مجالس الطيبين

[تيتو]

مجالس الطيبين

ده برنامج يقوم بتقديمه فضيلة الشيخ : على جمعه مفتى الديار المصرية يوم الجمعه بدلا من برنامج الشيخ الشعراوى اللى كان بيفسر فيه القرآن الكريم طبعا مع الفارق بين المفتى وما يقدمه والشعراوى وما كان يقدمه .

يظهر اللى بيحضر موضوعات البرنامج جهات الامن يعنى مثلا تلاقى الموضوعات اه كويسه بس مش هو ده وقتها إطلاقا يعنى مثلا كان فى حلقة موضوعها ( الآذان ) وفضل بقى عم المفتى يتكلم عن الآذان والمؤذنين وكيف ان الاذاعه المصريه احتفظت بأصوات المؤذنين واشهر المؤذنين وكيف وصل الينا الآذان .

حلقه اخرى كان موضوعها ( قتل وتعذيب الحيوانات ) يعنى بدل ما نتكلم فى قتل وتعذيب البشر نتكلم عن قتل وتعذيب الحيوانات وقعد المفتى يتكلم عن مايقوم به الناس من قتل الفئران واصطيادها بالمصيده وتعذيب القطط والكلاب طبعا دى موضوعات غايه فى الاهميه يعنى نسيب كل الناس اللى بتموت ونتكلم عن قتل الفئران .

عامل بالظبط زى واحد عنده عربية ومفيهاش بنزين وبدل مايجيبلها بنزين عشان تمشى لأ يشوف المرايات حلوة ولا مكسورة يشوف العربية نظيفه ولا لأ يشوف الفرش . طيب ده العربيه اصلا من غير بنزين طب هتمشى ازاى.

ده غير ان اسلوب عم المفتى بصراحه انا شايفه سيء للغايه مفيش فيه اى نوع من انواع التشويق وبطيء كمان .

[amabrook]

السلام عليكم ورحمة الله...

تم حذف المداخلة لتكرارها فى منتدى هدى الاسلام

وشكرا..

الادارة

فولانة