فضيـــحة بجلاجل؟؟؟

[Spider]

متعهد أوبرا عايدة نصب على وزارة الثقافة  

كتب ـ خالد إدريس: تكثف مباحث السياحة بالجيزة جهودها لضبط متعهد أوبرا عايدة الذى اختفى في ظروف غامضة، نصب المتعهد علي دار الأوبرا ووزارة الثقافة، والممثلين والمطربين الأجانب وعلي صاحب أجهزة الصوت والإضاءة والفراشة.

تلقت مباحث السياحة بالجيزة بلاغاً من المسئولين بدار الأوبرا باختفاء متعهد حفل أوبرا عايدة بعد بدء الحفلات، دون تسديد المستحقات المالية عليه. أكدت التحريات أن المتعهد يدعي أحمد ربيع صاحب شركة سياحة مجهولة اسمها »المظلات للسياحة« وأنه سدد 10% من قيمة التعاقد، ويتبقى عليه للدار 5.2 مليون جنيه.

وتبين أنه لم يدفع أجور الممثلين والمطربين الأجانب الذين شاركوا في العروض، وتبلغ نصف مليون دولار، كما أنه احتال علي صاحب الفراشة الذى تولى إعداد المسرح، وأصحاب أجهزة الصوت والإضاءة. أخطرت النيابة للتحقيق، وأصدر فاروق حسني وزير الثقافة قراراً بالتحفظ علي المسرح والأجهزة والمعدات لحين سداد المبالغ المستحقة.

الوفـــــــــــد

من المسئول؟

يا جماعة اللى عنده معلومه مفيده يقولها بسرعة لحسن عقلى شت

هل ممكن نعتبرها فضيحة عالمية على أعتبار أنها كانت مليئة بالأجانب الذين أتوا من كل أنحاء الدنيا لمشاهدتها

من العبقرى ده اللى نصب على الوزارة وعلى كل دول

والله المفروض نعملوا تمثال

وايه هى المظلات دى؟؟؟؟؟؟؟؟

عوضنا عليك يا رب

[dimage]

:D

موضوع كوميدي ، يعني ينفع موضوع فيلم لشعبان عبد الرحيم

عبقري ، أي والله نصاب عبقري ، دة موضوع بيذكرني بواحد باع الترماي ، وواحد ثاني سرق الونش ، وجماعة سرقت خمس ايداعات الشعب من البنوك ، وواحد ثاني دهن الهوا دوكوا وناس ثانية خرمت التعريفة

مش عارف البلد دي فيها شوية كفاءات مش موجودة في مكان تاني ، يعمل لو اتعلموا تعليم كويس وفية شوية امكانيات كان حالنا غير الحال .

[arabawy]

وناس لبست الشمس النضارة

[Spider]

محدش يعمل حاجة ذى كده الا أذا كان واثق من نفسه مليون المية

ياترى يا هل ترى ممكن يكون أحمد ربيع ده على علاقة بالقاعدة وبن لادن

وبعدين الراجل لم يطمع كثيرا

أيه يعنى 5مليون و1/2 مليون دولار للمطربين

والله قلبى بيقولى أنه طار فى الهوا شاشى وأحنا مندراشى

يا جدع

أشمعنا هو مش حيطير

بس الى فارسنى أنها حكاية عالمية

ممكن تكون حكاية معمولة عشان تورى العالم أن الشعب المصرى مش سهل

مش كده ولا ايه :D  :D  :D  :D  :D  :blush:

[achnaton]

بدل الحيرة دى كلها .. ما تسألوا  الوزير الفنان فاروق حزنى .. فطبعا هو الذى أستقبلة .. وناقشة ووضع أسس التعاقد معاه .. ؟؟

اخناتون :inlove:

[Ashraf]

يعني هى جت عليه ؟ ماغيره نصب على وزارة الثقافه في احتفال الالفيه هيه خربانه خربانه وحاميها حراميها  

لو حد قلبه على البلد مكنش دا حالنا سرقه وفساد على اعلى المستويات اذا كان الريس بيقول على الحراميه اللي سرقوا البنوك رجال اعمال؟وان كمان 10 سنوات مش هنلاقي ناكل والبهوات بيسقفوا في الاخر على الكلام وبيضحكوا وكل واحد فاشخ بقه شيء منطقي ما يحدث وسيحدث

و حسبي الله ونعم الوكيل  ???

[Sherief AbdelWahab]

حيرتنا معاها الحكومة..مرة تقول فقيرة و عندها نقص امكانيات..وفي نفس الوقت أصبحت "ملقف"لأي من كان من هواة-ماقلتش محترفي-النصب في المحروسة و غيرها..وسلملي على الخبرا!

خلص الكلام

[عادل أبوزيد]

وصلت هنا بالصدفة البحتة .. عن لي البحث عن كلمة "ترماي"  ووجدتها تكررت في محاورات المصريين ٤٥ مرة ، و هذا غريب فعلا لأن لها إستعمال مجازي.

ما سبق كان إستهلالا لابد منه

هذا الموضوع يرجع لسنة ٢٠٠٢ أي منذ ١٤ سنة ، ترى ماذا حدث في هذه المسألة ؟ فعلا عندي فضول شديد أعرف ماذا حدث ؟

[Grandma]

15 ساعات مضت, عادل أبوزيد said:

وصلت هنا بالصدفة البحتة .. عن لي البحث عن كلمة "ترماي"  ووجدتها تكررت في محاورات المصريين ٤٥ مرة ، و هذا غريب فعلا لأن لها إستعمال مجازي.

ما سبق كان إستهلالا لابد منه

هذا الموضوع يرجع لسنة ٢٠٠٢ أي منذ ١٤ سنة ، ترى ماذا حدث في هذه المسألة ؟ فعلا عندي فضول شديد أعرف ماذا حدث ؟

على رأي عادل امام 

و نعملها ايه علشان تبقى مش بجلاجل ؟

حضرتك عاوز تعرف القضية حصل فيها ايه بعد 14 سنة ؟ 

تلاقي المتعهد النصاب قاعد على الشط في جزر الكناري بيستمتع بملاينه 

واكيد دي مش اول ولا آخر عملية نصب له ولا لغيره

الاغلبية في مصر بتبيع الترام و احجار الاهرام 

 

 

[عادل أبوزيد]

فعلا الموضوع عمره 14 سنة و تساؤلي نوع من الفضول ، هل يمكن فعلا أن تمر معلومة مثل هذه ببساطة و دون توابع ؟

ما سبق كان إستهلالا لابد منه

بحثت عن أبرا عايدة سنة 2002  لم أجد ما يشير إلى أي فضيحة مالية متعلقة بها ! بل وجدت صورا عديدة منشورة عن العرض.

دققت في هذا الموضوع في محاورات المصريين - باب مختارات من الصحف - الذي وصلت إليه بالصدفة البحتة كما ذكرت  وجدته عبارة عن حبر يتيم في جريدة الوفد مؤداه.

أكيد لو أن هناك مصداقية كان الخبر تكرر إعلاميا.

في سياق حوارنا هذا سألت نفسي  ترى ماذا عن موضوع  إختفاء ونش مترو الأنفاق ؟    السيد جوجول أتحفني بصفحة خبرية عن عدة أحداث منها إختفاء ونش مترو الأنفاق و الذي حدث سنة 2007.

في تلك الصفحة يقولون أن أحد موظفي الأمن  في مشروع مترو الأنفاق إستأجر سيارة بمقطورة  و حمل عليها الونش و أشياء أخرى و قام ببيعه إلى تاجر في مسطرد ‘ هذا ما أذكره من هذه الصفحة الإخبارية.