محاورات المصريين ((( بالبحرين ,,,,,,,,, Bahrain )))

[spddesh]

واحد السودان .... السودان يا هانم ..... السودان يا بيه

جرب ومش هاتندم

الجو .......... حاجه ترد الروح

قاعده على النيل ......... ما قولكيش

يا للا قبل ما نشطب

ما تجيبوا الجماعه بتوع البحرين ييجوا ينورونا ....... المكان هنا واسع وكبير

والزولات هنا عليهم طبيخ يلوح

ها ..؟؟؟ أوقف طياره ..... ولا نتمشى أحسن

[badroora]

جاري البحث عن المدعو حشيش

تم تعديل 30 أبريل 2007 بواسطة نجفة المغرورة

[badroora]

لو دارفور معنديش مانع

:closedeyes:

[أبو حميد]

الدعوة دى موجها لمغتربي الكويت

اللهم افصل النت عندهم

حتى يتشتت شملهم

وميقبلوش بعدهم

والسلام عليكم ورحمة الله وبركاته

ربنا يكرمك

بس حاولي بدعوة تانية لأن حتى لو النت فصل معانا موبايلات ولو الموبايلات شبكتها وقعت عندنا عناوين بعض أما بقى لو قفلوا الكويت خالص عندنا عناوين مصر.

أحنا بقى هندعيلك ربنا يكرمك وتلاقي محاورين مصريين بالبحرين ويكونوا كلهم بنفس أخلاق وجدعنة المحاورين المصريين بالكويت.

[badroora]

شايف الترابط اللهم لا حسد!!

عموما ربنا يحليكوا لبعض وميحرمكوش من بعض ابادا

انت عارف طبعا انى باهزر والبي ابيض :closedeyes: واتمنى ليكم كل خير.

مغتربي البحرين اجدع ناس بس هما اللى ظروفهم وشغلوهم واخد كل وقتهم اول مايفضوا ان شاء الله خنبقي اقوى جروب بس ادعى انهم يفضوا

تحياتى

نجفة

[رمضان]

بصي يا اخت نجفة احنا بعون الله كل يوم بنقوي الترابط بينا وعلى فكرة ده شيء جميل جدا

واتمنى ان كل المصريين في كل مكان يكون فيه بينهم ترابط وتبادل معلومات ولقاءات

ومرسي على دعوتك الاخيرة

[badroora]

نداء الى اصحاب القلوب الرحيمة

نظرا لعدم ظهور اى مغترب مصري فى البحرين :blink:

لقد بدائنا افتاح باب الهجرة الالكترونى يعنى اللى عاوز يتجنس فى باب مغتربي البحرين يا هلا بالجميع بصراحة صعبان على اوى الموضوع دا يندفن تحت الانقاد

عموما اللى يحب ينضم الينا اهلا وسهلا بالجميع

تحياتى

نجفة :sad:

[badroora]

الاماكن السياحية فى البحرين

المنامة

توصف بأنها لؤلؤة الخليج وهي عاصمة البحرين وكبرى مدنها، وتتصل من جهة الشمال الشرقي بجزيرة المحرق عبر جسر فوق مياه البحر، وتكثر فيها أشجار النخيل، وبها عيون مياه عذبة كثيرة وتنتشر فيها مزارع للحمضيات وأنواع أخرى من الفواكه

الرفاع الشرقي والغربي

مدينتان حديثتان إلى الجنوب من مدينة عيسى، فيهما عيون مياه عذبة وأشجار نخيل، والرفاع الغربي مقر الحكم وفيها تقام حلبات سباق الخيل والجمال.أما الرفاع الشرقي ففيها آثار قديمة، ومنها قلعة يعود تاريخ بنائها إلى القرن السابع عشر للميلاد.

[badroora]

مدينة الحد

الحد

مدينة بحرينية من الطرف الشرقي من جزيرة المحرّق بالبحرين، إلى الجنوب منها يقع الحوض الجاف، وبها قاعدة صيد مشهورة. دراز

مدينة بحرينية تشتهر بأنها سوق مهمة من أسواق اللؤلؤ.

الزلاق

تقع على خليج البحرين عند شاطئ الشيخ للجهة الغربية، إليها تنتهي الطريق الرئيسية المعبدة الآتية من العاصمة المنامة، فمدينة عيسى فالعوالي، وبالقرب منها مسطحات ملحية كثيرة، وفيها الكثير من واحات النخيل والزروع.

عسكر

مدينة صغيرة على ساحل البحرين الشرقي إلى الشمال من رأس حيان بها مرفأ صغير لصيد الأسماك.

عوالي

مدينة حديثة وسط البلاد، وإلى الجنوب منها بالقرب من جبل الدخان حيث حقول النفط التي تعد الثروة الأساسية في البلاد.

المحرق

مدينة في البحرين بجزيرة المحرق، وكانت عاصمة البحرين القديمة، وأشهر مرفأ تصدر منه اللآلئ والحلي.

مدينة عيسى

مدينة حديثة تقع إلى الجنوب الغربي من المنامة، وعلى الخط الآتي من المنامة إلى عوالي فالزلاق وبها عيون مياه عذبة وتنتشر حولها مزارع النخيل وبها عدد من المصانع المنتجة لمختلف السلع الاستهلاكية.

المالكية

مدينة صغيرة واقعة على خليج البحرين لجهة الغرب، وفيها ملاحات كثيرة وتزرع عندها أشجار النخيل. وبها مرفأ لصيد الأسماك.

المعامير

تقع على الخط الآتي من المنامة في الشمال إلى عسكر في الجنوب وبها مياه عذبة وبساتين نخيل، وهي منطقة صناعية شهيرة تستوعب مختلف الأيدي الفنية العاملة في البحرين.

البديع

مدينة صغيرة تقع عند الطرف الشمالي الغربي للبحرين على شاطئ أبو صبح، فيها واحات للنخيل، وزروع متنوعة، تنتهي إليها الطريق الرئيسية المعبدة الآتية من المنامة إلى الشرق.

[badroora]

صور من البحرين

دى تعتبر اجمل الاماكن فى البحرين او بمعنى اصح دى كل البحرين

احفظوا بقي الجمايل دى كانك زرت البحرين بالظبط

وادعولى

اتمنى لكم زيارة موفقة بين اهم معالم البحرين

تحياتى نجفة

[Abdulaziz Omar]

شكرا يانجفة

صور جميلة

بس انا دورت علي اشارتين المرور اللي انتي قلتي عليهم ومالقيتهمش

ياريت تشاوري عليهم او تعملي علامة

عمر

[badroora]

الاستاذ عمر

انا بدات بالهوامش

اول ماجى عند الشوارع هاجيبلك الايشارات المهمة (طبعا ام كاميرا(

وحضرتك فاهم اهمية معرفة امكان الاشارات المراقبة لاى مصري

طبعا مش هوضح عشان الاخوان ميقوموش علينا ويقلوا صورة البلد دى بينى وبينك

عموما متقلقش من موضوع الكاميرا

شكرا على المشاركة

نجفة

[MZohairy]

لو تدمجي البحرين بالخبر في السعوديه و تكبري القاعده شويه تلاقيني دخلت معاكي انا و واحد تاني (وهو من كبار المستثمرين في السعوديه و جنوب الهند) :blink:

[badroora]

لو تدمجي البحرين بالخبر في السعوديه و تكبري القاعده شويه تلاقيني دخلت معاكي انا و واحد تاني (وهو من كبار المستثمرين في السعوديه و جنوب الهند) :blink:

اوعدك فى القريب العاجل سوف ادمج الخبر والدمام

احنا نعتبر اقرب ليكم من السعودية نفسها

واهو بردوا الواحد يلاقيلوا اهل عالحدود

تحياتى نجفة

[واحد تاني]

لو تدمجي البحرين بالخبر في السعوديه و تكبري القاعده شويه تلاقيني دخلت معاكي انا و واحد تاني (وهو من كبار المستثمرين في السعوديه و جنوب الهند) :blink:

يا مونشير اعمالي تخطت جنوب الهند الى شمال الرياض واديني قاعد في الاوتيل مستني عمدتها يخلص شغل عشان اقابله...

قلت لي هشوفك امتى؟ :sad:

[zedan]

انا شايف إن محاورات المصريين في البحرين... اللي بيكتبوا فيها...مصريين الكويت..

يا جماعة سيبوا فرصة للناس تشم نفسها مش معقولة..

ربنا هيسهل ان شاءلله يا أخت نجفة وتلاقي حد معدي كدة..

تحياتي،،

[badroora]

عشان مغتربي الكويت قلبهم طيب ومش هاين عليهم سيبونى لوحدى

وانا عملت دعوة للجميع يا هلا بكل مغتربي الدول هجرة الكترونية مفتوحة وبدون شروط

تحياتى لكل زائر

قادم الى مغتربي البحرين

[Abdulaziz Omar]

لو تدمجي البحرين بالخبر في السعوديه و تكبري القاعده شويه تلاقيني دخلت معاكي انا و واحد تاني (وهو من كبار المستثمرين في السعوديه و جنوب الهند) :blink:

يانهار اسود !!!!!

مين اللي جاب سيرة القاعدة ؟!!!!!!!!!!!!!!!!!!!!!!!!!!!!!!!!!!!!!!!!!!!!

[رمضان]

خلاص يا أخت نجفة وتجاوبا معاكي انا عضو في التجمع بتاعك

[badroora]

شكرا لك اخى رمضان على حنيتك وانضمامك الينا

نورت المكان واهلا وسلا بيك فى بيتك الثانى