القدس

[bassem_2009]

القدس

تيجيني في احلامي

تبكي ...

دموع من حزن يغلبها

وبتنادينا ننجدها

ما تعرفش اننا أصلا

نسينا حكاوي بلوتها

وقلوبنا صارت بتتمنى

تنسى هيّ شكوتها

********

القدس

قضّينا العمر نتمنى

ينجدها ملاك من الجنة

ونقول يا رب خلــّصها

واهلك دولا بدوكهمّ

وفالحين بس نتــّاوب

ونقول ان احنا رجالة

رجالة .. بس بالشارب

********

بنخاف من الخوف

لاحسن يخوفنا

بخوفه ويضعفنا

فما يصدق وينسفنا

ونهرب ...

ونجري نتلـَفــِّتْ

وبعد الوحدة نتفتــِّت

وقلوبنا ف الزحمة تتشتــِّت

وجاية القدس بتنادي

بلا خيبة ...

مش هنسمع نداها

مهما تعلـــِّي في الصوت

هنتجاهل وننساها

ونقول خايفين من الموت

********

عجيبة يا قدس بتنادي

وتقولي فوقوا يا ولادي

ومستنية نسمعها

خلاص يا قدس ...

مش احنا اللي هنحرر ترابك

واستني من بعدنا

يجيلك زينة شبابك

إنما احنا خلاص

اطردينا من بابك

باسم زكريا

[Ahmad Farahat]

وصف دقيق لحالة كئيبة يعيشها العرب والمسلمون...........

سلمت يمينك يا حلبي..........

قصدي يا باسم.........

[bassem_2009]

ألف شكر يا معلم

ومستني النقد برضه

[shahd]

جميلة يا باسم سلمت اناملك