دعوة المضطر ليس بينها وبين رب العالمين حجاب...

............................................................................................................

للأسف موضوعك هنا دليل قوي وواضح علي تردي الوضع في الجامعات المصريه...

ويجعلني أشعر بالإمتنان لقراري الذي أتخذته والحمدلله بالنسبه لإولادي ربي يحميكم جميعا...

إن شاءالله موفقه في كل خطوات حياتك....

ولا تفقدي الأمل برحمه رب العالمين وثقي في عدله...سبحانه وتعالي

[Abdulaziz Omar]

شاطرة ياست بيرو....والله انتي شكلك كده ح تقعدي في البيت و ح نلاقيكي منورة المحاورات كل دقيقة... :sad: :lol: :lol:

ماعلينا

لا و كمان موش عاجبك سمير رجب.... :ninja: mfb: :lol: ماله سمير....ماله سم سم...طيب ده الراجل بيقول حتي الاجنة في بطون امهاتها تقول نعم لمبارك.....فيه احلي من كده..ده انتوا تغيظوا :lol:

[Ghost]

حسبنا الله و نعم الوكيل